الموضوع: عندي كم سؤال

أنا راح امشي من السعوديه للكويت بعد يومين إن شا الله ومدة الرحله 3 أيام وحنا تقريبا خمسه شباب وعندي كم سؤال::114:
1- كم المصروف يكفي ؟
2-هل يوجد العاب مائيه او قريه مائيه قي الكويت؟:surfing:
3- نبي برنامج يمشينا أغلب الكويت خلال 3 أيام وأبزز الأماكن؟:101:

مواضيع عشوائيه ممكن تكون تعجبك اخترناها لك:

• أفيدوني ياعشاق الكويت
• زيـــــــارتـــــي للمهـــــلب بالصــــور
• ساعدوني الله يخليكم
• شقق في الكويت
• لمن زار قطر ؟؟
• شقق بودل كنسلت حجزي وقبل رحلتي بيوم
• هل من ندوه او لقاء مفتوح او محاظره للشيخ محمد العوضي ؟
• افضل سكن في الكويت
• ما هو أفضل مكان لبيع الأقمشة الرجالية ؟ وسعره حلو ؟؟
• فندق الكورنيش الفزعه
• في اي شارع يقع سوق المباركيه
• الصين هونج كونج
• منطقة الفروانيه اين هي عن الاماكن التاليه
• ملابس ووووينها ؟
• صور على السريع من المركز العلمي
• قادم الى الكويت
• الى الكويت
• توسعة لفندق «راديسون ساس» بـ مليون دولار
• ذكريات الكويت
• مساعده بخصوص فنادق وشقق منطقة دسمان

Trkan

حياكم الله بالكويت ، المصروف يعتمد على حسب صرفيتكم ، ارشح لكم السكن بمنطقة دسمان ( لرخص السكن هناك وقربه من كل المرافق المهمة ، ولهدوء المنطقة ايضاً )
السكن هناك يتراوح من 20 دينار واكثر ( 270 ريال واكثر ) وتحديد الميزانية والقطية يعتمد عليكم هل تبون تتمشون بس أو تشترون هدايا بعد ؟؟

الألعاب المائية فيه الأكوابارك وهي ملاصقة تماماً لأبراج الكويت ( يوم الثلاثاء للنساء فقط )
وفيه ايضاً المدينة الترفيهية .
سينما الأسواق عندكم مارينا مول وسوق شرق على شارع الخليج العربي ، مول الأفينيوز على الدائري الخامس وفيه كذا سينما ، منطقة المباركية التراثية ولازم تزورونها وهي قريبة من قصر السيف على الخليج العربي واقرب مالها برج التحرير ، أبراج الكويت سعر التذكرة 2 دينار للشخص الواحد مع وجبة خفيفة ( بيبسي وسندويش )
المقاهي الشعبية وخصوصاً مقهى السالمية الشعبي على طريق الخليج العربي لا يفوتكم .
قرية يوم البحار على شارع الخليج العربي وقدام مبنى مجلس الأمـة .
اذا تحبون تزورون المتاحف فيه عندكم متحف الكويت الوطني على شارع الخليج العربي ، متحف بيت الكويت للأعمال الوطنية يتحدث عن الغزو ومآاسيه وفيه وثائق وبقايا من الجيش العراقي وحتى ملابس أسير وشهيد كويتي ( المتحف فيه رأس تمثال صدام المنكس من ساحة الفردوس العراقية الشهيرة ) المتحف موجود بالشويخ الشمالي .
هذي اغلب الأماكن المميزة واللي انصحكم تمرونها .
أي سؤال حاضرين

في مول جديد بجنوب السرة اسمه 360 فيه متحف ام كلثوم ((كوكب الشرق)) وسينما حلوة..
و انصحك في مجمع الكوت حلو ,, بمنطقة الفحيحيل ..

و ايضا زيارة المركز العلمي ودخول الاكواريوم
تحياتي

الله يعطيكم العافيه وما قصرتو

أنا من رايي من الاماكن الحلوه للشباب الافنيوز لازم تروحله فيه كل شي تبيه سينما ملابس و مطاعم و كافيهات ،، و البدع موجود فيه مجموعه مطاعم و كافيهات حلوه و الصالحيه فيه بعد مطاعم بره مع كافيهات بس الحين الجو مايساعد خلك على الافنيوز يونس و مارينا مول بالسالميه حلو

2-هل يوجد العاب مائيه او قريه مائيه قي الكويت؟:surfing:
عندك قرية المسيله المائيه في منطقة المسيله
وعندك الأكوابارك أمام أبراج الكويت في عاصمة الكويت

اختك

اكوابارك يم ابراج الكويت واهي الافضل حق الشباب
وعندك قرية المسيلة المائية بمنطقة المسيلة