الموضوع: انا حالياً في دبي وابحث عن

مساء الخير للجميع

ياشباب انا في دبي برفقة الاهل وابحث عن امكان تاجير المركاب بالنهار واخذ جوله على دبي او لنش او غيره ولا يشترط وجود وجبة غداء الاهم عندي جوله في بحر دبي ,,

قرية البوم السياحية مركبهم بس يتحرك بالليل من المغرب وطالع !!!
وانا ودي بالنهار !!!

مواضيع عشوائيه ممكن تكون تعجبك اخترناها لك:

• تجربة الكونيكت في الطريق من الرياض إلى حدود الإمارات ؟
• ساعدوني
• ياأهل دبى ابى عيادة اسنان
• هل برنامجي مناسب ؟؟؟؟؟؟؟؟؟
• «الرجل العنكبوت» يتسلق برج خليفة الاثنين
• اسعار فندق القصر
• أفضل طائرة الى دبي او الشارقة
• ضع تجربتك مع شركة تاجير السيارات
• تجارة الماركات الفاخرة في الخليج تزدهر متخطية الربيع العربي
• هل نستطيع نستأجر سيارة صغيرة بشرط ؟؟؟؟؟
• مشورتكم الغاليه والمفيده
• دبي في عيون رحالة سعودي
• هل يوجد انترنت فى مطار دبي؟
• فلاي دبي تُقلع مباشرة إلى بلغراد
• استفسارات بخصوص أجمل الأماكن في دبي الإلكترونيات والذهب
• استفسار تاكسي دبي
• فعاليات فنية وترفيهية في عيد دبي
• استفسار عن منتجعات العين
• طيران الإمارات تنطلق إلى كوبنهاغن
• مسافر لدبي ودي اعرف كم تكلفني هذي الاماكن

مرحبابك اخوي الكريم


تقدر تاخذ رحلة بحرية من مرسى دبي (المارينا)

http://www.arabtravelersforum.com/travel269378/






أو تقدر تأجر قارب من قرية التراث والغوص.

http://www.arabtravelersforum.com/travel161499/




.

الاخت بنوته الامارات ماقصرت .. و

انصحك بعد اخوي بالباص البرمآئي رقمهم اذ حاب تستفسر عن التذكره والوقت 043963135 يمشيك بالبر والبحر ويفتح بالنهار ..

تسلمين لي اختي بنوته وكذلك الا خ وصلاوي ,,,,
طيب مرسى المارينا قريب من سكني بفندق شلسي تور بطريق الشيخ زايد ,,
وكذلك القرية العالمية اي صوب صايره (اقرب طريق )!!!!!!!

الله يسلمك اخوي .... هذا واجبنا

مرسى دبي(المارينا) قريب من شارع الشيخ زايد مسافة 10-15دقيقة من تشلسي تاور

بعد ماتطلع من الفندق ، كمل سيدة على شارع الشيخ زايد بالإتجاة للإمارات مول

بعده بشوي بتشوف مخرج عاليمين (الصفوح) ، اللوحات الإرشادية واضحة (مرسى دبي-الصفوح) ادخل يمين .


وإذا حاب تروح the walk أو اتلانتس(جزيرة النخلة) بيكونون قريبيين من مرسى دبي بعده بمسافة بسيطة.



بعض الأماكن قريبة من بعض تقريباً على امتداد شارع واحد (جميرا - الصفوح)


-من وسط جميرا سنتر ميركاتو عاليسار

- اتكمل سيدة يجي برج العرب على يمينك

-بعده بشوي سوق مدينة جميرا على يمينك(فيه جلسات مطاعم حلوه،وأيضاً تقدرون تاخذون جولة فالقناة المائية الشخص=50درهم لغير نزلاء الفندق) .

-اتكمل سيده الصفوح يجي مرسى دبي مدخل من الإشارات على يسارك

-إذا مادخلت مرسى دبي وكملت سيدة يجيك مدخل جزيرة النخلة (فندق اتلانتس+ مترو جزيرة النخلة) على يمينك

-بعده بشوي الممشى the walk


_______________________________________________



القرية العالمية على شارع الإمارات ... تقدر تطلع من الفستفال ستي ومن بعده على شارع الإمارات


وفي طريق آخر من الإمارات مول بس يمكن اتضيع شوي .... من الفستفال أسهل .





وإن شاء الله تستانسون في داركم الثاني الإمارات .





معلومات أكثر فالرابط:

http://www.arabtravelersforum.com/travel326333/