الموضوع: أرجو المساعدة يا أهل مينيسوتا

[CENTER]

السلام عليكم

أرجو المساعدة يا أخواني , ان شاءالله بتاريخ 29/9/2008 راح نوصل باذن الرحمن الى مينيسوتا للعلاج , يا ليت احد عنده تلفون أو ايميل من اهل المنطقة يراسلني , والله دخنا من كثر ما نراسل وماكو فايده .

نبي شي زين وسعر حلو بالنسبة للسكن وتأجير سيارة والامور اللي انتوا خابرينها .

لا تبخلون علينا المشورة يا اخوان .

بو سالم

وشكرا

XXXXXXXXXXXXX

تمنع ادارة المنتدى وضع الايميلات الشخصية وارقام الهواتف

مع تحيات مشرف البوابة

مواضيع عشوائيه ممكن تكون تعجبك اخترناها لك:

• سؤال عاجل عن السيفيـس
• مقارنة الشرق فلوريدا مع الغرب كاليفورنيا
• رحلتي إلى لوس انجلوس
• غريبه ما فيه احد يعرف عن سان فرانسيسكو شيء
• ساعدوني في اختيار شركة الطيران المناسبة
• فندق في واشنطن يا خبراء واشنطن
• موجة حر شديدة تضرب اميريكا
• ابحث عن سكن في هيوستن لعائله بسعر مناسب
• بخصوص التواصل مع السفارة امباكت واهل الخبرة
• تكفون أي معلومه عن هيوستنبتفيدني
• شرائح الانترنت والمكالمات
• أبي جـدول سرررريع في نيويورك حق يوم ونص بس
• تذاكر طيران من نيويورك اورلاندو
• شيكاجو
• ابحث عن شقق فندقية في لوس انجلوس امريكا
• انا من مواليد امريكا ولاكن
• عاجل إستفسار رعاكم الله عن الفيزا أرجو الإهتمام بأمري مشكورين
• واحد من جوازاتي القديمة خذوه الجوازاتوش أسوي
• ارجو الاجابة من اهل الخبرة في تكساس
• عندي كذا سوال الى الاخ امبكت والاعضاء الكرام

وين المساعده ؟

انت قولي اي مكان تحديدا بولايه مينيسوتا..
عطني تفاصيل اكثر بارك الله فيك, ومايصير خاطرك الا طيب

مشكور اخوي ..

في Minnesota in Rochester

ابي شقه تكون زينه عند او قريبه من مستشفى مايو كلينيك

وياليت احد ينورنا يا طويل العمر

لاني سمعت ان بارد وايد ومعاي الاهل

وعليكم السلام ورحمة الله وبركاته

اخوي يعتمد على الميزانيه ونوع السكن اللي ودك فيه

واقرب شي للمايو وسكانه معظمهم خليجيين هو الماجد واذا بغيت اس شي حنا بالشوفه

مشكور اخوي ..

اي بغيت اسأل بجم الشهر اذا بسكن انا واخوي والوالده هل هي شقه والا نظام غرف والا كيف ؟

وشنو الاماكن اللي فيها يعني على الاقل لو اخوي يطول بالمستشفى انا والوالده نروح للاماكن هذه سوق يعني مجمع حلو نضيع الوقت فيه وهالامور طال عمرك

طال عمرك قصدي عن عمارة الماجد اللي تقول عنها انته ..

وهل فيه مكان للمشي حق رياضه او نادي قريب يم المستشفى ..

وبعد وين يقعدون احواننا الخليجين بالضبط حتى لو بغيت استفسر القاهم في مكان معين

من سأل ما ضاع طال عمرك

المشاركة الأصلية كتبت بواسطة Lsfoor
http://www.arabtravelersforum.com/tr...5/#post2360245

طال عمرك قصدي عن عمارة الماجد اللي تقول عنها انته ..

وهل فيه مكان للمشي حق رياضه او نادي قريب يم المستشفى ..

وبعد وين يقعدون احواننا الخليجين بالضبط حتى لو بغيت استفسر القاهم في مكان معين

من سأل ما ضاع طال عمرك




مرحبا اخي العزيز

آسف على التأخير.عمارة الماجد فيها من استيديو الى 5 غرف على ما اضن في كل شقه

وفيها ديوان للرجال بس اسعارهم اشوي غاليه يعني للغرف الوحد (الشقه) تبدا من 4800 دولار شهريا

واذا غرفتين من 5800 وطالع وعلى فكره اسعارهم تتغيربين فتره والثانيه والخليجيين تلقاهم بالماجد

وبالفليجهذي اذا تبيها رخيصه بس تبعد عن المستشفى 6 كيلو

المشي كويس حوالين المستشفى وفيه فنادق فيها الجيم

واماكن التمشيه القريبه مجمع اباتشي مول والمولات البعيده عندك مول اوف امريكا في منيابلس

ولاي استفسار انا في الخدمه

السلام عليكم ورحمة الله وبركاته

أنا أخي من سكان منيسوتا ويوجد العديد من الشقق المفروشة بنظام اليومي والشهر والسنوي

مثلآ عمارة اللكود او يسميها البعض الماجد يصل سعرها الى 5000 دلاور

برونت ود يصل من 1000 الى 1500 دولار شهري

الماريوت للشقق المفروشة يصل الى 3000 دولار في الشهر


مكتب تأجير السيارات يوجد مكتب ممتاز في اسعار معقول وسيارات في حالة ممتازة مع تأمين شامل
رقم صاحب المحل 1978-254-507 جول سمث


وتحت خدمة الجميع في أي سؤال يطرح

أخوكم سليمان

شوف حبيبي.. عندك في مكاتب هناك يديرونها سودانيين الجنسيه بس والله عيال حلال ويساعدونك بهالأمور انا بالنسبه لي يوم رحت هناك سكنت في الأكوود بلازا, وبالأكود نفسه في بالدور السابع دوانيه كلها عرب كويتيين واماراتيين وبالأمانه كلهم حبوبين والله وطيبين بدرجه مو طبيعيه, وكله يتجمعون وايضا حريمهم بعد. اسألهم وين الحريم يتجمعون علشان يروحون لهم الاهل وماراح يقصرون معاك كلش.. عسى الله يوفقكم ويسهل عليكم
وترى الجو هالحزه روووووووعه.

الله يعطيكم العافية ما قصرتوا .. انا حاليا هناك وفي الاغراند فيلا ..

الجماعة هني اخواننا السودانيين ما قصروا الصراحة دلوني على اماكن طيبة ونظيفة والحمدلله الله وفقني مع الاهل ومثل ما قلتوا الجماعة هني بالنسبة للعرب عموما فيهم الخير شرواكم .

وانا الحين تحت امركم اللي عنده سؤال اقدر افيده انا حاضر صرت الحين دليلة

انا برسم الخدمة

الحمدلله على سلامتك اخوي و لاتنسانا بالتقرير

و عليكم السلام ورحمة الله وبركاته

الأخ الفاضل / بو سالم

لدي استفسار بعد اذنك حول العلاج في مينيسوتا

بعد وصولك لها لابد أن تكون قد سمعت عن مستوى العلاج فيها و قد تكون زرت مايو كلينك

أحببت الاستفسار عن العلاج هناك و تحديدا ً [ الجهاز الهضمي ]

،

هذا و جزاكم الله عنا خير الجزاء