الموضوع: رأيي في فندق ابيس السالميه

السلام عليكم والرحمه

حبيت انقل لكم تجربتي مع فندق ipis السالميه
الفندق جديد فتح في اواخر السنه الماضيه وكما ذكر في المنتدى الفندق مختار شريحه رجال الاعمال كنزلاء له

طبعاًبالنسبه لي كنت حريص اني اسكن فندق 5 نجوم
ةانا اللي اخبره في دبي ان فنادق ابيس نجمتين او ثلاث

لكن للاسف غشني موقع اسيا ترافل كاتب عنه انه فندق خمس نجوم

لما وصلنا للكويت الحلوه على طول توكلنا على الله وكان عندنا خيارين ... روتانا المنشر او ابيس وقررنا نحجز ابيس بحكم انه خمس نجوم وفي منطقه روعه

الاسعار كانت
27 دينار للايام العاديه
و30 دينار للويكند
والفطور ب 3و800 فلس لكل شخص

اتممننا امور الحجز وركبنا للغرفه

وهنا راح اسجل كل شي على شكل نقاط .. ايجابيات وسلبيات
الايجابيات:
موقعه الرائع فهو يقع في منطقه المجمعات في شارع السالميه .. جميع المجمعات حوله وقريبه منه وكل الاشياء اللي ممكن يحتاجها اي زائر بتوفر بسهوله بذاك الشارع
- الفندق جديد يعني نظيــــــــــــــــــــــــــــــــــف جداً
- سهوله الشيك ان والشيك اوت
- رخصه

السلبيات:
- صغر حجم الغرف الغير طبيعي
- بساطه الاثاث
- صغر الحمام
- غير فخمه اطلاقاً ولكنها نظيفه ومرتبه جداً
- لايوجد ثلاجه بالغرفه
- لايوجد غلايه ماء او شاي او قهوه في الغرفه
- لايوجد المكوى ولا طاوله الكوي فيها
- لايوجد الا عدد مخدتين بالغرفه يعني اللي مايعرفون ينامون بمخدتين بيكون مجبور تكلمهم
-لايوجد كبريت بالغرفه
- لاتوجد اي ادوات بالحمام فيما عدا جهاز يضخ شامبو منه وصابونه صغيره
- لاتوجد ارواب او سليبرز او حتى فوط بعدد كافي

فكما هو واضح.. الفندق مناسب لمن لديهم هدف عملي فقط



تحياتي

مواضيع عشوائيه ممكن تكون تعجبك اخترناها لك:

• يا اهل الخبرة سؤال عن فنادق الكويت
• استفسارينالبطاقه الذكيهادارة الفحص الفني
• رحلات بحرية على الشاطئ
• ابي اخداثيات الافينيوز
• سؤال هل بأمكاني السفر للكويت عن طريق البطاقة الذكية ؟
• طلب مساعدة من اهل الكويت و السعوديين
• بيت أحمد
• آإلى نبض قلبي آإهل الكويت آإحتآإج مساعدهـ
• العشاء على انغام نهائي كأس الخليج
• مجمع الصفاة أين يقع؟
• صور السفر عن طريق البر من الشرقيه الى الكويت
• اتمنى الرد باسرع وقت
• توقيع اتفاقية شراكة بين الخطوط الوطنية الكويتية والنمساوية
• استفسار عن سوق ابوميه
• للاعضاء اللي جربوا السفر على طيران الجزيرة و للي حجزوا التذاكر من النت حياكم الله
• ياهل الكويت الفزعه
• عيدكم مبارك يا اعضاء بوابة الكويت
• يا اخوان الغالي ناصر كويتي معانا من جديد
• شبااااااااااااااااااااب اخر التقارير لبرج
• مشروع الحمراء العقارية ينتهي منتصف بتكلفة مليون دينار

الف شكر

ويبقى رأيك يفيد اي سايح ..

شكرا لك

يعطيك العافيه
بس يا ليتك كملت التقرير بالصور

شكرا لك....ومشكلتة المواقف بعد
بس اهم شي فيه موقعة الاستراتيجي
والحمدلله على سلامتكم...

الفندق يفيد رجال الاعمال واللي بس يبون الفندق حق النوم
ومشكور على طرحك للموضوع

:101:كلام في محلة سكنته العام الماضي فعلآ صغر غير طبيعي بالغرف والخدمات مافية ميني بار او مكان حتى للشنط ماتتخيلون ضيق الغرف :105::105:
على العموم هو عالميآ يتبع سلسلة الفنادق الاقتصادية في التصنيف

المشاركة الأصلية كتبت بواسطة أحلى كيميائية
http://www.arabtravelersforum.com/tr...9/#post3213819

الف شكر

ويبقى رأيك يفيد اي سايح ..

شكرا لك



العفو اختي
وحياك

المشاركة الأصلية كتبت بواسطة المرام
http://www.arabtravelersforum.com/tr...4/#post3215814

يعطيك العافيه
بس يا ليتك كملت التقرير بالصور



الله يعافيك
وبالنسبه للصور .. بصراحه ماصورت الفندق لان الصور اللي بموقعه تصف الغرفه بشكل ممتاز لازياده ولانقصان

المشاركة الأصلية كتبت بواسطة il bambino
http://www.arabtravelersforum.com/tr...1/#post3216631

شكرا لك....ومشكلتة المواقف بعد
بس اهم شي فيه موقعة الاستراتيجي
والحمدلله على سلامتكم...



ياهلا

بالفعل
المواقف مشكلتها مشكله بس ربك يسرها واما بالنسبه للموقع فــ مو بس استراتيجي الا خطير بعد

المشاركة الأصلية كتبت بواسطة alrashedq8
http://www.arabtravelersforum.com/tr...6/#post3217196

الفندق يفيد رجال الاعمال واللي بس يبون الفندق حق النوم
ومشكور على طرحك للموضوع



بالفعل
لما تسكن بمثل هالفنادق تحس انك ماتبي ترجع لها الا وقت النوم فقط ..

وياهلا والله

المشاركة الأصلية كتبت بواسطة الماسة المسافرة
http://www.arabtravelersforum.com/tr...9/#post3217589

:101:كلام في محلة سكنته العام الماضي فعلآ صغر غير طبيعي بالغرف والخدمات مافية ميني بار او مكان حتى للشنط ماتتخيلون ضيق الغرف :105::105:
على العموم هو عالميآ يتبع سلسلة الفنادق الاقتصادية في التصنيف



الحمد لله لقيت لي اعوان

حياك والله

يا جماعة الخير الفندق مصمم لشخص او شخصين على الاكثر و الي عندة شغل يعني بزنس مان يبي مكان ينام فية فقط مو مهم اي خدمات اخري و هو معرف عالميا و الي اعرف عنة اة شركة المانية و هو منتشر بالمانيا و سويسرى و مدن اوربية كثيرة و في الامارات يوجد فندقين ايبس و الكوت بس واحد و في جنيف 4 اايبس يعني الفندق باختصار ل رجال يبي غرفة ينام فيها و يمشي مايبي اي رفاهية اخري بس ترى نظيف و سعرة اقتصادي ما علية كلام صح ولا لا

المشاركة الأصلية كتبت بواسطة violetq8
http://www.arabtravelersforum.com/tr...1/#post3218881

يا جماعة الخير الفندق مصمم لشخص او شخصين على الاكثر و الي عندة شغل يعني بزنس مان يبي مكان ينام فية فقط مو مهم اي خدمات اخري و هو معرف عالميا و الي اعرف عنة اة شركة المانية و هو منتشر بالمانيا و سويسرى و مدن اوربية كثيرة و في الامارات يوجد فندقين ايبس و الكوت بس واحد و في جنيف 4 اايبس يعني الفندق باختصار ل رجال يبي غرفة ينام فيها و يمشي مايبي اي رفاهية اخري بس ترى نظيف و سعرة اقتصادي ما علية كلام صح ولا لا



بالفعل اخوي كلامك سليم
بس انا حبيت اصف مارأته عيناي على اساس ان في فئه كبيره مو فاهمه سبب رخض الفندق ..
حلو ان السواح يعرفون ان هالامور كلها بالفندق سواء ايجابيات او سلبيات
لاني بصراحه تفاجئت خصوصا لما شفت في اسيا ترافل مسجلينه انه فندق خمس نجوم وبهالسعر رحت له ركض بس انصدمت بعدين انه مو من نوعيه الفنادق اللي احبها ..

والسبب هو الامر اللي انت ذكرته ( انه لناس بزنس .. وخالي من الرافاهيه )
وبخصوص نظيف فأنا اشهــــــــــــــد انه نظيف وبقوه ..

تحياتي للجميع

فعلا انا جربت السكن فيه الغرف صغيره بس لشخصين اوكي مو مشكله كانت عندي
بس للامانه نظيف واذا جيت الكويت مره ثانيه افكر اسكن فيه لموقعه الحلووو كل شي نروح له مشي

الصراحة يا جماعة الخير أنا سكنت فيه قبل عدة أشهر، الصراحة نظيف و حلو و هادي، و بالنسبة للمواقف فهناك مواقف طابقين بالقبو، أنا سكنت فيه لرخصه و لأني كنت بس أبغاه للنوم فقط لا غير ..

سكنت فيه و كان حلو .. لأن هدفنا فيه كان النوم و الراحة فقط ..
اما الرفاهية فهي بعيده عنه ..

400 ريال ورخيص ما اظن

سكنت قبل العام في شقق فندقية بالسالمية جبنها مسجد وكان قدامها ارض فضاء وكانت قريبة من سوق السالمية الشعبي شقق في قمة الروعة نسيت اسمها صراحة غرفة وة صالة ومطبخ قمة في النظافة
بـ 300 ريال سعودي وكانت بعد عيد الفطر بيومين تقريبا
السنة هذه راح ندور عليها لحتى ما نحصلها

مكان الفندق وايد قوي

بوسط السالميه كل شي يمك وخاصه مركز سلطا سبر ماكرت كبير

مو بس موقعه قوي الا فــــــــــــــــــــــــله وبقوه بعد
بس رجع واعيد
ينفع للناس اللي بس تبي مكان يلمهم من الشارع هههههههههههه يعني بس تبي تنام وتقوم ثاني يوم وعلى طول للسوق او لشغلها اللي جايه عشانه ..