الموضوع: إستفسار لـ رحلة فلوريدا أورلاندوا

سلام ،،
.
.
أنا بهيوستن .. و ناوي أروح على فلوريدا بالسيارة في الكرسمس
ويش رايكم عندنا 11 يوم تقريباً .. وأبغي برنامج حلو .. من الأشخاص إلي راحوا وعندهم خبرة بالمنطقـة
.
.
أنا كنت ناوي أروح أورلاندو وبعدين ميامي .. بس أصحابي قالوا لي روح بنما بيش وأرولاندو ودايتوانا بيش
.
.
نصيحتكم وشوركم !! ..

مواضيع عشوائيه ممكن تكون تعجبك اخترناها لك:

• مطلوب معلومات عن السكن والعمل في كلورادو
• مقابلة الفيزا
• اللي قدم على بعثة امريكا بوزارة التعليم العالي يدخل
• استفسار في موعد الفيزا ضروري
• من نيويورك الى لوس انجليس بالسيارة؟
• استفسار عن مدة صدور الفيزا السياحية من السفارة في الظهران؟
• ممكن شوي
• متى يكون الدفع ؟
• عااجل اورلاندو مطلع سبتمبر في عيد الفطر
• ممكن مساعدة ؟
• مين جرب منكم سفينة كروز msc
• للخبراء سؤال جداً مهم
• استفسار
• ضروري الله يخليكم جتني سفره عاجله
• لو تسمحون بخصوص تعبئه الاستماره
• عاجل جدا اخوكم مو متأكد من تاريخ موعده بالسفاره
• لمن لديه خبرة في طلب شهادة ميلاد من أجل الجواز الأمريكي
• رمضان في امريكا
• محتارة في لوس انجلوس ارجو المساعدة
• بخصوص النموذج

اخوي اورلاندو رائعه جدآآ وشرحه اذا بتروح دزني انصحك ب 3 ايام فقط .. لانهم زايدين ..

وفيها مولات حلووة مثل فلوريدا مول ، بريموم اوت لوت ، مول آت ميلينيا

ميامي شاطئها اكثر من رائع طبعا اذا بتروح روح الساوث بيتج .. بس شهر 8 كانت رطوبه حيل .. ماقدرنا نقعد اكثر من يومين ..

ومدحوا لنا شاطئ التامبا .. لكن رحنا وضيعنــا بالمنطقه ورجعنــا وكان الجو يومها مايساعد ..

فلوريدا من اجمل الولايات ... راح تستمتع فيها .. وخصوصا اورلاندوو ... لانها عباره عن سياحه في سياحه ..

تقدر تحجز السرك آريبان نايت .. سعر التذكره 60 دولار للشخص غير العشى ..

و تقدر تركب الكروز بميامي يفر فيك كذا جزيره سعر التذكره فوق 1000 دولار .. وكل رحله 100 دولار تقريبا ..

بس اتوقع الجووو بيكون اكثر من رائع في اورلاندو و ميامي لان شهر 12 الجو بيكون بارد

توكل على الله واستمتع وانصحك تروح بسياره او تأجر سيارة مع الجي بي اس

المشاركة الأصلية كتبت بواسطة البدو
http://www.arabtravelersforum.com/tr...3/#post2389153

اخوي اورلاندو رائعه جدآآ وشرحه اذا بتروح دزني انصحك ب 3 ايام فقط .. لانهم زايدين ..

وفيها مولات حلووة مثل فلوريدا مول ، بريموم اوت لوت ، مول آت ميلينيا

ميامي شاطئها اكثر من رائع طبعا اذا بتروح روح الساوث بيتج .. بس شهر 8 كانت رطوبه حيل .. ماقدرنا نقعد اكثر من يومين ..

ومدحوا لنا شاطئ التامبا .. لكن رحنا وضيعنــا بالمنطقه ورجعنــا وكان الجو يومها مايساعد ..

فلوريدا من اجمل الولايات ... راح تستمتع فيها .. وخصوصا اورلاندوو ... لانها عباره عن سياحه في سياحه ..

تقدر تحجز السرك آريبان نايت .. سعر التذكره 60 دولار للشخص غير العشى ..

و تقدر تركب الكروز بميامي يفر فيك كذا جزيره سعر التذكره فوق 1000 دولار .. وكل رحله 100 دولار تقريبا ..

بس اتوقع الجووو بيكون اكثر من رائع في اورلاندو و ميامي لان شهر 12 الجو بيكون بارد

توكل على الله واستمتع وانصحك تروح بسياره او تأجر سيارة مع الجي بي اس



مشكور على معلوماتك بس أخوي انا عندي استفسار انا ناوي اروح مع الاهل اولاندو وحسب ما قالوا لي اللي راحوا من قبل انها تحتاج اكثر من ثلاث اسابيع أنت شنو رايك وشنو الفندق اللي اترشحه لي ويكون راقي في اورلاندو واحنا ناوين انروح باقي المده الى كالوفورنيا بس بصراحه ما عندي اي فكره وين اروح وشنو المنطقه اللي برأيك اذا انا اول مره اروح وين واي منطقه اترشح لي وجم المده اللي تحتاجها واشلون طريقة الروحه لها وهل المعيشه غاليه فيها وشنو الفندق اللي ترشحه لي في كالوفونيا وأذا عندك اي معلومكات اذا سمحت اتفيدني لأني متوهق ادري طولت عليك بس امبين عليك خبير في أمريكا وصاحبك اعليمي ومشكور وماتقصرت

ياهلا فيك اخوي ..

انا مثلك ماكانت عندي خبره ابد بس استفدت حيل من المنتدى بسفرتي لاني طولت بأمريكا

اما اورلاندو كانت زيارتي لها عن طريق سياره من شيكاغو وكانت من اروع مايمكن .. مدة اقامتي بأورلاندو اسبوعين ..

شوف دزني فيها اكثر من بارك تقريبا 6 اربع منهم فيهم العاب و2 مائيه ..

احنا كفتنـا 3 ايام بدزني لان بصراحه تكسرت رجولنا ..

بس هي من اروع مايمكن .. زرنا الايبكوت .. و الماجك كنج دوم .. و دزني داون تاون ..


وعلى فكرة تقدر تروح الدزني داون تاون بدون تذكرة لان فيها تسوق و كوفيات .. لكن في العاب لازم تذكرة ..

وتقدر تخلي يوم لدزني ويوم للتسوق .. ويوم دزني ويوم تسوق .. احنا بعد سافرنا لميامي تقريبا 5 ساعات بالسياره بس الطريق رائع ومعانا الجي بي اس .. الاستراحات كانت متكامله جدآ وراقيه فيها ستاربكس وسينابون وبرجر كنج وسبارو وسوبر ماركت والحمامات الله يعزك فيها دوش شاور وراقيه جدآ

وبخصوص السكن .. انا حجزت من النت هذا المنتجع بصراحه رائع ..


Encantada Resort


http://www.orlandovacation.com/reser...509&infoonly=1

يبعد عن دزني 5 دقايق بالسياره .. وفي منطقه كيسيمي

وفي منتجعات داخل دزني وباسعار مرتفعه جدآآ

وفي اماكن جدآآ رائعه بأورلاندوو .. بس حلو لو تأجر فيها سياره ..


راح تستمتع فيها جدآآ لان وين ماتلف وجهك تلقى بحيرة ..

اورلاندو حتى لو تاخذ فيها 3 اسابيع ماراح تشبع منها لانها تجنن .. وانصحك تروح لها بوقت البراد .. يعني شهر 10 او 11 او 4 لان بالصيف تكون رطوووبة ..


اما كاليفورنيا كان نفسي ازورهــا .. بس ان شاء الله بزياره ثانيه ..

بالنسبه لدزني حقت فلوريدا والت دزني وورد وهي احلى واكبر دزني بالعالم .. اما كاليفورنيا فهي دزني لاند اصغر منها

ويقولون ان جو كاليفورنيا بعد احلى من فلوريدا ..


اهم شي تسويه تحجز السكن قبل لا توصل ..


اما المعيشه عادي ماهي غاليه حيل .. عندك سوبر ماركت السفن ايلفن منتشر بكثره في محطات البنزين وعندك احلى سوبر ماركت عندهم متكامل اسمه ( ويل قرين ) بكل مكان .. و احنا مرات نروح نروح سوبر ماركت عربي لان مرات نشتهي نطبخ .. لكن الحلو وين ماتروح مطاعم وعندك في شارع بأورلاندوو اسمه الانترناشونال درايف .. من اروع الشوارع سياحه في سياحه وجميع المطاعم والملاهي وكل شي .. وفي مطاعم عربيه وفي عرب يدرسون هنـاك ..

وقرينا اعلانات عن وكالة ناسا الفضائيه تقدر تاخذ لها رحله ..

اممم وشنو بعد

ماشفت مطارهم لاني جايه بسياره من ولايه ثانيه ...

وو بكل صراحه كانت زيارتنا لولاية فلوريدا من اروع ايام حياتنـــا اللي لا يمكن ننساها ابــــــــدا ..


واي استفسار انا حاضرة ..

مشكوووور أخوي ..

مشكورين على المعلومات القيمة :107:

اخوي البدو
حبيت اسالك وين فيه سكنتو باورلاندو ؟
وسؤال ثاني
شنو المناطق الحلوه والقريبه من اورلاندو يقدر الواحد يزورها في نفس يوم ؟
السؤال الاخير
سمعت وايد فيه مناطق حلوه تبعد 1\2 ساعه عن ميامي
اذا تعرف عنها شئ او واحد من الاخوان يتفضل يعلمنا عنها

اهلين اخوي بالرد اعلاه حطيت رابط المنتجع اللي سكنا فيه بأولارندو


ميامي رائعه .. وفي شاطئ التامبا يبعد عن اورلاندو تقريبا ساعه بالسياره ..

وعندك شاطئ في اورلاندوو عجيب .. بس مايحضرني اسمه الآن .. بس الاخوان حاطين مواضيع عنه ..


وفي منطقه بميامي صايره مثل الجزيرة واكثر من رائعه يمكن بيفيدونك الاخوان فيه بس اعتقد ان اسمها ( .... كي )

ان شاء الله تستمتعون بولاية فلوريدا ويفيدونكم اخواني الخبراء

الشاطئ اسمه بالم بيتش

مشكور اخوي بعد في منطقه وايد حلوه اسمها fort lauderdale
تبعد تقريبا نصف ساعه عن ميامي هذا حسب ما شفته علي النت.

11 يوم في فلوريدا انصحك تقضي 8 ليالي في اورلاندو .. و3 ليالي في ميامي ..
ميامي واورلاندو .. فـــــــــرق .. كأنك سافرت لدولتين مختلفتين .. سواء من ناحية العمران, الجو , والبرامج وكل شي ..

8 ليالي في ارولاندو .. بين الحدايق ديزني ويونيفرسال .. وخل السوق في ميامي ..
وماقصرو الشباب ..