الموضوع: ياليت احد يفيدني تكفون

مرحبا بالاخوان والاخوات في البوابه الكويتيه اتمنى تجاوبوني على بعض الاستفسارات وتفيدوني انا جايه للكويت باذن الله على بدايه الاسبوع القادم و ودي اسأل عن الفنادق الحلوه المتوسطه السعر يعني 400 الى 600 ريال وتكون بمنطقه فيها حركه ما احب المناطق الهاديه و ودي اسأل عن المجمعات الحلوه ومتى تقفل واذا قفلت اقدر احصل مطاعم وقهاوي حلوه اقدر اسهر فيها علما بأني اول مره ازور الكويت ومره متحمسه ودي اشوفها انا وزوجي وطبعا تعرفون اغلب الخليجيين مايصحون الا المغرب فاتمنى الاقي شي في الليل اطلع له وشاكره ومقدره لكم

مواضيع عشوائيه ممكن تكون تعجبك اخترناها لك:

• خريطة دولة الكويت
• استفسار عن البطاقه الجديده ؟؟
• هل اقدر اعتمد على التاكسي في مدينو الكويت
• تقريري فندق الماريوت
• تفتح عندكم الأسواق صبح الجمعة أو لا
• عاجل جداً تكفون ياجماعة
• ممكن مساعده من الاخوات الكويتيات
• طلبتكم طلبة تسألون لي وتعطوني خبر مع الشكر الوفير والدعاء لكم بالجنه
• أسوأ مطعم
• استفسار عن خسارة طيران الوطنية
• الفزززززعه من الكويتيين
• جاي الكويت بكره وعني كذا سؤال ؟؟
• اريد اسواق حلوة وغربيه و اسعارها معقوله
• طيران البحرين يطلق خطا جديدا مباشرا بين بيروت والكويت
• محتاج وصف الطريق من السالميه الى ابوحليفه
• فــــي الكـــــــويت لـــــــؤلـــــــؤة الخــــــــليج مارس
• جائزة «إنتركونتيننتال لـ كراون بلازا الكويت
• مطلوب شاليهات سياحية بمسبح خاص في الكويت
• حفلات فبراير؟ سكن ؟
• اعلنهاا صريحة احبك يالكويت

راح تنور الكويت فيكم ان شاء الله

اختي في وايد فنادق حلوه في عندج فندق المرينا عالبحر و بمنطقة السالميه

بوسط السوق و المجمعات صحيح سعره غالي بس موقعه وايد زين

و عندج بشارع المجمعات فندق توه فاتح بس للاسف ناسي اسمه و اعتقد

رخيص ليلته 28 دينار وبالنسبه للمحلات اغلبها تسكر 10 او 11 على حسب الايام

في العطل تسكر المحلات 11 و الايام العاديه الاغلبيه تسكر 10 او 10.30

اما بالنسبه للمطاعم و المقاهي الاغلبيه تسكر الساعه 12 بليل لكن بايام العطل في

مطاعم تقعد لي الساعه 1 الفجر و عندج افضل مجمعات بالكويت

المرينا مول و الافنيوز و مجمع 360 صارله شهر فاتح و عندج باقي المجمعات

الي بشارع سالم المبارك و بالنسبه للمطاعم عندج المطاعم الامريكيه و الايطاليه و اللبنانيه و غيرها وايد

افضلها بالنسبه لي قصر البردوني مطعم لبناني و ميس الغانم لبناني و ايام زمان لبناني

بالنسبه للمطاعم الاجنيه من افضل المطاعم عندي بافلوز هذا في مجمع الافنيوز انا مدمن هذا المطعم

وعندج فرايديز وتشيليز و ابل بيز

والمطاعم الكويتيه فريج صويلح و الهنديه مغل محل و قيصر

وفي عندنا شارع اسمه شارع المطاعم هالشارع كله مطاعم مثل كابوريا و تايم اوت و سهران وولهان

و كوردو وغيرهم من المطاعم السريعه لكن اذا حبيتي تجربين شاورما لذيذه عندج كوردو و الفروج

الشاورما مو طبيعيه واذا حبيتي تجربين سندويش شيش طاووق عندج كابوريا

واي شي تبين احنا حاظرين

وفي شغله اخيره السينما اخر عرض فيها 12.15

يعني اذا خلصتوا يوومكم وما جاكم النوم روحو السينما

بالنسبه لي افضل سينما من ناحية الكراسي المريحه

سينما الفنار و سعر التذاكر 3 دينار للفلم و يوم الاثنين سعر الفلم 1.5 دينار

ما شاء الله اخى بارون استوفى كل التساؤلات والردود، بس جبيت ازيد على موضوع الفنادق، لو تبيى فنادق او شقق فندقية دشى على موقع فندق دوت كوم ، موقع كويتى متخصص بحجز الفنادق والشقق الفندقية فى اغلب دول العالم وميزته ان اسعاره دايما الارخص من باقى المواقع ومن مكاتب السفر والفنادق، واهم شى ان الحجز مجانى والدفع لما توصلوا الفندق انشاء الله، ورابط الموقع http://www.fendeq.com

واحسن فنادق موجودة بمنطقة الكويت العاصمة، واحسن الشقق الفندقية موجودة فى منطقة السالمية ومنطقة السالمية من احسن مناطق الكويت وفيها مجمعات وسينما ومطاعم كثيرة جدا فى شارع المطاعم المشهور وسوق السالمية المشهور ومجمع الافينيوز على الخليج ومطعم سلطان فى شارع حمد المبارك وفى شارع الخليج ، ومن احسن فنادق السالمية فندق ايبيس ibis فى شارع سالم مبارك اشهر شارع للمحلات والمجمعات والمطاعم

ولو عاوزه تعرفى تفاصيل اكثر عن فنادق والشقق الفندقية بالكويت دشى على هذا الرابط ، وممكن تسوي حجز فورى

http://fendeq.com/results_w.php?city_id=-789552

وما تنسينا بالدعاء، وتنوروا بلدكم الثانى الكويت

يعطيكم الف الف عافيه ماقصرتوا من جد اهل الكويت جد جد طيبين و انا اتشرف بزيارتي لها بس بسأل فيه مطاعم ومقاهي تكون مثلا عالبحر او جوا الديره تفتح للفجر مثلا 2 او 3

والله يا اختي مثل ما قتلج المقاهي و المطاعم اغلبها تسكر 12 بليل

خصوصا الي تفتح للعائلات اما المقاهي الشبابيه 24 ساعه

وبالسبه لمقاهي البحر عندج المرينا في مقاهي كثيرا عالبحر

و عندج سوق شرق فيه مقاهي عالبحر و الحين الجو عالبحر

عجييييييييييييب مع الشيشه