الموضوع: موضوع مهم للذاهبين للكويت عن طريق البر

السلام عليكم اخواني واخواتي
انا لا اعرف اذا حد كتب من قبلي عن موضوعي هذا او لا... لكن سوف اكتب للاستفاده من الموقف الي انصدمت منه بالجوازات ..انا يوم الاربعاء بتاريخ 12-8-2008 قررت الذهاب انا وزوجتي لزيارة الكويت لقضاء اجازة الاسبوع بالكويت واتكلت على الله ومشينا من الخبر متجهين للكويت والحمدلله وصلنا للخفجي ودخلنا على الجوزات واعطيته جواز زوجتي وبطاقة الاحوال المدينة حقتي وتفجاة من موظف الجوزات يقول لي ايين جوازك قلت له هذي بطاقة الاحوال تؤدي الغرض بالدخول للدول مجلس التعاون وفجأني بقولة الا دولة الكويت لا يسمح لك الدخول الا بالجواز فقط وطبعا مستحيل ادخل فيها وتكلمت معه عن الموضوع لكن اقنعني انه مستحيل ادخل بالبطاقة الاحوال المدينه وعندها شكرته ورجعت وانا اقول ان شاء الله انها خيره مع العلم اني التقيت بشخص مع عائلتة ونفس مشكلتي بأنه يفكر ان الكويت الدخول بالبطاقة المدينه وهو من اهل الرياض يعني انا مسافتي تقريبا قطعت اكثر من 600 كيلو رايح جاي لكن هو المسكين اكثر مني بكثير واخبرني موظف الجوزات الكثير من السعودين تصيدهم نفس المشكله وليس انا فقط ومن هنا انصح الاخوان السؤال قبل الذهاب لدولة الكويت عن كيفية الدخول لها بالجواز او البطاقة ... ولما رجعت قلت بنفسي مراح ارجع للبيت اتجهت للبحرين واكملت اجازة الاسبوع هناك عن الخاطر :101:

مواضيع عشوائيه ممكن تكون تعجبك اخترناها لك:

• طلب شقة
• عندي سؤال بخصوص بيوت الشباب ياليت تجاوبوني ولكم جزيل الدعاء
• استفسار عن الاوراق المطلوبة للسفر
• ابغى مساعده من اهل الكويت؟
• دسكفري
• السفر من الكويت
• هل ستفتح أبواب برج التحرير أيام العيد؟؟؟
• قريباً برج التحرير يفتح أبوابه للزوار
• سوق شرق صورة رائعة من صور الكويت
• استفسار عن فندق الدولي بالسالمية؟؟؟
• فنادق نجوم بسعر دك خدمة عرض العوائل للكويتين والخليجيين
• شركات نقل
• هل السعر هذا مناسب لفندق المارينا
• استفسار عن الشاليهات بالكويت من ثاني العيد
• شقق السالمية
• مطعم فيلكا مطعم الذواقه
• بنات الكويت لووسمحتوا
• رأيكم يهمني بالفندق وموقعه
• عاصفه رمليه قويه بالكويت
• اخوانـــــــ ارجو المساعدة ـي

.


الحمد لله أنها جات على هذه



والحمد لله أنكم رجعتم سالمين غانمين والعوض ولا القطيعة




والله ما أدري أيش أقولك طبعاً موظف الجوزات يطبق القانون ...مو من عنده الشئ هذا




وبصراحه أنت غلطان !!! الله يهداك تطق درب ومعاك عائلتك وما كلفت نفسك السؤال عن مدى قبول الجوازات للبطاقة


الشخصية



وتبي الصراحة والله أنا شخصياً ما أحس ولا أتخيل أني مسافر إلا بوجود الجواز معي






.

لعلها خيره
والحمدالله علي السلامه
والي سمعته أنه قريب سوف يتم تطبيق نظام البطاقه
وجزاك الله خير علي تنبيه أخوانك المسافرين

لا حول ولا قوة الا بالله صراحة صدمة و قووووية جدا ومعروف يا أخي ومن زمااااااااان ان الاتفاقية بين الكويت والسعودية لم تنفذ الى الان
لكن ان شاء الله خيره

[QUOTE=omar_944;3251458]السلام عليكم اخواني واخواتي
ياخوى والله انا مثلك مستغرب من هالشئ يعنى الحين اروح البحرين ببطاقة الاحوال والكويت لا وين الاتفاقية دول مجلس التعاون ؟؟؟؟ نعاون على ايش لاتوحيد عملة ولا سفر على البطاقة ولا ولا؟؟؟ الله يهدي الحكومات؟

خيرها بغيرها أخوي
إلى الآن لم يتم تطبيق نظام العبور بالبطاقة المدنية أو الأحوال عندكم من قبل الطرفين في الكويت والسعودية

للحين ما طبقوا النظام
و تعوضونها ان شاء الله بالمره الجايه

واللي وصل ولما وصل ضيع استمارة السيارة وش الحل ؟

عساها خيره لك ولزوجتك اخوي عمر..
وإجازه سعيده في البحرين خليجنا واحد وشعبنا واحد
وأنا أتذكر العام الماضي لما رحت الكويت عطيتهم البطاقه ورجعها وقال عطني الجواز..


تحياتي لك

دائما بالسفر يجب اخذ الاحتياطات اللازمه
واهمها جواز السفر ..
وإلى الآن لم يتم الافصاح عن لسفر عن طريق البطاقه..

اخي العزيز حبيت اخبرك اني الاسبوع اللي فات كنت في كوويت دخلت كويت بالبطاقه الذكية (بحرينيه) عادي جداا

اتوقع الخلل من الجانب السعودي لان كانت امورنا سهالات في حدود الخفجي ربي يحفظهم ما قصروااا

ونورت البحرين

الحمدلله على السلامه عسى في الامر خيرة
ويقول المثل قيس قبل ما تغيص
يعني اسال قبل ما تروح لاي مكان وعتقد لو دخلت وطرحت الموضوع هنا راح تحصل الرد
الله يحفط الجميع من كل شر

الخيره فيما اختاره ربي
الحمد لله انكم غيرتو الوجهه وانبسطتوووو

الحمد لله على السلامه
رب ضارة نافعه

مرحبا الجواز ضرورى مثلا بعض الفنادق لازم ياخذون الجواز لمن بتسكن بالفندق ومايحلى السفر الا بالجواز

اشكر جميع الاخوان والاخوات الي ردو على موضوعي .... ومباارك عليكم شهر رمضان

السفر للكويت بالبطاقه ان شاء الله يطبق بنهاية السنه هذي والخبر هذا اكيد مليون بالميه ادخلو موقع الجوزات السعوديه وتلقون الخبر

وهذي الإمارات والغت إتفاقية التنقل بالبطاقة ، واتمنى من الكويت أن ترفض التنقل بالبطاقة لعدم تسهيل تنقل اليهال للكويت وسعيهم بالأرض فساداً ، كما أن العملة الكويتية اتمنى أن لا تدخل في النقد الموحد الخليجي ، لان ذلك معناه زوال اقوى عملة بالعالم .. وتذكروا الدينار الكويتي عزيز وبيظل عزيز ولا تفرطون فيه ياشيوخ الكويت

مرحبا انا اموافقك 100/100 المفروض كل دوله مستقله بذاتها ومايصير توحيد العمله وانشاءالله ينلغى المشروع توحيد العمليه

دول الخليج المعترفة بدخول الخليجيين لها بالهوية الوطنية هي :
1- عمان
2-الامارات
3-البحرين
4-السعودية
أما قطر والكويت فرفضتا الاتفاقية الله يهديهم مايشوفون الاتحاد الاوروبي النصراني والتعامل وسهولته .......

المشاركة الأصلية كتبت بواسطة gad2002
http://www.arabtravelersforum.com/tr...6/#post3323456

دول الخليج المعترفة بدخول الخليجيين لها بالهوية الوطنية هي :
1- عمان
2-الامارات
3-البحرين
4-السعودية
أما قطر والكويت فرفضتا الاتفاقية الله يهديهم مايشوفون الاتحاد الاوروبي النصراني والتعامل وسهولته .......



أخوي كلامك غلط
كل الدول معترفة بالتنقل ما عدى

الكويت - السعودية
السبب - تأخر الجانب الكويتي في اصدار البطاقة الذكية يعني اذا صدرت الكويت البطاقات الذكية الي فيها شريحة راح يدخلون السعودية
السعودية - الامارات
السبب - خلاق حدودي على منطقة الشيبة


بمعنا

الكويتي يذهب الى كل دول الخليج ما عدى السعودية

الاماراتي يذهب الى كل دول الخليج ما عدى السعودية

السعودي يذهب الى كل دول الخليج ما عدى الكويت و الامارات

يا شباب ان شاء الله ماكو الا الخير
وبعدين الكويت بانتظار اصدار البطاقه الذكيه ودخول الكويتى كل دول مجلس التعاون بالبطاقه الا المملكه العربيه السعوديه
وامر اخير هناك خلاف اخوى بين السعوديه والامارات وان شاء الله بينحل بينهم كأى خلاف بين الاخوان واحنا الصراحه نزعل اذا صار اى خلاف
وبسنا خلافات

الجواز ضروري اخوي حتى لو سافرت بالبطاقه ..

المشاركة الأصلية كتبت بواسطة ســcــد
http://www.arabtravelersforum.com/tr...1/#post3344731

الجواز ضروري اخوي حتى لو سافرت بالبطاقه ..




صدقت والله يااخوي
وشاكر لك مرورك

وقف انتقال مواطني الإمارات من وإلى المملكة بالبطاقة الشخصية "لأن الخريطة التي تظهر على بطاقة الهوية الوطنية لمواطني الإمارات لا تتفق مع اتفاقية تعيين الحدود بين السعودية والإمارات الموقعة عام 1974".

خليجنا واحد