الموضوع: كيف ندخل اتلانتس ونحن غير مقيمين فيه؟

السلام عليكم ورحمة الله وبركاته
حابه ادخل واتفرج على اتلانتس وانا مو ساكنه فيه فهل فيه رسوم والا عادي الدخول بدون رسوم؟
وايش احلى الاماكن بأتلانتس هل فيه كفيهات حلوه او لا؟

مواضيع عشوائيه ممكن تكون تعجبك اخترناها لك:

• مارأيكم في فندق كورال ديره؟؟ ارجو الرد مسافر غدا
• مساعدتكم في الافضل؟
• ترانزيت من أندونيسيا في دبي واقتراحاتكم لجدول 3 أيام في دبي ؟
• مين يقدر مشكورا يوصف لي منتجع الدانات من الحدود السعوديه الاماراتيه
• استفسار عن شقق مفروشة في دبي
• إستفسار عن الإمارات الشمالية
• عرب لينك استفسار لماذا هذا الفرق في الاسعار المعلنة ؟؟
• يا أهل دبي تكفون ترى تكفى تهز الرجاجيل
• اريد شقق فندقيةسعرها مناسب لأني سوف احجز لفترة طويلةلمدة شهر
• جزيرة بوطينة
• إستفسار على عجل ؟؟؟
• زيادة عدد الرحلات الجوية بين الإمارات وأستراليا
• حقيقة المترو
• اريد فندق او شقه رخيصه ليلتين فقط
• «ذا بوينت» مشروع جديد في نخلة جميرا دبي
• قرية الثقافة واجهة فاخرة على خور دبي
• استفسار عن فندق جميرا بيتش
• يا اخواني وش سالفة المنتدى كل ما ادخل باسم المستخدم ألقا شعار ياهو وخروج
• شنو رايكم بهل فندق
• مطلوب شاليهات

عادي يا مشاكسه
كاي زائر - مافيه لارسوم دخول ولا اي شارج
اهم شي لو هم اخذو سيارتك و وقفوها لك راح ياخذون منك 100 درهم
لكن انتو وقفوها بالمواقف المجانيه وتعالو مشي للاوتيل او مع الباص الشتل
اذ كنتو ناوين تتغدون او تتقهوون هناك تقدرون تخلونهم يصفون الياره عند المدخل لكن اختمو تذكرة الموقف من المطعم او الكوفي شوب والا راح تدفعون شارج

الدخول بدون رسوم بس متعة لايفوتك وتقبل تحياتي 0

مشكورين اعزائي

نعم يا اختي انا دخله قبل شهر تقريبا بدون رسوم احسن وقت الصباح ولا تنسي النخله بالقرب منه

السلام عليكم ورحمة الله وبركاته

الدخول مجاني و أذا معكم سيارة تمشون بعد مدخل الفندق شوي و على اليمين تحصلون مدخل المواقف توقفون السيارة و تننتظرون الباص الين يجي و تطلعون معاه مجاناً (أنا زرتها في الصباح صراحة حاجة متعة)

الاماكن الداخلية بالفندق المميز فيها حوض الاسماك

و لا تنسون تطلعون في المترو (اعتقد التذكرة بي 25 درهم بس ماني متاكد) لانه ياخذ جولة على كامل المنطقة

و رحلة موفقة

المشاركة الأصلية كتبت بواسطة الفارس-99
http://www.arabtravelersforum.com/tr...1/#post3576281

عادي يا مشاكسه
كاي زائر - مافيه لارسوم دخول ولا اي شارج
اهم شي لو هم اخذو سيارتك و وقفوها لك راح ياخذون منك 100 درهم
لكن انتو وقفوها بالمواقف المجانيه وتعالو مشي للاوتيل او مع الباص الشتل
اذ كنتو ناوين تتغدون او تتقهوون هناك تقدرون تخلونهم يصفون الياره عند المدخل لكن اختمو تذكرة الموقف من المطعم او الكوفي شوب والا راح تدفعون شارج



اخوي الفارس
مافهمت كلامك بخصوص الختم من المطعم او الكوفي

يعني اوقفها بالمواقف اللي بفلوس وبعدين أجيبلهم التذكرة مختومة والا كيف

طيب نقدر نطلع في المترو ويوصلناااا للفندق نتمشى وبعدين نرجع مره ثااانيه

ومن وين ناخذ بطاقات المترووووو ؟؟؟؟

المشاركة الأصلية كتبت بواسطة صديق الكل
http://www.arabtravelersforum.com/tr...4/#post3578804

اخوي الفارس
مافهمت كلامك بخصوص الختم من المطعم او الكوفي

يعني اوقفها بالمواقف اللي بفلوس وبعدين أجيبلهم التذكرة مختومة والا كيف



برد بالنيابة عن اخويه الفارس ..

سلمك الله اذا دخلت الى بوابة الفندق بسيارتك .. بيستلمونها جماعة الفاليت باركنج .. وبيروحون بيصفون لك السيارة وبيعطونك تذكرة لكي تستطيع طلب سيارتك للخروج ..

المهم التذكرة تختمها من اي مطعم او كوفي بتقعد فيه .. والختم بيعفيك من رسوم خدمة صف السيارة ..

المشاركة الأصلية كتبت بواسطة jernass
http://www.arabtravelersforum.com/tr...8/#post3579488

برد بالنيابة عن اخويه الفارس ..

سلمك الله اذا دخلت الى بوابة الفندق بسيارتك .. بيستلمونها جماعة الفاليت باركنج .. وبيروحون بيصفون لك السيارة وبيعطونك تذكرة لكي تستطيع طلب سيارتك للخروج ..

المهم التذكرة تختمها من اي مطعم او كوفي بتقعد فيه .. والختم بيعفيك من رسوم خدمة صف السيارة ..



عزيزي اشكرك على الرد
وتعرف افضل مطعم بوفيه مفتوح لان شفت رد في موضوع ثاني كاتب بوفيه ب 140 درهم بس للأسف ماذكر الاسم
وهل فيه جلسات شيشه على البحر او لا؟

المطعم اللبناني .. بس البوفيه على الطاولة .. يعني ينزل لك كل شي مقبلات .. وجبة .. وسويت .. بسعر واحد .. والشيشة نفس المطعم يقدمها ولكن في الردهة الخارجية .. قبل ما تجلس قول له طاولة شيشة

أختي مسافرة ومشاكسة
فيه بوفيه مفتوح في المطعم اللي بالدور السفلي
قريب من الاكواريوم
بوفيه عالمي
راااائع جدا
الشخص ب 170 درهم مع المشروب
أفضل من المطعم اللبناني اللي قالك الأخ
بس لايفوتك
وإذا جايه للعشاء يكون بدري يعني من المغرب أو بداية العشاء
عشان تحصلي مكان
وتجوعي ذاك اليوم
صراحه قاللي عنه زميلي
وما عرف أسم المطعم
لكن وصف لي موقعه
وأنا إن شاء الله ناوي أروح له
الأسبوع القادم إذا رحت دبي بإذن الله

من وين اقدر اركب المترو عشان يوديني اتلانتس

الحين اقدر اوقف في المواقف مثل ما قالوا الاخوان وبدون رسوم اذا دفعت للمطعم او جلست بكافيه
يعني صبه رده .. المعم جلسته اغلى من رسوم السياره ( 100 ) ريال

بالنسبه للمواقف المجانيه ..وين يكون مكانها بالضبط ...قريب من الاوتيل ولا بعيد ؟؟