الموضوع: منو جرب السفر مع قروب؟

قوه اخوانى المسافرين والمسافرات وبالاخص اهل الكويت

اول شى ابارك لنا هالقسم الحلو عن الكويت ولله استانست لما شفته :115:

ثانى شى بعرف منو جرب السفر مع قروبات سياحيه تمدحونها ولا مالها داعى :114:

عمرنا مارحنا فيها دايم اسافر مع الاهل بروحنا بدون تخطيط لسفر واحس لما نرد لديره نتحسف يفوتنا بعض المناطق السياحيه ماشفناها لان مامعانا مرشد سياحى وسمعت بنات يمدحون القروب لانه ارخص وناسه اكثر والسفره تكون منظمه ومرتبه ومحدده احسن من الفوضى بسفرتى مع العايله
وهم يقولون عيبها اننا نكون مقيدين وملتزمين فى المكتب مع القروب ويمكن يصادف يكون معانا ناس غثيثين

انتم شرايك يا اهل السفر والخبره بالمواضيع هذى ابى نصايحكم عفيه لاتبخلون على اختكم

فى انتظار ردودكم

مواضيع عشوائيه ممكن تكون تعجبك اخترناها لك:

• دخول الكويت لحاملي الجنسية اليمنية
• منو فيكم جرب قروبات جنوب افريقيا يتفضل
• تقرير عن مـولات الكويت
• أتمنى المساعدة سوق السيارات
• بخصوص كرت الزياره ساعدوني
• رأيكم يهمني محتار بين فندق الواحة و فندق كويت حياة سويتس
• سؤال بخصوص جواز السفر؟
• البطريق الثلجي في الكويت
• اريد معرفه شروط دخول اليمنيين للكويت ضروري ياخوان ويا اخوات مساعدتك
• يوم الجمعه والمولات متى تفتح يا اهل الكويت ؟
• ماهي افضل شقق في السالميه
• الطريق من الكويت الى دبي ؟
• أم خماس
• اقرب شقق لمجمع المارينا
• «§¤¶ زيارتنا لمطعم جوني روكتس الافينوز و تصويري لمدير و جرسونات المطعم ¶¤§»
• جزيرة فيلكا في القريب العاجل
• جايتكم يااهل الكويت وابي فزعتكم
• توهقت ساعدوني عاجل جداااااااااا
• دلوني وين القاها
• وين الاقي دوه منقل الفحم

[frame="7 80"][align=center]السلام عليكم اختي خفوق

بالنسبه للسفر مع العائله أفضل من القروب على حسب الدوله
لأن القروب في التزام في المواعيد والفنادق والرحلات وتكون محدده في الكويت
بالنسبه للسياحه في بالفندق مكاتب للسياحه أو خارج الفندق تعرض السياحه والمناطق السياحيه
للرحلات السياحيه على مزاجكم تبين مع قروب ولا خاصه فيكم الرحله
وهذي وجهة نظري أنا
:smile001: [/align][/frame]

بصراحه احس السفر مع قروب متعب شوي

خليكم مع العائله وبس

مشكورين اخوانى على الرد

وبنروح عايله انشالله

اريت احصل لي احد اسافر وياه بس المشكله مو كل من يصلح للسفر :110:

بالنسبة لموضوع القروبات .

بصراحة أن سمعت ان فكرة القروبات ممنوعة في السعودية

علشان كذا أنا راح أسأل الأخوان اللي في الكويت او باقي الخليج عن المكاتب اللي تقدم هالخدمة ..

لأنه بصراحة أحيانا يكون الشخص لوحده ولا معه صديق فيضطر يروح مع قروب احسن

طير البحرين سافر مع قروب اذا تبى حد معاك

اخوى مسافر شاكره مرورك بس بنسافر بدون قروب احسن

كل شيء له جانب سلبي وأيجابي

القروب يصلح للشخص اللي يسافر لحاله
القروب يخليك تزور أهم الأماكن السياحيه في البلد
منظم ودقيق في مواعيده
تتعرف على عادات وثقافات أكثر عن طريق أحتكاك بأعضاء القروب

أعتقد أنه من الأفضل انك تنوع في نفس السفره , بمعنى انك تخلي نص مده السفره
مع القروب والنص الثاني مع عائلتك او لحالك, وبكذا ماتفوت شيء

مع تحياتي

كلامك صح اخ موبايلى

وشاكره مرورك وردك

انا جربت السفر مع قروب عن طريق الكويت وكانت وجهتي الى اسطنبول والقاهره .. وكانت (( ولا اروع )) وكانت مع العائله .. ووالله انها افضل سفره اسافرها الى الان رغم كثرة سفرياتي ..

بصراحه انصح بها .. واشدد على ذلك ...

كل الود ...

مشكور اخوى المغربى المهاجر على النصيحه

يمكن بيوم اجرب اسافر قروب حلوه التجارب الجديده

السفر مع القروووب وااااااااايد حلو..
خصوصا اذا لأوروبا لأنهم يودونك وااااااايد اماكن سياحيه حلوه...ووناسه خصوصا اذا كانو القروووب يعني حبوبيين..وانا بيني وبينكم افضل سفره سافرتها مع قروووب وكانو قروبنا كلهم عسل..ومو طبيعيين..

فأنا انصحك السفر مع القروووب..

ولله شكلى يابوطونى بتوهق هالصيف وبقعد فى هالحر

حجزنا وكنسلنا والحين انطر الاهل يقررون على بلد ثانى اذا يبون يسافرون ولا اقضى الصيف بالدورات والنوادى النسائيه

على فكره بقولك شى ادرى بدش عرض بالسالفه بس انصحكم الى مثلى احتمال مايسافر هالسنه يدش نادى التوستماسترز

شكرا ابو طونى على الرد بس متاكد انك كويتى وولدك اسمه طونى؟؟


اختك/ خفوق

بما اني انا بوعيال صغار افضل اسافر بدون قروب واخذ شقه واقعد فيها لي الرده
لان القروب ما يصلح لي نهائي اول شي مكلف بالنسبه لي والشي الثاني ما لي خلق
اسحب بهاليهال واتهاوش ويا المدام كل ساعه

هههههههههههه الله يعينك يابوالعيال