الموضوع: رجعت من عروس الخليج بلا منازع الكويـــــــت

السلام عليكم ورحمة الله ..

احبائي اعضاء هذا المنتدى الرائع ...

اخيرا زرت الكويت .. زرت هذه العروس .. زرت هذه الارض الطيبة .. شاقول شاخلي .. والله الكلام يخونه الوصف عن هذه البقعة المتوهجة من الخليج .. بصراحة احب اشكر الاصدقاء في الكويت .. و الشعب الكويتي كله .. اللي كان لي الشرف اني ازورهم و اللي احرجونا بكرمهم و طيبتهم و محبتهم .. و مواقفهم الرجولية و السامية .. و ان شاء الله يكون لنا زيارة اخرى لهم .. طبعا فاكهة الرحلة هي اني التقيت بالرائع و الاخ العزيز جـاسم " بومحمد " ... اللي فرحنا جدا فيه .. و دردشنا وياه .. و استانسنا و قضينا وقت ممتع و محفور في الذاكرة .. فاسمحولي لاني ما اعرف اسرد او اعبر عن هذه العروس بالطريقة المناسبة فاتمنى اشوف تعليق اخوي بومحمد على رحلته قريبا .. ان شاء الله

و دمتم ,, عمري قطر

مواضيع عشوائيه ممكن تكون تعجبك اخترناها لك:

• ممكن مساعدة اخوتي ؟
• شششــركات السيــاحيـة في الكـــووويت
• احداثية حصه هاوس
• ياجمااااااااااعة احد يشور علي بسررررررعة
• ملافع الشرقيه بالكويت
• أين توجد مضارب بلياردو مميزة بالكويت ؟
• استفسار
• موقع وزارة الأشغال في الكويت
• استفسار عن اجراءات اعتماد التأشيرة
• ارجوا المساعده ضروري
• صور جديدة لمجمع المهلب وسوق شرق
• هل دخول السعودي للكويت يسمح ببطاقة الهوية الوطنية
• بسافر يوم الاثنين
• «مول » يضيف مطعمي زهر الليمون و ذي ميت كومباني
• الطريق من الرقعي؟
• تطوير فندق إنتركونتيننتال جديد في الكويت
• حلويات أوبرا يا أهل الكويت
• رقم فندق الخليج ضروووووري
• نويت الكويت يوم الاربعاء ولكن هل طارق العلي له مسرحية نهاية الاسبوع ؟؟
• فندق الريجنسي الكويت يفوز بجائزة

[align=center]

وعليكم السلام ورحمة الله وبركاته

الحمد لله على السلامه أخي عمري قطر وحياك الله وشرفتونا في بلدكم الكويت إنت و أخونا بو محمد .

وهذي الساعه المباركه

و لعل الزيارة القادمه تكون لفترة أطول بإذن الله ..

وننتظر تقريرك ماعليك أمر


تحياتي ...........[/align]

الحمد الله على السلامة عمري قطر تشرفنا بزيارتك انت والأخ جاسم وكل اهل الخليج اتمنى ان تكون قد قضيت وقت ممتع وانك قد شاهت الكويت بمثل ماكنت تتوقع.

ونتمنى ان تعطينا حتى لو سرد موجز عن الأقامه والأسعار شركة الطيران واماكن الزياره طبعا العامه

يسلموووووو اخوي الكويتي 2 و الباحثة عالمرور بالموضوع .. وحاضر انزلوا تحت عشان تشوفون الموجز ..

تحياتي .. عمري الكويت

الاخ عمرى قطر ....
الحمدلله على سلا مة وصولك للدوحة .....
وحياك الله ونورت وشرفت فى وطنك الكويت ....
من سوء حظى أنى قعدت أتصل فيك نصف نهار السبت ( امس ) من الظهر الى المغرب وتلفونك مغلق أو خارج نطاق التغطية !!!! أخذت رقمك من أخونا أبو محمد الا كنت أنا وأياه وأخبرنى بأنه رأك فى الا كواريوم وأنك نازل معه فى نفس
الفندق ......
حاولت وعلى فترات متواصلة أنى أصيدك بالتلفون لنقوم بعمل الواجب !!! الا أن تلفونك لم يعطينا الفرصة للا سف !!!
عموما خيرها بغيرها وكنا حابين نشوفك .... والله يديم المحبة .....
وسامحنا ......

مــــــــــــــوجــــــــز الرحـــــــــــلة

رحلتنا كانت لدولة الكويت الرائعة ولمدة 3 ايام فقط !! :110: .. حجزنا على الخطوط الجوية القطرية و التذكرة كانت بقيمة 1080 ريال قطري .. رحلة كانت سريعة :107: .. بس اللي ازعجنا ابناء الجالية الهندية وريحة عطر boss اللي تفوح منهم :112: .. كان في استقبالنا بعض الاخوان من الكويت :113: .. اوجه لهم تحية و سلام :x1: .. السكن كان في فندق كورديارد ماريت في السالمية .. فوق مجمع الراية التجاري .. فندق جديد و فوق الممتاز جدا جدا رائع حتى موقعه ممتاز :101: .. كان سعر الغرفة بـ 550 ريال قطري لليله شامل الافطار .. في اليوم الاول زرنا سوق شرق :115: .. بصراحة وايد اعجبنا بالديكور و التصميم روعة .. خذنا لنا كم لفه .. وقعدنا في الكوفي شوب اللي مقابل نظارات حسن .. مكان روعه .. دردشنا مع بعض :gathering .. لين ما طلنا نتعشى في المطاعم اللي في الطابق الثاني .. بعدها رجعنا للفندق عشان نرتاح .. :110:

اليوم الثاني رحنا مجمع المنار و مجمع المارينا .. بصراحه شي شي عجيب :107: .. خذنا لنا كم لفه و تسوقنا شوي .. بعدنا رحنا نتمشى على شارع الخليج .. وصولا الي ابراج الكويت :106: .. ركبنا فوق .. وشفنا الكويت كلها من فوق .. تصدقون اول مره اعرف ان البلورة اللي فوق البرج تدور :114: .. و عقبها رحنا للنادي العلمي .. استمتعنا بالجولة في الاكوابريم :surf .. وشفنا الحيوانات اللي جامعينهم .. طلعنا نتعشي في بيزا هت بعدين على سينما 3d .. شفنا فلم روعه عن الحشرات :101: .. تقريبا تقدرون تعتبرونه فلم علمي .. بعدها إلى الفندق .. :110:

اليوم الاخير اصلا ما كان عندنا وقت :110: .. فقعدنا في برجة السباحه :surf .. بعدها .. طلعنا نتغدى .. و تمشينا شوي في ربوع الكويت :15: .. لين ما رحنا المطار و رجعنا إلى دلتنا الحبيبه قطر .. :hypocrite

اسمحولي عالقصور :110:
وعلى ضعف السرد و عدم توافر الصور :110:
تحياتي ... عمري الكويتي :106:

عفوا أخى الكريم عمرى قطر .....
الفندق يقع فى الديرة بالعاصمة وليس بالسالمية ........
وتقبل تحياتى على سردك لخط الرحلة القصيرة ... بس أحسب حسابك المرة الجاى تخبرنا ......
طال عمرك ......
وبارك الله فيك .....

هذا من طيب اصلك ياأخ عمري قطر والكويت ما ل تطلع حلوة الا بوجودكم

انا سمعت توجد عروس ممكن اتزوجها علما اني شاب فلسطيني اعزب وعمري 26 سنة وعندي بس ابن واحد عمره 57 سنة بس



















امزح معاك اخي عمرو قطري الحمد لله على السلامة ومعروف على كل العرب بالحب والحنان للبعض في كل الظروف وليس غريب على ابناء الكويت وهم عرب هذه الشهامة فبارك الله بيك وباهل الكويت وان شاء الله تبقى الكويت عروس الخليج

السلام عليكم ورحمة الله ..

اخي الحبيب
اخي العزيز
المايسترو بن بطوطة ..

يسلم لي ذوقك و طيبك .. واسمح لنا ان الظروف ما قدرت ان نلتقي .. انا للاسف كنت مطلع خط كويتي ونسيت اعطي رقمه للرائع جاسم .. لكن مافيه مشكله خيرها فغيرها ان شاء الله .. و اوعدك راح يكون اللقاء بينا قريب .. ونعوض المره هاذي .. و تسلم مقدما ..

اخي الحبيب و العزيز انجنير .. تسلم على المشاركة و المرور بالموضوع .. وعروس الخليج ما تنطرنا انورها .. منوره باهلها .. وشعبها و اميرها .. شكلها على بعضها نور في نور ..

اخي الحبيب مسافر قريب .. البلاد العربية كلها ارض وحده و شعب واحد .. مابينا خلاف او اختلاف .. وهذا شي معروف عن اهل الكويت الحبيبه .. بالطيبه و الشهامه و الشموخ .. فتحية من ارض الوفاء و الحب قطر و قبلة تقدير و احترام و مهابه ... الى ارض القلوب و عروس الخليج دولتي الكويت ...

و يسلمووووووووووو لك من مر بالموضع

تحياتي و تقديري .. .عمري قطر

الحمد لله على السلامة أخوي عمري قطري

الفندق يقطع في العاصمة وليس في السالمية .. وين الفندق عن السالمية 10 كيلو تقريباً .. ..

المهم .. السعر الي خذتوا فيه الفندق 550 .. سعر وايد حلو

من وين خذتوه ؟؟؟؟؟؟
لأني انا خذت السعر 620 ريال مع التوصيله من المطار إلى الفندق والعكس ..

وصدقني نفس الحالة انا صادتني في الطيران القطري .. الخليجيين والقطريين تقريباً 20 واحد والباقي جاليات .. هندية وباكستانية .. تقول راكب باص نقل جماعي مب طياره !!! والله روايح الله يعزكم .. تبط الراس

والله الرجعه على الكويتية .. وكنت أتمنى اني اخذ أولى .. لكن لسوء حظي أن مالقيت إلا كرسي واحد بس !!!
لكن الحق يقال .. الطيران الكويتي ترتاح فيه .. مع انه طيران عادي جداً .. لكن اهم شئ الراحه ..
والقطرية راح ينزل مستواها والسبب الاعتماد على نظام الترانزيت .. ونقل الجاليات !!!!!

وصدقني انا اسعد بمعرفتي فيـــك ..
ولو ما كان عندي ظرف كان قعدت معاك لين الصبح لان سوالفك حلوووووه لووووووول ..

والجايات أكثر ان شاء الله ..

وفعلاً .. الكويت .. رائعة ((( بأهلها ))) أولاً .. وبأرضها ثانياً ...
وتصدق اني طول مده إقامتي في الفندق مارحت للبركة ؟؟؟؟؟؟؟؟؟؟؟
والفندق وايد حلو.. لكن عيبه البسيط .. الغرف شوي صغيره .. لكن الغرف وايد حلوه وكل شئ فيها ..


ونسيت ادلك على متحف الغزو .. وايد حلو .. بس يعور القلب ..
فيه الاسلحه العراقية وقصه الغزو والوثائق وصور وايد .. يعني ترجع ذاكرتك لورى .. وآخر المتحف قصه ( صيد صدام ) . وحتى تمثال راس صدام الي طيحوه في العراق موجود في المتحف لوووووووول ..

الأخ جاسم الساعه المباركة انك تزور الكويت

بالنسبة للفندق هو ممتاز والغرف اللي في الطوابق الأولى كبيرة المطله على الريسيشن اما الغرف في البرج فهي اصغر نوعا ما

ولكن ميزة الفندق انه كبير والأنترنت موجود فيه بالمجان مو مثل باقي الدول يحسبلك بالساعه او ممكن تشغل الاب توب وتاخذ راحتك

فندق مرديان تاور وايد راقي وفخم جدا حتى الشاشه هي بلازما42 انش لكن الفندق صغير مقارنة بفندق الرايه

على العموم حياكم الله واتمنى ان الكويت عجبتك .

الله يسلمك ياخوي جاسم .. وانا كنت اتمنى بعد اقعد معاك اكثر لان شوفتك ما تنمل ... لكن الوقت حكمنا شوي ..

الله يخليك السعر ماخذه من مكتب الخطوط الكويتية .. عند دوار سناء .. يشمل الافطار مع التوصيلة من والى المطار .. و الغرفة تمشي الحال .. لشخصين .. موقع الفندق في العاصمة ؟؟!!.. اسمحوا لي ما اعرف غير السالمية قلت خلني احط هالاسم ..خخخخخخخخ

وبخصوص القطرية الله يهديهم ان شاء الله .. في رحلة الرجعة ما كان فيه جالية هنديه كبيره .. لكن المطبات الهوائية غربلتنا طول الوقت .. هذا مع التاخير في الاقلاع ..

و ان شاء الله الجايات اكثر من الرايحات .. و في المره الجاية نروح هذا المتحف ..

تحياتي لك .. وسعيد جدا بلقائك .. و سلم لي على البنوته الحبوبه ..

و اخوي كويتي 2 يسلمووو على المشاركة و المرور

تحياتي لكم و سلامي لكم .. عمري قطر

فديت الدوحة واهلها وحيالله اهل الخليج كلهم من مسقط الى المنامة ..... بس عندي توضيحات بسيطة : صحيح ان الفندق في العاصمة وبالتحديد في منطقه شرق ، اما مجمع المنار فالاسم خاطئ والصحيح هو الفنار ، اما النادي العلمي اللي زرته فهو ليس النادي العلمي والصحيح انه المركز العلمي والذي يضم الاكواريوم وقاعة الاستكشافات والاكواريوم هو الوحيد من نوعه في الشرق الاوسط من حيث كبر الحجم والتنوع اللي فيه ، وفي يوم الاربعاء هناك عرض مائي يتم فيه اطعام اسماك القرش مع فريق من الغواصين ومن ابرز وزار المركز منذ افتتاحه رئيسة وزراء بريطانيا السابقه مارغريت تاتشر التي تمن ان يكون هناك اكواريوم في بريطانيا شبيه للذي في الكويت ، والاماكن السياحية كثييييييييييرة في الكويت انشاء الله تسمح الايام انك تزورها يا عمري قطر ......

المشاركة الأصلية كتبت بواسطة عمري قطر


الله يسلمك ياخوي جاسم .. وانا كنت اتمنى بعد اقعد معاك اكثر لان شوفتك ما تنمل ... لكن الوقت حكمنا شوي ..

الله يخليك السعر ماخذه من مكتب الخطوط الكويتية .. عند دوار سناء .. يشمل الافطار مع التوصيلة من والى المطار .. و الغرفة تمشي الحال .. لشخصين .. موقع الفندق في العاصمة ؟؟!!.. اسمحوا لي ما اعرف غير السالمية قلت خلني احط هالاسم ..خخخخخخخخ

وبخصوص القطرية الله يهديهم ان شاء الله .. في رحلة الرجعة ما كان فيه جالية هنديه كبيره .. لكن المطبات الهوائية غربلتنا طول الوقت .. هذا مع التاخير في الاقلاع ..

و ان شاء الله الجايات اكثر من الرايحات .. و في المره الجاية نروح هذا المتحف ..

تحياتي لك .. وسعيد جدا بلقائك .. و سلم لي على البنوته الحبوبه ..

و اخوي كويتي 2 يسلمووو على المشاركة و المرور

تحياتي لكم و سلامي لكم .. عمري قطر




مشكور على الرد الرائع ..

بس اخووووي .. لو انك مجرب الكويتية راح تحس بالفرق !!
فرق دقة التوقيت ..
تصدق ان موعد الإقلاع الساعة 4 و 25 دقيقة
طارت الطيارة الساعة 4 و 28 دقيقة على حسب ساعتي !!!!

بس عيبها كراسي السياحية شوي ضيقة .. ولا تلفزيون ولا شئ .. بس اقرى مجلات او ارقد لين توصل .

شكراً على مرورك

المشاركة الأصلية كتبت بواسطة Kuwaity2


الأخ جاسم الساعه المباركة انك تزور الكويت

بالنسبة للفندق هو ممتاز والغرف اللي في الطوابق الأولى كبيرة المطله على الريسيشن اما الغرف في البرج فهي اصغر نوعا ما

ولكن ميزة الفندق انه كبير والأنترنت موجود فيه بالمجان مو مثل باقي الدول يحسبلك بالساعه او ممكن تشغل الاب توب وتاخذ راحتك
فندق مرديان تاور وايد راقي وفخم جدا حتى الشاشه هي بلازما42 انش لكن الفندق صغير مقارنة بفندق الرايه

على العموم حياكم الله واتمنى ان الكويت عجبتك .



هلا بالغالي كويتي 2 .. ألف شكر على الترحيب الرائع

لكن أخوي أنا مودي اللابتوب .. والانترنت سريع .. لكن في اليوم يحسبون علي ( 5 دينار ) !!! وليس مجاناً ...!!!!

وفندق مريديان تاور بالقرب من فندق الشيراتون وملاصق لفندق الفوربوينتس .. وأنا شفته من برع وشكله وايد حلو ..

وشكراً لك

المشاركة الأصلية كتبت بواسطة يا مصبر الموعود


فديت الدوحة واهلها وحيالله اهل الخليج كلهم من مسقط الى المنامة ..... بس عندي توضيحات بسيطة : صحيح ان الفندق في العاصمة وبالتحديد في منطقه شرق ، اما مجمع المنار فالاسم خاطئ والصحيح هو الفنار ، اما النادي العلمي اللي زرته فهو ليس النادي العلمي والصحيح انه المركز العلمي والذي يضم الاكواريوم وقاعة الاستكشافات والاكواريوم هو الوحيد من نوعه في الشرق الاوسط من حيث كبر الحجم والتنوع اللي فيه ، وفي يوم الاربعاء هناك عرض مائي يتم فيه اطعام اسماك القرش مع فريق من الغواصين ومن ابرز وزار المركز منذ افتتاحه رئيسة وزراء بريطانيا السابقه مارغريت تاتشر التي تمن ان يكون هناك اكواريوم في بريطانيا شبيه للذي في الكويت ، والاماكن السياحية كثييييييييييرة في الكويت انشاء الله تسمح الايام انك تزورها يا عمري قطر ......



اخوي الغالي يا مصبر الموعود .. اسمح لي هاي اول مره ازور فيها حبيبتي الكويت .. فمايمديني احفظ الاسامي :110: .. خلاص ان شاء الله الحين اثبتهم .. :107:

تحياتي .. عمري قطر :101:

و الاخ العزيز جاسم .. ايه الكويتيه شكلها احسن من حيث الخطوط بين الدوحة و الكويت .. ان شاء الله راح اجربها في اقرب فرصة ازور فيها الكويت ..

.. وان شاء الله نقرا ملخص رحلتك قريبا ..

تحياتي .. عمري قطر

رحلتي مالها ملخص .. لأنها كلها زيارات خاصة لووووووووول

شكراً لك

يسلموووووووووووو لكل من شارك بالموضوع ... تحياتي .. عمري .. قطر

حياك الله
شرفت ولا كلفت
ومشكووور على الاطراء الذي يدل على طيب اصلك والله


بالفعل اخوي الكويت حاليا تشهد طفرة مثل طفرتها السبعينات
والمشاريع كثيره ولاتعد ولاتحصى وكذلك التسهيلات للزوار صايره اكثر واكثر

وحياكم الله مره ثانيه

يسلموووووو اخوي الشيخ مشعل على المرور و المشاركة ...

والله يحيك يا الغالي و يحي اهل الكويت الحبيبه ...

تحياتي .. عمري قطر