الموضوع: شهر العســـل في جزيرة السكر صور

السلام عليكم ورحمة الله وبركاته

بالبداية احب اشكر المشرف ابو عزيز على مساعدته بالمعلومات عن الجزيرة الرائعة موريشيوس والتي لم اتخيلها ابدا بهذا الجمال !
الصراحهـ الجزيرة ولا أروع ..
وأنصح الجميع بزيارتها..

اتركمـ مع التقرير المصور لهذه الرحلة ..

مدة الرحلة 10 أيامـ .. من تاريخ 8-8-2009 ... إلى 18-8-2009 .. والرحلة أكيد على طيران الإمارات..
والباكيج من الامارات للعطلات ..
فلة بيل مار 5 ايام غير مطلة على البحر + شوقر بيتش سوبيريور روم 5 ايام + المواصلات من والى المطار + مواصلات الانتقال بين الفندقين + الضرائب = 33 الف و600 درهم

ملاحظة :
التصوير تصوير زوجي وبعض الصور تصويري(اللي مصورة فيها زوجي لووول)
الملاحظة الثانية : انا اكتب الموضوع والتقرير في فندق الشوقر بيتش لوول..اليوم ان شاءالله راحيين الامارات تولهنا عليها ..تتحرك الطيارة الساعة 11 مساءا
ادعو لنا نوصل بالسلامة..




أول شي هذي صورة الطيارة من المطار .. أول ماوصلنا مطار موريشيوس .. طبعاً أو شي نال على أعجابنا هو الجو الرائع جداً .. فدرجة الحرارة كانت تقريباً 22 والجو فيه نفاف .. والغيم شكلة رووووعة بالنسبة لحر الإمارات ..ياسلام على الجو



هذي الصورة من طريقنا للفندق .. والي هو بيلي مار بلادج
أول ماوصلنا الفندق .. أستقبلنا طافم الفندق وقدموا لنا العصير .. ماعرف شو نكهته لكن كان حلو .. وهالعصيرشكله شعبي عندهمـ


وهذي صورة ثانية



ومن بعد العصير .. رحنا إلى الفلة الي حجزناها ... والي قلت لكمـ من قبل إنها 6 نجومـ والصراحه كانت شي خيالي وقمة فالروعة ... فهي عبارة عن فله بطابقين على شكل كوخ شاطئي .. وفيها مطبخ و3 حمامات وغرفتين نوم وصاله كبيرة بها شاشة 50 بوصة مع نظام مسرح وسستم صوت .. ومسبح خصوصي بوسط الفله إضافه إلى كوخ صغير على جانب المسبح للحصول على عشاء رومنسي فالليل



وهذي صور منوعة للفله ...



و



و



و



و



و



هذا هو الشور الخارجي ..



وهذي صورة الفلل من الخارج



وهذي صورة من الشاطئ .. لكن الجو كان ماطر فهالصورة ..



وهذي صورة للمطعمـ ..
انتهينا من الفندق ..



يتبع ....

مواضيع عشوائيه ممكن تكون تعجبك اخترناها لك:

• سفرة إلى المالديف مع الأطفال
• وش رايكم في الباكج ؟؟؟
• مساعده عرسي ومسافر المالديف بليز
• جزيره بالي
• محتار بين الشيرتون فول مون و الفورسيزون قودا هورا
• استفسار
• هل شهر 7 مناسب للسفر الي موريشيوس
• موريشيوس شهر نوفمبر
• الأخ جامعي ممكن سؤال
• إستفسارات لشهر عسل في موريشيوس
• استفسار عن جزيرة سيشل
• استفسار بسيط عن
• ممكن خدمهشهر العسل
• رحلتي الثانيه إلى جزر المالديف الرومانسيه تقرير مميز
• جزيرة الساحرة
• خطة المالديف
• عطونا معلومات عن جزء سيبو وبروقل وبورتو كاليرو
• استفسار عن الخطوط الجويه الى المالديف
• رحلة شهر العسل
• عاجل معقولة ؟؟ ريال هل من مساعدة ؟؟

:
::
:::
::::
::
:

الحين صور اليوم الثالث ..
في هذا اليومـ سرنا بلو سفاري .. والي هي رحلات غوص ..جربنا النوعين سبمارين وسبسكوتر النوع الاول غواصه جماعية .. تتسع لـ 10 أشخاص تقريباً .. وتغوص لعمق 35 متر .. والنوع الثاني غواصات فردية .. إنت تتحكمـ فيها وتغوص لمسافة 3 أمتار ..وماقدرنا نصور في النوع الثاني خفنا الكاميرا تخترب لان الماي يوصل للكتف..

















يتبع ....

:
::
:::
::::
::
:

:
::
:::
::::
::
:

الحين مع صور اليوم الرابع .. والي كان فيه جولة فالجبل على متن الـ " بانشي " .. ومن بعدها جولة ثانية على متن " الخيل " ...


















يتبع ...

اليومـ الخامس ..
والي كان فيه جولة بالهاليكوبتر .. لمده 45 دقيقة .. وهذي صور من الرحلة :











بعد ماخصلنا من الهاليكوبتر .. رحنا للمطعم الي على الشاطئ علشان نتغدا .. شفنا أنجليز مسوين حفلة زفاف .. وصورناهمـ هع .. معنهمـ شياااااااب كحه ويموتون هع .. بس يالله منه المال ومنها العيال ...







يتبع ....

:
::
:::
::::
::
:

ليومـ السابع رحنا في رحلة لمشاهدة الغروب .. الرحلة قصير وبسيطة .. ولكنها جميلة جداً ..











يتبع ....

:
::
:::
::::
::
:

مبروووووووووووك الزواج والله يوفقكم ويسعدكم ويرزقكم الذرية الصالحة ,,,,,

ما شاء الله تبارك الله تقرير رووووووعه ....

اهنيك على ابداااااعك في السرد والترتيب ,,,,,

ترجعون بالسلامة ,,,,

^_^

ما شاء الله تبارك الله
It's amazing
الصور أخدتني في عالم تاني ...واجبرتني على التعليق
إبداع في التصوير ما شاء الله وجهد جبار في إخراج التقرير بهذي السرعة .
الله يوفقكم ويسعدكم ويهنيكم ,,
أموله

ماشاء الله تبارك الله

الله يهنيكم ويوفقكم يارب

رحله رائعه بصراحه

اولا الف مبروك على الزواج
وثانيا الحمدالله على السلامه
وثالثا فعلا المكان اكثر من روعه وحلو و راحه واستجمام
رابعا التصوير جميل جدا وموفقين في اختيار الاماكن
خامسا تنسيق الصور وترتيبها تحسس الواحد انه عايش الجو والرحله
سادسا هل تتناسب هاي الرحله مع العيال يعني بيستانسون فيها .

تقرير رائع وممتع بالتوفيقاين تقع الجزيره؟؟؟؟؟؟؟؟؟؟ هل في افريقياوهل هي امان او لا؟؟؟

الجزيره قريبه من جزر المالديف او هي احدى جزرها

وممكن العمله المتداوله عندهم
وكم يكفي مبلغ مدة اسبوعين لشخصين

الله يهنيكم انتي وزوجج وان شاء الله كل حياتكم شهر عسل ...


ابي ارووووح

الله يهنيك يااختي
والف مبروك
بس بكم الباكج اخدتوه؟؟

يعطيك العافية اختي ..
بس ابغا اسألك سؤالين ,,

من وين اخذتوا الهليكوبتر ؟؟ وبكم كانت ؟؟ هل هي من شركة السياحة ؟!؟

وودي اسالك عن الابعاب اللي بالبحر ؟؟ هل هي بلاش لان قريت في فنادق ببلاش وفي فنادق بعضها بلاش ؟؟ وهل يستحق الواحد ياخل هاف بورد لان اغلب وقتنا بنكون برة .. وراح نتقيد بمواعيد اكلهم ..!!!

ووووووووووووووين العروس اختفت

الف الف مبروك والله يسعدكم في حياتكم الزوجيه
والله يرزقكم الذريه الصاله
ويرزقكم توامين وطلعوين حلوين شرات التقرير والصور الحلوه
بس وين غبتي

التقرير كان رائع جدا
وبالتوفيق ان اناشاء الله
ولك مني الف الف تحيه

وين موجوده هالجزيره بأي دوله

السلام عليكم و رحمة الله وبركاته

حمدا لله على سلامتك

لي شهر عن البوابة ومازلت خارج نطاق الخدمة لكن شفت تقريرك

ما شاء الله عليكم تنظيم وتخطيط ممتاز

التصوير والسرد و التنسيق والإخراج اكثر من رائع

ان شاء الله تعودنها مرات ومرات

الله يذكركم بالخير _والله يجعل ايامكم عسل بعسل ياااااااارب_انا وزوجي كنا معكم بالمحمية ورحلة الدبابات الاكثر من رائعة_تذكرتيني؟؟؟؟واخرتها اليوم كنت اوريي بنت اختي صورنا وكنتو طالعين بالصور واقول يحليلهم هذولا معاريس من الامارات _بس بجد موريشس راااااااااااائعة_ ومبدعين بتصوريكم ماشالله ومحترفين بالتصوير الله لايضركم ويهنيكم يارب_

رحلة حلووو و موفقة للجزيرة السكرو الابتسامة و تقرير اكثرمن رائع بس ممكن سؤل
ليش ما اخفيتي او الغيتي صور زوجك للخصوصية !!!!

ماشاء الله عليكم

اتمنى لكم حياه سعيده

ماشالله ألف مبروك الزواج وجعل ايامكم كلهااااا عسل ...

تقرير رائع عزيزتي ..

عندي سؤال هل تصلح الرحله للي عنده عيال ؟؟
هل الفيلا تكفي لسبعه اشخاص بحكم انها غرفتين ؟؟

الف الف مبروك

الصراحه الصور روعه ومالها حل و الجزيره حلوه ايضا

الله يهنيكم و خلي ايامكم كلها عسل

يعطيك العافية

تقرير مميز جدا مختصر ومفيد والصور متقنه

بانتظار تقاريرك المستقبلية ان شاء الله

الف مبروك يعطيك الف عافية

صراحة الجزيرة تخبل

تحياتي

الف الف الف مبروك اختي ,, و توصلون بالسلامه انشالله ,, اخوي بيتزوج قريب وشكله بانصحه بموريشوس :smile: الصراحه وايد تقريرج حلووو و كفيتي و وفيتي



الله يسلمج فديتج وانصحي اخوج بموريشيوس ودليه على موقع المسافرون العرب بوابة الجزر عشان ياخذ معلومات كافية عن الجزيرة وابو عزيز مابقصر وماقصر مع اي حد يسأل عن الجزيرة جزاه الله خير ..





مبروووووووووووك الزواج والله يوفقكم ويسعدكم ويرزقكم الذرية الصالحة ,,,,,

ما شاء الله تبارك الله تقرير رووووووعه ....

اهنيك على ابداااااعك في السرد والترتيب ,,,,,

ترجعون بالسلامة ,,,,

^_^



هلا بو خالد..الحمدالله رجعنا بالسلامة واسفة لتأخر تعقيبي للردود .. دخل شهر رمضان وانشغلت اشوي
شكرا لمرورك وان شالله تسافر موريشيوس حلوة وتدخل القلب ^^





شي روووعة ...
تتهنو ان شاء الله



مشكور اخي على المرور والرد وان شالله تسافر للجزيرة

ما شاء الله تبارك الله
it's amazing
الصور أخدتني في عالم تاني ...واجبرتني على التعليق
إبداع في التصوير ما شاء الله وجهد جبار في إخراج التقرير بهذي السرعة .
الله يوفقكم ويسعدكم ويهنيكم ,,
أموله








ماشاء الله تبارك الله

الله يهنيكم ويوفقكم يارب

رحله رائعه بصراحه





الحمدالله وفقنا باختيار موريشيوس رحلة لشهر العسل والله يوفقك اخي وشاكرة مرورك للموضوع..
هلا الغالية.. زوجي يحب التصوير ويحب يتفنن.. يعني العنكبوت يوم صوره صدق ضحكت خخ.. تركت الدنيا الخضرا والغيم وعجبك العنكبوت لوول
مشكورة على كلامج الجميل والله يسعدج وويوفقج يارب





اولا الف مبروك على الزواج
وثانيا الحمدالله على السلامه
وثالثا فعلا المكان اكثر من روعه وحلو و راحه واستجمام
رابعا التصوير جميل جدا وموفقين في اختيار الاماكن
خامسا تنسيق الصور وترتيبها تحسس الواحد انه عايش الجو والرحله
سادسا هل تتناسب هاي الرحله مع العيال يعني بيستانسون فيها .



الله يبارك فيك ويسلمك
الجزيرة مناسبة برايي للاطفال واسال المشرف ابو عزيز فالجدزيرة مقر اجازته السنوية مع عائلته فاكيد هو اخبر مني للاجابة لسؤالك





تقرير رائع وممتع بالتوفيقاين تقع الجزيره؟؟؟؟؟؟؟؟؟؟ هل في افريقياوهل هي امان او لا؟؟؟



نعم فيها امان والجزيرة قريبة من مدغشقر القريبة من افريقيا





الجزيره قريبه من جزر المالديف او هي احدى جزرها

وممكن العمله المتداوله عندهم
وكم يكفي مبلغ مدة اسبوعين لشخصين



لا ليست قريبة من المالديف لكن قريبة من جزيرة سيشل
عملتها الروبية الموريشيسية 100 ريال سعودي =800 روبية موريشيسية
مدة اسبوعين حسب الاقامة في فندق كم نجمة ؟
اهني الفرق .. بتشوفين تفاصيل الفنادق في تقرير ابو عزيز المثبت عن الجزيرة

الحمد لله على سلامتكم

والف مبروك الزواج





الله يسلمك والله يبارك فيك
شكرا..





الله يهنيكم انتي وزوجج وان شاء الله كل حياتكم شهر عسل ...


ابي ارووووح



ان شاااااااااءالله ترووووووووحيييييييييين...
نفس شعوري اتجاه امي وابوي اتمنى يروحون الجزيرة ويشوفون الطبيعة بس صعبة





مرحبا
بسم الله ما شاء الله
الف مبروك الزواج
وان شاء الله تكونو وصلتو بالسلامة
وفعلا وجهه رائعة جدا تجبرك على استعادة
ايام شهر العسل
حتى لو بعد مضي وقت طويل علية:109:
الله يهنيكم يارب
وتصويرك بجد بجد خرافي
ما شاء الله
سؤال لو سمحتي ممكن تعطيني ميزانية تقريبية
لمدة 7 ايام للرحلات والاكل بس
كم ممكن يكفي من مبلغ:11ight_li
وشاكرة لك جدا مشاركتنا معاك هذا التقرير العسل



هلا الغالية .. مشكورة على الاطراء..بعض الصور تصويري وبعضها تصوير زوجي فمادري اي الصور اللي عجبتج لوووول
ميزانية 7 ايام رحلات اتوقع من 5000 ل7000 درهم بهالحدود ونحن 10 ايام خذت منا 10 الاف عشان الهيلوكبتر






الله يهنيك يااختي
والف مبروك
بس بكم الباكج اخدتوه؟؟



خذيناه ب32 الف درهم
مشكورة على المرور الطيب

يعطيك العافية اختي ..
بس ابغا اسألك سؤالين ,,

من وين اخذتوا الهليكوبتر ؟؟ وبكم كانت ؟؟ هل هي من شركة السياحة ؟!؟

وودي اسالك عن الابعاب اللي بالبحر ؟؟ هل هي بلاش لان قريت في فنادق ببلاش وفي فنادق بعضها بلاش ؟؟ وهل يستحق الواحد ياخل هاف بورد لان اغلب وقتنا بنكون برة .. وراح نتقيد بمواعيد اكلهم ..!!!






خذينا الهيلوكبتر من شركة سياحية اسمها white Sand
ممم ماعندي فكرة الالعاب اللي يوفرها الفندق ... لكن نحن سرنا في رحلة بحرية من شركة سياحية وشفنا الباراشوت وركبه زوجي ودفعنا لهم زيادة من غير قيمة الرحلة البحرية وكانت بقيمة على ماذكر 1200 روبية موريشيسية اي مايعادل 150 درهم تقريبا ..





ووووووووووووووين العروس اختفت

الف الف مبروك والله يسعدكم في حياتكم الزوجيه
والله يرزقكم الذريه الصاله
ويرزقكم توامين وطلعوين حلوين شرات التقرير والصور الحلوه
بس وين غبتي



لووووووول موجودة ومشكور عالدعوة الحلوة ... ومسرورة لان التقرير عجبك
ومشكور عالدعوة الحلوة ياليت والله توأم كشخة خخخخخ





التقرير كان رائع جدا
وبالتوفيق ان اناشاء الله
ولك مني الف الف تحيه





شكرا لك اخي الكريم وسعيدة بمرورك لموضوعي المتواضع






الف مبروك على الزواج....الله يسعدكم يت رب...
فعلا تقريرك مميز..وجميل..و منمق...و فعلا استمتعت به..
الله يوفقك



الله يبارك فيك يارب والتقرير من اعداد زوجي وانا غيرت اشياء طفيفة لووول
الله يوفقك ومشكور عالرد






وين موجوده هالجزيره بأي دوله



هي دولة مستقلة اسمها موريشيوس

المشاركة الأصلية كتبت بواسطة aboaziz
http://www.arabtravelersforum.com/tr...5/#post3308965

السلام عليكم و رحمة الله وبركاته

حمدا لله على سلامتك

لي شهر عن البوابة ومازلت خارج نطاق الخدمة لكن شفت تقريرك

ما شاء الله عليكم تنظيم وتخطيط ممتاز

التصوير والسرد و التنسيق والإخراج اكثر من رائع

ان شاء الله تعودنها مرات ومرات



نورت الموضوع اخي ابو عزيز ^^
اشكرك على شرحك الوافي الكافي عن الجزيرة في موضوعك المثبت وانصح الجميع بزيارته مع تصفح باقي صفحات الموضوع لان هناك استفسارات واجوبة مهمة عن الجزيرة خصوصا عن الفنادق.. والميزانية

مرة اخرى اشكرك على زيارة موضوعي المتواضع واقبلها هدية مني للمنتدى (صح ان زوجي اللي تعب بالتقرير خخ ) بس اذا ماكنا شفنا شرحك ماكنا عشنا تلك الاجواء الروعة
الشكر والفضل لله ثم لك اخي الكريم ..

المشاركة الأصلية كتبت بواسطة h.a.sh
http://www.arabtravelersforum.com/tr...9/#post3309199

الله يذكركم بالخير _والله يجعل ايامكم عسل بعسل ياااااااارب_انا وزوجي كنا معكم بالمحمية ورحلة الدبابات الاكثر من رائعة_تذكرتيني؟؟؟؟واخرتها اليوم كنت اوريي بنت اختي صورنا وكنتو طالعين بالصور واقول يحليلهم هذولا معاريس من الامارات _بس بجد موريشس راااااااااااائعة_ ومبدعين بتصوريكم ماشالله ومحترفين بالتصوير الله لايضركم ويهنيكم يارب_



ههههههههههههه
انتو اللي كنتو ورانا في الدبابات مرة بالضبط؟ نحن نسميها بانشي ..
والله تصدقين ان هذاك اليوم روووعة من خاطر.. هههههههه سامحونا اذا رشينا عليكم ماي هذا ريلي له حركات صبيانية وصخ عباتي كلها طين من تحت ..بس اخر مرة اصور فيديو وانا عالبانشي توبه ..اما ان الكاميرا اطيح او انا اطير عن البانشي .. يوم شفتج منقبة تندمت قلت لزوجي ياليتني تنقبت مثلها .. لانه قال لي لا تتنقبي يخاف من نظرة الاجانب
لكن الاجانب شفتهم عادي وكل واحد مع نفسه اصلا ..ان شاءالله في زيارتي الثانية بتنقب ^^
الله يوفقج اختي وفعلا فرحت بردج.. وعقبال نتلاقا بزيارتنا الثانية ^^ ان شاءءالله

رحلة حلووو و موفقة للجزيرة السكرو الابتسامة و تقرير اكثرمن رائع بس ممكن سؤل
ليش ما اخفيتي او الغيتي صور زوجك للخصوصية !!!!



والله اسال ريلي خخخ هو ناشر تقريره في المنتديات الاماراتية مع صوره وهو معروف باسم عضوية معين ..ولاحظ حتى اسمه الشخصي موجود عالصور تحت بالاطار خخخ.. وانا لاني خذيت كل المعلومات عن الجزيرة من موقع المسافرون العرب فمن باب الاولى ان يكون التقرير في صفحات الموقع ..

حبيت اكون مع الناس اللي شاهدت موضوعك اختي الكريمه مع تمنياتي لكي بحياه كلها عسل في عسل ان شاء الله

يعطيكي الـــــــــــــــ 1000 عافيه على هالتقرير


جونـــــــــــــان ماشاء الله مورشيوس ولا في الاحلام

انا عندي سؤال

الفندق وين مكانه هل هو في العاصمة او في مدينة اخرى ؟
واذا كان خارج العاصمة كم يبعد عن العاصمة؟

والف مبروك ياعروسة وعقبالي

الصراحه التقرير جدا رائع

والصراحه اعجبني السهوله في الطرح وعدم التطويل الممل

ماشاء الله تبارك الله من اجمل التقارير عن موريشوس يعطيك العافية والله يديم عليكم المودة بالنسبة للفندق يا ليت تعطينا موقع الفندق الالكتروني