الموضوع: ترانزيت أيام قبل الإكمال الى لوس انجليس نييورك والا واشنطن برأيكم؟

السلام عليكم

ويسعد أيامكم يارب


رحلتي القادمة الى لوس انجليس عبر الخطوط السعودية بإذن الله .. وتعرفون المشوار الطويل اللي في حدود 14 ساعة الى ماتوصل المدينة اللي تحوّل فيها الى الطيران الداخلي وتتجه بعدها الى لوس انجليس ..

أنا مافيني حيل أكمل مباشرة .. وأبجلس كم يوم في المدينة اللي أوصل لها سواء كانت واشنطن أو نييورك .. وبصراحة محتار بينهم!! القلب يميل أكثر الى نييورك .. ولكن مو مرتاح من كثر ما أسمع عن مطارهم وتعقيداتهم وتأخيرهم .. فهل تشوفون اخلّي الرحلة لنييورك والا اشتري راحتي واحجز على واشنطن وخلاص ..


ويعطيكم العافية

مواضيع عشوائيه ممكن تكون تعجبك اخترناها لك:

• ايها الافضل من هذه الفنادق في لوس انجيلوس
• اريد المساعده لفيزه الى شيكاقو
• كيف انقل الشنط من مدينه إلى اخرى بالسياره
• استفساراتي حول امريكا والصوم فيها
• بنوك امريكا
• بورتريكو جاذبية من نوع خاص
• احتاج اقتراحات للسكن في لوس انجلس لو تكرمتوا
• استفسار
• استفسار بسيط عن انواع الشقق
• معهد لغة في امريكا
• سؤال بالنسبة لتاجيل موعد المقابلة
• الرجااااء الدخول ضروووري
• من واشنطن الي نيويورك
• ماهي الاوراق التي ستأخذها معك لتسجيل اولادك في المدارس الامريكية
• ماهو تاريخ الوصول بالنسبه للتقديم عن طريق موقع السفارة
• الاباما
• ابي مساعدتكم بخصوص الفيزا الامريكيه
• هل يفتشون حق الأطفال بالمطار
• استرداد الضرائب؟
• بعد ايام موعد المقابلة وعندي بعض الاستفسارات

ان شاء الله تتيسر الامور و لو بدالك بختار نيويورك لانها مثل الحلم اللى لازم تشوفه على الحقيقه

نيويورك من رايي

والالجراءات تتيسر باذن الله الناس غاوية تتكلم كثير

بالتوفيق

New York ....

ماشاء الله

3 من نجوم البوابة الأمريكية .. وكلهم معي على نفس الرأي ..


أجل توكلت على الله وإلى نيويورك بإذن الله


طيب سؤال أخير.. فيه فندق مجرب ومناسب تنصحون فيه .. الفنادق ماشاء الله ما تحصى من كثرتها

طبعا نيويورك بدون تردد

توصل بالسلامة ...

بالنسبة للفندق خصوصا في نيويورك يعتمد اعتماد كبير على الميزانيه الي تبي تدفعها ..

في ناس تحب تسكن في اليايمز سكوير ولكن انا اشوفه لو لقيت فندق نظيف و في منهاتن ومنطقه معقوله وسعره معقول اسكن فيه واما المواصلات اما مشي او باصات وسهل استخدامها في منهاتن او قطارات الانفاق "subway" او تكاسي و متوفره بكثره في منهاتن ..

انت لو تشوف لك فنادق على مزانيتك و تحطها و الاعضاء يقولون لك رايهم فيها و في مواقعها .. تسهل لك عمليه الاختيار ..

نيويورك الأفضل بدون مقارن لكن عيبهم التعقيد الممل

واشنطن تمتاز بسهولة الاجرائات

of course new york

شباب .. اليوم رحت طلعت التذاكر .. وللأسف ماراح اقدر اجلس في نيويورك الا يوم واحد بسبب تعارض موعد الرحلة القادمة من الرياض مع سفرتي الى لوس انجلس ...

الآن .. مدة بقائي في نيويورك قصيرة جدا ( يوم واحد فقط الوصول صباحا والمغادرة ظهر اليوم الثاني )


برأيكم السكن في مانهاتن والا في التايم سكوير أفضل .. والا أشوف لي فندق جنب المطار أنسب بحكم قصر الوقت!! لأنه على هالوضع الخطة بتكون أريح اول ما أوصل شوي وبعدها أبطلع طلعه وحده وماراح أرجع الا للنوم للاستعداد للرحلة التالية !

وياليت لو تعطوني جدول مبسط لاهم الأشياء اللي ممكن ألحق أزورها في هاليوم .. وتكون قريبة من بعض .. عشان ما يضيع الوقت في زحمة الطريق !

بخصوص الفنادق .. من خلال بحثي وجدت هالفنادق .. وأتمنى تعطوني رأيكم فيها ..
طبعا اعتمدت في الاختيار على 3 أشياء
- قربها من المكان المحدد سواء كان التايم سكوير أو
- توفر غرفة في اليوم المحدد ( مشكلته انه يوم سبت )
- أن يكون سعر الغرفة أقل من800 إلى 1500 ريال كحد أعلى لليلة الواحدة!
- جودة الفندق بالنسبة لسعره والسمعة الطيبة من خلال تقارير الزوار لموقع TripAdvisor


الفنادق في منطقة التايم سكوير ( الترتيب من الأقل سعر إلى الأعلى )

Hotel 41 Times Square

Econo Lodge Times Square

Comfort Inn Convention Center

Warwick New York Hotel

City Club Hotel


الفنادق القريبة من المطار ( نفس الترتيب )

Western Kennedy Airport

Days Inn JFK Airport

Comfort Inn Jamaica

Ramada Plaza Hotel - JFK Airport

Fairfield Inn by Marriott JFK Airport

Hampton Inn JFK Airport

Doubletree Hotel JFK Airport

Hilton Garden Inn Queens/JFK Airport

Courtyard by Marriott JFK Airport

وبالنسبة لمنهاتن ما بحثت لاني مو عارف اسم المنطقة المناسبة بالظبط ؟


بانتظار رأيكم ومشورتكم خبراءنا الكرام



وتقبلوا تحياتي

السكن جنب المطار يمكن افضل خيار اولا السعر راح يكون ارخص من السكن في منهاتن

واحب اوضح لك ان التايمز سكوير هو احد معالم منهاتن .. و موقعه في الميد تاون "وسط المدينة"

بالنسبة للاسماء هذي يمكن تكون نظيف ولكن مو فخمه ..

Fairfield Inn by Marriott JFK Airport

Hampton Inn JFK Airport

Doubletree Hotel JFK Airport

Hilton Garden Inn Queens/JFK Airport

Courtyard by Marriott JFK Airport

اما الاسماء الي قبلها مستواها اقل ..

بالنسبة للتمشية اذا كنت لحالك و يصادف وصولك ويك اند اتصل علي و نتقابل ونتمشى مع بعض اوريك اهم شي خلال يوم واحد بس الله يعينك على المشي و في موضوع في توقيعي كاتب عن الاماكن في نيويورك يمكن يفيديك ويعطيك فكره عنها ..

يعطيك العافية اخوي على هالرد السريع الوافي ..

وراح أتبع شورك بإذن الله ..

وطبعا يشرفني مقابلتك والتعرف عليك ..

راح أوصل نييورك يوم السبت 11 اكتوبر .. و 12 اكتوبر راح اتجه الى لوس انلجس بإذن الله

إذا يناسبك هاليوم عطني ايميلك أو وسيلة اتصال بك ونرتب للموضوع مع بعض بمشيئة الله .. ويسعدني أشوفك هناك ونقضي اليوم سويّة ..



تقبل تحياتي

انا دخلت متوقع الناس ماتنصحك بنيويورك مدري ليه سمعتها مهيب زينه حتا بين الامريكان نفسهم بس اشوفكم تحمسون الواحد يروح لها مستقبلا

تمنياتي لك اخي الكريم بسفره ممتعه والله يوفقنا واياكم لكل خير

وشكر خاص للاخ fms علي كرمه وعرضه خدمته اخوانه الله يوفق الجميع والمعذره للقطه في الموضوع

المشاركة الأصلية كتبت بواسطة fms
http://www.arabtravelersforum.com/tr...3/#post2361693


بالنسبة للتمشية اذا كنت لحالك و يصادف وصولك ويك اند اتصل علي و نتقابل ونتمشى مع بعض اوريك اهم شي خلال يوم واحد بس الله يعينك على المشي و في موضوع في توقيعي كاتب عن الاماكن في نيويورك يمكن يفيديك ويعطيك فكره عنها ..

الله يهديك بس ..

الويكند اللي راح كنت في نيويورك ومن جد طفش ما كنت أعرف أي شي هناك .. والحمد لله عدى على خير

عموما عسى ربي يسعدك على حبك للخير للغير .. وهذي مو غريبة من أي شقراوي ..

أكرر عسى ربي يسعدك ويحفظك وييسر أمرك دنيا وآخرة ..

اضم صوتي مع كل الشباب واقول نيويورك بلا شك !!

لو بحثت في المنتدى سوف تجد مواضيع لي تحذر من مطار Jfk ..

المقارنة كالتالي :

مطار كيندي * مطار دالاس (واشنطن) = بالتأكيد واشنطن افضل من ناحية الاجراءات .

مدينة نيويورك *مدينة واشنطن = بالتأكيد مدينة نيويورك أضخم وأجمل .


ثانيا

في احدى رحلاتي كنتُ قادما من شيكاغو إلى نيويورك وقت الظهر وليوم واحد فقط بعدها كنت متجه للرياض ، سكنتُ في فندق (الشيراتون ) في التايم سكوير (انصحك بالسكن في التايم سكوير) وزرت بعدها تمثال الحرية وأخذت جولة في منهاتن وثم غادرت وكانت ممتعة .

والتكاسي متوفرة بكثرة ، وأنصحك باستخدام التكاسي بدلا من المواصلات الاخرى ، نظرا لاسعارها المعقولة ، وكذلك لوقتك القصير الذي لا يسمح باضاعته بالتنقلات المتعددة .


رحلة سعيدة

مطار JFK مزدحم على طول و هذا هو السبب ان الموظفين فيه نفوسهم شينه لكن انت خلك كول و اتبع التعليمات بهدوء و ان شالله بتكون تجربتك موفقه .. اما مطار لاقارديا حليلين لكن الخطوط السعوديه ما تنزل فيه للاسف
السكن شيراتون التايمز سكوير مره رائع و موقع و لا احلى قريب من كل الاتراكشن و ممكن تمشي لها بدون الحاجه الى مواصلات... و بما انها ليله وحده بس مو مشكله تدفع شوي
سلسسلة فنادق choice hotels اجمالا ممتازه و سعرها مغري نظيفه و امنه جدا و تضم عدة فنادق و هذا موقعهم http://www.choicehotels.com
تمنياتي لك برحله سعيده

يعطيكم العافية ماقصرتوا ..

بخصوص شيراتون التايم سكوير .. كان أول فندق احاول أحجز فيه من كثر ما شفت ناس راحت له ولموقعه الرائع .. لكن للأسف مافيه إمكانية

نيويورك وانت مغمض
وبالتوفيق لك بالرحلة

المشاركة الأصلية كتبت بواسطة Dr.Digital
http://www.arabtravelersforum.com/tr...6/#post2368336

يعطيكم العافية ماقصرتوا ..

بخصوص شيراتون التايم سكوير .. كان أول فندق احاول أحجز فيه من كثر ما شفت ناس راحت له ولموقعه الرائع .. لكن للأسف مافيه إمكانية




اخي الكريم ...

في التايم سكوير فيه مندوبين لشركات تور بالهبل !!

منها شركات الباصات المكشوفة ذات الدورين !! خذلك يومين او 3 وتنقل بيها في نيويورك يوقفونك في اكثر من محطة وكل المعالم الي في المحطة بيشرح عنها مندوب السياحة الي بيكون معاكم بالمايك وبيكون معك كتيب فيه بعد شروحات !!

فيه اكثر من لوب يعني طريق !! خذ عرض الثلاثة لووبز .. وسط منهاتن .. جنوب منهاتن .. ومنهاتن بالليل

علشان تغطي كل الاماكن السياحية اركب من اي محطة وكمل وانزل في اي محطة طول اليوم لحد الليل ..

وهذا رابط لواحدة من الشركات الممتازة والي انا جربتها ..


https://www.coachusa.com/newyorksigh...productId=1053

بالتوفيق

انا من عشاق ديسي بس اقولك نيويورك بدون تفكير

احلى عرض حسيت انه مناسب هو هالعرض:
http://www.citysightsny.com/page.php?id=110


عرض ممتاز جدا.. لكن رحلة statue of liberty بتكون بالقارب و تدور حوله و ما راح تقدر تطلع فوق للاجراءات الامنيه هذا خبري فيها من سنتين بس ان شالله تغير الوضع الحين..
في شركه ترسلك ليموزين للفندق و ياخذك وين ما تبي و بالساعات 6, 8 , 12 او 24 ساعه .. بحاول اتذكرلك اسمها او ادور كرتهم بين الانقاض .. انا جربتها و كان السائق مره فريندلي و هو كان يقترح الاماكن اللي لازم ازورها بالاضافه الى لمحه تاريخيه و شرح مبسط على الاماكن
عندك china town, italy town & soho الاضافه الى سنترال بارك حلو تمر ساعه بالليل و تعيش معاه بعض لحظات فلم pretty woman ههههههه

المشاركة الأصلية كتبت بواسطة Dr.Digital
http://www.arabtravelersforum.com/tr...6/#post2362366

يعطيك العافية اخوي على هالرد السريع الوافي ..

وراح أتبع شورك بإذن الله ..

وطبعا يشرفني مقابلتك والتعرف عليك ..

راح أوصل نييورك يوم السبت 11 اكتوبر .. و 12 اكتوبر راح اتجه الى لوس انلجس بإذن الله

إذا يناسبك هاليوم عطني ايميلك أو وسيلة اتصال بك ونرتب للموضوع مع بعض بمشيئة الله .. ويسعدني أشوفك هناك ونقضي اليوم سويّة ..



تقبل تحياتي




أن شاء الله .. انا برسل رقمي و ايميلي لامباك و ان شاء الله يرسله لك .. لاني ما اقدر ارسلك رساله شخصية ..







وشكر خاص للاخ fms علي كرمه وعرضه خدمته اخوانه الله يوفق الجميع والمعذره للقطه في الموضوع



عفوا اخوي ابو فيصل..





الله يهديك بس ..

الويكند اللي راح كنت في نيويورك ومن جد طفش ما كنت أعرف أي شي هناك .. والحمد لله عدى على خير

عموما عسى ربي يسعدك على حبك للخير للغير .. وهذي مو غريبة من أي شقراوي ..

أكرر عسى ربي يسعدك ويحفظك وييسر أمرك دنيا وآخرة ..



خيرها بغيرها ان شاء الله .. ولو ما تقابلنا في نيويورك نتقابل في السعودية او الخيج

وتسلم على الكلام الحلو

حياكم .. وشرفني مروركم جميعا ..

مشرفنا العزيز Impact
شاكر لك ردّك .. معلومات وافية كافية راح تفيدني كثير بإذن الله ..
تشرفت بمرورك ..



اختي Sugar Lips
شاكر لك اهتمامك .. يسلمك ربي .. لكن الخطة تغيرت .. زي ما تشوفين راح أقابل أخوي فهد بإذن الله .. وطبعا اذا انت وايا نجم بوابة أمريكا .. فأكيد انتهت أهمية القروب السياحي :24:


نخدمك في الأفراح يارب :101:



أخوي فهد (FMS)
وانا مثلك ما أقدر أرسل لك ولا حتى لمشرفنا Impact ..
يصير انتظر ايميلك ورقمك يوصلني من المشرف العزيز ..
ونشوفك على خير ان شاء الله ..


تحياتي ..