الموضوع: أحلى مجمعات الكويت

السلام عليكم ورحمة الله وبركاته

إن شاء الله لي زياره قريبه للكويت ومدتها قصيره وهذي أول مره ازور الكويت

فـ ابي اعرف افضل واحلى المجمعات اللى فيها واللى تستحق الزياره (مع ذكر اسم المنطقه)

ولو فيه مجمعات يم بعض او المناطق قريبه من بعض خبروني عشان ازورها بنفس اليوم

ومن خلال تقاريركم حبيت مجمع الكوت والافنيوز ابي اعرف اذا قراب من بعض

ومشكورين مقدماً ،،

مواضيع عشوائيه ممكن تكون تعجبك اخترناها لك:

• اول زياره وابي المساعده
• سعودي وابي خدمه اد كدا لوسمحتوووو
• الكويت عاجل
• فلل مفروشة بالكويت
• تصويت لــ ميس الغانم والا الحمام
• قائمة المطاعم الكويتيه موقع لا يفوتكم
• ريترز شرقـ
• لماذا فضلت الكويت على اوزنقول التركية تقرير رحلتي للكويت
• معلومات عن شقق نوفتيل
• زياره عمل خاطفه
• دراريعارجوكم يااهل الكويت افيدوني
• شنهو الجديد عندكم في عيد الفطرر ياأهل الكويت
• زواجي بعد أشهر أين أذهب في الكويت؟
• الجابرية للمعارض تقيم الأسبوع البريطاني بمشاركة شركة
• الرحلة السريعة للكويت البديعة تقرير مصور
• تخفيضات الصيف للملابس هل بدأت ؟
• متى افضل شهور لزيارة الكويت الحبيبة
• شقق الجهراء؟
• ياليت احد يفيدني تكفون
• الكويت الغالية والعيد

اكبر واحدث مجمع هو الافنيوز
مارينا مول
سوق شرق
مجمع 360 ال؛ث تصميم خيالي بس المحلات مو كلهم فاتحين
مجمع الكوت ومجمع المنشر ومجمع اجيال في منطقة الفحيحيل

مجمع المهلب البلازا والبحر سنتر في منطقة حولي

الفنار والبستان وليلى جاليري وجلاريا 200 وامنية كلهم بمنقطة السالمية

يعطيك العافيه على المساعده

الافنيوز والمارينا و360 بأي منطقه ؟

وضيف عليهم مجمع الكوت وسوق شرق قولي المناطق القريبه من بعض

كوكو أخبارج من زمان عنج :$


حبيبتي انه مانصحج تروحين الكوت والمنشر لانهم شوي بعاد عن السالميه (خصوصا اذا وقتكم محدود)


عن نفسي احب المارينا ولاتفوتين المارينا كرسنت (كافيهات ومطاعم قريبه من البحر) رووووووعهـ


وهو بالسالميه على شارع الخليج العربي ..


والشارع اللي وراه (شارع سالم المبارك) فيه الفنار وكم مجمع لكن ماحسيتهم ذبحه للتسوق يعني المارينا احسن


عندج الافنيوز وااااايد حلو وكبيــــــــر ..


ولاتفوتين سوق المباركيه حلو وشغلاته خصوصا ملابس البيت والصوايغ روعه


لازم تتغدون بمطعم فريج صويلح ونتلاقى معاج هناك ان شاءالله خخخخخخ


واذا بتسكنون في مكان بدون الفطور انصحج وبقوه تتريقون بمطعم سلطان اللي على شارع الخليج جهة البحر خطيــــر ..


والسموحه حبيبتي على القرقه الزايده

مول 360 جديد
يقع علي الدائري السادس..
منطقة الزهراء

الافنيوز في منطقة الري

سوق الفنار شارع سالم المبارك
وفيه مولات كثيره بشارع نفسه

سوق شرق علي شارع الخليج العربي

وتوصلون بالسلامه ان شالله

حي الله مزون بنت ديرتي

فريج صويلح سجلته عندي لان من زمان اسمع عنه .. بس هو بأي منطقه ؟

ونتلاقى ان شاء الله ليش لا خخخخخخخ

واختي بعد مدحت لي مطعم ميس الغانم بس هي رايحه من كم سنه ماادري اذا للحين على مستواه

ومجمع الكوت خااطري اشوفه بشوف اذا سمحت لنا الفرصه

لحد الحين قررت اروح الافنيوز والمارينا والكوت و 360 ولو صارت فرصه اروح سوق شرق

المشكله المخطط مو بيدي وعارفه ماراح اخذ راحتي واشوف الاماكن اللى بخاطري

لان وحده من المعارف هي اللى بتطلعنا الله يجزاها خير واستحي اتشرط عليها

لكن الله يسوي اللى فيه الخير ..

الا انتي على أي طيران بتروحين ؟

المشاركة الأصلية كتبت بواسطة aktd
http://www.arabtravelersforum.com/tr...8/#post3493068

مول 360 جديد
يقع علي الدائري السادس..
منطقة الزهراء

الافنيوز في منطقة الري

سوق الفنار شارع سالم المبارك
وفيه مولات كثيره بشارع نفسه

سوق شرق علي شارع الخليج العربي

وتوصلون بالسلامه ان شالله

الله يعطيك العافيه وما قصرت ...

فديتج انه بروح بر النعيريه (السعوديه) كم يوم عندنا مخيم واحد من الاهل هناك ..

وقلنا يوم الخميس نطلع من الصبح على الكويت ونرجع الليل

والله يسهل عليكم وتتونسون فهالسفره ان شاءالله ..

واذا هي مابتطلعكم على طول طلبو تاكسي تراهم متوفرين على طول ..

كوكو حبيبتي لاتفوتين سوق شرق انتي كاتبه لو صارت لي فرصه بروح هناك ترى سوق شرق حلو وفيه جلسات تهبببببببببل والكوت مايسوى العنوه له والله محلاته مو لهناك وبعيد عن السالميه وداخل الديره
شوفي المجمعات اللي بكتبها لج هم اهم شي سوق شرق ومارينا موول ومارينا كرسنت لاتفوتينه خصوصا بهالاجواء الحلوه والافنيوز هذول للماركات العااديه اللي موجوده عندنا وعندكم طبعا 360 ماشفته للحين ان شاء الله انا بروح بعد سبوعين هناك ياليت لو وقتي نفس وقتج انتي ومزون عشان نتقابل خخخخخخخخ
اذا تبين مجمعات فيها ماركات عالميه وغاليه الرايه والصالحيه
واذا تبين شعبي مالج الا المباركيه لها اجواء بعد حلووه

تروحون وترجعون بالسلامة ..
وشكلي هذا اللى بسويه لو انشغلت عنا ..
بس مادري فيه حريم يسوقون ؟
يعني مثل تاكسي لندن عندنا السواق حسب الطلب
أأمن لنا ..

فارسه

يعني مارينا كرسنت غير مارينا مول ؟
انا فهمت من رد مزون انه نفس المجمع
بس هم قراب من بعض والا ؟
وبالنسبه للمقابله ليش تبعدين .. انا ومزون في البحرين وانتي دايم عندنا خخخخخخ :d

بسألكم يسوى اطلع لي رقم كويتي على 3 ايام والا ؟
انا اقول باخذ راحه من النت والموبايل بس ماظنتي بقدر

كوكو المارينا مول والمارينا كرسنت نفس الشي اللي يربط بينهم جسر المارينا كرسنت على البحر كله مطاعم ومقاهي حلوووووه وجلسات خارجيه تفتح النفس والمارينا مول مول للملابس وغيره وفيه مطاعم فاست فود ومقاهي بس لاتفوتين المارينا كرسنت روحي تغدي والا اتعشي هناك
وبالنسبه للتليفون لاتطلعين ولاشي مايسوى ارتااااحي وان شاء الله حبيبتي نتقابل بالبحرين ليش لأ
الا صج وين حجزتوا اي فندق انا والله عندي اهل بالكويت بس انا احب التغير واحب اخذ راحتي عشان كيذا بسكن بفندق او شقق مفروشه بس ماني عارفه شنو اختار
توني انتبه لسؤالج عن السياقه ايه حبيبتي يسوقون هناك

لا انا اقصد فيه سواقات تاكسي او لا ..
وبالنسبه للسكن احنا بس 2 حريم وصعبه نسكن في فندق بروحنا
فـ بنقعد عند وحده من المعارف ساكنه لحالها ماعندها احد
عشان كذا متطمنه من هالناحيه
وشجعتيني على المارينا ان شاء الله بروح له ..
وانا مو مهتمه للتسوق وايد لاني شبعانه من المشتريات
ابي اغير جووو بس

المشاركة الأصلية كتبت بواسطة ..كوكو شانيل..
http://www.arabtravelersforum.com/tr...9/#post3493359

لا انا اقصد فيه سواقات تاكسي او لا ..
وبالنسبه للسكن احنا بس 2 حريم وصعبه نسكن في فندق بروحنا
فـ بنقعد عند وحده من المعارف ساكنه لحالها ماعندها احد
عشان كذا متطمنه من هالناحيه
وشجعتيني على المارينا ان شاء الله بروح له ..
وانا مو مهتمه للتسوق وايد لاني شبعانه من المشتريات
ابي اغير جووو بس



ايه فهمت قصدج وانا اقول شفيها كوكو على هالسؤال معقول ماتدري انه الحريم يسوقون هناك هههههه
عليج بالعافيه حبيبتي تروحين وتردين بالسلامه انا بعد مثلج بروح وناسه بس لكن اذا لقيت شي يسوى ماعندي مانع اشتريه

ايه وانا هذا اللى اقصده يعني مو هامتني المحلات لكن اذا فيه شي يسوى ليش لا ..

كوكو جيكي الخاص خخخخخخخ

هلا فيكي يا كوكو
لو تشوفين تقريري من خلال التوقيع ( رحلتي الي الكويت ) راح تجدين ظالتكي
حيث اني كاتب كل مجمع و مكانه في الكويت باتحديد و هذه ضالتكي

المشاركة الأصلية كتبت بواسطة مزون البحرين
http://www.arabtravelersforum.com/tr...9/#post3493849

كوكو جيكي الخاص خخخخخخخ



طلعنا اهل ومعارف واحنا ما ندري خخخخخخخخ

المشاركة الأصلية كتبت بواسطة violetq8
http://www.arabtravelersforum.com/tr...2/#post3494072

هلا فيكي يا كوكو
لو تشوفين تقريري من خلال التوقيع ( رحلتي الي الكويت ) راح تجدين ظالتكي
حيث اني كاتب كل مجمع و مكانه في الكويت باتحديد و هذه ضالتكي



مشكور وما قصرت ..
فعلاً موضوع رائع لكل زائر للكويت

المشاركة الأصلية كتبت بواسطة ..كوكو شانيل..
http://www.arabtravelersforum.com/tr...6/#post3493336

بسألكم يسوى اطلع لي رقم كويتي على 3 ايام والا ؟









المشاركة الأصلية كتبت بواسطة ..كوكو شانيل..
http://www.arabtravelersforum.com/tr...6/#post3493336

انا اقول باخذ راحه من النت والموبايل بس ماظنتي بقدر






اي نعم يسوي
خطوط مده معينه تعبئه
وشركاتنا

زين ايزي
Zain eeZee


وطنية اكسبرس
Wataniya Xpress


فيفا فاليو
VIVA VALUE

^
^

تسلم وما قصرت اخوي ،

مووووضووع يه في وقته الصراحه

انا بعد بحرينيه ورايحه ان شاءالله الكويت في عطلة العيد الوطني

عطونه من خبراتكم

^
^

والله حالي من حالج أول مره بسافر الكويت

بس حلو عرفتي اهم المجمعات عشان تغطينها بـ هالكم يوم

والجو بارد نوعاً ما يعني يا مجمع يا مطعم او مكان مسكر