الموضوع: شقق عائلية بالهفوف

السلام عليكم ورحمة الله وبركاتة

يا شباب انا مسافر لدبي بالسيارة ان شاء الله وابغى اريح بشقة نظيفة وحلوة بالهفوف ياليت تفيدوننا


ولكم خالص الشكر والتقدير

مواضيع عشوائيه ممكن تكون تعجبك اخترناها لك:

• مطار دبي ورلد سنترال
• تعالو شوفو اوتيلات البرشا وخل نرشح وش الافضل منها ؟؟؟ مع الاسعار لاربع ليالي
• أحتاج الى مساعدة سريعة
• طلب اسعار السياحة في دبي ؟
• سلطان بن طحنون يفتتح حديقة المحيط بـ«كيدز بارك»
• برج الحمام الشهير يفتتح فرعاً جديداً في فيستيفال سيتي
• فنادق أو شقق تناسب شهر عسل في دبي بين درهم ؟؟؟
• تحذير دبي مولعه نااااااااااااااار
• حملة نظفوا الامارات
• استفسار عن
• اسعاااااار ولافي الخيال ؟؟؟؟
• لخبراء دبي
• ارجو الافاده من اهل الخبره‎
• افتتاح بوتيك وصالون للشاي في دبي مول
• ألبوم مدينة دبي السياحي
• استفسار عن مواقف المطار
• سؤال عن الجو والسباحه
• سؤال عن مترو جزيرة الجميرة
• استفسار بليز
• اجازة في الشارقة دبي شاطئ العقة

نفس الفكرة
لكن ما تشوف إن الهفوف قريبة شوي
أنا ودي أرتاح في بداية دخولي الامارات
تمنياتي لك بالتوفيق

السلام عليكم .......
نفس الحكايه ياشباب
وش افضل مكان تريح فيه يكون في منتصف الخط ويكون امن وفيه خدمات
وكم مسافه الخط من الحدود الى دبي
راح امشي من الخبر الى الحسا
وشكرا

ياجماعة الخير .. اول فندق تقدر تريح فيه هوه دناتا جبل الظنة ... Danat Resort Jebel Dhanna
وتكلفة الليلة .. 1000 درهم للغرفة المزدوجة .. الفندق من فئة الخمس نجوم.

وايضا يليه فندق تلال ليوا .. المفتتح الشهر الحالي .. من فئة 4 نجوم وتكلفة الليلة 1000 درهم تقريبا للغرفة المزدوجة ..

احجز مسبقا .. لان دايما يكون فيه مهرجانات الابل ومهرجان التمر ونسبة الاشغال تكون 100%

طبعا فندق ليوا لازم تخرج عن الطريق الرئيسي الى مدينة زايد .. لاانصح بالاستراحة في ليوا .. لان نفس المسافة اللي بتقطعها من الطريق الرئيسي الى مدينة زايد .. تقريبا تعادل المسافة الى ابوظبي ..

مواصلة الرحلة في الامارات بدون راحة افضل .. هذي وجهة نظري .. انا دايما لما اروح البحرين او قطر او الرياض .. تكون الرحلة متواصلة .. ابدا الرحلة الفجر كي لاتحس بالتعب ..

المشاركة الأصلية كتبت بواسطة hamad99
http://www.arabtravelersforum.com/tr...8/#post3578547

السلام عليكم .......
نفس الحكايه ياشباب
وش افضل مكان تريح فيه يكون في منتصف الخط ويكون امن وفيه خدمات
وكم مسافه الخط من الحدود الى دبي
راح امشي من الخبر الى الحسا
وشكرا



من الغويفات الى ابوظبي ( المفرق ) 325 كيلو متر..
ومن ابوظبي الى دبي 110 كيلو ..

المجموع 435 كيلو .. وتقريبا تاخذ منك 4 الى 5 ساعات .. الطريق مراقب بالرادار .. السرعة القصوى 140 من الحدود الى الشهامة ابوظبي .. وبعد ماتعدي مدينة الشهامة ضبط الرادار يكون على 160 .. يعني 161 انته مصور ..

واول ما تعدي جسر مخرج سيح شعيب بالظبط .. انته دخلت حدود دبي وضبط الرادار يكون 140 ..
دايما دبي اذا سرعة الشارع 100 الضبط 120 .. واذا 120 الضبط 140 .. ماعدا الشارع ابو 80 .. الضبط فيه 80 .. تحملو .. وفيه حملة اترك مسافة قبل الحسافة .. يجب ترك مسافة كافية بينك وبين المركبة اللي امامك في الطرق السريعة لتجنب المخالفة.

نتمنى لكم طريق السلامة ..

يا شباب فندق الهفوف الجديد احد سكن فية او يعرف معلومات عنة

اي حي تبي ؟

ع العموم اغلب الهفوف شقق م كثيرة


بس الشارع اللي يكون فيه شقق هو ماكدونالدز الخالديه وعلى امتداد شارع البنك السعودي للاستثمار و على نفس

الشارع الاكاديميه الدوليه للعلوم الصحيه هذا الشارع كله على كوله كله شقق مفروشه وكلهم جدد


وهذا الشارع مقابل بوابة جامعة الملك فيصل ويقابل بوابة الجامعه ماكدولدز ع اليمين وبنك سامبا ع اليسار والشارع بوسطهم



وبس


غير كذا هالشارع كله مطاعم للبخاري والمندي وفيه مندي كويس اللي هو زعيم المندي و باسكن ووو


اتمنى افدتك


واذا فيه استفسار .. ؟؟

المشاركة الأصلية كتبت بواسطة !الزين كله!
http://www.arabtravelersforum.com/tr...8/#post3580102

اي حي تبي ؟

ع العموم اغلب الهفوف شقق م كثيرة


بس الشارع اللي يكون فيه شقق هو ماكدونالدز الخالديه وعلى امتداد شارع البنك السعودي للاستثمار و على نفس

الشارع الاكاديميه الدوليه للعلوم الصحيه هذا الشارع كله على كوله كله شقق مفروشه وكلهم جدد


وهذا الشارع مقابل بوابة جامعة الملك فيصل ويقابل بوابة الجامعه ماكدولدز ع اليمين وبنك سامبا ع اليسار والشارع بوسطهم



وبس


غير كذا هالشارع كله مطاعم للبخاري والمندي وفيه مندي كويس اللي هو زعيم المندي و باسكن ووو


اتمنى افدتك


واذا فيه استفسار .. ؟؟



الله يعطيك الف عافية يا غالي بس بعد استفسار بسيط

ياليت توصف مكان الشارع للقادم للهفوف من طريق الرياض الدمام السريع

وتقبل خالص الود