الموضوع: سؤال ياجماعة

السلام عليكم ورحمة الله وبركاته




اخواني حبيت أسألكم عن الفيزا وجم سؤال عن القبول بالجامعات


أنا الحمدلله انقبلت في معهد اللغة في ولاية انديانا منطقة بلوومنجتون

وان شاء الله بقدم على جامعة بوردو في ولاية انديانا نفسها لكن بمنطفة انديانا بوليس وهذا للسيمستر الثاني اللي اهو الشتا (jan)

فحبيت اعرف هل احتاج إني ارجع اقدم على فيزا يديدة للآي توني اليديد للجامعة او عادي اكمل وبنفس اللوكيشن اللي مسجل عندهم اني ادرس بمعهد اللغة مو بجامعة وهل إذا الاجابة إني لازم اقدم على فيزا يديدة هل يحتاج مني اني اقدم على الفيزا بالكويت ولا عادي مافيها مشكله بأمريكا وشلوون ؟؟




وحبيت اعرف الديد لاين للتسجيل بالجامعات لسيمستر الشتا(jan) متى

إذا كان على جامعة انديانا بوردو

وهل يحتاج مني التسجيل للجامعة التووفل ؟؟

لأني يا جماعة راح اقدم على اختبار التوفل هناك فمادري هل يبون شهادة التوفل ولا عادي ادز لهم اياها بعدين قبل بداية الكورس بشهر تقريبا


وتسلمون اخواني وماتقصرون والله يجزاكم الخير ويرحم والديكم

مواضيع عشوائيه ممكن تكون تعجبك اخترناها لك:

• اريد التسجيل في البعثه ولدي جواز امريكي، مالطريقه،؟
• شباب بلييييييييييييز كيف أتابع الطلب ؟؟ عاااااجل رحم الله والديكم
• ارفاين لاصحاب الخبره
• طلب مساعدة متوهق
• استفسار عن مدينه
• اسهل جامعة و معهد امريكي في قبول الطلاب
• إستشاره وإستفسار
• رايح أدرس إنجليزي لست شهور في بريطانيا وعلى حسابي الخاص
• اريد عائله في بيركلي
• استفسار عن المعاهد
• هل توجد كتب في المكتبات عن؟؟؟
• إلى الأخت المشرفة بنت الصقور وكافة الاعضاء مع التحية
• موضوع جدآ متعبني مالقيت أحد يفيدنيافدونآ الله يرضآ عليكم
• تغيير التخصص ؟
• هل صحيح ان تكاليف دراسة طب الاسنان الف دولار ارجوكم ادخلوا
• الوطن موعد إعلان الأسماء النهائية
• جامعة فينكس
• وش اخر تطورات السفر بالسياره الى سوريه هل بالتربتيك او دفتر ؟
• أستفسار بسيط يآخوان عن معهد وآستفسار عن الملحقيه تكفون يآخوان مالي غيركم
• مدرى عن صحة هالكلام من عدمه

لي هالدرجه سؤالي صعب ومحد قادر يجاوبه



الله كريم

أخوي اذا بتدرس في المعهد المسجل في الفيزا ..

وبعدها تنتقل الى أي معهد ثاني أو جامعه .. ما عندك مشكله ..

لا تغير شي بفيزتك ولا تروح لهم نهائيا .. لان وضعك سليم ..

بالنسبه للديد لاين عادتا قبل الدراسه بأسبوع + تأكيد تسجيل المواد ..

و المعذره على التأخير ..

جزاك الله خير اخوي الرصاصي

والله يجعله بميزان حسناتك

ما شاء الله عليك الله يقويك شايل القسم شيلة الله يعطيك العافيه

بس المشكله ماني عارف شلون اعرف الديدلاين من هالموقع لأن ماني شايف تاريخ لكورس الشتا


http://enroll.iupui.edu/admissions/key_dates.shtml


وماتقصر اخوي شاكرلك والله يوفقك

حسب الرابط اللي حطيته ..

http://enroll.iupui.edu/admissions/key_dates.shtml

Spring Semester November 1

الديد لاين في شهر نوفمبر ..

قدامك في الرابط بس شكلك ما انتبهت له !

تصدق رايح بالي على winter وجذي مو لاقي

هههههه


تسلم اخوي وماتقصر والله تعبتك معاي

جزاك الله خير والله يعطيك العافيه والله يوفقك ويرزقك الذرية الصالحة

اخوك :عبدالرحمن