الموضوع: انا في مانلا طفشت وين اروح دلوني

انا صار لي خمس ايام في مانلا جيتها كلها
وطفشت مرة .
دلوني وين اروح .

مواضيع عشوائيه ممكن تكون تعجبك اخترناها لك:

• رداً على خبر منع السفر لشرق آسيا الخارجية تصرح
• لسه جاية من سيبواي استفسارانا حاضرة
• رايحة الفلبين نهاية الشهر وبسأل عن الفنادق ضروري مع مطبخ
• سافرت للفلبين ثمان مرات للعمل أما القادمة للسياحة
• كأس العالم في الفلبين مواعيد المبارياتاماكن المشاهدة
• سؤال بسيط
• انا مسافر للفلبين
• الشباب مسافرين الى مانيلا ايش السر ؟
• مشارك جديد وعندي استسفار
• مانيلا ما نمل لها
• جمهورية الفلبين معلومات تهم الشخص السعودي؟
• فزعتكم يالنشامى ياأهل الخير يالمشرفين ويالخبراء
• الفلبين أو ماليزيا
• فيلا اسكديرو
• مينداناو
• انا في مانلا طفشت وين اروح دلوني
• تقريريدافاو بهول مانيلامع الصور
• الاخوة الاعضاء ارجو المساعدة ولكم جزيل الشكر
• يا اهل الخبرة وينكم
• أعـــــتــــذاراً للــــــوردة

أما طفشت هذه أول مرة أسمعه
على لسان أحد متواجد في الفلبين!!
قولي انت ايش الأماكن الي تناسبك وندلك عليها
واذا طفشت في مانيلا حاول الخروج منها الى أي مدينة أو جزيرة أخرى

ودي أساعدك بس ما أدري كيف.

تدري!! انتظرني 6 أيام وأكون عندك.ههههههه

ياخوي مالكاوي انا ودي اساعدك بس وش جوك

ياخي زرت كل الاماكن الي في مانيلا

طيب رح لاقرب جزيرة بوتروقاليرا ولا رح تقاي تاي هذي فيها منتجعات ولا لاقونا بعد فيها شلالات كل هذا عندك وتقول مليت لا عمري اسمع هالكلام منك وانت في الورده

الورده تتكون من 7100 جزيرة متفرقه بعضها الى الحين مااكتشفوها السياح

ارجو اني كفيت ووفيت

انا اضم سوطي مع عشيق النور أما طفشت هذه أول مرة أسمعه
على لسان أحد متواجد في الفلبين:112::110:

اخونا مالكاوي السلام عليكم
لالالالا تكفى لاتقول انك مليت وشلون تمل وانت في وردة اسيا والعالم كله
اكيد انك استعجلت ولا اشلون خمس ايام ولفيت مانيلا كلها والله مايكفيك تلف بهالفترة القصيرة ولا مكاتي مو مانيلا كلها
مالكاوي حاول تاخذ لك لفه بالمنتدى وتلقى الف والف مكان تروح لها
اجازة سعيدة بس الله الله والتقرير اذا رجعت مع السلامه

مالكاوي شكلك من النوع الي ينام المغرب ويصحى الفجر ما الومك تطفش وانا اخوك

ياخوي الديرة فله ووناسة أنت اطلع من مانيلا وبعدها قلنا وضعك وأن طفشت من برى مانيلا

علمني على شان ادق لك خيمة بالثمامة توسع صدرك من طفش مانيلا

الله يهداك بالوردة وتقول طفشان

انا رحت للفلبين الصيف الماضي لمدة 20 يوم في اربع مناطق ماشفت واحد بالمئه من إجمالي الفلبين

ياخي روح الى الجزر القريبة من مانيلا أو شوف الجزر الثانية وانا ماأزيد على الاخوان بالكلام شوف المنتجعات اللي بالوردة ياااوردددد , رجااءً لا ترفع ضغطي وتقول طفشت , خلاص تعال داوم عني وخلني انا في مانيلا وتعرف وشلون الطفش وانا اعرف كيف انبسط

رووح جزيرة تيقتاي جزيرة رووعة وخذ للك مركب وروح علا بركان تايليا في نفس الجزيرة . انا جلست 12 يوم في مانيلا وكل يوم احلى من اليوم اللي قبله والله لو عندي فرصة طلعت منداناو لكن الجيات اكثر

انا اختلف مع جميع الزملاء لانه ولا واحد سأل العضو ليه طفشان هل ينام بدري او يسهر بالليل وينام بالنهار ، مفروض ينام باليل عشان يقوم الصباح زي الناس ويطلع على كل اللي يخطر على البال سواء في مانيلا او برا مانيلا ... لاني اكتشفت ان جميع مناطق الفلبين احلا في النهار بس للاسف الاخوان برنامجهم ما يختلف سواء في الفلبين او في القاهره وهذي ثقافة السياحه .

اكيد تطفش اذا كانت السفر على برقص حتكون طفش أخوي خذ تذكرة 2850 بسو ورح على سيبو 4 ايام ويومين دافاو
ويومين بهول وارجع لديرتك واشتري تذكرة السفر الجديدة

و الله لو اعيش فيها بعد ما بطفش .

عزبزي لف في المنتدى

المشاركة الأصلية كتبت بواسطة مالكاوي
http://www.arabtravelersforum.com/tr...7/#post2996513

انا صار لي خمس ايام في مانلا جيتها كلها
وطفشت مرة .
دلوني وين اروح .

كيف الحال ياخوي مالكاوي اذاكنت لاتجيد اللغة الانجليزة راح ادلك على رقم راعي تاكسي على كيف كيفك:24: والله لايحيب الطفش واناخوك