الموضوع: طالب مستجد كويتي ابي مساعدتكم بملابسي شسالفه هههههه مشكورين

[center]السلام عليكم و رحمه الله و بركاته

انا عضو يديد و الصراحه المنتدى روووعه ... الله يعطيكم العافيه
و هم انا طالب جديد كويتي بأمريكا (بولايه ويس فرجينا) .. انا للحين بالكويت بس انشالله رايح على الشهر الياي ان شالله اذا الله سهل ..
المطلوب !! :

مابي اخذ معاي جنطه كبيره و اكثر بالملابس لاني بسافر لاكثر من منطقه قبل لا اوصل الجامعه و مثل ما ناتوا عافين انه طيارات الداخليه صغيره و مابي اتأذى .. و بنفس الوقت ابي ملابس لان ولايتي بااااااارده واااايد

:: و انزين شنو المطلوب ؟؟ !! ؟؟ :: حيرتنا ؟؟
انا اقولكم :: ابي استشارتكم او نصيحتكم او اوامركم او اقتراحاتكم حق اخوكم الصغير محمد .. اخذ ملابس من الكويت ؟؟ وله اخذ من امريكا ؟؟

هل اهناك البس افضل ؟؟ ادفاا ؟؟

و على فكره انا رايح عالكرسمس و يكون في عروض حلوه بهالوقت ؟؟

و مشكورين على مروركم و الله يعطيكم العافيه .. سوري على القرقه و ( الهرج ) بالسعودي :115:[/
على راسي و مع السلامه
center]

مواضيع عشوائيه ممكن تكون تعجبك اخترناها لك:

• وين ألاقي،،،،،
• يا ريت تساعدوني لو سمحتم ضروري
• هل يمكن استخراج فيزا بدون تحديد موعد السفر
• تأجير سياره في أمريكا
• انا طالب بالثانوي ورايح سياحة هل احضر تعريف العمل
• فزعه خبراء البوابه نيويوركواشنطنسان دييغو
• سفر مفاجيء إلى هيوستن أفيدوني ؟؟
• بروح بوستن للعلاج وابي مساعدتكم
• استفسار بخصوص الابليكشن للفيزا السياحية خانة
• سلام بخصوص الدراسة والفيزة بليز تعالو
• هل التعريف بالراتب ضروري؟؟؟
• هل يفتشون حق الأطفال بالمطار
• ترانزيت امريكا
• الفيزا الامريكية وسوالفها تعبت من الانتظار الخيال انتظر ردك
• استفسارات عن الفيزا بالكويت للذين استخرجوا الفيزا مؤخرا
• محتاج مساعده في شيكاغو
• هل شراؤه من أمريكا أفضل أم؟؟
• بجلس ثلاث ايام بواشطن عند وصولي اين اذهب
• استفسار بخصوص الفيزا العائلية لامريكا
• بالتفصيل اللي صار بالمقابله حقت السفاره

ماهي المنطقة التى سوف تذهب لها
ابحث في قوقل عن منطقتك ودرجات الحرارة يعطيك لمدة سنة
وانت قارن واختار
وعلى العموم كلما اتجهت شمالا زادت البرودة

المشاركة الأصلية كتبت بواسطة البحرالهادي
http://www.arabtravelersforum.com/tr...5/#post2428895

ماهي المنطقة التى سوف تذهب لها
ابحث في قوقل عن منطقتك ودرجات الحرارة يعطيك لمدة سنة
وانت قارن واختار
وعلى العموم كلما اتجهت شمالا زادت البرودة





مشكور عمي على التعليقك West Virginia يم Ohio و تحت New york

و انا الي اعرفه انه بارده جداااااااااا

هلا محمد ..

اول شي ان شاء الله توصل بالسلامة .. والله يوفقك بالدراسة ..

بالنسبة للملابس انا افضل انك تجيب الملابس الي تلبسها بالكويت جينزات و جاكيتات و غيرها .. واهم شي البجامه الداخليه لاني ما اشوفها في امريكا ... و بنفس الوقت تدفي ... في نوع صوف بالسوق بالسعودية ما ادري اذا في بالكويت رهيبة .. واذا جيت تشوف المحلات و تبدا تشتري الي ناقصك و طبيعة الواحد انه يحب يجدد واكيد بتلاقي اشياء مناسبة لك..

لان الواحد اول ما يوصل بيكون مشغول بالسكن و الدراسه و حياة جديده مو فاضي للاسواق و خصوصا بالشتاء الواحد ما وده الا ينام وبس

لاتجيب ملابس كثير هنا الملابس وش كثرها و نوعيات احسن وبالتوفيق

اول شي بالسعوديه مانقول الهرج نقول الكلام او كثرة الكلام د******** طلعت عن الموضوع

الاخوان كفو ووفو لكن يفضل انك تاخذ وتستعد من ديرتك افضل الى ان تستقر وتتعرف على الاسواق هناك وعموما هناك كل شي متوفر وتلاقي باوقات تخفيضات على الجاكيتات والملابس مره حلوه

بس مثل ماتفضلو يفضل انك تستعد بيجامات داخليه

لاحبيبيتي نقول هرج ومين الي قالج مانقول وانا اختك اخذ ملابسك من الكويت وربي يسهل عليك ويوفقك

السلام عليكم . اما الاخ الي قال لك البجامات الداخلية نجح ليش انا يوم رحت انفعوني كان هنالك ثلج والملابس ودها معاك احسن عشان هنالك توفر فلوسك حق اشياء تحتاجها وخل معاك مبلغ لاتحركه كلش الا للضرورة . وبالتوفيق وشكرا للجميع

تبي نصيحتي محمد

اخذ اللي تقدر عليه بس لا تكثر تدري ليش لانك رايح في الكرسمس تنزيلات بالهبل والاسعار اصلا رخيصه هناك شلون لو تصير تنزيلات

الملابس اللي عندنا في الكويت راح تتحسف انك اخذتها وياك لانها ما تنفع للبرد هناك

هناك الناس متعوده على البرد وملابسهم مخصوصه للبرد يعني الفلوس اللي تبي تشري فيها هني اصرفها دولارات احسن لك

لكن ما يمنع تاخذ معاك ملابس كويتيه مثل البجاما الدشداشه والمكسر وبشت بعد هناك مافي

الله يوفقك ويعينك على الغربه

انا نصيحتي عكسهم اشوف تاخذ من امريكا لانها اارخص واحلى كل مكان اوت لت وكلها تخفيضات طول السنه يعني بس خذ الشي الاساسي والباقي نصيحه من امريكا

خذ معاك ضروريات وممكن تشتري من هناك

المشاركة الأصلية كتبت بواسطة يارا الدلوعة
http://www.arabtravelersforum.com/tr...5/#post2442025

لاحبيبيتي نقول هرج ومين الي قالج مانقول وانا اختك اخذ ملابسك من الكويت وربي يسهل عليك ويوفقك



:109::109::109:

انا اقول مانقول هرج في الرياض نقول الكلام ماعمري سمعت كلمة الهرج يمكن على حسب المنطقة اللي ساكنه فيها:101::101: