السلام عليكم جميعا
بداية اشكر جميع من شارك بمواضيع بوابة امريكا لان بصراحة استفدت من المواضيع الموجودة حصلت علي الفيزا خلال 3 ايام بدون اي تعقيدات واخص بالشكر Impact والرصاصي لردهم علي استفساراتي قبل المقابلة بيوم واحد ولايهون باقي الاخوة والاخوات الاعضاء
المقابلة كانت يوم الخميس 24 july
الساعة 8 ونص صباحا التنظيم والمعاملة جدا ممتازة وراقية من جميع موظفين السفارة الامريكية بالكويت والامن
سلمت الطلبات للشباك بعد ماوصل دوري طبعا ماكنت حاجز طيران ولا فندق قالتي الموظفة وين بتسكن باورلاندو قلتها الي الان ماحددت قالتلي فيه هناك كمبيوتر روح شوف اي فندق وسجل اسمه بالطلب قلتلها حتي لو ماسكنت فيه قالت نعم قلت حلو مشكورة:24:
سجلت اسم فندق ورجعت لها استلمت الاوراق وقالت انتظر المقابلة
انتظرت تقريبا 15 دقيقة
المقابلة كانت مدتها 5 - 10 دقائق
الاسئلة والمقابلة باللغة الانجليزية وكانت موظفة امريكية جدا بشوشة ونفسيتها حلوة الي ابعد الحدود
س1 وين مسافر بامريكا؟
الجواب اورلاندو
س2 مع منو؟
اصدقاء
س3 متزوج؟
نعم
س4 وين زوجتك ؟
بالكويت
ردت بالعربي مسكينة زوجتك :109: ضحت وتفاجأة بردها بالعربي وقلتلها والله حنا المساكين ضحكت ونفسيتها حلوة بصراحة
س 4 وين تشتغل
جاويتها قالت ممتاز وكم الراتب جاوبتها
قالت انت مسافر للصين كثير ليش قلتها بزنز
وليش رايح الفلبين قلتلها عمل حكومي مرة ومرة سياحة
طبعا كنت كاتب بالطلب اني زرت دول الخليج كلها و سوريا - لبنان- الصين -روسيا وكثير من دول الاتحاد السوفيتي وغيرها من الدول بس ماسالتني عن باي الدول
قالت حط اصابعك علي الجهاز بصمت قالت خلاص روح مكتب DHL
وسلمهم الكرت وكان لونه برتقالي اورنج
قبل لا امشي سالتها قلتلها ممكن اعرف كم راح تعطوني مدة الفيزا ومتي استلمها
قالت عطيتك 10 سنوات وتستلم جوازك بعد 3 ايام رديت THANK YOU VERY MUCH
SHE SAID YOU WELCOME
بس تفاجات انها ما اخذت مني تقرير الراتب ولا كشف حساب البنك ولا اطلعت عليهم
واستلمت جوازي امس وفعلا الفيزة 10 سنوات
بصراحة من كثر المواضيع عن صعوبة الفيزا الامريكية وتشددهم كنت متردد اقدم عليها وانتظر عالفاضي ولكن اللي اقولة
معاملتهم جدا راقية
الدول اللي زرتها في اخر 10 سنوات مالها اي اهمية بس اذكرها بتقديم الطلب ولا تكذب عليهم
خل اجاباتك واضحة وبسيطة
كن واثق من نفسك وحسن المظهر
لاتكتب اسم او عنوان فندق بدون لايكون معاك الحجز ويكون ماكد والافضل مثل ما انا سويت ماحجزت فندق ولا تذاكر لو سالوني ليش ماحجزت كنت راح اقول راح احجز بعد استلام الفيزا طبعا يختلف من بلد لبلد ممكن بالسعودية يكون اجباري
علي موضوع راتبي وكشف حسابي كان مبدا الثقة هو اللي بيننا لانهم أسألوني وانا جاوبت يدون لايشوفون الاوراق
المقابلة تعتمد بشكل اساسي علي اللي يسوي معاك المقابلة ممكن تطيح بيد واحد ولا وحدة يكون متشدد جدا بس خلك ريلاكس وواثق من نفسك
يمكن بعضكم يقول بالكويت الامور سهالات جوابي لكم اني صادفت ناس بالكويت بنتظرون حصولهم علي الفيزا من 3 شهور وناس رفض طلبهم للحصول علي الفيزا بدون اسياب واضحه وكانو كويتيين
النسهيل من رب العالمين في كل شئ
واخيرا اتمني التوفيق للجميع والسلامة بالسفر وربكم يسهل الامورمواضيع عشوائيه ممكن تكون تعجبك اخترناها لك:
- اقامتي في نيويورك يومين واحتاج مساعدتكم
- تصويت ولاية تفضلهاللدراسةمع ذكرالأسباب ؟
- خط سفر الى سان ديغو
- التحذير من اكسبيديا
- احدثكم من نيويورك
- هل الإجراءات في مطار نيويورك مربكة
- استفسار اهبل شوية بخصوص المقابلة
- ارجوكم متى وقت بعثة خادم الحرمين للمرحلة الخامسة
- هل تعيق اللحية إصدار الفيزا
- تقرير رحلتي الى اورلاندو ونيويورك شامل كل شيء
- شباب مساعده
- من وين اقدر اجيب زي الخريطه هذي ؟ اخذت الخريطه من موضوع امباكت
- ارجوكم مسااعدتي في واشنطن
- خط سير بحاجه لخبراء امريكا
- سريان جواز السفر لامريكا
- نيويورك ولوس انجلس
- وش افضل فندق بين هالفنادق في لوس انجلوس وسان دييقو
- سؤال عن
- أفضل طيران مباشر من واشنطن الى فينكس أريزونا
- يوم واحد في نيويورك
رد مع اقتباس
..
المفضلات