الموضوع: مسافرة الى نيويورك تطلب مساعدة

السلام عليكم ورحمة الله

بداية اشكر هذا المنتدى الاكثر من رائع واعضائه على تميزه وجهوده الواضحة لمساعدة المسافرين.
ثانيا باذن الله انا مسافرة مع زوجي الى نيويورك لرحلة علاج لاتقل عن ثلاث شهور وهاذي اول مرة نروح فيها لامريكا ومن كلامكم عن مدن امريكا حببتوني فيها خاصة اورلاندو الي ودي اروح لها باذن الله بشهر اكتوبر بس محتاجة نصايحكم لعدة اشياء:
1-المسكن في نيويورك بنأجر شقة ستوديو في منهاتن بس بعرف شنو اسعارهم وشلون اقدر احجز والدفع هل اهو اسبوعي ولا شهري؟
2-الطعام هل في لحم ودجاج وسمك اسلامي واذا احد يعرف ممكن يدليني على الاماكن ووين احسن مكان اشتري ماجلة البيت
3-هل مسموح لي اخذ معاي معلبات لحوم نقانق تونه
4-هل مسموح لي اخذ بهارات لان رفيج زوجي قال له جيب معاك بهارات
5-والمطاعم الاسلامية ابي اسم جم مطعم
6-واهم شي انا مسافر 19/9 يعني برمضان للاسف مضطرة بس بخصوص المساجد هل توجد مساجد قريبة لمنطقتنا علشان ليالي القدر؟
ادري ان اسئلتي وايد بس متعشمة فيكم تساعدوني وما تردوني

وشكرا مقدما
اختكم
ام علي الصراف

مواضيع عشوائيه ممكن تكون تعجبك اخترناها لك:

• قصتي بالسفارة اليوم
• ياليت اللي عنده اي معلومات عن بورتلاند اوريقون يفيدني
• خبر جيد لمن يريد الذهاب لامريكا
• استفسار عن بعض اسئلة الفورم
• حصلت على الفيزا وجلست اكثر من يوم مادخلت امريكا ما الحل ؟؟؟
• الألعاب المثيره أو المغامرات المثيره
• استفسار عن مطابقة الاسم في الاحوال والجواز ووثيقة التخرج؟بليز
• طيران الى اورلاندو مباشر؟
• فيزا الترانزيت
• ارخص سعر تذاكر طيران فى مصر
• نصااايح عن أورلاااندووو
• تأخير التاشيرة الى امريكا
• بحمد الله رجعنا من سان دييجو اللي يحب يستفسر يا هلا
• اسفسار هام جدا جدا
• تجارب الاعضاء بفنادق سان دييقو
• واشنطن و كالفورنيا
• اصحاب الخبره بالكويت
• بخصوص الفيزا و الرصاصي وجميع الاخوان
• فيزا زيارة لامريكا للسوريين
• بعد رجوعي من امريكا اكتشفت ان الورقه البضاء لازالت في جوازي

اول شي الف سلامه ولابأس ان شاء الله وتروحون وتردون بالسلامه

بالنسبة للاكل هناك ماعندك مشكله منه لان طعام اهل الكتاب حلال سواء يهود او مسيحيين
المشكله في اكل الأسيوين هو اللي تخافين منه ماتدرين وش مكوناته بالذات الصيني


في منطقة بروكلين مطاعم عربيه ومحلات عربيه ممكن توصولون لها بالميترو

السوبر ماركت هناك كل شي متوفر فيه
بس خوذي معك القهوه والبهارات

وان شاء الله الباقين يفيدونك بالاسئلة الباقيه

تحيتي

المشاركة الأصلية كتبت بواسطة أمونه
http://www.arabtravelersforum.com/tr...9/#post2294431

اول شي الف سلامه ولابأس ان شاء الله وتروحون وتردون بالسلامه

بالنسبة للاكل هناك ماعندك مشكله منه لان طعام اهل الكتاب حلال سواء يهود او مسيحيين
المشكله في اكل الأسيوين هو اللي تخافين منه ماتدرين وش مكوناته بالذات الصيني


في منطقة بروكلين مطاعم عربيه ومحلات عربيه ممكن توصولون لها بالميترو

السوبر ماركت هناك كل شي متوفر فيه
بس خوذي معك القهوه والبهارات

وان شاء الله الباقين يفيدونك بالاسئلة الباقيه

تحيتي



مشكورة اختي على الرد بس المشكلة انا زوجي ما ياكل الا من مطاعم اسلامية علشان جي سألت لان يقول الذبح هناك مو اسلامي فما ياكل منه
بس عندج فكرة عن السكن في منهاتن واسعارهم لان المستشفى في منطقة منهاتن؟

وشكرا

ليش محد رد علي ان بسافر بعد ثلاث اسابيع ولين الحين ما حصلنا سكن والله ضايق خلقي

رفيج زوجي اليوم اتصل وقال انه سعر الاستوديو بمنهاتن 5000 دولار ابي اعرف هل السعر معقول او ممكن نحصل اقل

يا اهل الخبرة افيدوني

شو اسم المستشفي بالانجليزي ؟

و وين موقعه في نيويورك ؟

و هل انتو ناويين تسكونون في منهاتن بغض النظر عن البعد عن المستشفى ؟


هذا موقع فيه مطاعم و محلات و مراكز إسلامية و مساجد

islamicfinder.com

اللهم ابحثي عن نيويورك


و هذا موقع عن الشقق

apartments.com

rent.com

حياج الله ياخ اخت ام علي
اسأل الله ان يشفي مريضكم يا رب
بالنسبه للنيويورك فحمدلله توني راجع منها قبل 8 ايام .
بالنسبه للأكل فماعليكم شر ان شاء الله طبعا احوي راعي امريكا عطاج الطريقه الاسهل وهي البحث عن المطاعم عن طريق الموقع ويوجد اب نيويورك مطاعم كثيره اسلاميه بحته يعني ما تحاتين اي شي فكل شي متوفر والله الحمد .
طبعا بذكر المطاعم الاسلاميه فهي تقوم بالذبح باشرافها ومتابعت الذبح الى ان يوصل عنده ويقوم بطبخه وتقديمه واغلب الناس عرب طبعا .
بالنسبه للسكن فياختي الكريمه انتي تطلبين مكان وهوا الاغلى على مستوى امريكا وليس نيويورك فقط فعليك الحذر والبحت بتأني ومثل ما ذكر اخوي راعي امريكا عطينا اسم المستشفى ونشوف يمكن نقدر نحصلك مرادك اب سعر اقل .
بالنسبه للبهارات والقهوه العربيه اذا انتو من ذواقها طبعا . فلا شر عليج اذا جلبتيها معاج امن الاكل المعلب فماله لازمه امانه فكل شي متوفر اهني ( لا تصيرين مثل واحد من الشباب حتن عود اذون يايب معاه من الكويت ) فشيلي ما خف وزنه وغلى قيمته مثل القهوه العربيه البهارات التمر .
واذا احتجتي اي شي فحنا بالخدمه
والله الموفق

السلام عليكم
مشكورين ما قصرتوا والله لايحرمنا من الناس الطيبة مثلكم يارب
اسم المستشفى
The University Hospital of Columbia and cornell
في منطقة
Upper East side
Street 68

واحنا بنقعد مو حوالي اربع شهور او اكثر حسب النتايج.
انا اكثر شي بصراحة احاتي الشقة يكون مكانها امن وقريب من المستشفى لاننا راح نضطر نروح لها كل ثلاث ايام او اسبوعيا مثل ما بلغونا وعمليتنا شهر 12 علشان جذي طلبت شي قريب من المستشفى لان زوجي ما يبي يأجر سيارة بنيويورك تاريخ سفرنا 19/9 ان شاء الله محتاجة نصايحكم لي والله يجزيكم كل خير.

اختكم
ام علي