الموضوع: يوم الأحد السفر ويظهر توهقناإستفسارات مهمه

السلام عليكم ورحمة الله وبركاته
صباح الخير على الجميع وما أطول عليكم لأن عندي استفسارات مهمه, وأفيدوني يالربع

1- بالنسبة للسيارة والمدة 13 يوم. انا استأجرت من يوروكار (مؤكد) و sixt (مو مؤكد) فوش الأفضل فيهم لأن يوروكار لهم تأمين شامل بس بدون الزجاج و الكفر أما sixt فالتأمين كامل. الأول يكلفني قريب ال9 الف ريال. والثاني يكلفني 9 وشوي.

2- هل تنصحوني اخذ السيارة من مطار munich ام لا, علما أنني نازل في ميونخ 4 ايام وباقي الايام خارج ميونخ. (محتار لأني قرات للكثير هنا ان ميونخ ماتنفع بالسيارة دام فيه مواصلات عامه).

3- جهاز القارمن او الgps من جرير لازم اشتريه حتى لو فيه navigation في السيارة, لان خايف نتحول من شهر عسل الى شهر ضياع في جزيرة الكنز.

4- رايكم بهالفنادق
ميونخHotel Bayerischer Hof سالزبورج Hotel Bristol Salzburgكابرون Lederer's livingTauern Spa Hotel & Thermeكابرون ميونخ Sofitel Munich

5- بالنسبة للكاش كم تنصحوني يكون معي في اليد (غير الي في debt + credit cards)

6-بالنسبة لسالزبورغ وكابرون هل احصل فيها مسجد او مصلى والا مافيه الا صلاة في السكن!

7- نصايحكم يالربع وهل فيه شيء لازم ننتبه له وقت القيادة وقت التنقل؟ وهل المحطات تكون متقاربة والا كل ماوصل الديزل مدري البنزين للنص فنعبيه Full.

8- بالنسبة للمصروف فانا حاط متوسط الصرفية لنا الأثنين بشكل يومي حول 600 ريال. ومدري كم احط ميزانية بشكل عام للصرفيات.

مشكووووووووووورين وربي مايحرمنا من طيبتكم وتعاونكم.
وانا اعرف اني جاي في الوقت بدل الضايع بس قدر الله وماشاء فعل والمهم ربي يوفقنا ويوفقكم ويسهل امورنا جميعا.

انتظر ردودكم.

مواضيع عشوائيه ممكن تكون تعجبك اخترناها لك:

• استفسارات ميونيخيه
• أقرب المناطق للدنمارك
• تاجير الدراجات النارية في اوربا
• شهر العسل في اكتوبر نصايحكم أحبتي
• هل الطفارى يقدرون يسافرون لسويسرا
• شريحة جوال وبرامج الكمبيوتر المنسوخه
• ماهو الشارع الرئيسي في مدينة في الغابات السوداء
• السكن تكفووون
• استخدام الانترنت في اوروبا عن طريق شريحة
• ساعدوني بليز
• لوسمحتوووووو ضروررررررررري
• افضل طريق من ميونخ الى فانتازيا لاند
• مساعدتكم الله يجزيكم الخير ضروري
• استفسار
• مخطط رحلتي يسعدني رأيكم فيه
• رايكم في موقع
• صلاة العيـــد في ميـــــونخ
• تكفون ساعدوني جزاكم الله خير عشان ابوي ياكويتين
• خبراء المانيا اخن منواللي شغل خدمه البلاك بيري
• عندكم معلومات عن اكواخ في بادن بادن

بداية جزاك الله خير يا شيخ عزام وبيض الله وجهك وأسعدك مثل ما أسعدتني.

1- أما بخصوص السيارة فهي (bmw 520 *navi) والقيمة 1641.25 يورو.

2- بالنسبة لوصولي فـإن شاء الله يكون وقت الظهر وكنت ناوي في ميونخ كم يوم وبعدها انطلق لكابرون. فهل تشوف الخطه مناسبة أو أعكسها ويكون بدايتي في كابرون وبعدها سالزبورغ وبعدها ميونخ؟

3- بالنسبة للفنادق الله يسلمك:

ميونخ (Sofitel Munich)
سالزبورج (Hotel Bristol Salzburg)
كابرون Tauern Spa Hotel & Therme + Lederer's living
واخيرا في ميونخ للعودة Hotel Bayerischer Hof

4- جزاك الله خير على احداثيات المسجد لأني كنت شايل هم مكان الصلاة وين يكون.

في انتظار ردك وافادتك ومازال فيه وقت إني اغير الحجوزات للفنادق واعكس الطريق
أهم شي يكون 7 ليالي في غيلامسي
ليلتين في سالزبورج
و ليلتين في ميونخ

شكرآ لك يا أخوي عزام

هلا اخوي والعفو وهذا واجبنا
بخصوص السيارة انا اخذت بي ام دبليو اقل من هذي فئه بدرجة
اذا كان وصولك نهار افضل انك تتنطلق عاي كتبورن عاي طول وتخلي ميونخ في الاخير
ونهاحيت الفنادق ممتازة بس اشوفك مركز علي الفنادق الشقق خاصتا في الارياف جداا ممتازة

ممكن تنصحني بـ شقق أو أماكن في الريف مناسبة لشهر العسل لأن مثل ما يقولوا الإنطلاق حيكون من القاعه للمطار

وشكرآ لك وأنا حغير السير واخليه مباشرة من المطار لـ كابرون وبعدها سالزبورغ وبعد كذا لـ ميونخ.

عندك شقق ssg لكن تحتاج تراسل صاحبتها
وتنسق معها في السكن وراح تدعي لي

واضيف علي اخوي الغالي قايد
شقق Emma
وهذ رابطها
http://www.booking.com/hotel/at/emma...ml?aid=1329869

جزاكم الله خير والله احترت أكثر وكل وحده فيهم تسحر أكثر من الثانيه

ايش اللي محيرك لا تحتار ولا شي الموووضوع بسيط جداا ووكل امرك لله وتزين ان شالله

ايش اللي محيرك ؟

يا شيخ عزام والله احرجتني بطيبتك وكرمك و مو قادر أستفسر أكثر وهذا اخر استفسار

هل تنصحني اكنسل فندق في كابرون واخذ شقه من الخيارات الي طرحتوها دامها تنفع للعرسان ؟ او ممكن تقترح علي جدول معين في توزيع الأيام؟

- الوصول يوم الأحد ميونخ.
- الاحد و الاثنين و الثلاثاء و الاربعاء و الخميس ( الخيارات مفتوحه في الوجهه والسكن)
- من الخميس و الجمعه و السبت (لازم فندق في كابرون لان الحجز ماينفع الان فيه الالغاء)
- ومن السبت و الاحد والاثنين و الثلاثاء ( الخيارات مفتوحة في الوجهه و السكن)

أخيرا ما اقول الله جزاكم الله خير جميعا ويا شيخ عزام الله يسهل امورك ويفك عنك اي كرب وما ننساك من الدعاء.

اللهم امين يااارب

واسال اي سؤال وخذ راحتك في اي وقت


بخصوص الشقق انا جربتها الاثنين بصرااحه ممتازة مررره انا اقوولك ليش وانتي اللي تحكم
اولا تاخذ راحتك اكثر من الفندق وعندك شقة كاملة من الي من المطبخ الي الحمام الله يكرمك
وبلكونه تحس انك في بيتك وكل اثاثها في شركة ايكيا


اما ا الفندق احس راح تكون مقيد في كل شي


التنبية


الشقق اللي معورضة لك لها رسوم تنظيف غير السعر المعروض في بوكنك
الشقة ssg
تتنظف كل يوم ولها رسوم راجع بكنك في السعر


اما الشقة الثانية انا سكنت فيها قبل شهرين
ما تتنظف الا مرة وحدة عند قدموك ولمن تغادر عادي خليها ماهي نظيفة
وايضا رسومها في بكنكج


انا لو عني انا اتمنى اسكن في شقق اغلب رحلتي وفي الاريااف شي ثااااااني
ووكل الله وراح تتدعيلي


كل الشقتين ممتازة وعن تجربة شخصية

كفيت و وفقيت يا غالي وماقصرت .. وما اعطيتني إقتراحك و رأيك بخصوص الجدول

----------
- الوصول يوم الأحد ميونخ.
- الاحد و الاثنين و الثلاثاء و الاربعاء و الخميس ( الخيارات مفتوحه في الوجهه والسكن)
- من الخميس و الجمعه و السبت (لازم فندق في كابرون لان الحجز ماينفع الان فيه الالغاء)
- ومن السبت و الاحد والاثنين و الثلاثاء ( الخيارات مفتوحة في الوجهه و السكن)
--------

بيض الله وجهك و وجوه جميع الإخوه والاخوات الي مايقصروا ابد في مساعدتهم وكرمهم بالمعلومات علينا

ياهلا ياا غالي حيااك ومرحبااا وابشر مااايصير خاطرك الا طيب

انا نفسي اضيف لك شي لان ميونخ مرره كثيرة عليها 5 ايام

اببي اعيطك خيار ان شالله يعجبك

2 ميونخ
2 ايام برتاسيو
3 ايام كابرون
2 سالزبورغ
3 ميونخ

وتقدر تخصص يوم كامل لقارمش من الصابح الي المساء من ميونخ في اواخر الايام

مشكلتنيا في كابرون عشان الحجز مافية الغاء لو تقدر تلغية بس ما تكون الخسارة كثيرة
لان كنت اتمنى تقضى اكثر وقت فيها وكمان ولو تقدر بدال ما تحذف تقدر ضيف ايام ميونخ عليها اقصد

ميونخ القدوم و تحذف بيرتساو

يصير خط سيرك باللي أنا ذكرتهلك بعد إضافة بيرتساو النمساوية

https://s.yimg.com/qn/up/travel/2/2/...ef1bf69ff7.png




واسئل اي سؤال ولا تررد المرقيبن والمشرفين والاعضاااء في خدمتك

ما اقول الا يا جعل مثواك الجنه إنت وأهلك ومحبينك وكل المسلمين

شكرآ شكرآ شكرآ شكرآ

عن ظهر قلب لك الدعاوي يا أخوي

بيض الله وجهك يالنشمي

شكرآ لك

المشاركة الأصلية كتبت بواسطة The Beast
http://www.arabtravelersforum.com/tr...4/#post8316374

ما اقول الا يا جعل مثواك الجنه إنت وأهلك ومحبينك وكل المسلمين

شكرآ شكرآ شكرآ شكرآ

عن ظهر قلب لك الدعاوي يا أخوي

بيض الله وجهك يالنشمي

شكرآ لك





امين يارب ومن قال ومن يقراء


لا تتردد بأي استفسااار يواجهك


واتمنى لك رحلة سعيدة يارب وموفقة

اخوي عزام ممكن استفسر في هالموضوع من بعد اذن اخوي

انا عندي 14 يوم الوصول والمغادرة من مطار ميونخ

هل ينفع نفس الي في الخريطة والا تقترح شيء ثاني ؟

ينفع ياغالي

ميونخ 1 - برتاسيو 2 - زيلامسي 5 - سالزبورغ 3 - ميونخ 3

وتخصص يوم لقارمش من ميونخ في الايام الاخيرة