الموضوع: حجزنا لموريشيوس بس ممكن تساعدوني بجدول تغطي كافة الاشياء

انتبهي تاكلين اناناس او تشربينه يسقط او يبكر بالولاده

وكنت راكبه غواصه ومعنا وحده حامل بالسابع شكل بطنها وانا من حرصي كل شوي

اطالع فيها لا يجيها ضغط من النزول وعاااااااااادي ولا صار لها شئ

بس بنانا اللعبه والاعاب خطره انتبهي ما تنفع لك لكن تركبين قوارب عادي ونبهيهم انك حامل عشان ما يلعب بالبحر يحبون يتفننون خاصه لسمعو صراخ الحريم

وحلو شوقر بيتش كان ودي اسكن فيه بس بشهر شعبان حصلته 2500 لليله مووووت احمر

والله يوفقك

الا بسال 25 الف بس فنادق مو معها التذاكر؟؟

25 الف التذاكر + الفنادق + توصيل من وإلى المطار ..
على قولة زوجي بس بنحتاج مصروف جيب .. لكن للأسف ما نعرف كم ناخذ معنا ..
وينكم يا جماعه ممكن تساعدوني في جدول كل يوم وين اروح وشو اسوي ..

بو عبدالعزيز ممكن فزعتك .. انت خبير موريشيوس ولك جزيل الشكر

40 زائر للموضوع ومحد يبغا يساعدني ؟!

بالنسبة البرامج الشركات راح تعرضون عليك كل شيء بالتفصيل مع الصور و إنت تختار إيش تبي

السلام عليكم ورحمه الله وبركاته

تروحون وترجعون بالسلامه اختي

ياليتك كنتي اجلتي السفره الىن تولدين بالسلامه عشان تقدرين تستمتعين اكثر

المهم بالنسبه للرحلات ممكن ترجعين لموضوعي انا كاتبه برنامج سفرتي بالتفصيل وبرنامج ل 8 ايام

ولو ان امتع شي فيه اعتقد انك ما تقدرين تسوينه :110:

وهو رحلة المحميه والرحله البحريه
لان المحميه دبابات وصعبه عليك لان الطرق كثير وعره وطول الطريق بس نط في نط :109:

ونفس الشي في الرحله البحريه لانه عن طريق اللنش وهو طبعا سريع واعتقد فيه خطوره عليك

بس باقي الرحلات تناسبك لان كلها جوله بالسياره

وحاولي تكثرين من التمشيه في الجنوب لان المناظر كثير جميله والطبيعه خياليه وتنفع لك

ان شاء الله اكون افدتك وانا في الخدمه

المشاركة الأصلية كتبت بواسطة _UAE_Moon_
http://www.arabtravelersforum.com/tr...0/#post2342822

:24:
:106: واخيرا ... بسافر ... انا حاليا حامل بالسادس .. وبنتي عمرها سنة ونص .. :114:

ممكن حد يسويلي جدول مبسط كل يوم وين نروح وشو نسوي ..
حجزنا فندقين بالشرق وبالغرب ..
اول شي بنروح 6 ليالي فندق شوقار بيتش
وبعدين بنروح 6 ليالي فندق لي كوكو بيتش ..
طيارتنا رابع العيدب 4 اكتوبر .. على الاماراتية ..
وطلع الباكنج 25 ألف .. واللي اعرفه ان كوكو فل بورد بس ما اعرف عن شوقار بيتش ؟
وكم بيكفينا مصروف جيب ناخذ معنا لل 13 يوم؟؟
وهل بيخلوني اسوي نشاطات بحرية وامشي تحت الماي اللي معروفه بيه الجزيرة؟؟ زوجي مخوفني يقولي انتي بس تقعدين بالفندق لانج حامل مابيخلونج تسوين شي ..
بس السنة اللي فاتت في بوكت ببانكوك انا سبحت بالبحر وركبت قارب صغير بجولة بحرية

يلا الحين اللي عندهم خبرة بليــز ساعدوني بجدول كيف اقسم الاماكن بين اول 6 ليالي وثاني 6 ليالي ؟ ووين نروح؟؟
انا قريت مواضيع بوعبدالعزيز ماشالله وايد اماكن فيها ...
وراسي افتر ما عرف كيف اقسم ايام رحلتي الحين
:surf




مساء الخير أختي

لي ملاحظة جدا مهمة وتتعلق في الفنادق

راح يكون عنكم ردة فعل جدا سيئة بعد ما تخلصون من الشوقار بيتش وتروحون للكوكو بيتش

وذلك للفرق الشاسع بين الفندقين من حيث كل شيء

ابتداء من الشاطي وحتى الغرف و الأكل

الفرق جدا جدا شاسع

وأنصح بإلغاء الكوكو واختيار البيل مار المجاور له

هذي نصيحة من شخص دخل وشاف الفندقين وعاف بالضبط ردة الفعل اللي ممكن تصيبك

وانا هنا اكرر اني ما اقول ان الكوكو بيتش سيء

لكن اقول ان هناك اختلاف كبير بينهم

وان شاء الله برجع لك مع ترتيب الأيام

اذا صعب عليكم موضوع تغيير الفندق فأقل شيء ممكن تعملونه هو جعل الكوكو في البداية بدلا من الشوقر بيتش


الشوقر يحي هاف بورد أختي

و الكوكو هو الوحيد اللي يعرضونه فل بورد


لي عودة بإذن الله

مشكووورين ...
اخوي ابو عزيز ... للأسف ما حصلنا حجز في اي فندق ثاني غير الكوكو .. ووحاولنا نحجز بها اول وبعدين الشوقار بيتش .. بس للأسف بعد ما لقينا .. وقالوا لنا المكتب صعب جدا ...
راح نحاول للمرة الأخيرة ... نستبدل الفندقين ببعض أو نغير الكوكو لل بيل مار..
بس حابة حد يكون عنده خبره يقولي وين اروح اول يوم و وين اروح ثاني يوم .. وثالث يوم كذا .. عشان انا لما شفت الخريطة بس ما قدرت ارتب الاماكن القريبة لأن بعضها يسكر بسرعه وبعضها يحتاج لحجز .. تلخبطت ..

بريــز
للأسف ما عندنا وقت ثاني نسافره بعد الولادة .. زوجي بيبدأ جامعة .. وانا بعد اجازة الامومة ما راح احصل اجازة لين 9 شهور على الاقل ..
والحين قبل الولادة عندي رصيد اجازة 2008 لازم اخذهم ... وقلت اسافر مع بنوته وحده احسن من اسافر مع بنوته وولد وراسي بيفتر علي واظل انا حايسة بينهم الاثنين ..
وابغي اغير جو قبل لا اولد ..

إن شاء الله تسافرون و ترجعون بالسلامة

للأسف يا بوعزيز ...
ما قدرنا نغير الحجز ... بل مار مافي ولا غرفة فاضية .. واذا نستبدل على الكوكو في البداية طلبوا منا ندفع 8 ألاف درهم زيادة ... قلنا خلاص نتوكل على الله ونروح نفس الحجز ..
وقالوا لنا سبب الزيدة من هناك ارتفعت الاسعار ..
يلا الحين انقذوني بجدول يومي وين اروح ... انا في الانتظار ..

المشاركة الأصلية كتبت بواسطة _UAE_Moon_
http://www.arabtravelersforum.com/tr...2/#post2360152

للأسف يا بوعزيز ...
ما قدرنا نغير الحجز ... بل مار مافي ولا غرفة فاضية .. واذا نستبدل على الكوكو في البداية طلبوا منا ندفع 8 ألاف درهم زيادة ... قلنا خلاص نتوكل على الله ونروح نفس الحجز ..
وقالوا لنا سبب الزيدة من هناك ارتفعت الاسعار ..
يلا الحين انقذوني بجدول يومي وين اروح ... انا في الانتظار ..



الخيرة فيما اختاره الله اختي

وأهم شيء بيكون عندك فكرة واضحة علشان ما يكون هناك ردة فعل سيئة

والكوكو بيتش ليس سيء لهذه الدرجة لكن فقط يختلف معاييره عن الشوقر والبيل مار

واحتما لو طلبتوا المدة كلها في الشوقر ممكن يوافقون

انشاء الله برجع مع تفاصيل البرنامج

تحياتي

مشكوووور اخوي بوعزيز ...
ونحن قلنا خلاص نتوكل على الله .. عشان نجرب الفندقين ..
ويصير عندنا خبره للمرات الجاية ..
وانا في انتظار الجدول .. مشكووور ما تقصر

وبعد ما عليكم امارة كم بيكفينا مصروف جيب ناخذ معانا؟؟

المشاركة الأصلية كتبت بواسطة _UAE_Moon_
http://www.arabtravelersforum.com/tr...9/#post2364829

مشكوووور اخوي بوعزيز ...
ونحن قلنا خلاص نتوكل على الله .. عشان نجرب الفندقين ..
ويصير عندنا خبره للمرات الجاية ..
وانا في انتظار الجدول .. مشكووور ما تقصر



السلام عليكم ورحمة الله وبركاته


من الطبيعي ان يكون هناك بعض الأيام اللي تفضلون فيها الجلوس في الفندق

خاصة ان الفندق تم تجهيزه بكل وسائل الترفيه والراحة بما في ذلك الألعاب المائية ونادي ممتاز ومتخصص للأطفال

لذا من 6 ايام في كل فندق ممكن اضع لكم برنامج 4 ايام كما يلي


4 ايام الكوكو في الشرق

لو ووتربارك Water Park

البارك مائية و لابد ان تعملون حسابكم بالفوط والغيارات

اكيد ليست مثل الوايلد وادي في دبي لكن شبيهه الى حد ما بها

يفضل الذهاب لها في جو مشمس ودافي

وتحتاج 3 ساعات فقط


-----------------

آيل أو سيرفز – Ile aux Cerfs

يمكن قضاء يوم كامل فيها

ويمكن الرجوع للتفاصيل في تقريري المثبت وبالتحديد الجزء الخاص بالرحلات

http://www.arabtravelersforum.com/post480302-10/


او


http://www.arabtravelersforum.com/post1722028-139/


-----------------

قراند باي في الشمال

مع

البلو سفاري (Blue Safari Submarine)

الغواصة بلو سفاري (لابد من الحجز المسبق عن طريق الفندق)

مع

مطعم لي كابيتان (اختياري)


---------------


لا فالي دي فرنيه – La Vallee de Ferney

و

لا إيتوالي – L' etoile

و

فالايزي – Falaise

زيارة احد هذه المحميات

او زيارة



دومين دو شاسو- Domaine du chasseur


نفس الفكرة والمضمون تقريبا

ممكن تاخذون راي الفندق باختيار احدهم

وانا ارشح لا ايتوال لكم



-----------------------------------------------------------------------------------



4 ايام في الشوقر بيتش (الغرب)




مصنع السكر – /Le Aventure du Sucre

--------------

كاسيلا بارك - حديقة الطيور

---------------

بورت لويس (سوق لا كود


---------



النهر الأسود ومنتزه جورجيز الوطني – Black River Gorges

وتشمل الزيارة كلا من

جراند باسين – Grand Bassin

بويس تشيري – Bois Cheri

شاماريل (الأرض الملونة) – Chamarel (Coloured earth)


-----------------------


في الجنوب يوجد






بالنسبة للمصاريف لل12 يوم

لابد ان تعرفي ان يوجد مصاريف المشروبات في وجبة العشاء والغداء

ومصروف اخر لوجبات الغداء في الشوقر بيتش

بالنسبة للأولاد اذا تأقلمو مع نادي الأطفال فهذا الشيء راح يكون اكثر من رائع لكم

في فترة الغداء يوجد مطبخ خاص لهم وتكون الوجبة بسعر رمزي في الشوقر بيتش

اذا حبيتي تتناول الغداء في الشوقر بيتش فانصحكم في المطعم اللي في المسبح البيتزا عندهم ممتازة

كما يوجد المطعم الإيطالي يقدم سلطات واطباق جدا ممتازة

من مميزات الشوقر بيتش انك داخل منتجعين

فيوجد بجواركم منتجع لابيروق وممكن تستخدمون كل مرافقه الجميلة وخاصة المسبح


طبعا مصاريف الفندق راح تتحمل على الغرفة وفي الغالب بتكون بين 300 و 400 دولار لكل فندق

ويعتمد المبلغ الإجمالي على بعض المصاريف الأخرى وخاصة السبا ومركز التجميل

المصاريف خارج الفندق بتكون عادة تكاسي \ فسح \ مشتريات هدايا

التكاسي في اليوم اللي تحتاجونه تتفقين مع اي تاكسي خارج باب الفندق للرحلة ياخذكم ويرجعكم

والرحلات تتفاوت على حسب انواعها اغلاها الغواصة

بشكل عام تحتاجين لعدد 8 رحلات مثلا مبلغ بحدود 1000 دولار بحد اعلى

يعني ميزانية 5 الى 6 الاف درهم كافية بإذن الله

بالتوفيق

مشكوووووووووووووووووووووووور بو عزيز ... ما تقصر ...
وانشالله بس ارجع بتحفكم بتقرير الزيارة
الحين انا بطبع الجدول اللي سويته لنا ... وبنستفيد منه ...
ومرة ثانية مشكووووووووووووور ما تقصر ... فيك الخير ... والله يسهل لك امورك انشالله ..وعيد مبارك للجميع

المشاركة الأصلية كتبت بواسطة _UAE_Moon_
http://www.arabtravelersforum.com/tr...3/#post2366703

مشكوووووووووووووووووووووووور بو عزيز ... ما تقصر ...
وانشالله بس ارجع بتحفكم بتقرير الزيارة
الحين انا بطبع الجدول اللي سويته لنا ... وبنستفيد منه ...
ومرة ثانية مشكووووووووووووور ما تقصر ... فيك الخير ... والله يسهل لك امورك انشالله ..وعيد مبارك للجميع





UAE MOON

بردون


نسيت اكمل

جنوب موريس لمحبي التراث والطبيعة ولمحبي الفرنسيين

الشخص في هذه المنطقة يكاد يشم رائحة التراث الفرنسي

ليس كل منطقة الجنوي ولكن بعض المواقع التي حافظت الحكومة عليها

خاصة ان الجنوب للموريسيين الأصليين هي المكان الذي نشأو وترعرعو به

لكن للأسف مع تعدد الجنسيات وتعدد الأثنيكس في هذا الجزء من الجزيرة (نظرا لرخص االعيش هنا) فقدت بعض الشيء من بريقها


ممكن تبدأ الرحلة بالمرور على Souillac على الساحل وتشوفين كيف كانت هذي المدينة مشهورة حتى بداية القرن ا19

ممكن تتوقفون لمشاهدة ماتبقى من محطة القطار باتيلاج كوي "Batelage quay" وزيارة لانيف منزل الشاعر الشهير روبيرت هارت Robert Edward Hart


بعدها ممكن تتوجهون لمدينة ماهيبورق Mahebourg وتتجولون بين اسواقها الرائعة وخاصة البازار من الأثنين الى السبت

اذا فيه وقت ممكن تتوقفون Rochester falls ومن بعدها توقف اخر عند الصخور المنحوتة Le Souffleur
وهي كلمة فرنسية معناها نبع الماء الحار او الماء الحار وهي بالأصل مشتقة من الكلمة اللاتينية geyser

كما يمكن التوقف في Gris Gris


في الجنوب يوجد المنتجع الرائع شاندراني Shandrani اسمه اصله هندي ومعناه ألهة القمر - goddess of the moon

تحياتي