الموضوع: شرايكم بتنظيمي لرحلتي لدانة الدنيا ليالي

السلام عليكم ورحمة الله وبركاته

حبيت اعرض لكم فكرتي لرحلتي لدبي لمدة 7 ليالي ( احس مو كافي )
اولا الاقامة في فندق قمر الدين بعد البحث الطوويييييل استقرينا على هذا الراي والطيران الكويتية
والاماكن:
دبي مولا طبعا
الامارات مول
ابن بطوطة
وافي سنتر
ميركاتو
التنيين
القرية العالمية
الووك
قرية الجميرا
ابي رايكم بالاماكن والميزانية تقريبا 1300 دينار كويتي
ها شرايكم في تعديل او نصايح؟؟
وشرايكم بسفاري تصلح نروح لها انا وريلي بس؟

مواضيع عشوائيه ممكن تكون تعجبك اخترناها لك:

• ما الأفضل دوست مارينا او شقق الواحة أو فندق
• مخالفة في مترو دبي خلال الربع الأول
• المربى المائي بالشارقة
• فندق رافلز أم فندق مونارك ؟
• اول مرة بنسافر دبي ومحتاسين حييل مو عارفين وين نروح
• ممكن ترتبون لي جدولي لوتكرمتوا
• بسرعة ردو علي قبل زوجي مايغير راية
• رايكم في هذا البرنامج السياحي
• استفسار عن شقق فندقية في gpr وكم تبعد الشارقة عنها؟
• الى رواد المنتدى كافة ومحبي دبي خاصة
• استفسار بخصوص فلاي دبي
• ساعدوني جزاكم الله كل الخير
• مارينا هوتيلو سلوان بلييز مساعده
• لأصحاب الخبرة في دبي
• وقت الدخول والخروج من الفندق
• هل يوجد مكاتب تأجير سيارات في مطار دبي الرحلات الدولية
• عدنا من دبي وملاحظاتي على كورال بوتيك فيلا وما حدث معنا في اسكاي دبي
• شرايكم
• بس لخبيرتنا الإماراتييات
• محلات تمر يا اهل دبي

ي هلا بج ,

دبي مول طبعا - اترومين بعد تخطفين ع برج خليفة و اتشوفين دبي بكبره تذكرة الصعود 100 درهم بيعيبكم .

الامارات مول , ابن بطوطة - انا اشوف انج حاطه عينج ع المولات الله يعين ريلج ع المشترى - سوالف ربي يهنيكم -
شوفي بن بطوطة ابعد مول تقريبـاَ و ايد حلوو يعني رتب عمركم لان الممشى - الووك - قريب منه ف تخلونه ضربه وحده .

وافي سنتر, امممم كله ماركات و استايله حلوو .

التنيين و القرية العالمية, خليهم مع بعض لانهم ع نفس الدرب ع شارع الامارات سيري التنين ب الاول و خلاف خطفي القرية .

الووك , قرية الجميرا - تكلمت ع الووك , و قرية جميرا ما عرفت شو تقصدين فيه !

خذيه مني - بن بطوطة محلاته - بنسبة للماركات و جي - اقل بنسبة للباقي , ولا باقي المولات نفس المحلات ف وفري ع عمرج الوقت وسيري

و الجو رووعه ينفع للسفاري , ولو تبين بطلعكم سفااري عندي افاا عليكم ^^

و نصيحة 7 ايام لدبي حلووه , بس عندج الامارات الشماليه حلووه ف خلي لج يوم او 2 تطلعين و اتشوفينهم ^^

و لو تبين شي انا حاضر و بو ضحي
مكان ثاني,

يعطيك العافية بو ضحى ما تقصر
الامارات الشمالية وين يعني؟

عندج راس الخيمة و الفجيرة , طلعه اتشوفيهم جبالهم و بحرهم راح اتعيبج
و ف راس الخيمة عندج الكوف روتانا فندق انصحج تقعدين فيه ليلة بعيبج , و الفجيرة عندج العقة هم حلوو .

راس الخيمة تبعد عن دبي 45 دقيقة او اقل ع حسب السرعه تقريبـا 70 كم . و الطريق ما يضيع .

و ها غير الشارجه و عيمان و ام القوين كل امارة فيه شي حلوو ^^

و اذا تبين شي 2 انا حااضر

مشكوووووور اخوي و ما تقصر حسافه احنا حجزنا فندق بدبي يعني ما نقدر نغيير دبي بس ممكن نسيير على راس الخيمة يوم ونرجع صح؟ شنو فيها امكن سياحيه راس الخيمة؟ وشلون طريقها صحرا ولا جبال؟
والجو شلونه لان ودنا نروح المدينه المائيه اللي ب اتلنتس نقدر نسبح ولا برد؟

وأزيد عليهم
فيستيفال دبى هذا المول روعه لايطوفك جديد طبعا
ومارينا ووك ألى جنب الممشى والممشى أسمه جى بى ار
هاالمكانين أحلى اماكن دبى
وعندك مقهى ومطعم البدويه فى شارع الجميرا حلوه الجلسه فيه
وبالنسبه للسفارى تقدرين اتروحين وقريب فى العين
والفنادق أسوون عروض للسفارى أسألى عنها
وموفقه باختيار الفندق قمر الدين رووعه
وعزيزتى الميزانيه كافيه اذا ماأتسوقين
ولا خلى السوق فى اليوم الاخير
وسلامتك

باقل من 45 دقيقة انتي ف راس الخيمة , ها من شارع الامارات .
بخصووص الاماكن السياحيه اللي ف راس الخيمة , كا مولات - عندج الحمرا مول و اهو ع استايل بن بطوطة بس صغير هب شرات ب الحجم . و عندج المنار مول - هالمول يعتبر الاساسي ف الامارة تصميمه غريبه بس حليوو .
وعندج السفير مول - صغير وما فيه شي مميز لزيارته ^^

عندج ف راس الخيمة منطفة عوافي , منطقة رملية و اترومين تاجرين درجات , بانشيات , رابتر , ... الخ من سوالف البر
وشي محالات و اشياء حلووه .

عندج سوق اسمه ع اسم دولتج - السوق الكويتي هم اهو اسم الشارع , فيه اشياء قديمة و اشياء يديده
سوق قديم و حليووو .

كورنيش راس الخيمة كورنيش القواسم في اشياء حلووه اترومن تخطفون عليه و تساتنسوا ب الجو الحلوو .

ب النسبة لطريق من دبي الى راس الخيمة , هو طريق سريع , وراس الخيمة كا شكل عام امارة جبلية فيه جبال واايد .


شو تبين تعرفيني انا حاضر ^^

وعليكم السلام اختي ناسي بالنسبه لدبي واسبوع انا اشوفها ماتكفي لان الاسواق والاماكن بعضها يحتاج اكثر من نص يوم مع الذهاب لمكان للعشاء يعني راح اليوم انا شخصياً اعجبني دبي مول حلو كثير وامارات مول برضوه حلو وعندك دراجون مول اشوفه جيد وغير مرتب وعلى العموم الصينيين لايجدون التعامل الجميره ستي حلو خاصه جولة القارب حلو في النهار ومطاعمه هاديه ولاتنسين زيارة اتلانتس فيه مول صغير بس الحديقه المائيه حلووووه اذا انتي تحبين التسوق وشي رخيص عندك سوق الذهب القديم وعندك خور دبي فيه جوله سياحيه على القارب لمدة ساعتين مع البوفيه المفتوح بس اهم شي احجزو من بدري خاصه وقت اجازة نهاية الاسبوع انا بصراحه نزل على اخر
لحضه مااعجبني القارب الي اخترانا كل هنود واذا فيه اي ايضافه نسيتها راح انزلها مره ثانيه

المشاركة الأصلية كتبت بواسطة .OK
http://www.arabtravelersforum.com/tr...6/#post3542831

وعليكم السلام اختي ناسي بالنسبه لدبي واسبوع انا اشوفها ماتكفي لان الاسواق والاماكن بعضها يحتاج اكثر من نص يوم مع الذهاب لمكان للعشاء يعني راح اليوم انا شخصياً اعجبني دبي مول حلو كثير وامارات مول برضوه حلو وعندك دراجون مول اشوفه جيد وغير مرتب وعلى العموم الصينيين لايجدون التعامل الجميره ستي حلو خاصه جولة القارب حلو في النهار ومطاعمه هاديه ولاتنسين زيارة اتلانتس فيه مول صغير بس الحديقه المائيه حلووووه اذا انتي تحبين التسوق وشي رخيص عندك سوق الذهب القديم وعندك خور دبي فيه جوله سياحيه على القارب لمدة ساعتين مع البوفيه المفتوح بس اهم شي احجزو من بدري خاصه وقت اجازة نهاية الاسبوع انا بصراحه نزل على اخر
لحضه مااعجبني القارب الي اخترانا كل هنود واذا فيه اي ايضافه نسيتها راح انزلها مره ثانيه



مشكور اخوي اوكي دبي تجنننن واسبوع شويه عليها وودنا اكثر بس المزانية ما تسمح