السلام عليكم ورحمة الله وبركاته
الأخوه الأعضاء والأخوات بالمنتدى الكريم حقيقة اود ان انزل استفساراتي لديكم بالمنتدى ومتعشم بكم خير
لأني نزلت إستفساراتي في منتدى اخار ولا احد رد والمشاهده وصلو 42 مشاهدة ولم يرد علي احد ليس أنه لم يكن لديهم الجواب ولم يكونوا يعرفوا ان يردو علي هو كسل مع الأسف وتمرير يعني هاللي مر وشاهد الموضوع وعنده جاوب ماكان زينا اول ما دخل المنتدى وماكان عنده بعض الإستفسارات للبلد اللي بيروح له وحصل ناس ترد عليه وأفادوه في نقاط هو ما أوردها ضمن الأسئله ........خساره
فودي احصل عندكم ناس تفيدني عن جميع اسئلتي وعلى فكره انا عضو بالمنتدى من عام2006م وعضو معروف لاكن بأسم ثاني ولي مشاركات ولي معرض صور كامل متكامل ممكن احد يعرفني بأسلوب كتابتي ما أدري ممكن و افدت الناس و افادوني وهذا هو اللي تعلمناه من المنتدى..... ما اطول عليكم بكتب لكم قصتي من طقطق إلى السلام عليكم وابي الجواب وافي مستافي
__________________________________________________ __________
انا خريج الثانوية العامة سنة 1425هـ الموافق لــ2004م بعد ماتخرجت قدمت على جامعة الإمام وماناسبني الجو الدراسي فيها تركتها ورحت اعمل في شركة متواضعها عشان بس ما ضيع وقتي ملفي بالجامعه وعملت إلى سنة نهاية لـ2005م ثم نويت النيه واكمل الدراسة دخلت كلية اليمامة في سنة لــ2006 وحتى سنة2007 م دبلوم في إدارة الموارد البشرية وتوفقت ونجحت بمعدل 98% وبعدد ساعات 1012ساعة مسجله بسجل الأكاديمي بعدها مباشر ه طلبتني شركة توظفت عندهم مسئول التدريب والتوظيف حتى الأن... الأن تبداء القصه.... وهو اني نويت النيه العنيفة بأن اكمل دراستي في مجال الموارد البشرية و بأمريكا ونويت في ولاية سياتل الأمريكية وكانت النيه على حسابي الخاص ومن ثم اطلب إلتحاق من هناك بس ياحبايبي بعد اللي قريته وسمعته انه الناس تاخذ شهر ونص شهرين ثلااااثه قلت لا اروح هناك ويمكن يتأخرون ويمكن ما يضفونك معهم وتقعد بالجامعه وبحياتك اليومية وبهالغربه مسوس وهذا ما يصلح ....
فقلت في بالي ياولد جيب لك قبول من جامعة سيتل او جامعة واشنطن وبعدين روح التعليم العالي نقدم لهم الطلب بأنه جبنا قبول نبيكم تضفونا معكم إذا رفضوا نكلم اللي اعرفه ويزبطنا ................
الأن تبداء الإستفسارات وابيكم الله يرحم والديكم تجاوبني لأني بحاجة
1- انا منحاس في إختيار الجامعه وانا ذكرت ولاية سياتل ما ادري واشنطن او جامعة سياتل وسمعت عنها انه غاليه المدينة والجامعه صعبه فوجهوني للجامعه اللي تشوفونها قوية وعالميه ودراستها توب مع ملاحظة اني بدرس 5سنوات سنة اولى لغة وبعد كذا اوزن الدبلوم واشوف كم البكالوريوس ممكن اربع ممكن اقل.
2- بخصوص اللغة انا سمعت كلام كثير عن المعاهد هناك فأنتم تنصحوني ألتحق بالمعهد اللي بالجامعه عشان يسهل قبولي للبكالوريوس او يكون معهد خارج الجامعه وين الأفضل والأسهل وقريت انا انه لما يكون من خارج معهد الجامعه وتبي تدرس بالجامعه لازم إختبار ودرجة توفل فأبي توجيه .
3-ابي جامعه سمعتها قوية وعالميه والدراسه فيه تفتح النفس وفي الوقت نفسه الولاية جميله وفيها اماكن تسلي غربتك فيها ناسها كويسين امن وامان ومافيها غلا قليه سعوديين وعرب انا اللي شدني في سياتل الجامعه والطبيعه اللي فيها تنسيك انك مغترب.
4-ابي تعطوني خيارات في الجامعات عشان امخمخ صح لأن والله ياجماعة ماأبي تروح غربه علي وبس واللي يقدر يفيدني بروابط الجامعه اللي يذكرها اكون له من الشاكرين.
5-ابي اعرف طبيعة الولاية اللي تنصحوني فيها من ناحيةالصرفيه والأجواء وناسها اهم شيئ هل بينبسط المغترب ويتأقلم على طووول.
6- بخصوص الشهادة البنكية شرط عشان اجيب قبول من اي جامعة امريكية وكم مدت الشهادة وهل ينفع اجيب شهادة بنكيه بأسم اخوي سمعت واحد يقول كشف حساب وواحد يقول شهادة بنكيه طيب والسفارة ايش تطلب.
واخيراً الله يفتح له باب رزق مايعرف نهايته إلا ربك ياللي بترد على موظوعي
مواضيع عشوائيه ممكن تكون تعجبك اخترناها لك:
رد مع اقتباس
المفضلات