الموضوع: ياليت تفيدوني لو في بعض الأشياء اللي بذكرها عن دبي الجميلة

صبآآآآآآآح الخير للإمارات واهل الامارات وعشاق الامارآت...

انا ان إنشاء الله جايه لدبي في شهر 3..هل الاجواء حلوة في هذا الشهر وكيف الأسعار في هذا الشهر بالنسبة للصيف
بغيت أسألكم عن هذه الشقق وماعرفتها الا في هذا المنتدى الرائع

المثاليه للشقق المفروشة __ سوق الذهب __ غرفتين بـ 120درهم

الكروان للشقق المفروشة __ سوق السبخه __ غرفة بـ 120درهم
هل الأسعار أعلاه صحيحه؟؟ ووين مكان الشقق بالضبط وهل موجوده في دبي؟؟


سوق التنين.....السوق الصيني ... ياليت وصف دقيق عن مكان هذا السوق
وهل اسعاره نفس اسعارهم اللي بالصين والا اغلى شوي؟؟
وتنصحوني فيه ؟؟ولا لا



سوق نايف ... ممكن وصف مكانه بالضبط
وشنو فيه ؟؟ وهل تنصحوني فيه؟؟ وكيف اسعارهم ؟؟




الباص البرمائي
ممكن مكانه بالضبط؟؟وين
وكيف اسعارهم وهل معاه وجبه غداء وعشاء؟؟
وتنصحوني فيه غداء ولا عشاء؟؟
والرحله من وين الى وين ؟؟ وكم مدة الرحله ؟؟ووين يودينا؟؟




مقهى ومطعم كان زمان
مقهى ومطعم الكوفه
ياليت توصفولي مكانها بالضبط؟.. واسعارها كيف؟؟ بحدود كم ؟؟
وتنصحوني فيه غدا ولا عشاء؟؟




قرية البوم
مطاعم مرسى دبي أو المارينا
كيف أسعارهم؟؟ وياليت مكانهم بالضبط؟؟
وياليت تكلموني عنهم؟؟



الوادي البري
مدينة العاب وندرلاند
كم رسوم دخولهم؟؟ ووين مكانهم بالضبط؟؟



والقرية العالمية كم رسوم دخولها؟؟




وهل الأماكن اللي ذكرتها مفتوحه في شهر 3..ولا لا؟؟
واسفه عالاطالة وكثرة الأسئلة أدري تعبتكم معاي
وشكرا

مواضيع عشوائيه ممكن تكون تعجبك اخترناها لك:

• دبي في نوفمبر مساعدة
• دبـــــــــــــــي عشق متجدد دمسافر
• ايفا للفنادق تقترض مليون دولار لمشروع فيرمونت بالم جميرا
• الطريقه الجديده لرفع الصور بعد التحديث الجديد بوابة الامارات
• من يعرف عن هذا الفندق
• تائجير السيارات
• ممكن مساعده
• مساعدهـ اهل دبي
• اتمنى رد مفكر بالسفر مع العائله قريبا جدا
• شباب فندق من جربه او يعرف عنه شيء
• «فعاليات دبي» يدعو الجمهور إلى الاستمتاع باحتفالات موسم الأعياد
• طلب للي بدبي بليززز
• محتار في هذه الشقق واحتاج رايكم
• «دبي مول» يستقبل العيد بفعاليات تراثية
• انا رجعت اليوم من دبي اي سؤال انا جاهز
• يـــــوم في دبــي
• “دبي مول” يدعو زواره لـ”مهرجان المأكولات” طيلة شهر مايو
• افتتاح توسعة العين مول تزامناً مع العيد الوطني
• صور من إحتفالات الإمارات بالعيد الوطني
• استفسار عن طريق حرض

24زآآآآئر ولا واحد منهم فكر يرد لو بسؤال واحد من أسئلتي
معقوله محد يعرف شي عن دبي..!!!

طيب وين الاماراتيين يدلونا..عن بلدهم
ليش مافي تفاعل!؟؟

عالموم شكرا ..

الشقق الي ذكرتيها غير معروفه واذا سعرها صحيح انصحك لاتروحيلها

وسوق التنين موقعه تطلعون من دبي على طريق العين الين يجي طريق الخيل وتاخذون معه وهناك اسئلوا لانه قريب
واسعاره جدا حلوه انتي وشطارتك في المكاسر

وسوق نايف بيكون قريب من شارع مصلى


الباص المائي في مجمع برجمان مكتبهم تحت واضح والفرد ب125 درهم لمده ساعه ونص


القريه العالميه في شهر 3 بتكون مسكره

المشاركة الأصلية كتبت بواسطة حنو الشرقية
http://www.arabtravelersforum.com/tr...4/#post3527082

صبآآآآآآآح الخير للإمارات واهل الامارات وعشاق الامارآت...

صباح النور لاني من عشاق الامارات خصوصا دبي

انا ان إنشاء الله جايه لدبي في شهر 3..هل الاجواء حلوة في هذا الشهر وكيف الأسعار في هذا الشهر بالنسبة للصيف

اكيد بتكون ارخص من الصيف بكثير

بغيت أسألكم عن هذه الشقق وماعرفتها الا في هذا المنتدى الرائع

المثاليه للشقق المفروشة __ سوق الذهب __ غرفتين بـ 120درهم

الكروان للشقق المفروشة __ سوق السبخه __ غرفة بـ 120درهم
هل الأسعار أعلاه صحيحه؟؟ ووين مكان الشقق بالضبط وهل موجوده في دبي؟؟

والله مانصحك فيها ابد ابد لا مكان والا نظافه حتى عزابيه مايسكنون فيها ابد

سوق التنين.....السوق الصيني ... ياليت وصف دقيق عن مكان هذا السوق
وهل اسعاره نفس اسعارهم اللي بالصين والا اغلى شوي؟؟
وتنصحوني فيه ؟؟ولا لا


الاسعار اغلى والله من الصين بكثير بس ماتعتبر غاليه بس الله الله بالمكاسر

وطريقه صعب شوي هو على طريق عمان

سوق نايف ... ممكن وصف مكانه بالضبط
وشنو فيه ؟؟ وهل تنصحوني فيه؟؟ وكيف اسعارهم ؟؟

سوق نايف خبري فيه من 4 سنوات بس كان عادي جدا

ومانصحك فيه في سوق مرشد احسن منه بشوي وهو ملاصق له


الباص البرمائي
ممكن مكانه بالضبط؟؟وين
وكيف اسعارهم وهل معاه وجبه غداء وعشاء؟؟
وتنصحوني فيه غداء ولا عشاء؟؟
والرحله من وين الى وين ؟؟ وكم مدة الرحله ؟؟ووين يودينا؟؟

والله ماعندي خبره فيه


مقهى ومطعم كان زمان
مقهى ومطعم الكوفه
ياليت توصفولي مكانها بالضبط؟.. واسعارها كيف؟؟ بحدود كم ؟؟
وتنصحوني فيه غدا ولا عشاء؟؟


الكوفه ملاصق لنادي النصر وفندق موفنبيك اسالو عن هالمكانين وبتحصلونه
وللمعلوميه فترة العشا فيها كم مطرب بس مافيها رقاصه وشراب

قرية البوم
مطاعم مرسى دبي أو المارينا
كيف أسعارهم؟؟ وياليت مكانهم بالضبط؟؟
وياليت تكلموني عنهم؟؟

مرسى دبي بعد الامارات مول طوالي كانك رايحه

ابن بطوطه وبتحصلين لوحه له

المطاعم الي فيها حلوه وفي الرخيص والمتوسط بس مش غاليه

وفيها كافيهات حلوه

ومنها الكافيهات المعروفه كوستا وستار بكس

ولاتنسين تروحين مجمع مارينا حلو وتوه مفتوح


الوادي البري
مدينة العاب وندرلاند
كم رسوم دخولهم؟؟ ووين مكانهم بالضبط؟؟



والقرية العالمية كم رسوم دخولها؟؟

والله ناسيه بس ماتتعدى 10 دراهم


وهل الأماكن اللي ذكرتها مفتوحه في شهر 3..ولا لا؟؟
واسفه عالاطالة
وكثرة الأسئلة أدري تعبتكم معاي

كل الي ذكرتيها مفتوحه طبعا

وشكرا

يارب قدرت افيدك لو بشي بسيط اي استفسار انا حاظره

الله يعطيكم العآآآآآآآآآآفـــية من جد ماقصرتو

والله يجزاكم خير