شآركوني سكن الجامعة لو مع عآئلة

**ahmed3** · 02-03-2015, 12:23 AM

سلام ورحمة الله

أنا قدمت اوراقي لمكتب يجيبلي قبول لأن الوقت ضيق بالنسبة لي والضمان المالي حقي الي عطتني اياه الوزارة تاريخه قريب ينتهي.. فقلت المكتب اريح

الزبدة.. انا محتارة.. اسكن في الجامعة لو اسكن مع عائلة :114:

اللي عنده فكرة وخبرة يشور علي .. اخاف اسكن بالجامعة ويصير ازعاج وقوانين صارمة.. ودورة المياه مشتركة.. ويكون نظام الغرف مشترك بعد
لو في أحد جرب الإثنين ياريت ياريت يقولي رايه ومافي مانع اسمع اراء الجميع..

المكتب سألوني اليوم وقلت لهم عطوني وقت بفكر :d

للعلم.. انا طلبت من المعهد يشوفلي قبول جامعي في لندن.. يعني ان شاء الله قبولي يجي فيها

مواضيع عشوائيه ممكن تكون تعجبك اخترناها لك:

**ahmedali** · 02-03-2015, 12:23 AM

وعليكم السلاااام ميمي

اول شي ميمي بالعكس اللي يروح لمكتب عشان يجيب له قبول بالعكس مايرتاح هو الخسران اسأليني والله :110: يارب ماتكوني رحتي للمكتب النصاب اللي قد رحت لهم

وبالنسبة لسؤالك من وجهة نظري مع اني ماجربت والله الاثنين بس انا احكي لك عن اللي اشوفه هنا ببريطانيا واسمعه ان سكن الجامعات تقريبا فكرة مو كويسة لانه كله ازعاج وماترتاحين لابنومتك ولا بدراستك اسكني يا مع عائلة او بشقة لوحدك احسن لك :24:

ان شاءالله تستقري على رأي ترتاحين له

في امان الله

**ahmed1** · 02-03-2015, 12:23 AM

لاتخوفني.. والله انا مرة قلقانة ومن القلق مادري شسوي.. انا اليوم دفعت لهم الفلوس.. ماعندي وقت ادور الحين ولا عندي فكرة اصلاً عن بريطانيا.. يعني هو قرار مفاجأ بتغيير الدولة

الحين بتخليني على اعصابي .. مادري المكتب ماعرف احد تعامل معه بس شفت اسمه صدفة وحولت الفلوس من كثر ماني مستعجلة..

ومن ناحية السكن.. انا زي ما أنت قلت.. ماني حابة سكن الجامعة بس اخوي شار علي هالشور وقلت بفكر.. شكلي بسكن مع عائلة اريح لراسي..