الموضوع: ماخاب من أستشار تفضلوا

بسم الله الرحمن الرحيم

السلام عليكم ورحمة الله وبركاته


أعضاء منتديات العرب المسافرون الكرام ...


أولاً أشكركم كل الشكر على ماتقدمونه من مساعدات واستشارات وافكار بما يخص السفر والمسافر .


لا أطيل واسهب بالحديث فشكركم كبير وجهودكم وطيبتكم اكبر من مجرد احرف تصطف من خلال شاشات .




باذن الله عندي سفرية استكشافية سياحيية لأرجاء أوربا تحت مسمى ( شهر العسل ) وهو الهدف الاساسي .


ولا خلا ولا عدم منكم ومن استشاراتكم اابي اكتب اسئلتي على هيئة نقاط .


بسم الله :


1- التوقيت


2015-3-22 الى 3-4-2015 .


وانا عارف ان الاجواء ثلوج ولكن انا مجبر على هالتاريخ




2- خطة السير
( فرنسا - المانيا - سويسرا - النمسا )


بس مادري من وين ابداء ومن وين انتهي ووش طريقة التنقل .
ووش المدن الحلوة في الاربع دول هذي ووين اروح بكل دولة
-هل انتقل من باريس الى ميونخ طيران ولا سيارة ؟أو العكس
طبعا انا بستاجر سيارة
* وابي خط سير اتجاه واحد بدون رجعه .


3- افضل مواقع ايجار السيارة .


4- االطيران حصلت :
التركية الشخص ب3 الاف
واتحاد الامارات 4 الاف


هل احجز الان ام انتظر بداية السنة الميلادية فيه عروض ؟؟؟


4- الفنادق طبعا في مواضيع سابقه للاخوان ماقصروا اقدر استعين بالله ثم بها


5- المصاريف بحدود 40 الاف اتوقع كافية .؟؟


6- هل من المهم عند استخراج التاشيرة لازم اكون انا والزوجة مع بعض وفي وقت واحد ولا عادي كل لواحد موعد ثاني .


امممممممم


هذي اللي بببالي الان واذا خطر شئ جديد ماستغني عنكم

مواضيع عشوائيه ممكن تكون تعجبك اخترناها لك:

• في المانيا ومحتاجة احداثيات فندق
• ميونخ و الفزعة يااهل الذوووق
• شركة افيس لتأجير السيارات واي معلومة
• مخطط رحلتي واقتراحاتكم الكريمة
• لله الحمد و المنة تم الدددددددد
• الاوراق المطلوبة لعمل فيزا شنقن من سفارة المانيا بدولة الكويت
• السياره في ميونخ 
• لو سمحتو استشارة في خطة السفر
• افضل خيار للسكن في ميونخ للعوائل عن تجربة أحد رواد المنتدى وعائلته المحافظة
• محتاج فزعتكم في مخططي لشهر العسل ..ادخلوو
• رحلتي المصورة اوروبا
• هل تنصحوني الغاء هذا التأمين على السيارة ؟ تسليم السيارة في المحطة؟
• استفسار بخصوص الفيزا
• ما أفضل الطرق للذهاب من مطار فرانكفورت الى ميونخ
• محتاجه مشورتكم
• استفسار عن التنقل من ميونخ الى المطار
• كل خبير بالسفر للدول الاوربيه يساعدني تكفووون
• استفسار ضروري جدا لآصحاب الخبره السفر في ديسمبر الى المانيا؟
• الاخ مشرف المانيا ابو عمر و رواد البوابة الالمانية الاعزاء
• نداااء الى بخصووص اوروبا بليييز

*فرنسا:- زيارة دزني لاند و باريس ومعالمها السياحية مثل النهر وشارع الشانز وبرج ايفل ومتحف اللوفر
*النمسا:- زيارة زلامسي وبحيرة زيل ، قمة كابرون ، الزحليقة الصيفية في سالفدين
*المانيا:- ماعندي علم بالاماكن السياحية كثيرا لاني ماحبها ^^
*سويسرا:- انترلاكن ، جنيف ، شلالات تروميل باخ وستوباخ ، لوزرين ، لوغانو الايطاليه ومنها تقدرون تروحون لميلان


بس ممكن نعرف شنو ميولكم ؟ التسوق ام الطبيعه والاسترخاء؟
ومبروك ياخوي الله يسعدك

مبروك ياعريس اول شيء
ثاني شي عندك 12 ليله قليله
واربع دول

راجع نفسك وقنن الدول لتحضى برحلة ممتعه

الله يتمم لكم على خير
مدة الرحله قليله جداً لزيارة 4 دول
توقيتكم الأجواء بعدها متقلبه وممكن تضيع عليكم ايام بسبب سوء الأجواء والمطر
الافضل التركيز على دولتين فقط اما فرنسا وسويسرا او النمسا وألمانيا بحكم سهولة التنقل بينهم وعشان تعطي كل منطقه حقها في الايام وتشوف كل معالمها وأنشطتها

الميزانيه كافيه ان شاء الله وكل ما حجزت قبل بتلقى أسعار حلوه

اولا بارك الله لكما وجمع بينكما بخير وبالتوفيق ان شاء الله ومثل ما ذكر لك الاخوان المدة قصيره جدا على 4 دول
ولكن ممكن تجمع ثلاث دول بحيث تزور المدن الحدوديه
التذاكر اشوفها غاليه لمثل هذه الفتره من السنه ياليت تعطني من اي مدينه بالسعوديه
اشوف لك افضل مسار
ويفضل ان تستخرج الفيزا بنفس الموعد والاوراق المقدمه لك ولزوجتك
خصوصا اذا لم تكن زوجتك موظفه لانه مطلوب في الابلكيشن من سيتكفل بالمصاريف
وايضا توفير للوقت والجهد وخصوصا ان حجوزاتكم ستكون لشخصين تذاكر طيران وفنادق وخلافه
تقبل تحيااااتي

الله يبارك فيكم والعقبة لديكم سوا الاولى او مثنى او ثلاث او رباع


اشكر من شارك ورد واقتراحاتكم على عيني وراسي

طيب وش رايكم بالخطة هذي


يومين باريس
اربع ايام سويسرا
اربع ايام زيلامسي
ثلاث ايام بارس


وهدفنا الطبيعة والتسوق للهدايا


والانطلاق عادي من جدة او الطايف .




وبالنسبة للفيزا انا ماقدر اخذ العروسة معي نظرا للعادات التقاليد فهل من الممكن اخذ لها موعد تروح مع اخوها وانا اروح لحالي

ممبروك يا عريس انا مع ابوشيهانه المدة قليلة على اربع دول وتعب عليكم وانت عريس لابد تتدلع

انصحك بالاتي :


( المانيا - النمسا - فرنسا )



الوصول ميونخ والمغادرة باريس


ميونخ 1 - زيلامسي 5 - سالزبورغ 3- باريس 3


من ميونخ طيران اقتصادي الي باريس


او


( المانيا - سويسرا - فرنسا )


يصير ك الاتي :


فرانكفورت 2 - بادن بادن 3 - انترلاكن 4 - باريس3

هلا عزام الله يبارك فيك حبيبي

ياولد متعلق بالنمسا وسويسرا وخياراتك لازم وحده منها هههههههه


ليه ماينفع مره النمسا فرنسا سويسرا ؟؟؟؟


مع ان خلال اطلاعي بالمنتدى وكلام الاعضاء حسيت ان سويسرا والنمسا كلها ريفيه زي بعض ؟؟؟؟


طيب لو اخليها


المانيا النمسا سويسرا وش رايكم ؟؟؟


وهل فرنسا تستاهل الزيارة ام لا ؟؟؟

هلا وغلا باهل الطايف

شوف ياغالي المسافات طويله والسبب قلة الايام وانت عريس واذا جمعتهم راح تقضي كل السفرة في مسك خطووط


زدها 15 يوم وان شلله تزبط الامور


خلي الوصول ميونخ و المغادرة باريس


يصير ميونخ 1 للراحة وتستلم السيارة
زيلامسي 5
انترلاكن 4
بادن بادن 2
فرانكفوت تسلم السيارة في المطار وتتطلع على باريس طيران اقتصادي
باريس 3


او


ميونخ 1 - زيلامسي 5 - انترلاكن 4 - جنيف 1 تسلم السيارة وتاخذ قطار الي باريس


وانا مع الخيار الاول بسبب تتجنب ضريبة تسليم السيارة في دولة ثانيه

هلا بك زود وملايين الملايين يابو محمد

حبيبي بالنسبة للايام والله انها بالقطارة بالقوة 13 يوم يعني من22-3 الى 3-4 ورانا اعمال والتزامات خلها ع الله بس


طيب وش رايك كذا :


يوم ميونخ
4 زيلامسي
3 انترلاكن
2 بادن بادن
3 باريس


؟؟؟


والطيران الاقتصادي وش هو ؟؟

ممتاز خط سيرك ووكل الله الطيران الاقتصاي هو طيران اوربي بسعر رخيص يعني ممكن تكلفك من بادن بحدود 350 الي 400 ريال للشخص

بس مدام انك عريس ما حبيت تروح من بادن الي باريس سيارة لان قاطع مشوار من زيلامسي الي انترلاكن


شوف فرق تسليم السيارة في باريس كم وقيسها با الطيران ووكل الله و رحلة سعيدة يارب

بما انه هدفك الطبيعه والتسوق ياخوي المعرسيفضل انك ماتدمج زيارة النمسا مع زيارة سويسرا لانهم 90٪ متشابهين بالطبيعه وكل شي الفرق فقط بالسعر واشياء اخرى بسيطه "سويسرا اغلى"
فراح تضيع عليك ايام وانت تتنقل من مدينه لثانيه والوقت كله راح يروح ، ولاتنسى انك معرس يعني يبغالك رحلة للاسترخاء والاستمتاع مب ضغط الاماكن


اقتراحي توصل باريس والذهاب من ميونخ
باريس 5 ايام ومنها زيارة دزني لاند + الاوت لت + مدينة بروج البلجيكية
ثم تنتقل الى بادن بادن بالقطار او طيران داخلي لمدة 4 ايام وتستلم السيارة من هناك تقدر تروح ل كولمار الفرنسيه ورست و فرايبورغ
ثم تاخذ دربك الى زلامسي قرابة ال4 ساعات لمدة 4 ايام " منها زيارة كابرون و سالفيدين والاسترخاء على بحيرة زيل"
ثم الذهاب الى مطار ميونخ وتسليم السياره هناك والعودة الى الوطن




-----------


جيكت لك التذاكر على طيران الامارات وليس الاتحاد
من الطائف الي دبي - باريس
ثم من ميونخ الى دبي الى الطائف
البالغين 2 ، درجة الايكونمي وطلع السعر = 7928 ريال سعودي

بسم الله الرحمن الرحيم

شكرا ابو محمد وانجيل


ويعلم الله انكم حيرتوني قليلاً افكاركم ومقتراحاتكم كلها حلوة


بالنسبة لفكرة ابو محمد بتكون كالتالي :


يوم ميونخ ( استاجر السيارة من المطار وارتاح واليوم الثاني اتحرك الى ....


اربع ايام زيلامسي وبتكون المسافة تقريبا 160 كم بين ميونخ وزيلامسي وبعدها التحرك الى ....


ثلاث ايام انترلاكن وبتكون المسافة بينها وبين زيلامسي 500كم تقريبا وبعدها التحرك الى ....


يومين بادن بادن وبتكون المسافة بينها وبين انترلاكن 318 كم تقريبا وبعدها عندي خيارين :


الاولى : اسلم السيارة في بادن بادن وطيران من بادن بادن الى باريس
( واتمنى تكتبون لي افضل خطوط طيران وارخصها )


الثاني : بالسيارة من بادن بادن الى باريس واسلم السيارة في باريس .

أبو محمد مادري احس الوقت ضيق بكتب الجدول وعطني رايك ...__________________________________________________ __________________________________________________ ____
الاحد 22-3 رحلة الذهاب من لسعودية الى ميونخ .
الاثنين 23-3
__________________________________________________ ___
الثلاثاء 24-3 الانطلاق صباحاً الى زيلامسي
الاربعاء 25-3
الخميس 26-3
__________________________________________________ ____
الجمعة 27-3 الانطلاق صباحاً الى انترلاكن
السبت 28-3
الاحد 29-3
________________________________________________
الاثنين 30-3 الانطلاق صباحاً الى بادن بادن
الثلاثاء 31-3
__________________________________________________
الاربعاء 1-4 السفر الى باريس صباحاً
الخميس 2-4
الجمعة 3-4
والرحلة العودة للسعودية يوم الجمعة بالليل .
__________________________________________________ ______________


وسلامتكم

وبالنسبة لخطة انجيل روز

__________________________________________________ _______________________________
الاحد 22-3 رحلة الذهاب من السعودية الى باريس
الاثنين 23-3
الثلاثاء 34-3
الاربعاء 25-3
__________________________________________________ _______________________________
الخميس 26-3 رحلة من باريس الى بادن بادن سوا قطار او طيران
الجمعة 27-3
السبت 28-3
__________________________________________________ __________________________________
الاحد 29-3 الذهاب الى زيلامسي
الاثنين 30-3
الثلاثاء 31-3
الاربعاء 1-4
الخميس 2-4
__________________________________________________ _______________________
الجمعة 3-4 الذهاب الى مطار ميونخ وتسليم السيارة والعودة الى ارض الوطن






















وسلامتكم

اخوي سلمان اعرف ان الاقتراحات راح تحيرك وصدقني الاختلاف بين اقتراحات الشباب شيء طبيعي لانها المنطقه كلها جميله ولكن ليست كل البرامج تناسب كل الناس
من وجهة نظري انت عريس بلاش المشاوير الطويله هذي وزل امسي وانترلاكن كلها نفس الشيء تقريبا وخصوصا في الشتاء
لذلك ابحث عن السهل الجميل والسهل يبداء دائما بالطيران المباشر
لذلك اقترح عليك وبقوه المسار التالي
طيران مباشر على الخطوط السعوديه الى جنيف
جنيف محطه اولى واستئجار سياره من المطار الجانب الفرنسي
محطه ثانيه انرلاكن ساعتين ونصف بالسياره
محطه ثالثه الانتقال الى منطقة بادن بادن (ستراسبورق وروست وفرايبورغ وغيرها ) والمسافه اقل من 3 ساعات


اخيرا تسلم السياره في ستراسبورغ الفرنسيه ولن يكون هناك ضريبه اختلاف دول (من 200 الى 300 يورو )


ثم تنتقل بالقطار المباشر السريع الى باريس اقل من ساعتين ونصف


ومن باريس طيران مباشر الى جده


برنامج سهل وممتع ويناسب العرسان لا تنسى ان معك عروس الضعيفه يبي لها علشان تضف شنطتها 3 ساعات
لانها بكل محطه لازم تنثر عفشها البنت عروس وافهم يا فهيم
خل زل امسي لسفره قادمه


انا شيكت لك اسعار التذاكر فيه سعر حلو جدا لو خليت سفرتك ب25 والعوده في 5
السعر 3000 تذاكر قابله للاسترجاع والتغيير


واذا بغيت السعر المخفض 2200 ريال تذاكر قابله للتعديل بضريبة ولكن غير قابله للاسترجاع

مع راي الأخ دايم
طول المشاوي روبوت انها ممتعه الا انها متعبه
زلامسي وانترلاكن نفس الأجواء والطبيعه والانشطه فألغي وحده واكتفي بالثانيه
والي اعرفه انه اغلب أنشطة زلامسي بتكون مغلقه في هالفتره

جيمع الخيارت من الاخون ممتازة وخذك كوب شاهي وشوف اللي يناسبك والاريح لك

وحط في بالك التاريخ اللي تمشي منه يكون تاريخ وصولك يعني

مثلا

وصولك ميونخ يوم 1
يعني وصولك زيلامسي يوم 1

خروجك من فندق زيلامسي يوم 5
يعني وصولك يصير في فندق انترلاكن يوم 5


وهكذا .......


ورحلة سعيدة يارب

اولا الف الف مبرووك اخوي بالتوفيق ان شاء الله
الله يجمعكم في خير ويرزقكم الذريه الصالحه


اللهم اميييين


بخصوص مخطط سفرتك انصحك بالتالي


اول وجهه تكون باريس


ومن باريس الى جنيف
ومن جنيف الى انتر لاكن
ومن انتر لاكن الى زيوريخ
ومن زيوريخ الى ميونخ في المانيا


هذا خط سير واحد ومرتب


وسيله النقل انصحك بأستجأر سياره مع سايق في كل مدينه بتطلع منها
ولا انصحك بالقطار لانك رايح شهر عسل ولازم تكونين مرتاحين ومستمتعين
والقطار لازم تشيل شنطك بنفسك وتنتقل من مكن لأخر يعني متعب


وتقدر ييكون خط سيرك بالعكس


تنزل في ميونخ
ومنها الى زيوريخ والى انتر لاكن والى جنيف والى باريس
ومن باريس طريق العوده


اذا كنت بتستأجر سياره


عندك موقع سكست sixt


http://www.sixt.com/


و موقع يورب كار


http://www.europcar.com/


اذا حبيت اساعدك بطريقه تأجير السياره واختيار السياره والفندق بكل منطقه والاماكن السياحيه
انا حاضر ابشر بسعدك

اعرف عرسان راحو من باريس لزيلامسي طيران وطفشو ماكملو مدة قعدتهم فيها ورجعو باريس

رأيي انترلاكن اجمل وفيها أماكن سياحيه اكثر خل النمسا لسفرة الأنيفيرسري (عيد زواجكم) وحاليا استمتع مابين باريس _ ستراسبورغ أو بادن بادن _ انترلاكن _ أنيسي _ والعوده من جنيف

والخيار لكم الله يوفقكم

المشاركة الأصلية كتبت بواسطة daayem1
http://www.arabtravelersforum.com/tr...4/#post8353274

اخوي سلمان اعرف ان الاقتراحات راح تحيرك وصدقني الاختلاف بين اقتراحات الشباب شيء طبيعي لانها المنطقه كلها جميله ولكن ليست كل البرامج تناسب كل الناس
من وجهة نظري انت عريس بلاش المشاوير الطويله هذي وزل امسي وانترلاكن كلها نفس الشيء تقريبا وخصوصا في الشتاء
لذلك ابحث عن السهل الجميل والسهل يبداء دائما بالطيران المباشر
لذلك اقترح عليك وبقوه المسار التالي
طيران مباشر على الخطوط السعوديه الى جنيف
جنيف محطه اولى واستئجار سياره من المطار الجانب الفرنسي
محطه ثانيه انرلاكن ساعتين ونصف بالسياره
محطه ثالثه الانتقال الى منطقة بادن بادن (ستراسبورق وروست وفرايبورغ وغيرها ) والمسافه اقل من 3 ساعات


اخيرا تسلم السياره في ستراسبورغ الفرنسيه ولن يكون هناك ضريبه اختلاف دول (من 200 الى 300 يورو )


ثم تنتقل بالقطار المباشر السريع الى باريس اقل من ساعتين ونصف


ومن باريس طيران مباشر الى جده


برنامج سهل وممتع ويناسب العرسان لا تنسى ان معك عروس الضعيفه يبي لها علشان تضف شنطتها 3 ساعات
لانها بكل محطه لازم تنثر عفشها البنت عروس وافهم يا فهيم
خل زل امسي لسفره قادمه


انا شيكت لك اسعار التذاكر فيه سعر حلو جدا لو خليت سفرتك ب25 والعوده في 5
السعر 3000 تذاكر قابله للاسترجاع والتغيير


واذا بغيت السعر المخفض 2200 ريال تذاكر قابله للتعديل بضريبة ولكن غير قابله للاسترجاع





نفس الي اقترحته بس معكوس وارشحلك هذا وبقووه