الموضوع: واخيرا بيج ياكويت الحبيبة

]السلام عليكم
الصراحة انا وايد مستانسة لاني بسير بلادي الثانية الكويت من صغري احاول اني اي بس لا من مجيب والعذران الامارات والكويت واحد ماشي فرق بينهم لازم نطلع دول ثانية وانشوف مناطق جديدة بس واخيرا اقنعتهم وانشاءالله ياية قريب واذا ماعليكم امارة عندي سؤال اذا بغيت اتسوق وين احسن مكان اروح له والهدايا شو اقدر اخذ يعني الاشيا الي المعروفة فيها الكويت والناس تترياها واحسن نوع خنفروش وين يسوونه وسلامتكم هههه مصدقة عمري جني القيت شعر

تامرونه بشي من الامارات حاضرين للطيبين .....:0d5kv: عاديى لاتستحون

مواضيع عشوائيه ممكن تكون تعجبك اخترناها لك:

• الكويــــــــــــــت وكأنك تراهــــــــــــــــــــــــــــــــــــا
• استفسار يا أهل الكويت
• مشروع فندق و منتجع شاطئ المسيله
• زيارتنا لكويتي وأفتخر
• سفير مارينا هوتيل
• عاااااااااااااااااجل
• طلب لو سمحتوا
• ايها أفضل بودل او رويال كازا
• اول زيارة لهونج كونج
• احدث الشقق الفندقية في الكويت ؟
• سؤالين بسيطين لأهل الكويت عن تأجير السيارات وعن المطاعم
• ضــــروري عـــاجل منفذ نويصيب
• اي خدمه من الكويت متواجد لمده اسبوع انشاء االله
• رحلتي لبلدنا الثاني لكويت
• المسجد الكبير بالكويت
• مقتطفات من رحلتي للكويت
• كيف اوقات الاسواق الشعبيه والمجمعات بالعيد؟
• آإلى نبض قلبي آإهل الكويت آإحتآإج مساعدهـ
• استفسار
• سؤال أخوكم عن خدمات الفنادق للمعرس زيارة للكويت

الكويت قيها الكثير من خيارات التسوق، سواءاً المجمعات التجارية مثل الافنيوز و 360 و المارينا و سوق شرق، أو الأسواق الشعبية مثل سوق المباركية و ما حوله.

اقترح عليك شراء الحلويات الشعبية من حلويات الوطن أو الشمالي، فهي بسيطة و مناسبة كهدايا.

هيل وزعفران عنا في الامارات بس اللي ف الكويت عندهم اشياء اكثر

بتستانسين في الكويت

واي سؤال انا حاظره

حياكم عندنا أختي ودي أطير وبتنورون الكويت

ما قصر أخونا سعود بن محمد بالمولات

وأزيد عندنا مارينا مول بالسالمية والبوابة الخلفية له على شارع سالم المبارك مولات ومحلات خارجية ومطاعم

مثل الفنار والبستان جنب بعض

والرهرة والثريا للماركات وبعد ليلى غاليري

بعض المولات الذهاب لها على الأقدم

والكوت والمنشر بمنطقة الفحيحيل

ولا تنسون مدينة الترفيهية وأبراج الكويت

وعن الهدايا بعد مثل ما قال أخونا سعود بن محمد

بالمباركية سوق تراثي وفيه محلات أو على قولتنا دكاكين لــ الرهش الكويتي (حلاة بالطحينة ) و الدرابيل والبقصم أنواع كثيرة

وإلي نامر عليه هي جيتكم عندنا بلادكم الثانية الكويت

المشاركة الأصلية كتبت بواسطة سعود بن محمد
http://www.arabtravelersforum.com/tr...6/#post3303865

الكويت قيها الكثير من خيارات التسوق، سواءاً المجمعات التجارية مثل الافنيوز و 360 و المارينا و سوق شرق، أو الأسواق الشعبية مثل سوق المباركية و ما حوله.

اقترح عليك شراء الحلويات الشعبية من حلويات الوطن أو الشمالي، فهي بسيطة و مناسبة كهدايا.



مشكور اخوي ع الرد ويعطيك العافية

المشاركة الأصلية كتبت بواسطة noora_ad
http://www.arabtravelersforum.com/tr...6/#post3304486

هيل وزعفران عنا في الامارات بس اللي ف الكويت عندهم اشياء اكثر

بتستانسين في الكويت

واي سؤال انا حاظره





الله يسمع منج الغالية واستانس هناك
وعن الهيل والزعفران شو الي خلاني احب الخنفروش غيرهم
واذا بغيت مساعدة فاكيد بردلكم ماتقصرين يابنت بلادي

المشاركة الأصلية كتبت بواسطة حور الكويت
http://www.arabtravelersforum.com/tr...6/#post3305357

حياكم عندنا أختي ودي أطير وبتنورون الكويت


وإلي نامر عليه هي جيتكم عندنا بلادكم الثانية الكويت



مشكورة اختي حور والكويت دايما منورة باهلها الراقين وعطاري الابراج شكلي من المطار سيدة بسير الابراج قبل الفندق هههه ايام اول(طبعا قبل لا يكون عدنا برج دبي) كنت احلم دايما ايها واسال ابوي هاي الكور هاي شو فيها هههه
الله يحفظ الكويت ويبعد عنها كل شر يارب

[QUOTE=ودي اطير;3303416]]السلام عليكم
الصراحة انا وايد مستانسة لاني بسير بلادي الثانية الكويت من صغري احاول اني اي بس لا من مجيب والعذران الامارات والكويت واحد ماشي فرق بينهم لازم نطلع دول ثانية وانشوف مناطق جديدة بس واخيرا اقنعتهم وانشاءالله ياية قريب واذا ماعليكم امارة عندي سؤال اذا بغيت اتسوق وين احسن مكان اروح له والهدايا شو اقدر اخذ يعني الاشيا الي المعروفة فيها الكويت والناس تترياها واحسن نوع خنفروش وين يسوونه وسلامتكم هههه مصدقة عمري جني القيت شعر

تامرونه بشي من الامارات حاضرين للطيبين .....:0d5kv: عاديى لاتستحون[/QUOTE

السلام عليكم اختي ودي اطير اهنئك انو حلمك ان شالله راح يتحقق ودوم ان شالله احلامك تحقق
والله لما شفت كتابتك حركتي فيني مشاعري باني ازور كل من لكويت باعتبارها بلدنا الثانية
والله انا كمان اتمنى بروح بس للاسف الحظ ما حلفني
فانصحك تشوفي بالتدقيق المناطق وتخبريني
واتمنى تستانسي ان شالله وتكون رحلتك موفقة يارب
موفقة

حياج االلة بس ودى اسال شنو خنفروش