الموضوع: طلب مساعدة مهمه جداً تكفون

السلام عليكم ورحمة الله وبركاته

في البداية احب اشكر كل الأعضاء لانهم بصراحة مجتهدين في توضيح اشياء كثيرة جداً عن الولايات المتحدة الاميركية و الدراسة فيها من بداية التقديم على السفارة الامريكية في الرياض وحتى ادق التفاصيل ..

موضوعي مستعجل ولا يحتمل التأخير ...

أخذت إجازة من عملي لمدة 6 شهور للدراسة في الخارج (دراسة اللغة الانجليزية ) من بداية شهر 4 القادم

وكنت افكر وين اروح كندا او استراليا او نيوزلاندا او بريطانيا ...

وكانت امريكا خيار غير قائم بالنسبة لي ... لكثير مما نسمع عنها وصعوبة السفر اليها

الا انه بالصدفة ارشدني احد الزملاء على هذا الموقع وقال ادخله وبتقتنع وبتغير رايك


والان يا امريكا يا لا ... :106:

المهم قدمت على السفارة واعطوني موعد يوم 6/1/2009م، ولاكمال المستندات انا وقف هنا ...

لاني لا اعلم اين اذهب الى ولاية ولا اي معهد ولا ادري عن اي شي

فزبدة الموضوع ابغى مساعدة وين اروح اي ولاية واي معهد لاني لازم اقدم على المعهد من الان علشان تكون اوراقي جاهزة بعد العيد .. وصدقوني ما فيه احد يفيدني ابد ابد

وماودي اروح للمكاتب احس انهم ما يشفون الغليل ...

فودي تكفون تحددون لي:
1- اسم الولاية.
2- المعهد (إن أمكن)
3- مميزات الولاية/عيوبها
4- مميزات المعهد (إن أمكن)
5- معلومات أخرى مفيدة ..
6- مكاتب تفيدني في الرياض ..

ابيكم الله يجزاكم خير توجهوني لاني لا اعلم شيء ابد ابد


وبالنسبة للامكانيات المادية ماعندي مشاكل ولله الحمد :24:

مواضيع عشوائيه ممكن تكون تعجبك اخترناها لك:

• قنصلية الامريكية بالظهران مقابلة جولاي ادخل
• اوهايو
• استفسار يامهنااااااااااااااا
• أفضل الأماكن بنيويورك
• مامعنى النجوم التي تظهر تحت الصورة في الفيزا؟؟؟
• انا في اورلاندو حاليا أني كويستشن؟؟
• لاس فيغاس ميامي ارجوا مساعدتي بالجدول
• هل تعلم عن التوفل شيء ؟ أذا لأ أدخل
• عندي فيزا قبل سنه ونص ولا عمري طلعت امريكا هل تحتاج تجديد ؟
• بنسلفانيا اوو اوهايو ممكن المقارنه ؟
• افزعوا لأبو هيا شيكاغو وسانفرانسسكوا في يوم؟
• تفاصيل المقابله اليوم
• مساعدة من خبراء السياحة في امريكا
• معقولة فيزة البزنس تأخذ اكثر من شهر ؟
• هل يوجد مطار في ارفاين كالفورنيا ؟؟
• اخواني ابي خدمه بسيطه
• قدمت على الفيزا ، اعتقد سوف يرفضون طلبي
• عيد سعيد وغير متواجد لمدة اسبوع
• ضيف جديج و ارجو المساعدة
• السلام عليكم ارجو الرد ممن سبق له الذهاب الى مستشفى بوسطن للاهمية

يسعدني اكون اول وحدة ترد علييك واناا انصحك تروح ميامي دايم يمدحونهاا واعرف كثير ناس هناك والمعهد تابع للجامعه تبع ميامي وادخل الموقع وان شاء الله بتستفيد

اخوي صدقني بتتعب كثييييييييييير بالنسبه للولايه الي تبيهاا


الخلاصه امريكاا كل ولايه تقول الزين عندي

انت وش تحب وش تميز يعني تحب الطبيعه والجو افظلك سياتل

تحب سعه الصدر ووو

كالفورنياا وفلوريدا


فكر زين

بالتوفيق

يعطيكم العافية

ووين الباقين

ابي احد يشور علي انا طالع من الحر هنا في الرياض وابي تغيير في الجو والطبيعة ولا ابي عرب اخاف اخش معهم ولا استفيد لغة ... (خبركم انا راعي سواليف واجتماعي درجة أولى )

يعطيكم العافية

وبالنسبة للي ابيه

ماتفرق معي

لكن ان كان الجو حلو والطبيعه خلابة وش اللي يمنع


حر على كيف كيفكم في الرياض لو نروح لابها ننبسط

فعلى درجة حرارة 25 بلبس فروة


يفضل قلة العرب في الولاية الموصى بها لاني راعي هذر واحب الاجتماعات والسواليف ... علشان كذا ابي اماشي جون وطوني ...


ووين باقي الاعضاء خبرتكم سطروها هنا تكفون ..

بالنسبة للولايه : كاليفورينا .. انت جاي دارسه لغه .. يعني لازم تطلع وتجي وتحتك مع العالم .. وافضل شي انك تسكن في مدينة فيها احتكاك مع العالم.. يعني لا تفكر تروح قرية او ولايه فقيره .. ركز على الولايات القوية نيويورك - فلوريدا - كاليفورينا - ميسيتتوس.

المدينة لو بيكون معك سياره انصحك بلوس انجلوس او سان ديقو. لو ما تحب الزحمه و المشاوير ابعد عن لوس انجلوس وخلك في سان ديقو و يمديك تروح لوس انجلوس في الويك اند و الاجازات.

لو قلنا سان ديقو في جامعتين فيهم معاهد ممتازه من خلال تجربتي لواحد منهم اشوف انه ممتاز و الثاني لان الشباب يمدحونه. ميزه معاهد الجامعه تكون اكبر من المعاهد العادية. و حتى لو في عدد كبير من الطلاب العرب عدد طلاب المعاهد التابعه للجامعه يكون كبير وفيه جنسيات كثيره وفي الصفوف ما يكون معك عرب كثير ..

المعيشه في سان ديقو حلوه .. لو ما معك سياره تقدر تستخدم المواصلات العامه ولكنها متعبه شوي و تاخذ من وقتك كثير.. افضل انك تستاجر سياره بالشهر. السكن معقول نسبيا العوايل يمكن تكون ب 700 اكثر او اقل .. شامله فطور و عشا.

الجو حلو في سان ديقو بالصيف يكون حار شوي .. و بالشتاء معقول ولا فيها ثلوج ..

من عيوب سان ديقو كثره اللاتينوو .. ولكن اهون من ميامي لان في ميامي اللغه المنتشره الاسبانيه اكثر من الانجليزي..

اسم المعهد الي درست فيه:
American Language Institute.
http://www.americanlanguage.org/

او شوف معهد في منطقة لوس انجلوس مثل سانتا مونيكا و باسدينا .. من الجامعات الي في لوس انجلوس :
The University of Southern California
http://www.usc.edu/

لو تحب تتنقل في اكثر من مدينه و يكون كل شهر تقريبا في مدينة انصحك بالمعاهد الي يكون فيها اكثر من مركز مثل ELS

الله يعطيك العافية اخوي fms

انا درست بساوث كارولينا
"كولومبيا" ماعرف يمكن المدينه مو مره بس انا حبيتها وكل شي قريب منها والتدرييس والله ماشاء الله قوي

يعطيك العافية لولايت

فيه واحد من الشباب ماقصر سال الى ان حصل واحد سبق ان درس في سياتل

في معهد تابع للجامعة اسمة يونفيرستي اف واشنطن U.w

يمدحه مره مره

وش الراي ؟!

ياجماعة انا ودي اروح امريكا في العطلة

ْْْْXXXXXXXXX

يمنع من الادارة وضع او السؤال عن مكاتب سياحية .. بسبب الدعاية لها ..

مع تحيات مراقب المنتدى ومشرف البوابة الامريكية

Impact



ودي تنسيق مع المعهد والسكن مع عائلة وغيرها وللعلم انا من الاحساء
بس المسكلة ما اعرف معاهد الا اللي تروح كندا وابريطانيا وفنزويلا بس ودي اروح امريكا