الموضوع: رحلتي لمدة أيام إلى الريفيرا الفرنسي

المعروف ان الريفيرا الفرنسي مكان لسياحة أغنياء العالم ،،،

يقع جنوب شرق فرنسا علي البحر المتوسط، ومن أشهر مدنه نيس، كان، سانتروبيز، تولون ومارسيليا.

رحلتي للرفيرا الفرنسي كانت لمدة 7 أيام ، كنت في جنيف و أخذنا طياره على الخطوط الفرنسية air franceلمطار نيس (لعدم وجود مطار في كان ) ، كانت مدة الرحلة تقريبا ساعة و سعر التذكره مررررره رخيييص تقريبا 200 او 300 ريال و الطيارة مرتبه بالنسبة لسعرها لانها تعتبر ضمن الطيران الاقتصادي ،،،
كيفية الوصول إلى كان

في اكثر من طريقة 1- تاخذ باص يوصلك الى محطة الباصات في كان بعدها تاخذ تاكسي يوصلك للهوتيل حقك
2- او تاخذ تاكسي من المطار يوصل لباب الهوتيل ولا تحسبون المسافة بعيييده بين كان و نيس بالعكس جيدا قريبة تقريبا 20 دقيقة (15 mile)


ك‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍ـــــــــــــــان

طبعا كان مدينة النجوم و المعروف في كان هو مهرجان كان السينمائي وهو يبدء من 13 الى 14 مايو




أشهر شارع في كان وهو اللي عليه افضل الفنادق وأغلاها وهو شارع كرواست :36_3_1:


هو عبارة عن شارع طويل على البحر عليه جميع الفنادق الفخمة و المحلات و المطاعم (مكان جذب السياح السعودين)
و تختلف الفنادق من حيث السعر و الفخامة و لكل


و تمتاز كان ببحرها لان بحرها رملي بعكس بحر نيس كله حجر مافي رمل
السكن في كان

بالنسبه لنا لاننا عائله فضلنا اننا نسكن في شقق فندقية اسمها citadines carnot تبعد عن الكرواسيت 5 دقايق مشي ولكن تحت الشقق في اكثر من سوبرماركت و صيدليات محلات تاجير سيارات مطاعم صغار للاسف ما لقيت صور واضحة للشقق و حتى سعرها ابد مو غالي تقريبا ما كان يتعدا 1500 ريال باليوم لاننا ماخذين شقتين كل وحده اشخصين ...

اما بالنسبة للفنادق مليااااااااااااااااااااااااااااااااااااااااااااان على الكرواسيت و افضلها طبعا

CARLTON


و من الفنادق اللي على الكرواسيت

1- ماجستك بالنسبة لي افضل من الكرلتون لانه اكبر و يجي على زاوية و له بحر ولكن اهلي بالعكس ما عجبهم

MAJESTIC

هذي الفنادق اللي عندي الحين و انشالله اذا لقيت تفاعل زدت معلومات و اسماء فنادق و باقي الرحلة

مواضيع عشوائيه ممكن تكون تعجبك اخترناها لك:

• باريس ترانزيت ارجو المساعده
• محتاجكم لاتردوني
• محتار بالسفر في شهر اكتوبر بين فرنسا و هونج كونج
• استفسااااااااااااااااااااااااااااااااااااااااااااا ااااااار
• ما رأيكم السيارة افضل ام المترو في باريس ؟
• رحلتي من فرنسا الى انترلكن
• باريس في اوكتوبر
• احتاج مساعدتكم يا خبراءفرنسا
• بليز مساعدة
• ابي ارخص طيران دايركت من جدة ل باريس
• مخطط سفرتي لفرنسا وجنيف ولندن
• أنوي السفر بأذن الله الى اوروبا وبالتحديد النمسا وفرنسا
• رحلة العمـر إلى بلاد تــــــدمــــــــر صيف هــ
• محتاج مساعدتكم في ترتيب رحلة أسبوع
• استفسار عاجل جدااا
• رايكم في
• رحلتي الباريسية
• الانتقال من مطار باريس شارل دي غول
• الرحلة الثلجية الباريسية
• استفسار عن باريس باقي ايام علئ رحلتي

بداية موفقه يالغالية ورحلة سعيدة بس ياليت تكون الصور من تصويرك الخاص تكون اروع واجمل وخاصة معا الجو الرائع الان
والشقة من داخل شنو شكلها ياليت كم صورة وهل تستاهل سعرها ومستوى النظافة وعنوانها
حتى تعم الفائدة للجميع ويكون مرجع رائع لكل من يرغب بزيارة الرفيرا الفرنسية
والاسعار بالنسبة للتنقل من المطار للهوتيل بكم كان؟
وبالتوفيق ان شاء الله

الله يعطيك العافية :113::113:
الريفيرا الفرنسية من افضل المناطق السياحية
وكان وموناكو ونيس لها ذكريات حلوة
متابعينك

فنادق في كان :
1- Palais Stephanie تابع للسوفتيل يقع على الكرواسيت



2-Hotel Martinez

3-Best Western Cannes Riviera

4- Hotel Embassy

والله يا بنت القبايل انا رحت لكان و سكنت فيها اما نيس رحتلها رحله يوم واحد بس ما عندي خبره فيها بس قالولي صاحباتي انه نيس سوقها اكبر و احلى مع اني مررررره عجبني سوق كان ( عاشقة كان )
اذا عندك اي سؤال عن كان انا موجودة

اماكن سياحية في كان :
في باصات سياحية تاخذها من الكرواسيت تدوور فييك على كل الكرواسيت من بيدايته الى نهايته لانه يعتبر طويل و منطقة الهوتيلات او مكان تجمع السعودين تنحصر على المنطقة اللي قدام كارلتون الى ماجستيك يعني فقط نص الكرواسيت اما النصف الاخر كله اجانب مافي عرب الا قليل يعني ناخذ راحتنا اكثر البحر في هذي الجهة ما فيها عرب يسبحون كله اجانب و نظيف بس المشكله اللي يحبون ال جت سكي و البنانابوت مو موجوده الا في بحر الكارلتون ....

في منطقة دايما السعودين و السياح يروحولها يوم الاحد اسمها جوان لوبان لانها تفتح محلاتها كلها الين الساعه 12 بليل بعكس محلات كان اللي تكون مقفله يوم الاحد تبعد جوان لوبان تبعد نص ساعه او اقل بالسياره بس اذا اخذت تاكسي خلوها ترجعكم لان مافي تكاسي متوفره كثير في هذي المنطقة،،،

في رحلات يسونها الهوتيلات تاخذك من الصباح الى الليل يسمونها private tour ،،،،،،

بصراحه مره رخيص سعر التذكره

طيب بالنسبه لوزن العفش اللي معاكم ...كم كان مسموح لكل شخص؟

وكيف حجزتوا التذكره قبل بفتره والا كيف؟

بانتظار باقي الرحله

معلومات وافرة

يعطيك العافية

أختي زيزو، اذا ممكن انك تضيفي جميع المعلومات (1-أماكن سياحية،2- كيفية الوصول،3- أسعار) اللي عندك عن (نيس وكان وموناكو)، يعني باختصار تكتبي لنا كلللللل اللي كان مكتوب في ورقة خطة سفرك.


ساعدينا بليزززز ترى ورانا سفر وماكو أي تقرير فيه هالمعلومات بالقسم

مشكووووووووورة حيل

تصحيح لمعلومات التذكره من جنيف إلى نيس سعرها كان 180 ريال و لكن اشتريتها قبل شهر من الرحلة و طبعا كل ما تأخرت في موعد الشراء زاد السعر ، اما بالنسبة لعدد الشنط ماكان في اي مشاكل بالنسبة للوزن اتوقع الحد المسموح مثل الحد المسموح لل air france ، تم شراء التذاكر من الزومان للطيران .

Private tours :
تختلف الرحلات في الاوقات مثلا في رحلات ليلة او رحلات صباحية او رحلات لمدة يوم كامل
تختلف اسعار الرحلات من حيث الاماكن المراد زيارتها و مدة الرحلة :
أنواع الرحلات :
1- Monaco, Monte Carlo , Eze ، مدة هذي الرحلة 8 ساعات تاخذك هذي الرحله الى مصنع العطور في Eze و زيارة قصر ملك موناكو و مشاهدة التبديل العسكري و طبعا يوقف على القمة حيث تقدر تشوف نيس من أعلى الجبل مثل ماهو مبين بالصورة


بعدها تتوجه الى مونتي كارلو وهذي المدينة مششهوره بالكاسينو و اليخوت ...... سعر هذي الرحلة تقريبا 80 يورو و 70 يورو اذا اخذت الرحلة يوم الاحد او الاربعاء
2-Monaco and Monte Carlo: نفس الرحلة اللي قبل لكن ما يروح على مصنع العطور ، مدة الرحلة 4 ساعات سعرها تقريبا 55 يورو .
3-Cannes , Grasse , Gourdon ,St-Paul : هذي الرحله ياخذها اللي ماراح يسكن في كان لانها توديك اهم معالم كان مثل شارع الكرواسيت اللي يقام فيه مهرجان كان السينمائي كل سنة

بعدها تتوجه الى grasse مركز صناعة العطور يختلف عنeze انه اكبر او اكثر شهره ،ثم تتوجه الى gourdon و هي قرية تقدر تشوف جبال الالب منها و جوها مره حلو ،بعد الغداء تتوجه الى معرض المجوهرات في Loup gorges ثم بلاد الرسامين St paul de Vence مده هذي الرحله 8 ساعات و سعرها تقريبا 80 يورو و يوم الاحد و الاربعاء 70 يورو.

4- رحلة شاملة كل الرفيرا الفرنسي مدتها 9 ساعات و سعرها 95 يورو ولكن الصراحة تستحق تاخذك الى كل مكان موناكو ، جوان لوبان، ايز ، نيس . كان .......
5- رحلة لنيس فقط لمدة 3 ساعات ب40 يورو
6- Monaco and Monte Carlo by Night الصراحة ما رحت عليها بس يقولون حلوه مع العشاء على التراس 100 يورو.

زيزوز

رقم 3 عجبتني !!

بس من وين احجز لها ؟

كل هذي الرحلات تاخذينها من الهوتيل حقك انا اقدر اعطيك ارقام الشركات لان في اكثر من شركه تعمل هذي الرحلة لكن هذي الافضل مع اختلاف الاسعار ، السياره غاليا تكون خاصة فيك و بعائلتك او اذا كنتوا قلال يسألونكم اذا عادي نركب احد معكم او ناخذكم بسياره صغيره ....

هذي الرحلات تاخذيها من الكونسيرج حق الهوتيل حقك او اذا لقيتلك رقم الشركه تحجزيها بنفسك ، غالبا الرحلات تكون بسيارة خاصة مثل ما قلت تختارين تبين انت و عائلتك بس او اذا كنتوا قلال يسألوكم اذا عادي تركبون مع سياح او لحالكم بسياره صغيره لان نوعية السيارات فان ،،،، على فكره في اكثر من شركه بس قالولنا هذي الافضل ،،،،

انشالله قريب انزل الرحلات البحرية

الرحلات رائعة وجربت رحلة لموناكو بالهليكوبتر من نيس
ومرة رحلة بالباص من نيس الى موناكو ومصنع العطور وكان
التور افضل
نشكرك على هالمعلومات الرائعه

اشكرك جزيل الشكر

هل كل الفنادق عندها هالتوووور ولا فنادق معينة ؟

يعطيك العافيه على التقرير

يسلمووو الصوور حدهاا حلووه

رائع بصراحه سعر التذكره والأروع الوزن عادي يعني مو مثل الطيران الاقتصادي اللي نوفره بالتذكره يروح بالوزن....طيب لو اخذها من مدينه غير جنيف يختلف السعر كثير والا بس فرق بسيط؟

طيب بالنسبة للفنادق في نيس انا حصلت الميريديان بـ 440 يورو بلا فطور

و المريديان و الماريوت اللي بمناكو ارخص و مع فطور ؟!

اسكن بمناكو ! هل بحرها حلو و شواطيها رملية ؟! و هل فيها العاب بحرية مثل البراشوت و البنانا بوت و هذي الامور

و لا اقعد بنيس بلا فطور ؟

والله ما عندي معلومات عن بحر موناكو بس انا اقول من وجه نظري انكم تسكنون في نيس احسن لان موناكو ممله انك تسكنين فيها اسكني في نيس و مدحولي هذا الهوتيل Le Palais de la Mediterranee قالولي مررررره حلو و في كل شي .

مافرق عن سعر المريديان ، خلاص شكلي برسي على نيس

بالنسبة لمناكو اكتشفت ان الالعاب البحريه اغلى :

البراشوت في نيس 40 يورو و هم 70

الدونت 25 و هم 45

فضلاً ان ماريوت موناكو بعيد عن البحر يعني نحتاج مواصلات !!

والله على حسب ما قريت في موقع الهوتيل انه يبعد عن البحر 100 متر ،،، ما عندي معلومات للأسف عن موناكو لاني رحتلها في تور صاحباتي قالولي انها ما تسوى انك تسكنين اذا انتوا مقررين مثلا 7 ايام في الرفيرا قسموها بين نيس و كان بدل نيس و موناكو و روحوا لموناكو و منتيكارلو بتور مثل ما كتبت في ردي السابق عن التورز

شكرا لك على هالموضوع الجميل

خلاص خذت الميريديان مع فطور بـ 460 لثلاث اشخاص + الغرفه بها بلكونه

الرحلات البحرية :


1- رحلة لمدة 15 دقيقة lerins islands تبعد مثل ما ذكرت 15 دقيقة عن كان ، كل ساعة في رحلة .مثلا تروحلها العائلة الصباح و تسبح و تتمشى فيها لانها صغيرة مو كبيرة و متى ما مليتوا ترجعوا على كان المسافة جدا قصيرة .





سعر التذكرة : الكبار 11 يورو ، الصغار 5.50 يورو ، اقل من 4 سنوات مجانا

2-رحلة كروز لسانتروبي saint tropez المسافة ساعة و الربع ، مدة الرحلة تقريبا 5 ساعات
سعر التذكرة : الكبار 40 يورو ، الصغار : 26 يورو ، اقل من 4 سنوات مجانا



3-رحلة لموناكو : المسافة ساعة و ربع ، مدة الرحلة 7 ساعات تقريبا
السعر : الكبار 42 يورو ، الصغار 26 يورو ، اقل من 4 سنوات مجانا


علما بانه وقت التبديل العسكري في قصر الملك الساعة 11.55 ظهرا

5-مشاهدة الالعاب النارية على كورنيش كان و لكن انت في الكروز



تختلف التواريخ غالبا في شهرين جولاي (14 . 21 ،29 ) اوغست (7 ، 15 ، 24 ) هذي التواريخ تابعة للسنة اللي فاتت يمكن تتغير هذي السنة .
سعر التذكرة : 14 يورو سواء طفل او كبير .

اه ذكرتني بموناكو .................... قضيت فيها بعض من شهر العشل عام الفين وخمسه ...... كم تقريبا التكلفه للريفيرا الفرنسيه اعائله مكونه من 4 اشخاص انا ومدام وطلال وشغاله وكيف سانت تروبيه حلوه ؟؟؟؟؟

مرحبا اختي zizo's
والله يعطيج العافية على هذي الموضوع اللي جاي في وقته لأني ناويه على الريفيرا هذه السنة
اعتقد ان الموضوع مكرر في المنتدى لأني استفسرت في الموضوع الأول واكتشفت انو في واحد ثاني مكرر
استفساري عن اليخت اللي ياخذج على جزيرة الصراحة ما اعرف اسمها اذا كان عند معلومات تفيديني؟
وبعد استفسر عن رحلة الهيلوكبتر بكم ومن وين تطلع؟
وشنو الأماكن القريبة من دول الأخرى اللي الواحد يقدر يروح لها بالقطار؟

اهلين اختي مزيونه اسفه ما فهمت سؤالك هل تسألي عن الرحله اللي كتبت عنها لمسافتها 15 دقيقه عن كان ؟
هذي الرحله جميله و ممتعه بالنسبه لي كانت مناسبه لاهلي اخذنا راحتنا بالسباحه و العاب المائيه ....
- بالنسبه لرحله الهيلوكبتر للاسف ما جربتها بس في وحده من الأخوات ردت على موضوعي و فضلت رحلات السيارات الخاصه او ما يسمى بالبرايفت تور عن الهيلوكوبتر.
-الاماكن القريبه كلها تقدرين تروحيلها بالسياره ما يحتاج قطار و اذا تبين تروحين باريس في قطار لكن طويله المده تقريبا 6 ساعات ....
أتمنى أكون فدتك و انا حاضره لأي استفسار

مشكورة اختي zizo's ماقصرني
الصراحة آنه ما عندي معلومات بس اللي سمعته ان في يخت تاخذينه برايفت
وياخذج على جزيرة اعتقد مع الغدا يجوز هو نفس رحلتج!!
وعندي استفسار ثاني شنو اسم الطيران اللي من جنيف؟
وعذرني على كثر استفساراتي ترى آنه بانتظار تكملين التقرير بادق التفاصيل

رحلة ممتعه بصراحه


بس عندي سوال لو سمحت: نقدر نوصل للريفيرا من باريس بالسياره ؟


وكم ساعه اذا ممكن ؟

تقرير جميل ومعلومات أجمل

تقرير روعة ....

مشكووووووووووووووووووووور على التقرير

روووووووووووووعه لا هنت

تقرير رائع ، حمستني ازورها هذا الصيف ان شاء الله

اسفة على الرد المتأخر لكن يا اختي نواري ما جربت بالسياره بس تقريبا 7 ساعات لان القظار من باريس الى كان 6 ساعات او 7

شكرا على الموضوع بصراحة حمستني كثير اني ازور الريف الفرنسي

موضوع رائع