الموضوع: أدور خوي

صراحة أنا من الناس الي مسحورين في أمريكا ....
وعندي إجازة على نهاية السنة تقريبا أسبوعين
ومجهز كل شيء للسفر لأمريكا ...الفيزا والميزانية ...
بس المشكلة أني مالقيت خوي يرافقني في هذي الرحلة ...كل واحد أقوله هاه تخاويني يشيل هم الموعد واستخراج الفيزه .....عطوني حل .

ما ودي أروح لوحدي آخر مره رحت لنييورك جلست فيها اسبوع لوحدي وطفشت ...بس موهب مرة:110:

مواضيع عشوائيه ممكن تكون تعجبك اخترناها لك:

• سؤال عن كهرباء امريكا
• عاجل جداً السفر بعد بكره تكفون اقترحاتكم
• تكرماً رشحوا لي اهم المدن في شرق امريكا التي تستحق الزيارة
• مساعدة أرجوكم
• احتاج تجربة أم مع اطفالها بالسفر إلى أمريكا
• ياريت اللي حصلوا فيزا من الامارات يدخلوا
• الفلوس بالمطار؟
• سعر التذكرة من مشجن الي نيويورك
• معلومات سياحية عن نيويورك
• الرجاء المساعده بترتيب رحلتي الاولى
• العلاج فى ميامى
• أرجو المساعدة يا أهل مينيسوتا
• هل ساعات كافية في مطار نيويورك ؟؟؟
• تأمين صحي أمريكا
• الان في امريكا
• الحمدلله خلصت من الفيزا اليوم و عقبالكم
• التحقق من المطلوبات يوم المقابلة رجاءً
• عاجل السكن في سان فرانسيسكو
• استفسار عن
• اريد العمل في امريكا

اقنعهم انهم مابيخسرون لو قدمو حق الفيزا وجربو حظهم..
السفر بروحك اكيد ممل .. حرام الخساير وانت ماعندك احد تشارك ولايسولف وياك! ..
ماتسوى الروحه

طيب وش مخططك للرحله؟؟

الرحلة بدون خويك ماتسوى ..
يعني مستحيل انا اسافر بروحي .. صج صج ملل في ملل
خسارة عالفاضي.. انت حاول تقنعهم انه مثل ماقالت اختي اوزي .. ماراح يخسرون شي
يعني لازم الواحد يحاول وان شاءالله راح يحصلون الفيزا ..
الواحد اذا مايجرب اكيد خسران ..

انت باي منطقه يعني خويك الي تبي يرافقك يجي وياك ولايشيل هم شي يعني محمول مكفول

باين انك مطنووووووووووخ فلوس...
اجل ليش تروح لوحدك ماعندك زملاء... اصحاب... حبايب... زوجتك... ولا مو متزوج...
انا اقترح انك تحدد مكانك ووقتك ورحلتك وبتلاقي جاليات عربية في كل مكان تسولف وياهم..
وواضح انك متعود على نييورك اجل غير روح منطقة ثانيه علشان ما تطفش لوحدك...
بعدين وراك ماتساعد اصحابك اللي بيخاووك يعني شيل عنهم فندق او زي ماقال ابوفيصل محمول مكفول ..
على العموم اقتراحي اذا كنت مغصوب على السفر دورة او عمل فرح لوحدك وابسط نفسك..
ولو كانت تمشية افضل تتأنى حتى تلاقي لك خوي تنصيه وينصاك..
ولو كنت من الشباب اللي يحب يستمتع لوحده شد حيلك ورح..
ولو كنت لا اجتماعي وتحب الشلة اشوف انك تتأخر..
والله يوفزك

شكرا شباب على مشاركتكم
صراحة أنا ابروح إجازة لأني لزم أخلص أجازاتي قبل نهاية السنة
مخططي للرحلة
1- نيويورك يوم واحد
2- أورلاندول استأجر سيارة كشف وأجلس في أولاندو من 5 إلى 6 أيام بعدين بالسيارة أتمشى
3 - ميلبورن - كوكو بيتش 3 أيام
4- فولت لدر ديا 3 أيام
5- ميامي بيتش 3 أيام أو 4
6- أسلم السيارة في طار ميامي وبعدين على حبيبة القلب نيويورك 3 أو 4 أيام ,اسكن كالعادة في وسط التايم سكوير وان حصل حضرت احتفالات نهاية النة
7- نهاية الإجازة والعودة للوطن

وش رأيك في تخطيط الرحلة موهب حلو

صدق السفر لحالك ممل .. وازين شي انك تلاقي احد يخاويك ..

بس بالنسبة للتخطيط حقك .. على اي اساس تبي تخلي اورلاندو 5 ايام ؟؟ انت تحب الملاهي ؟؟ لان ما في شي تسويه في اورلاندو الا الملاهي و اسواق .. و اذا كنت لحالك اشين شي تسويه تروح الملاهي لحالك .. لمن تجلس في الطابور ساعه لحالك بتوسوس .. وكشخص كبير الملاهي الي يمكن تناسبك في اورلاندو ادفنشري ايلند الي موجوده في يونفيرسل ستديو - ويمكن ماجيك كنجدوم علشان تشوف ديزني وشخصياتهم .. وفي بعض الالعاب للكبار ..

- ميلبورن - سكنت فيها فتره سيئة مره ما فيها شي غير البحر .. و كوكا بيتش نفس الشي .. ومدام انك بتروح ميامي البحر هناك افضل بكثير لا تضيع وقتك في مكان وانت بتروح لمكان افضل منه ..

انا سمعت ان في بعض الكروز تكون للسنجل او ناس شباب توهم ما عجزوا .. لو تشوف لك كروز تغير جو فيه وبيكونون كثير ناس سينجل تتعرف عليهم ..

ان كنت من محبين البحر .. لو تروح المكسيك مدينه كانكون وتجلس فيها 3 ايام منها تروح دوله ثانية و اكيد بيكون الوضع مختلف فيها .. انا شخصيا اتمنى اروح لها ولكن ما لقيت الوقت المناسب لها ..

و لو تشيك على المنتجعات الشتويه الموجوده في الولايات الشماليه مثل نيويورك لو تجلس فيها يومين بكوخ او فندق ومنها تغير جو في الثلج .. "ما قد جربتها "

المدنية الكبيره تقدر تنبسط فيها لو انك لحالك لانك بتتمشى وتشوف الناس مثل نيويورك شيكاجو سان فرانسيكيو .. لان الداون في المدن هذي تجاري و فيه حركه .. ولكن وقت رحلتك بالشتاء بيكون موت برد في شيكاجو الي اعتبرها من احلى المدن الامريكية ..

FMS
شكرا معلومات قيمة شكرا على النصائح
لكن اختياري لهذا الأماكان على أن معي خوي وبعدين أمكن زرتها العام الماضي في نهاية 2007 وودي أعيد الذكريات وأسوي نفسي فهام مع الي أبخاويه
بس المشكلة أن العام في ميامي جانا برد شديد الله لا يوريك فاما تهنيت بالبحر.
على العموم في الفترة الجايية أبحاول أدور لي خوي أتفق أنا وأياه هل نروح لفلوريدا أو نقلبها لكيفورنا ولاس فيقس ...
لاني درست في سان ديقو عام 2006 وجلست فيه 6 شهور وودي أعيد الذكريات
:surf

مو واااااااااااضح انت...
لاس فيقاس ولا ميامي...
ذكرايات دراسة ولا شغل...
عندك خوي ولا ما عندك..
تبي براد ولا بحر..
وضح امرك تراني جاهز بس انت ملخبط شوي
على العموم اخوي ابوعبدالعزيز اتمنى لك التوفيق

اخوي المهم مو الخطة اللي مسويها ..
اهم شي يكون معاك احد قبل بعدين يصير التخطيط والتكيتيك على الاشياء اللي تحبونها واللي تحسون انه راح تستانسون لين تسوونها ... مو تسافر بروحك والله ما اقدر اصلن اتخيل شخص يسافر بروحه ..
احس ضيقه خلق وكلش مو سعه صدر ..
الله يكون في العون ..