الموضوع: سفرة خطافية

بسم الله الرحمن الرحيم

الأخوة الكرام
السلام عليكم ورحمة الله وبركاته,

لدي سفرة خطافية إلى الكويت الحبيبة خلال الخميس والجمعة القادمة, ولدي إستفسارين أرجو ألا يبخل علينا أهلها الطيبين:

أبحث عن أفضل محلات تفصيل الثياب الرجالية, وهل يمكنهم إنجاز الثياب خلال يومين؟
المطاعم الجيدة التي فيها أماكن خاصه مغلقه للعوائل؟

مع جزيل الشكر والتقدير أولاً وآخراً,,,

العبد,,,

مواضيع عشوائيه ممكن تكون تعجبك اخترناها لك:

• إستفسار بخصوص الأوضاع الحالية في الكويت
• اريد فندق قريب من ملعب مبارة الامارات والكويت في الكويت
• مطلوب شقق عزاب مفروشه في منطقه الشرق بسعر معقول
• فنادق وشقق فندقية جديدة توها فاتحه
• نصيحه الي ايي الكويت يروح منتزه الخيران احلى مكان في الكويت
• الشقق الفندقيه
• معرض الكتاب في الكويت أين يقع وما أٌقرب الشقق له
• ارجو المساعدة
• برجر بوتيك
• افضل محلات الشنط
• ابي استأجر سياره في الخفجي وادخل بها الكويت
• حصة هاوس للشقق الفندقية
• وش ارخص فنادق بالكويت
• استفسار عن مجمع فيلا مودا
• شاليهات فيها مسبح
• شراء الأثاث من الصين
• التخفيضات في أسواق الكويت
• أخي الباب العالي مطلوب للأهمية
• لاهل الكويت افيدوني بالمكان
• «التمدين لمراكز التسوق» تتوقع افتتاح مشروع الكويت في الربع الثاني

هلا فيك نورت الكويت


بالنسبه للملابس الرجاليه اللي فهمته انك تقصد الدشاديش صح !!

اذا تقصد الدشاديش في محلات كثيره في سوق المباركيه ( سوق الديره) واشهرها محلت كاكولي للأقمشه الرجاليه وبأنواعها ..

واعتقد ان في محلات تنجزها وتخيطها لك بنفس اليوم في سارع احمد الجابر بمنطقة شرق تجد الكثير من الخياطين للأقمشه الرجاليه هناك

حياك اللة ياخوي
شوف انا خياطي من ١٥ سنة يخط لي انا ووالدي و عيالي
في عمارة العوضي بشرق اسمة خياط النسور
ممكن يخلصة لك في ٦ ساعات قول لة انا من طرف ابوحسن
وقول لة انا مستعجل علية ..
وعن المطاعم الشباب ما يقصرون انشاءللة

\

/

السلام عليكم

بخصوص المطاعم اللي فيها كبـاين


فريج صويلح (( العماره اللي ورى المارينا - صوب ماركس اند سبنسر ))


الوالي (( حولي ))

شهريـار (( فندق شيراتون الكويت ))

مغل محل (( حولي - السالميه -الفروانيه ))

حسني (( حولي ))

الشكر للجميع على الردود, وهذي ما هي غريبة عليكم يا هل الكرم...

مطعم مغل محل اكله عجيب وحلو فيه للعائلات

مطاعم فيها كباين
قيصر بالسالميه
فريج صويلح انصحك فيه اكله كويتي

بسم الله الرحمن الرحيم

السلام عليكم ورحمة الله وبركاته,

مشكور للجميع على المشاركة:113:,,, رجعت من سفرتي الخطافية لأحبابنا في الكويت, واتغديت يوم الخميس في مطعم مغل محل فرع الفروانية, وكان المكان ممتاز جداً للعوائل من حيث الخصوصية, والأكل كان أكثر من رائع, حتى إنه من روعة الأكل كان كل ما أعطونا طبق نطيح فيه من حلاوة طعمه, ولما يجي الطبق اللي بعده نكتشف إنه أحسن ونطيح فيه مره ثانيه ,,, وهكذا:114:. حتى إنه لما جاء الطبق الأخير إلا وحنا شبعانين بالمره (والحمد لله على نعة الله), وأطفالي الصغار لما جابو البطاطس مجاناً في البداية طاحوا فيه وما أكلوا من الأطباق الثانية إلا شي بسيط.

أما بخصوص تفصيل الثياب (الدشاديش) فما أسعفني الوقت في هالزيارة لأن الوقت راح علينا في تسوق المدام (الله يخليها لي):24: وإن شاء الله في الزيارة القادمة.