السلام عليكم جميعا

انا كتبت مواضيع كثيره بالنسبه لتجربتي العائليه للورده ( الفلبين ) وموجوده بنفس المنتدى . وبصارحه الحين يوم شفت مشاركات اخواني اللي شاركو بالردود حسيت اني مرتاح ومبسوط لأنهم قالو نفس اللي بقوله بصراحه ماقصرو كلهم وكل كلامهم محل الثقه وعز الله ماقالو إلا الصواب . وبالنسبه للقتل والسرقات انا اقول لك يااختي الكريمه شوفي مشاركاتي اقريها زين وبتعرفين اني مغامر وخبل وفوضاوي . يعني رحت الفلبين ماحجزت ولا فندق ولا في براسي جدول لأي منطقه رحت على عماها ومع كذا استمتعت فالفلبين اكثر من ماليزيا مع ان ماليزيا افخم وارقى شوي ورحت لها شهر عسل قبل ست سنين وانا بزر كان عمري 21 سنه بس الفلبين دخلت قلبي من تعامل الشعب وذرابته ونظافته وبعدين الفلبين يسمونها الانجليز والاوربيين اميركا الشرق شعب متعلم وذرب وخلوق . وللأحتياط لا تسكنون إلا بمكاتي طعا اول الايام بخمس نجوم واخر ايام التسوق والتمشيه ب3 نجوم لن اكثر وقتكم خارج الفندق واختارو شي رخيص بس يكون راقي وبالنسبه للجزر بلاوان فيها طبيعه خلابه تفك العقل هذا للي يحب البحر والجبال الخضر والانهار والهدوء وطبعا انا مارحتها بس شفت شريط فديو لصديقي . بوراغاي نفس الشي طبيعه ومناظر بس الاجانب كثيرين فيها وخالعين يعني يمكن وانت تمشي على البحر تشوف حاجات مااقدر اقولها تخزي وفالليل على البيش 90 بالميه من الناس الموجودين سكاره . صح ماحد يكلمكم ولا احد يطالع فيكم كلن بحاله بس فيه ناس ماتحب تشوف هالمنظر ونا انصح بسيبو لان اهي ثاني اكبر مدينه بالفلبين وبعدين فيها خيارات واجد . فيها منتجعات على البحر وفخمه مره وفيها فنادق بوسط البلد مع مجمعات فخمه ومطاعم حلوه يعني فيها تغيير . وبالنسبه للطبيعه الساحره بلاوان هي بالمركز الاول مع ان كل الناس تمدح بروغاي بس يمكن اكثر اللي يمدحها شباب عزاب . وفي دافاو وبوهول واماكن واجد . يبيلها ترتيب وبحوث عميقه
واسف على الإطاله

مواضيع عشوائيه ممكن تكون تعجبك اخترناها لك: