الموضوع: سؤال بسيط عن ولايه شيكاجو

السلام عليكم ورحمه الله وبركاته

اخواني الاحباء عندي بس جم سؤال بسيطين جدا جدا جدا

- كيف احوال الجو ب ولايه شيكاجو بالصيف ؟
- كم تبعد شيكاجو عن مينيسوتا بالسياره ؟ والطياره ؟

والف الف شكر لكم (f)

مواضيع عشوائيه ممكن تكون تعجبك اخترناها لك:

• مشورتكم يا الربع
• اخواني ابي خدمه بسيطه
• وصول واشنطن اليوم الاغراض الاميقريشن
• ارجو الافادة ضرورى جداااااااااا
• هل القرين كارد يقدرون يدخلون فيه اوربا من غير فيزا
• الى الاخ امباكت و الاعضاء بخصوص اون لاين تكت و الجواز
• خبرا فلوريدا جان زين تساعدوني
• شهر عسل والبلشة الي تحتاج حل
• نيويورك أول زيارة لي، انصحوني
• اوريغون
• ابي طيران يودي اورلاندو بس يطير من لندن؟؟
• من مطار الكويت
• محتاج مساعدة في ترتيب الرحلة بليز
• تجربتي انا وزوجتي في السفارة الامريكية في الكويت
• السفر الى بوسطن
• اخواني واخواتي سكان هيوستن للاهميه
• لم يختم القنصل الحواز؟ارجو المساعده
• الفيزا السياحيه
• إستفسار الأمـاكن السياحية وأفضل مكان للـسـكـن في مـيـامـي
• فزعتك اخوي ولا تردوني بحاجه لكم والله

وايضا حبيت اعرف بعد شنو الاماكن الحلوه الي ينصح بزيارتها في شيكاجو
يعني مولات وجذي ؟

ويعطيكم الف عافيه

شدعووووه محد عنده جواااب

يعطيج الف الف الف عافيه
بس ياريت الي عنده خبره ماهي المسافه التي تبعد عن مينيسوتا وجيكاقو
بالطياره والسياره

ويزاااااج الله الف خير

المشاركة الأصلية كتبت بواسطة USA Lover
http://www.arabtravelersforum.com/tr...8/#post2515048

يعطيج الف الف الف عافيه
بس ياريت الي عنده خبره ماهي المسافه التي تبعد عن مينيسوتا وجيكاقو
بالطياره والسياره

ويزاااااج الله الف خير



اخوي بالنسبة ليمينسوتا ولايه ياليت لو تحدد اسم المدينه الي تبي المسافه منها..

لو اخترت اشهر مدينه فيها مينابلوس المسافه تقريبا 6 ساعه ونص .. و يعتمد على الزحمه .. خصوصا شيكاجو فيها زحمه غير طبيعيه ..

بالصيف الجو فيها احلى ما يكون .. بس ابعد عنها بالشتاء لانها هوا .. وما قصرت امونه كتبت عن اهم شارع الي هو متشيقين ..

المدينه من احلى المدن الامريكية وتستاهل الزيارة ..

وااااااااو يعطيك الف الف عافيه اخوي
ترى بالشتى حتى مينيسوتا هوا باااااااارد ساعات باب العماره مانقدر ندفعه
لانه لازم تدفع علشان يندفع ف مانقدر نفتحه من قوه الهوا البارد
يعطيك الف عافيه وعسى الله يسهل علينا يارب

حبيت أوضح لك أخوي شيكاغو مب ولاية ، هي مدينة

كبيرة ومشهورة تقع في ولاية Illinois .

جوها بالصيف ولا أروع وبالشتاء بااااااااارد وثلوج !

أنا زرتها لما كان عمري 10 بس أتذكر إنها كانت روعة

وتتميز بالأبراج العالية مثل برج سيرز .

سفرة موفقة.

ياهلا اختي ...

اي اي والله عارف ان جيكاقو مدينه بس تصدقين ماعرف تنتمي لأي ولايه :biggrin:
وصح كلامج انا قريت تعتبر ثاني افضل مدينه بعد نيويورك.. ولا جان ماشفتي اوبرا وينفري عايشه فيها
مشكوره اختي وماقصرتي

خخخخخ
ثاني مدينه بعد نيويورك ماتوقع
افضل من نيويورك هي بالنسبه لي
انا غير الناس ماحب نيويو رك

في الصيف الجو حار ورطب , يعني معدل الحرارة العظمى بحدود 32 , واحيانا تصل 38 , في الليل يكون الجو لطيف , واحيانا تتشكل اعاصير قمعية وعواصف رعدية عنيفة في الصيف
بالنسبة لمينيسوتا, تبعد مدينة مينيابلس تقريبا 6 ساعات بالسيارة

اختي امونه... لولا اختلاف الاذواق لبارت السلع
اخ ايقل ون شكرا على المعلومات

شيكاغو تتبع لولاية إيلينوي .. إذا رحت هناك إن شاء الله بتشوف لوحات السيارات عليها صورة لينكون أشهر رئيس بتاريخ أمريكا وتلقى مكتوب على اللوحة llinois - Land of Lincoln وبكذا ماراح تنسى الولاية أبد .

المدينة تحس فيها هيبة أكثر من جمال .. تحس بتاريخ كبير فيها بخلاف المدن الأمريكية الثانية , وطبعاً أحلى وقت تزورها هو وقت الصيف لأنها باقي السنة باردة جداً ..

بالنسبة لي أحب قسوتها وبردها القارس .. رغم إنه يعيبها إنها مدينة ميتة في الليل وأنا ما أحب المدن اللي تنام بدري .

مثل ماقالو لك الشباب مافيه شارع أشهر من Michigan Avenue وكذلك Millennium Park وعمارة الـ Sears Tower و عمارة John Hancook وهي من أطول ناطحات السحاب في أمريكا .

لا تنسى تزور الـ Navy Pier وهي منطقة ألعاب على البحيرة رائعة في الصيف .

طبعاً حاول إنك تسكن في منطقة الـ Loop لأنها مركز المدينة وكل الأماكن اللي فوق موجودة فيها . بالليل تكون أغلب المحلات مقفلة وتصير المنطقة ميتة . لذلك أفضل مكان تروح له بالليل هو شارع North Clark Street .. فيه المطاعم اللي تفتح إلى منتصف الليل و سهرة الويك إند هناك حلوة .

إذا كنت هناك ليلة سبت أبيك تتعشى في Arkadash Cafe وأحلى وقت هناك بعد الساعة 12 الليل .






افضل من نيويورك هي بالنسبه لي
انا غير الناس ماحب نيويو رك



غريبة يا أمونة

مافيه مدينة في الدنيا كلها تقارن بنييورك .. نييورك المدينة اللتي لا تنام . بس فعلاً لولا إختلاف الأذواق لبارت السلع ههههه

حبايبي بلييييييييييييز ردو علي شيكاغو كم تبعد عن نييويورك واش اقرب
نيويورك----- شيكاغو
كاليفورنيا شيكاغو
بصراحة ماكانت في مخطط الرحلة بس في واحد يقربلنا ونبغى نزورة الي يعرف لايبخل علي

المشاركة الأصلية كتبت بواسطة روحي زوجي
http://www.arabtravelersforum.com/tr...5/#post2571585

حبايبي بلييييييييييييز ردو علي شيكاغو كم تبعد عن نييويورك واش اقرب
نيويورك----- شيكاغو
كاليفورنيا شيكاغو
بصراحة ماكانت في مخطط الرحلة بس في واحد يقربلنا ونبغى نزورة الي يعرف لايبخل علي



نيو يورك ... شيكاقو حوالي 1300كلم يعني حوالي 13 ساعة بالسيارة من دون توقف


بالنسبة لكاليفورنيا في اي مدينة ؟

انا بعطيكي المتوسط وهي مدينة لوس انجلس .. شيكاقو حوالي 3300 كلم يعني اكثر من يوم بالسيارة

يعني انه من نيويورك اقرب بكثيييييير


بالتوفيق

طيب اقدر اروح بالطائرة يعني في طيران من نيويورك لشيكاغو