الموضوع: اسواق بيع ملابس الأطفال

السلام عليكم
وعودة جديدة لمنتدانا الغالي اللي ما نستغني عنه في سفراتنا:::::
ومع سفرة جديدة للكويت الحبيبة
اخواني وخواتي النساء بالذات ،،،،

حبيت أسأل عن محلات لبيع ملابس للأطفال ولادي وبناتي حلوة وناعمة للعيد وغير العيد
ومأبي المحلات العالمية الموجودة في مجمعات شرق والمارينا والكوت ...الخ لأنها موجودة عندنا في البحرين
ابيع محلات محلية كويتية او غير بس المهم يبيع شغلات حلوة وياريت تووضحون لي وين مكانه بالضبط
شفت كثير من الناس يجيبون شغلات حلوة من الكويت حق الأطفال بس استحي :106: أسألهم واعتمادي على الله ثم عليكم

بانتظاركم

مواضيع عشوائيه ممكن تكون تعجبك اخترناها لك:

• الفروانية هذي وينها فيه
• لو سمحتوا برنامج لخمس ايام في الكويت ؟؟
• منتزه اسمة روعة وهو روعة
• اريد منتجع بحري
• ايهما افضل يا اهل الكويت او من سافر للكويت
• بزوركم الخميس ابي جدولة رحلة
• للكويتيينأطلب أي مطعم من الانترنت والتوصيل لباب بيتك
• الكويت الحبيبه
• ياحبايبنا وين شقق ريجنسي الي جنب المارينا
• سؤال عن افضل طريقة للسكن في الكويت
• استفسار عاجل عن التراس بالفنطاس ؟
• شهر عسل ؟
• استفسار هل من مساعدة؟؟؟؟
• أستفسار بخصوص دولة الكويت في العيد
• الفيزا التجارية يا اهل الكويت
• تصويري لمجمع
• واخيرا زرت الكويت
• طالع مع العائلة لأول مرة
• اين مجمع بلوكات في الكويت
• فعاليات العيد ؟؟؟؟

في مجمع توه فاتح بس للأطفال

اسمه دسكفري صوب صاله التزلج بمدينه الكويت

وعندج بعد بمجمع الافنيوز صوب مطالع الجديده محلات كلها للاطفال

وانا بعد بزور الكويت قريب وابي اعرف افخم ملابس الاطفال عندكم ....
وشكرا لكم ...

بسم الله الرحمن الرحيم
حيااااج الله اختي ريوومة وخلوود في بلدكم لكويت وبتنورونها انشاءالله ,,
أما بخصوص محلات الاطفال في محل اسمه بروووي في مجمع الافنيوز على الدائري الخامس واهومحل متخصص في ملابس الاطفال وشغل عالمي ,,
وفي محل ثاني اسمة كرز بمنطقة الفروانية بالقرب من مجمع مناور واهو سعره مناسب ,,
واتمنى اني افيدكم اكثر بس هذا اللي اعرفه بصراحة واعتذر من اي تقصير

حياكم الله...

تم افتتاح مجمع ديسكفري فيه كل ما تحتاجينه لطفلك /تك..
من ملابس احذيه كماليات ......زالخ
وفيه بعد محل بوي تلقينه داخل مجمع ديسكفري ..
بس المحل الاكبر لبروي تلقينه في الافنيوز

الف شكر لكم اخواني poor_man cuot أحلى كيميائية

تسلمون وما قصرتوا




وفي محل ثاني اسمة كرز بمنطقة الفروانية بالقرب من مجمع مناور واهو سعره مناسب ,,



هذا المحل وين مكانه بالضبط وبالنسبة للفروانية شنو احلة الأماكن السياحية فيها والأسواق
والف شكر
بانتظار ردود اعضاء الآخرين وبالأخص الأخوات

السلام عليكم ورحمة الله وبركاته

أدري أنه غريب تشوفون رد من رجل على الموضوع ولكن سبب يكون في حبي لأبناتي راح أفيدكم بمحلات كثيره

ونبدي على بركة الله سبحانه وتعالى

سنتر بوينت

وهو محل بيع ملابس وكماليات لكل أفراد لأسره وبه قسم كبير جدا للأطفال

وله عدة مواقع منها

برج حمود بالفحيحيل على طريق البحر مقابل مجمع الكوت بجوار بنك الكويت الوطني فرع الساحل

مجمع الأوقاف بمدينة الكويت

في الري مقابل طريق الغزالي قبل جسر الدائري الرابع


زارا بيبي

ويوجد به كل مايحتاج الطفل من أحتياجاته من ملابس وكماليات وأحذيه

وله عدة فروع منها

مجمع الكوت التجاري بالفحيحل

مارينا مول

الافنيوز

ماكس

وهو مثل سنتر بوينت بالبضاعه ملابس وكماليات للعائله ككل

وله فروع كثيره

منها بالفحيحيل الي أعرفه موجود و وصفه أول مدخل على يمين بعد دوار على شارع مكه

ماركس وسبنسر

ويقع بجوار مارينا مول وبه قسم لملابس الاطفال

فاشن مل

سوق لبيع الملابس الي تصلح للبيت وفيها شغلات زينه وأسعاره مناسبه جدا

ويقع في مجمع العنود بالفحيحيل على شارع مكه

ومجمع منيره سوق السالميه القديم { حوش السالميه }


بروووي

أما هذا عاد يعور قلوب الي بيدفعون متخصص للأطفال فقط ويوجد في الافنيوز ويقع على الدئري الخامس

نكست بيبي

وهو متخصص بملابس والكماليات لأطفال

وله فروع كثيره منها

مجمع الكوت

المارينا مول

الافنيوز


وعندج الأسواق الشعبيه بعد كلها فيها أقسام للأطفال

وأنا بعطيج جم مجمع فيها محلات لبيع ملابس الاطفال

أولا سوق الفحيحيل
مجمع العنود

مجمع أجيال فيه جم محل مأذكر أساميهم منهم أيس كريم وغيره

بازار الفحيحل

سوق الجوهره وهو منتشر جدا

وسوق كرز

سوق الموعد

سوق مسروره

سوق مستوره

ومجمع سلمان

منطقة حولي
مجمعين النقره الشمالي والجنوبي عند مدخل حولي على طريق المغرب السريع



منطقة الفروانيه

شارع الجمعيه

مجمع مناور

مجمع العربيد

والله نسيت

بس وايد هناك مجمعات وكلهم فيهم محلات بيع ملابس أطفال

لاتحاتين

وأتمنى أني أكون فدكم

مجمع العثمان بحولي شارع بن خلدون
وكرز ما يصلح للي تبين

تحياتي

مساء الخير

بصراحة يااخوي جاسم ما قصرت كفيت ووفيت يعطيك الف عافية تعبناك معانا
لكن هذا العشم فيكم :24:
الف شكر اخوي مزدحم ماقصرت

ااااااااااااااااااااااااااااااااااااااااالــــــــ ــــــــــــــــــــــــــــــــــــــــــــــــــ ــــف شكر لكم وللجميع

مجمع العثمان في حولي

مجمع النقرة الجنوبي والشمالي

بالنسبة لبرووي ودسكفري وكرز يجيب مقاسات لعمر كم؟

المشاركة الأصلية كتبت بواسطة ريووومة
http://www.arabtravelersforum.com/tr...5/#post3230995

مساء الخير

بصراحة يااخوي جاسم ما قصرت كفيت ووفيت يعطيك الف عافية تعبناك معانا
لكن هذا العشم فيكم :24:
الف شكر اخوي مزدحم ماقصرت

ااااااااااااااااااااااااااااااااااااااااالــــــــ ــــــــــــــــــــــــــــــــــــــــــــــــــ ــــف شكر لكم وللجميع



حياج الله يأختي وحااااااااااضرين :24: وإذا تبين شي زود بستعين بالمدام :106: ترها هابت ريح :101:

ماشاءالله الاخ كتب اغلي الاسواق بس اذا انتى تبين محلات الملابس المحليه عند مجمع العثمان بحولى مع انى من زمان ماجيته بس فيه الجناح الاخضروغيره وعندج فاشن مل عملى ويصلح للبيت باسعار رخيصه والافنيوز وفيه اغلب المحلات العالميه مثل جاب واتش اند ام وزارا واوميمى ولحظه من فضلك وكاتيمينى وجيس ومذر كير وبى اش اس ودبنهامز ومادرى يمكن ناسيه شى

اسمعي مني وانا أخوك.......... اذا وصلتي الكويت بالسلامه روحي لمجمع المثنى
في الصالحيه شارع فهد السالم...........فيه بالدور الأرضي محل اسمه ( ريسان )
وشوفي ملابس الاطفال.........:24: من اسبانيا ومن غيرها بعد واللي عنده
ما تحصلينه عند غيره ...............وفيه كم محل في نفس المجمع هم بعد حلوين لكن
للاسف مو حافظ اسمائهم....... لا تستغربون اني رجل وارد على هذا الموضوع لانه يخص
الاطفال واحلى شئ يشتريه الرجل هو للطفل.