الموضوع: لو تكرمتوا رحلتي الأولى

السلام عليكم ورحمة الله وبركاته

فالبداية تشرفت بإنضمامي لهذا الصرح الشامخ متمنياً من الله ان يعينني ويقدرني على الاستفاده منكم وإفادتكم ان استطعت

من الأخر

اخوكم لأول مره يسافر والسفره شهر عسل متأخر بعد 8 شهور من زواجي لأني اجلتها بسبب ضروف وشوية خوف ولله الحمد

الان والنيه موجوده والحجز ع طيران الخطوط السعوديه يوم 9 من الشهر القادم

والمدة المتوقعه 10 ايام

طبعاً الميزانية من غير التذاكر تقريباً13 ألف ريال

وحسب مأطلعت عليه في هذا المنتدى قررت السفر لهذه المدن

سلانجور 2ليلتين

لنكاوي 2ليلتين

بييانج 3 ليالي

كوالا 2 ليلتين



الاضافه اللي ممكن الخبط الجدول كله من اجلها كانت بسبب هذا الموضوع وبصراحه عزمت اني اخوض هالتجربه لأنه حييييييل عجبني هالمكان

http://www.arabtravelersforum.com/travel920312/

جزاء الله من اعد هذا الموضوع خير الجزاء



طبعاً انا اول مره اسافر وغير كذا اللغة الانجليزية تعبانه جداً عندي



فضلاً وليس أمراً عليكم ياأحبائي افيدوني اكثر واضبطو لي البرنامج

جزاكم الله خير الجزاء

مواضيع عشوائيه ممكن تكون تعجبك اخترناها لك:

• فنادق منتجع افاموسا ملاكا
• أفضل فنادق أربعة نجوم في بينانغ - غيورغيتون
• رحلة نسائية بحته لماليزيا
• ممكن مساعده لرحله لماليزيا جزاكم الله الفردوس
• فنادق بينانج وكوالا أماكن الصرف
• من واقع تجاربكم افضل برنامج لشهر العسل ماعاد فيه وقت
• استفسار بشأن فوتشرات الفنادق
• كيف التنقل داخل بينانج في ماليزيا
• شاااكر لكم
• حاليا في ماليزيا وأنا بخدمتكم ولدي استفسارات
• تلفريك لنكاوي
• مساعدة لتنظيم وتخطيط الجدول لشهر العسل
• كم يكفي مصروف جيب
• بفضل الله ثم فضلكم تم حجز الطيران الدولي والفنادق وباقي طلب
• طلب مساعدة عريس جديد في ماليزيا
• إستفسـار عن فنـادق لنكـاوي و كوالالمبـور
• مدري الجدول هذا يعتبر كامل والا يحتاج مساعدتكم
• استفسار من اهل الخبره
• شو رايكم في هذه الفنادق
• تم حجز الطيران والفنادق الرجاء المساعدة فيما تبقى أخواني الكرماء

حياك الله بين اخوانك اعضاء المنتدى..

بصراحة اول شي بقوله يرحم والديك واللي يعزون عليك زووود لمده اذا تقدر يومين.
عشان تحلل حق التذاكر فانت دافع مبلغ بالالاف ووصلت هناك فخذ لك مده طيبه.ثاني شي الميزانيه بتكفيك 10 ايام بدون المنتجع لكن بالمنتجع مااظن. لانك بتصرف فيها تقريبا 6000ريال .يوميا بيكون عندك 500رينقت كحد ادنى للتكسي والاكل والشرب وتذاكر الملاهي والحدائق.
يبقى من 13الف 7000ريال وعندك تنقلات بين المدن بتكلفك بالكثير قول 1000ريال اذاكانت رحلة
وحده والتنقلات تاكسي بين المدن واذا باص بيكون اقل.
يبقى 6000ريالمنها 3000ريال للمنتجع تقريبا يبقى 3000ريال اتوقع يادوب تكفيك للسكن بكوالا وبينانغ.


يعني اذا ماراح تقدر تزود المده وتبي تضيف هالمنتجع.
فليزمك امرين اول شي لازم تحذف لنكاوي. وانا شوف ان هالشي حرام بحق لنكاوي العشق والجمال.
ثاني شي لازم تحسب حساب الدراهم صح وقد تحتاج زياده لان المنتجع يومين بحدود 3الاف ريال تقريبا,


وترتيب جدولك بيكون
سلانقور ليلتين
ثم طيران الى
بينانغ و3ليال
ثم بالباص الى
ايبوه وليلتين
ثم بالباص الى
كوالا وبقية الليال ويارب تكون 3.


كازامي

حياك الله ياخوي
kazami

بالنسبه للميزانيه قد تصل كحد اقصى إلى 15الف

ولنكاوي ودنا لو ناخذ فيها يومين لان حسب ماقريت عنها انها من افضل المدن الماليزيه

هل من الممكن اني اكنسل سلانجور وأجلها في نهاية البرنامج يعني من مطار كوالا احجز على لنكاوي مباشره واقضي ليلتين هناك ومن ثم انتقل إلى بينانغ واقضي فيها ثلاث ليال ومن ثم إلى ايبوه ليلتين ومنها إلى سلانجور ليلتين وكوالا ليله والا وش رأيك

اذا تبي تنظمها بشكل افضل فزد المده.اذا تبي تواصل الرحلة من دولية 9ساعات وتنزل المطار وتنتقل الى المطار الثاني وتنتظر الرحلة الداخلية وثم تطير لساعة الى لنكاوي
فممكن هالشي لكنه متعب ومرهق وخصوصا للحريم ولاننصح به.


امر اخر دائما اذا كانت المده 10 ايام واقل فماننصح انه تكون مقسمة على اربع مدن .
لان الرحلة بتسير مارثون جري وتنقلات وماغير شيل شنط وحط شنط ولابتحس بالاستقرار والراحة.


لنكاوي من اجمل الامكان وانا اشوف انك تكنسل ايبوه وبينانغ لصالحها وترى فيها منتجعات فخمه
تكاد توصل لدرجة منتجع ايبوه ,وتغنيك عنها. ومزاراتها واجد وستسمتع بالجولات البحريه المتعدده
والمطاعم والشلالات.. والحدائق والدبابات و والشواطي والمرتفعات..والبرشوت والالعاب البحرية ..والتلفريك والقرية الشرقية.


ممكن يكون جدولك هالسنه
2سلانقور
4لنكاوي
4كوالا.
وفيما بعد تزور ايبوه وبينانغ وكاميرون باذن الله.


وبقية الاعضاء يفيدونا.. كازامي

جزاك الله خير الجزاء

اللي اعرفه ان سلانجور وكوالا نفس الشيء اذا نكنسل وحده منها واذا عن المده ماعندي مانع ازود يومين

ولاكن هل يوجد منتجعات في لنكاوي فيها هالخصوصيه وتتكون من نظام فلل مع وجود مسبح بهالسعر اذا يوجد افيدنا جزاك الله خير

كوالا وسلانقور جنب بعض .. ولكن تتميز سلانقور انها اقرب للمطار وفيها الالعاب المائية الشهيرةللك الاغلب يحطها بداية الجدول يومين فقط. لانه واصل من سفر طويل ومتعب ويحتاج الراحة وايضا باليوم التالي يزور الالعاب.
وثم يرجع للمطار ويكون اصلا قريب منه وهذي ميزه ثالثه.


كوالا نجعلها بالاخير لان فيها التسوق والمزارات المختلفة وهي كبير وخمس ايام ماتغطيها
ولوجعلنا كوالا اولا وتسوقنا وقضينا الهدايا فراح تصعب عليك التنقلات وتزيد الشنط وتدفع زياده بالمطار اثناء الرحلة الداخلية
عشان كذا مكانها بالاخير.


واسعدتني بانك تقدر تزيد يومين لانه بكذا راح تقدر تبني جدول حلو.
بالامكان مواصلة الرحلة اذا كنت مصر وتتجه لنكاوي 3ايام وللمعلومية فندق الوستن يقدم فلل بمسبح .
ثم الى المدينة الثانية بالطيران او العبارة البحرية
و3ليال بينانغ
ثم بالباص او التاكسي الى
ايبوه ويومين بالمنتجع
ثم ايضا بالباص او التاكسي الى
كوالا وبقية الايام وتقضي بقية الايام
وبالامكان زيارة سلانقور والالعاب المائية.


ايضا الجدول السابق اذا الغيت مواصلة الرحلة
يمكنك سحب يوم من مدة كوالا لصالح سلانقور في البداية وتخليه يوم واحد للراحة
وياليت تحجز رحلة وصولها الصباح على 8ص.
وتتجه للصن واي وتحط عفشك وتنزل الملاهي وتلعب الى العصر ثم تطلع تاخذ فره بالبراميد وعلى المغرب
غداء عشاء وبعدها تصلي جمع وقصر المغرب والعشا ونوم واليوم الثاني الى لنكاوي.
1سلانقور
3لنكاوي
3بينانغ
2ايبوه
3كوالا.


http://www.arabtravelersforum.com/travel907588/


كازامي

جزاك الله خير ياخوي

اتعبتك معي تقريباً لقيت البرنامج المناسب وان شاء الله راح يكون التخطيط على هالجدول

وفقك الله لما يحب ويرضى