الموضوع: في فلوريدا صيف بالصور

بسم الله الرحمن الرحيم ..
ببتدي اليوم تقريري .. لرحلتي الحاليه .. لفلوريدا
اولا: خط الرحله ..
22/يوليو/2008 الانطلاق من البحرين عن طريق الخطوط الجويه البريطانيه British Airways :105:
يوم الثلاثاء الساعه 2 بعد منتصف الليل ..
الوصول الى ميامي بعد 3 ساعات ترانزيت في مطار هيثرو الدولي ..
تيرمينال 5
السكن في ميامي: فندق لويس في السوث بيج
Lowes Hotel In Miami South Beach
الصعود على متن Royal Carribean Cruise يوم السبت تاريخ 26/يوليو/2008
العوده يوم السبت تاريخ 2/اغسطس/2008
الانطلاق مباشره إلى اورلاندو عن طريق السياره
السكن في اورلاندو: منتج الماريوت جراند فيستا ..
Marriot Grande Vista
مغادرة اورلاندو الاربعاء 27/اغسطس/2008
قضاء ليله في ميامي ثم الانطلاق لقضاء 5 ليالي بالولايات المتحده (لندن)
السكن في فندق الكيمبرلاند
camberland hotel
ثم العوده الى البحرين.

سيشمل الموضوع تقارير
للمطاعم
رحلة الكروز
الفنادق المذكوره
Walt Disney World
Universal Studios & Island of adventure
وجميع المناطق اللي بنزورها باذن الله
التقرير مباشر ..

عزمنا على السفر من الصيف اللي طاف تقريبا ..
او بتدينا بالحجوزات في شهر ابريل ..
اول ما سألنا عن التذاكر .. بحرين لندن(ترانزيت) ميامي كانت سعر التذكره 735 ..
كنا في مرحلة التشوار بخصوص خط الرحله فتأخرنا عن التذاكر اسبوعين تقريباً .. وتفاجأنا انه السعر ارتفع الى 881 للشخص ..
وظل في ارتفاع مستمر
لذا انصحكم بالحجز وقطع التذاكر في اقرب فرصه ممكنه اذا كنتو متأكدين من السفره ..

الفيزا كانت عند اسرتي كامله بس انا فيزتي احتاجت تجديد او عملت فيزا لولدي لصغير ..
اتصلت لهم قبل لاروح او سألتهم اذا لازم اييبه .. لانه عمره ماتجاوز الـ8 شهور قالولي لازم تيبينه حتى لو عمره يوم .. او اخذته او ماعملوله اي شي لا بصمه ولا صوره بس خلوني اييبه في هالشمس مسكين :112:


حجزنا كل الفنادق عن طريق الانترنت اما رحلة لكروز فحجزناها عن طريق السفريات.
نبتدي ..

مطار البحرين الدولي ..

طبعا حرصنا انه مانشيل معانا اي من الممنوعات (مقص ملقط او اي اداة حاده)
(عطورات وكريمات يزيد حجمها عن 50 مل - احنا ماحملنا معانا ولاشي بالمره)
الحقائب لها حجم محدد للطائره .. يعني لازم ماتكون كبيــره .. اصغر حجم ممكن

اجدد شي فالمطار ..


ماكدونالدز .. اول مره اشوفه .. من مطار البحرين شريت مخدة اللي تلف على الرقبه (وايد استفدت منها) تريح وايد .. وشريت بطاريات وايد ارخص من امريكا.!

عند باب الطياره .. كان في تفتيش ثاني .. قبل الصعود الى الطائره ..
وبعدها الساعه 2 إلا ربع طارت الطياره ..



دخلت مسبقاً على موقع الـBritish Airways وحجزت كراسي الطائره الصفه الاولى (اوسع للرجل + معاي طفل) .. وطلبت وجبه لولدي اللي عمره 3 سنوات (وجبة اطفال) وطلبت وجبات حلال للرحله من لندن - ميامي)


يتبع

مواضيع عشوائيه ممكن تكون تعجبك اخترناها لك:

• استفسار عن تاشيرة سياحية الي جزر الكروز
• ذاهب الى امريكا واسئل عن المدينة ورأيكم
• استفسار تكفون ريحوني
• التأكد من الأختيارات
• بعد مساعدتكم لي وتم عمل جدول لرحلتي الي امريكا مع المدام واتمنى الاطلاع وتخبروني
• استاذ امباكت واستاذ عزيز اريد المشورهـ
• سؤال للأخ
• العودة إلى الرياضأفضل طريقة للشحن؟
• أرجو المساااعدة
• بخصوص الأبلكيشن والسيفس
• ممكن معلومات عن مدينة بولاية نيو يورك ؟
• ارجوكم ساعدونى بسرعة وخاصة بنت الصقور
• استخراج شهادة ميلاد
• استفسار مهم جدا بالنسبة للابلكيشن
• جامعة سياتل وما أدراني ماسياتل فهل من مغيث
• تم رفض الفيزا والسبب هو
• مساعدتكم ياخبراء
• عيد سعيد وغير متواجد لمدة اسبوع
• استفسار
• أرجو منكم الإفادة يا إخواني الغاليين للضرورة طلبتكم ياخبراء ياإخواني

ozyeee تسلمين ومشكووور مقدماً






.

سجليني متابع ................

الطريج من البحرين الى لندن كان مريح نوعا ما .. والسبب الرئيسي التوقيت ..





لانه كان وقت نومنا ..
تعليقي على الطيران البريطاني .. الميزه الوحيده اللي فيه دقة المواعيد ونظافة الطائره ..
لكن المعامله :108: .. المضيفين من ال10 يطلع 2 بس زينين والباقي Rude
فالرحله الاولى ماصارت لنا مواقف لكن بالرحله من لندن الى ميامي
كانت المضيفه اللي مسؤوله عن قسمنا فالطائره وايد جافه وتعاملنا كأنا مانفهم شي ..
صج كرهنا الطياره بكبرها!

المهم وصلنا لندن الفجر ..



نزلنا واخذنا الباص لترمينال 5 اجدد تيرمنال عندهم بس انا كلش ماحبيته ..

اول ماندخل عندهم تفتيش ..



لازم نطلع كل اغراضنا او نحطها في علب ..
واحنا عشان معانا اطفال .. خلونا نأكلهم من كل الحليب او الاكل اللي معانا .. طبعا الاكل الخاص بالاطفال .. وكان معانا دوى .. يريح البيبي لانه يسنن ويتألم .. قالو اذا ماعندكم وصفه طبيه مايصير تاخذونه .. ورموه .. :112:
.. الدواء كان وايد زين و موموجود في بريطانيا ولا امريكا .. لكن حسبي الله عليهم .. رموه الله يعينا بالرجعه :110:

المهم هالترمينال
كبير او بايخ او فيه المحلات العاديه .. على قولتهم اكبر Harrods بس مادري ماعجبني غير Wagamama










اول شي رحنا Boots شرينا دوى اسمه Nytol
او هذي صورته ..



فيه منه نوعين .. نوع خفيف او هالنوع اللي بالصوره ..
عجيـــــــــــــــــــــــــــــــــــــــــــــــ ـب نومنا 6 ساعات متواصله في الرحله من لندن الى ميامي .. وناويه اخذ منه اكثر لما ارجع لندن ..

المهم اكلنا في Wagamama
او هذي صورة طلبي رقم 42 ..



وايد لذيذ

بعدها انطلقنا للطياره .. الطريج لبوابتنا كان طويل خذ اكثر من ثلث ساعه ! ..
اندر قروند او اسكليترات او حاله..
المهم وصلنا وركبنا وهذي مخدتي سالفة الذكر ..



وحنا فالطياره شفنا Rainbow قوس قزح سبحان الله ..



قبل لاتهبط الطياره تقريبا بساعه .. يوزعون استمارات الدخول الى امريكا



أملوهم من الطياره .. برى زحمه او معظم الاوراق مو متوافره ..
فالمطار الاجرائات كانت عاديه والمعامله نفس الشي .. جدا عاديه ..
واللي يختم جوازاتنا كان يتغشمر ويضحك معانا ..
مررو شناطنا بعدها في الاكسري العادي .. ولا احتجنا لتسجيل دخول ولاشي ..
خلصنا او طلعنا اخذنا تاكسي للفندق مباشره ..
وانتظروا الجزء الثاني في اقرب فرصه باذن الله :101:

ماشالله تبارك الله على التقرير الرائع اختي Ozee

الصور رائعة جدا

فهمت من كلامك انه معاملتهم سيئة الي في التفتيش ........ NO COMMENT

سجلني من المتابعين


وترجعوا لبلدكم سالمين غانمين ان شالله


تحياتي

هلا بك اختي .. متاابع معك التقرير ..!!


وماشاء الله باين انه رااائع ورااائع جداً...!!


حبيت اسألك .. بكم خذتو التذكره ..؟ ؟


وبس

هلا اختي ozyee
الحمد لله على السلامه ........ سجليني متابعه معاكم

وكيف كان الترانزيت في هيثرو ..كم ساعه يعني ؟؟

انا أفكر اروح أمريكا مثلكم على البريطانية لأن عندي أختي هناك في لندن وودي أشوفها في المطار لو شوي وبعدين نكمل طريقنا لأمريكا ...

تتوقعين أقدر أشوفها في Wagamama ونتعشى هناك فترة الترانزيت بدون فيزا بريطانيه طبعا لأن أجراءاتها تحتاج وقت وزياره للقنصلية وأنا ماصدقت طلعت الفيزا الأمريكيه ؟؟؟


الحمد لله على سلامتكم مره ثانية

الحمد لله على سلامتكم..:101:

والحمد لله عديتوا على خير من المطار..:11ight:

وبالنسبة لطفلكم الصغير,,يوجد ادويه معينه في الصيدلية للاطفال علشان الاسنان اكيد

راح تلاقونها في فلوريدا واختاروا النوع الملائم..


وشكرا


اختك..

المفروض المملكه المتحده كلها تتعذر لكم بسبب المضيفه الجافه ..

بالفعل لما تواجه في بدايه الرحله مواقف عكس مودك تكرهك الرحله ..

عجبني طريقة طرحك للأحداث .. واصلي بارك الله فيك .,,

مشتاق لتفاصيل الكروز ..

نبي نشوف التحدي بينك وبين الغالي إمباكت ..

المشاركة الأصلية كتبت بواسطة الصريح777
http://www.arabtravelersforum.com/tr...8/#post2196718




OZYEEE تسلمين ومشكووور مقدماً






.




العفو وشكرا على مرورك

المشاركة الأصلية كتبت بواسطة الرصاصي
http://www.arabtravelersforum.com/tr...5/#post2197155

أنا توني راجع من المول ..

شفت الموضوع قلت أسجل حظور ..

بروح أتغدى ثم أرجع أفصفص التقرير ..

يبدو من صاحبه الموضوع أن التقرير كلام ثاني ..

لي عوده يا أوووزي ..



انت في اي ولايه اخوي الرصاصي ؟
ان شاءلله يعجبك ويفيدك التقرير ..

المشاركة الأصلية كتبت بواسطة ayman620
http://www.arabtravelersforum.com/tr...9/#post2197189

ماشالله تبارك الله على التقرير الرائع اختي Ozee

الصور رائعة جدا

فهمت من كلامك انه معاملتهم سيئة الي في التفتيش ........ NO COMMENT

سجلني من المتابعين


وترجعوا لبلدكم سالمين غانمين ان شالله


تحياتي



اول شي اشكرك على كلامك
وترى معاملتهم جداً عاديه ماتعتبر سيئه والزين انه الكل يتعامل مثل بعض يعني مايميزونا عشان مسلمين ..
الله يسلمك اخوي .. اسعدني مرورك

المشاركة الأصلية كتبت بواسطة دمووع^الحزن
http://www.arabtravelersforum.com/tr...0/#post2197300

هلا بك اختي .. متاابع معك التقرير ..!!


وماشاء الله باين انه رااائع ورااائع جداً...!!


حبيت اسألك .. بكم خذتو التذكره ..؟ ؟


وبس




حياك الله اخوي .. التذكره لما اخذناها شهر 4 كانت بـ881
لكنها وصلت لي 1125 بشهر 7 .. مثل ماقلت قبل كل ماتجدمون احسن ..

المشاركة الأصلية كتبت بواسطة Raya
http://www.arabtravelersforum.com/tr...0/#post2197520

هلا اختي ozyee
الحمد لله على السلامه ........ سجليني متابعه معاكم

وكيف كان الترانزيت في هيثرو ..كم ساعه يعني ؟؟

انا أفكر اروح أمريكا مثلكم على البريطانية لأن عندي أختي هناك في لندن وودي أشوفها في المطار لو شوي وبعدين نكمل طريقنا لأمريكا ...

تتوقعين أقدر أشوفها في Wagamama ونتعشى هناك فترة الترانزيت بدون فيزا بريطانيه طبعا لأن أجراءاتها تحتاج وقت وزياره للقنصلية وأنا ماصدقت طلعت الفيزا الأمريكيه ؟؟؟


الحمد لله على سلامتكم مره ثانية



الله يسلمج اختي .. وحياج الله ..
الترانزيت كان 4 ساعات تقريبا مرو بسرعه لانه فيه تنقلات بين الترمينالز
بالنسبه حق اختج مابتشوفينها إلا اذا بتغيرين المطار يعني مثلا اذا كنت رايحه من لندن الى اورلاندو الطيايير لاورلاندو تطلع من مطار جاتوك بهالحاله تقدر اختج توصلج للمطار بدون الفيزا ..

لكن اذا كانت رحلتج مباشره من هيثرو فمابتقدرين تشوفينها لانها مابتسافر فمايصير تدخل الترمينالز ..

المشاركة الأصلية كتبت بواسطة s.a.m
http://www.arabtravelersforum.com/tr...8/#post2197698

الحمد لله على سلامتكم..:101:

والحمد لله عديتوا على خير من المطار..:11ight:

وبالنسبة لطفلكم الصغير,,يوجد ادويه معينه في الصيدلية للاطفال علشان الاسنان اكيد

راح تلاقونها في فلوريدا واختاروا النوع الملائم..


وشكرا


اختك..




الله يسلمج اختي مشكوره
ان شاءلله تلقى شي مشابه باذن الله .. اشكرج اختي :101:

المشاركة الأصلية كتبت بواسطة الرصاصي
http://www.arabtravelersforum.com/tr...9/#post2198389

المفروض المملكه المتحده كلها تتعذر لكم بسبب المضيفه الجافه ..

بالفعل لما تواجه في بدايه الرحله مواقف عكس مودك تكرهك الرحله ..

عجبني طريقة طرحك للأحداث .. واصلي بارك الله فيك .,,

مشتاق لتفاصيل الكروز ..

نبي نشوف التحدي بينك وبين الغالي إمباكت ..



المفروض لكن كلي اللي نقوله حسبي الله ونعم الوكيل فيهم!

بالضبط .. تضايقك من الرحله كامله ..

شكرا على الكومبلمنت :109:

عاد امباكت مستحيل اتحاداه محد يوصل لمستواه فالطرح فالتحدي محسوم لصالحه من زمان :105:

شكرا على متابعتك اسعدني مرورك

ماشاء الله تبارك الله ..

اول شي الحمد لله على السلامة ...

ثاني شي والله سالفة التفتيش هذي سالفة لاكن الحمد لله عدت وانتوا الحين هناك

الشيز كيك فاكتوري بالعافية عليكم كنت قاعد اقرى التقرير انا وزوجتي وهبلتي فينا بالتشيز كيك ولتذكرنا السنة الماضية ..

منتظرين الكروز بفارغ الصبر ونعيد الذكريات معاكم ..

الله يهنيكم وكل ما تشوفوا شي لازم تتذكرونا وتدعولنا :112: ترا بعصب عليكم

امزح اتمنى لكم التوفيق ودعواتكم ..

الف سلامة

المشاركة الأصلية كتبت بواسطة Impact
http://www.arabtravelersforum.com/tr...1/#post2199821

ماشاء الله تبارك الله ..

اول شي الحمد لله على السلامة ...

ثاني شي والله سالفة التفتيش هذي سالفة لاكن الحمد لله عدت وانتوا الحين هناك

الشيز كيك فاكتوري بالعافية عليكم كنت قاعد اقرى التقرير انا وزوجتي وهبلتي فينا بالتشيز كيك ولتذكرنا السنة الماضية ..

منتظرين الكروز بفارغ الصبر ونعيد الذكريات معاكم ..

الله يهنيكم وكل ما تشوفوا شي لازم تتذكرونا وتدعولنا :112: ترا بعصب عليكم

امزح اتمنى لكم التوفيق ودعواتكم ..

الف سلامة




Impact الله يسلمك , نور مرورك على موضوعي واصل لي ميامي ..
عاد تصدق امس كنا نمشي فالاوشن درايف او شفت فندقكم وتذكرتكم ..! وصج والله على طول نتذكر تقريرك ..
ان شاءلله الله يجيبكم لهالديره الحلوه مره ثانيه او تستمتعون بالجو الغريب! .. روعه صاير الجو !
نمشي ولانحس ..
تحياتي لزوجتك

المشاركة الأصلية كتبت بواسطة Raya
http://www.arabtravelersforum.com/tr...2/#post2200052

ما شاء الله ..

تقرير يفتح النفس مع هالأكلات الحلوه ..

حبيبتي مشكوره على الرد وآسفه على المداخله .. طيب ما أقدر أطلع فيزا مؤقته من المطار وقت الترانزيت ؟؟؟ أنا سمعت ان في أمكانيه أستخراج فيزا من المطار اذا فيه ترانزيت بس مش عارفه التفاصيل ؟؟


متابعين معاك ..



انا السنه اللي فاتت طلعت من مطار هيثرو الى مطار قاتوك ماحتجت او عالعموم ترى فيزت بريطانيا ماتطول احنا خذت منا يومين بالضبط ..

كنت اتمنى افيدج اكثر

الحمد الله على السلامة


انا فرحان لاني نادر الحق على تقرير من بدايته في هذا المنتدى :109:


تقرير مباشر و لا في الاحلام .. طريقة العرض و الصور روعة

و عن التفتيش لا تتضيقون ... يا ما رموا عنا اغراض

بصراحة شكل الفندق موب غريب علي .. الغرفة و الفيو على المسبح وخلفه البحر .. موب متاكد اذا هو اللي سكنت فيه صيف 2004 ..


شو يذكرني باسمه :114:


عندي هاذي الصورة خذتها من بلكونة الغرفة و انتي قوليلي اذا هو الفندق و لا انا احلم .. نص الليل عندنا في الامارات :108:



بنتظر رحلة الكروز و ان شاء الله تستمتعون و تقضون احلى اوقات

بس ها تراه نريد تقرير مباشر من رحلة الكروز :101:


لانه عندكم اطفال فممكن تكتبين عن الاماكن اللي بتزورونها اذا تناسب الاطفال او لا ..


تحياتي

ozyeee

هلاااااااااااااا

الحمدلله ع السلامه .. شخبارج وحشتينا ..

توني اللحين اشوف التقرير .. سوري ييييت متأخره ..

والله يعينكم على الرجعه مع هالطيران وهالمعاملة .. تصدقين احنا العام في مطار كلورادو رايحين فلوريدا كان معاي ادويه يمكن 5 او 6 غراش وغرشة زيت السمسم (للكحه) وكنت حاملتهم في يدي بس غلفتهم بالأكياس إللي هم موفرينه في المطار ويوم وصلنا للتفتيش اخذوها منا وقالولنا انتظروا شوي وخذوها وامامنا فتحوا كل غرشه وغمسوا فيها عود شكلهم ياخذون عينه للفحص مادري المهم دقايق ورجعوهم لنا .. إيه يا ozyeee شوفي الفرق في تعامل الأمريكان وتعامل البريطانيين ..

الله يعطيج العافية ..

واصلي حبوبه بالتوفيق .. في انتظار تقرير الكروز على احر من الجمر .. لأن يمكن يمكن يكون من ضمن تخطيطاتنا في رحلتنا اليايه ..

سلامي لجميع الأهل ..

المشاركة الأصلية كتبت بواسطة ام امريكان
http://www.arabtravelersforum.com/tr...2/#post2200442

OZYEEE

هلاااااااااااااا

الحمدلله ع السلامه .. شخبارج وحشتينا ..

توني اللحين اشوف التقرير .. سوري ييييت متأخره ..

والله يعينكم على الرجعه مع هالطيران وهالمعاملة .. تصدقين احنا العام في مطار كلورادو رايحين فلوريدا كان معاي ادويه يمكن 5 او 6 غراش وغرشة زيت السمسم (للكحه) وكنت حاملتهم في يدي بس غلفتهم بالأكياس إللي هم موفرينه في المطار ويوم وصلنا للتفتيش اخذوها منا وقالولنا انتظروا شوي وخذوها وامامنا فتحوا كل غرشه وغمسوا فيها عود شكلهم ياخذون عينه للفحص مادري المهم دقايق ورجعوهم لنا .. إيه يا OZYEEE شوفي الفرق في تعامل الأمريكان وتعامل البريطانيين ..

الله يعطيج العافية ..

واصلي حبوبه بالتوفيق .. في انتظار تقرير الكروز على احر من الجمر .. لأن يمكن يمكن يكون من ضمن تخطيطاتنا في رحلتنا اليايه ..

سلامي لجميع الأهل ..



هلااااااااااااااااااا ام امريكان
الله يسلمج .. انا الحمدلله بخيـــــــــــــر شلونكم انتوا؟

تصدقين عقب ماوصلنا امريكا بردو قلبنا الامريكان عقب الانجليز الرووووود

الله يعافيج ان شاءلله افيدج حق رحلتج للكروز .. انا هذي ثاني مره لي فالكروز اول مره في شهر العسل وهالمره ويا بيتنا وعيالي .. ولدي حده متحمس يحن .. سفينه كبيره او سفينه كبيره :109:

اسعدني مرورج صديقتي

الحمد الله علي السلامه وسجليني متابع معاج للاخر وترجعون بالسلامه وتحياتي للاهل

وااااااااااااااااو تقرير حلو


متابعينج

يعطيك العافيه أخت Ozyeee على الطريق الوافي والكامل....

أتمنى لك أجازه سعيده مع العائله...

بالنسبه لي أنا أن شاء الله راح أكون في أورلاندو بتاريخ 28/8/2008 , لان الدراسه راح تبدا في سبتمبر..

وراح أطلع من مطار الرياض بس والله محتار على أي خطوط أطلع وانا نفسي أمر على لندن اجلس فيها يومين .....





نصيحتك على أي خطوط أطلع .....

وشكراً

أسعد الله صباحك أخت ozyeee

أتمنى تفيديني عن جو أورلاندو بالتفصيل لأني بمشيت الله راح اصوم هناك ...

على شأن ما اصتدم بالجو وكيف المطاعم تعرفين رمضان والعزوبيه صعبه الواحد يصوم ولا يطبخ....

أكون من الشاكرين لك ....وللأخوان والاخوات..

متابع معكم

الأخت البدو

http://www.starwoodhotels.com/sherat...ropertyID=5608

بتحصلي book now وكملي الحجز


و احلى شي السفر بالبر من شيكاغو لاورلاندو في رحلتكم


بالتوفيق

Hiiiiiiii Everybody
I'm in The Cruise right now we'r going to Cozmul Mexico 2moro
enshalllah awal ma ao9l orlando ra7 anzl taQreeeer 3n Cruise
alcruise WAYED 7elo0o0o o alJAW 3jeeeeeeeeeeeeeeeeeeb
enshalla akml 3n qareeeeeb

المشاركة الأصلية كتبت بواسطة OZYEEE
http://www.arabtravelersforum.com/tr...7/#post2218587

Hiiiiiiii Everybody
I'm in The Cruise right now we'r going to Cozmul Mexico 2moro
enshalllah awal ma ao9l orlando ra7 anzl taQreeeer 3n Cruise
alcruise WAYED 7elo0o0o o alJAW 3jeeeeeeeeeeeeeeeeeeb
enshalla akml 3n qareeeeeb




هلا والله حيالله هل ماكسيكو ..

والله احس اني وياكم .. :101: .. اناااااسه

يالله بالتوفيق ترجعون فلوريدا بالسلامه إن شاء الله ..

انطر تقرير الكروز بفارغ الصبر ..

حمد لله على السلامه .. منوره امريكا

تقرير من بدايته حلووو و احلى شي التفاصيل ...

ان شاء الله تنبسطون و ترجعون بالسلامة ...

اتمنى لكم قضاء وقت ممتع ..

وفي انظار التقرير على احر من الجمر لاستعيد ذكريات الكروز في السنة الماضية

الله يعطيج العافية
ومتابعين معاج

ابي اعرف عن جو اورلاندو الآن ..

طالعه لها ان شاء الله تاريخ 5 - 8

واذا احد عنده جدول كامل للرحله يعطيني لاني اول مره ازورها انا والاهل ومعانا الاطفال

متابعين معاكي يا خبيرتنا

وترجعين ميامي بالف سلامة ...

اليوم اللي بعده رحنا Bal Harbour mall



هالمجمع كله ماركات
بدايته Saks Fifth Avenue
ونهايته
neimoun marcos
والماركات كلها!!
Cartier, Bvlgari, Louis Vuitton, Chanel, Marc jacobs, Christian Dior ... etc
EVERYTHING







او فوق فيه مطعم ايطالي وايد حلو .. وفي كوفي شوب تحت بعد ..
بعد الغدا رحنا
Target



عكس المجمع اللي كنا فيه ..
كلشي رخيــــص في تارجت .. نفس السوبرماركت لكبيره اللي فيها كلشي
من الالف الى الياء ..
ممتاز للصوايغ والهدايا .. لكوالتي احسن من وال مارت
بعد ماخلصنا رجعنا الفندق وستمتعنا بخدماته وفالليل تعشينا في لينكن رود


اليوم اللي بعده رحنا Bayside Market Place



نظام هالمجمع حلو وغريب .. نصه محلات امريكيه



Gap, Clarks, Disney Store, Bath& Body works and few more.
او السقف مفتوح او موقعه عالبحر ..



والنص الثاني
بضائع من صناعه محله سيفونيرز او هالسوالف ..
معظم الاشياء Hand Made



المجمع كله عالبحر ..
او فيه مطاعم مثل
Chilis & Hard rock



وفيه فرق .. وألعاب للاطفال ..





كان هاليوم اخر يوم لنا في ميامي .. شرينا كل شي نحتاجه حق لكروز باجر بإذن الله ..
وصكينا شناطنا فالليل عشان باجر مايكون ورانا غير نلبس او نطلع ..:11ight:

المشاركة الأصلية كتبت بواسطة البدو
http://www.arabtravelersforum.com/tr...4/#post2202904

هلا والله عزيزتي

اول شي عجبني تقريرج المباشر جدآآ

كنت براسلج على الخاص ولا قدرت ..

انا بروح مع اهلي لاورلاندو اسبوعين لديزني

وقربت ردج وبصراحه تحمسنا لهالسويت .. ممكن تعطينا رابط الحجز مباشر لاني دخلت موقع الشرتون وقعدت احوس ولا لقيت السويت هذا .. حابه اعرف الرابط اللي يخليني احجز على هالسويت دايركت وحابه اعرف السعر ..

اذا بتفيديني جزاج الله خير ..

لان بنسافر من شيكاغو الى اولارندو بسياره وقرب السفر ولازم احجز الفندق ..

واحنا عايله 10 اشخاص في منهم 4 اطفال

ويعطيج الف عافيه تعبتج معاي ..



اتمنى ماكون تأخرت عليك بالرد ..
لكن الحمدلله وصلك الراب ..
الفندق ان شاءلله بيكون مناسب لكم .. واختيار ثاني الفندق اللي اللحين احنا ساكنين فيه
Marriot Grande Vista
ثنينهم موقعهم ممتاز .. رحله ممتعه ان شاءلله واي شي ثاني انا حاضره
تروحون بالسلامه

المشاركة الأصلية كتبت بواسطة *noonoo*
http://www.arabtravelersforum.com/tr...2/#post2204942

وااااااااااااااااو تقرير حلو


متابعينج




شكرا عزيزتي

المشاركة الأصلية كتبت بواسطة كاتالوني
http://www.arabtravelersforum.com/tr...0/#post2210600

يعطيك العافيه أخت Ozyeee على الطريق الوافي والكامل....

أتمنى لك أجازه سعيده مع العائله...

بالنسبه لي أنا أن شاء الله راح أكون في أورلاندو بتاريخ 28/8/2008 , لان الدراسه راح تبدا في سبتمبر..

وراح أطلع من مطار الرياض بس والله محتار على أي خطوط أطلع وانا نفسي أمر على لندن اجلس فيها يومين .....





نصيحتك على أي خطوط أطلع .....

وشكراً



الله يعافيك اخوي .. مشكووور ..
الله يعينك اليوم طويل عندهم وبيصيدك رمضان لكن ان شاءلله اجرك مضاعف ..
الله يوفقك بدراستك ..

بالنسبه للخطوط .. انا انصحك بالاماراتيه او الاتحاد وايد يمدحونهم انا شخصيا ماجربتهم بس رفيجتي على طول تسافر معاهم وتمر لندن او وايد مرتاحه منهم ..

البرتش كانسل معاملتهم زفت .. يعاملونه كأنه مانفهم شي .. يكلمونه بطريقه وايد تقهر وطائرتهم مافيها زود على الخطوط الثانيه .. احسن شي عندهم التوقيت دايما صحيح او مافي تأخير فقط لاغير!..

رحله موفقه وحاول تحجز التذاكر بأقرب فرصه لانه كل ماقرب الوقت زاد السعر ..

موفق ان شاءلله

المشاركة الأصلية كتبت بواسطة كاتالوني
http://www.arabtravelersforum.com/tr...9/#post2211639

أسعد الله صباحك أخت OZYEEE

أتمنى تفيديني عن جو أورلاندو بالتفصيل لأني بمشيت الله راح اصوم هناك ...

على شأن ما اصتدم بالجو وكيف المطاعم تعرفين رمضان والعزوبيه صعبه الواحد يصوم ولا يطبخ....

أكون من الشاكرين لك ....وللأخوان والاخوات..




رمضان باذن الله بداية سبتمبر ..
مااقدر اقولك انه الجو حلو لانه بصارحه حار .. لكن بنص سبتمبر يبتدي يعتدل الجو ..
انا اللحين في اورلاندو .. حر لكن طبعا مو مثل حرنا او كل مكان مكيف عندهم فان شاءلله الله بيسهل عليك وبتقضيه ..

بالنسبه للمطاعم هالشي لاتحاتيه ابداً .. عندهم مطاعم انترناشنال في كل مكان .. يعني من كل العالم .. وان شاءلله مع تقريري .. بحط لك المطاعم بالتفصيل .. فخلك متابع ولاتحاتي ..

المشاركة الأصلية كتبت بواسطة ام امريكان
http://www.arabtravelersforum.com/tr...1/#post2218831

هلا والله حيالله هل ماكسيكو ..

والله احس اني وياكم .. :101: .. اناااااسه

يالله بالتوفيق ترجعون فلوريدا بالسلامه إن شاء الله ..

انطر تقرير الكروز بفارغ الصبر ..




الله يحييج اكثر حبيبتي ..

ان شاءلله تينن او تستانسين وتعيشينا الاجواء .. من اللحين وانا اهني بعد ابي اعيشها :109:

الله يسلمج احنا وصلنا الحمدلله اللحين اورلاندو او بنزل التقرير باقرب فرصه ..

هلا وغلا

حمدالله عالسلامه .. شخبار الكروز .. إن شاء الله استانستوا ..

يالله ننتظر باقي التقرير ..

الله يعطيج العافيه ..

سلامي للوالده وللأهل ..

المشاركة الأصلية كتبت بواسطة fms
http://www.arabtravelersforum.com/tr...0/#post2218880

حمد لله على السلامه .. منوره امريكا

تقرير من بدايته حلووو و احلى شي التفاصيل ...

ان شاء الله تنبسطون و ترجعون بالسلامة ...



الله يسلمك اخوي .. منوره امريكا بنجمها :x1:

شكرا على التشجيع وانظروا المزيد ..

الله يسمع منك .. شكرا again and again

المشاركة الأصلية كتبت بواسطة i'am
http://www.arabtravelersforum.com/tr...0/#post2222730

الحمدلله على السلامه

رحلة حلوة وتقرير احلى

يعطيك العافيه



الله يسلمك ويعافيك شكرا :24:

المشاركة الأصلية كتبت بواسطة il Bambini
http://www.arabtravelersforum.com/tr...9/#post2223019

الله يعطيج العافية
ومتابعين معاج



الله يعافيك شكرا








المشاركة الأصلية كتبت بواسطة wld_alsheeo5
http://www.arabtravelersforum.com/tr...8/#post2223558

مشاء الله تبارك الله :24::24:

اهنيك ياخيتي على الصور والحركات والفله :24::24:

اذا ممكن سؤال

انا ناوس ان شاء الله اطلع ادرس في فلوريدااا وبالتحديد اورلاندو وش رايك

وش افظل اورلاندو ولا ميامي ...


وشاركلك :113:




شكرا على الاطراء .. :101:

بالنسبه للدراسه فميامي ماتصلح .. ميامي حلوه حق اسبوع بالكثير .. لكنها شوي خطره او النظام فيها مو مثل المناطق الثانيه في فلوريدا .. مع انه في وايد عرب يدرسون اهناك ..

في جامعات معروفه في تامبا واهيا تبعد ساعه عن اورلاندو ..

المشاركة الأصلية كتبت بواسطة البدو
http://www.arabtravelersforum.com/tr...2/#post2223722

ابي اعرف عن جو اورلاندو الآن ..

طالعه لها ان شاء الله تاريخ 5 - 8

واذا احد عنده جدول كامل للرحله يعطيني لاني اول مره ازورها انا والاهل ومعانا الاطفال










المشاركة الأصلية كتبت بواسطة البدو
http://www.arabtravelersforum.com/tr...4/#post2223724

وشلون عن ميامي الوالد حاب يزورها هل تسوى نروح لها ؟

وشنو احسن شي فيها ؟ احنا بنروح لها يوم كامل ..



اورلاندو حررررر .. مو مثل حرنا طبعا لكنها حر يعني ييبو اخف ثياب عندكم ابدا لاتثقلون او عموما الاسواق مترووووووسه ..

بالنسبه للجدول .. فانتي اول ماتوصلين اخذي تذاكر الباركات ..

ديزني ورلد .. 4 حدايق وحديقتين مائيتين ..

Magic Kingdom هذي يبيها يوم .. او اليوم اللي بعده روحو السوق .. فلوريدا مول مثلا ..
وبعده Hollywood Studio وبعدها بيوم روحو الصبح وال مارت او بالليل الداون تاوون ..
وهكذا .. يعني خلي الحدايق كل يوم او ترك عشان ماتتعبون ..
وعندج بعد حديقتين
Universal Studios و Island Of adventure
واخر شي SeaWorld هذي يبيلها يومين ..
الاسواق .. مثل ماقلت لج خليهم يوم او ترك بين المجمعات Mall at the mallenia and Florida mall والاوت لت ..
وال مارت او تارجت .. او فالليل عندكم مطاعم وايد مثل Red Lobster و Olive Garden غير الفاست فود
وان شاءلله وايد بتستانسون ..

-

اما ميامي فماينفع ابدا تروحون لها يوم واحد .. طريجها تقريبا 4 ساعات .. او اهناك المجمعات اكثر من اورلاندو .. او تقريري شمل ميامي كامله .. فاكيد صار عندج صوره اوضح بالوضع شلون اهناك ..

المشاركة الأصلية كتبت بواسطة ام امريكان
http://www.arabtravelersforum.com/tr...3/#post2226983

هلا وغلا

حمدالله عالسلامه .. شخبار الكروز .. إن شاء الله استانستوا ..

يالله ننتظر باقي التقرير ..

الله يعطيج العافيه ..

سلامي للوالده وللأهل ..



صديــــــــــــقتي ام امريكان شمسهرج لي هالحزه ؟
الكروز كان روعه وكلنا استانسنا .. اهلي من اهناك بتدو يخطوط للكروز الثاني ..
الله يعافيج .. وشلون البحرين؟

متابعين معاج رحله موفقه

المشاركة الأصلية كتبت بواسطة OZYEEE
http://www.arabtravelersforum.com/tr...7/#post2227017

صديــــــــــــقتي ام امريكان شمسهرج لي هالحزه ؟
الكروز كان روعه وكلنا استانسنا .. اهلي من اهناك بتدو يخطوط للكروز الثاني ..
الله يعافيج .. وشلون البحرين؟



هلا وغلا .. سكتي ما فيني نوده ..

تخيلي إن كل الكروزس إللي في شهر اكتوبر فللللل .. :110: بس بعد بنحاول لين آخر لحظه ..

عليكم بالعافية وتره إذا لكم نيه احجزوا من اللحين :109:

سكتي البحرين مووووووووووت حررررررررررررر ورطووووووووبه ولوووووعه .. إن شاء الله ما تلحقون على هالجو ..

مبين من اوله تقرير مشوق يا اوزي

سجليني من متابعين موضوعج

المشاركة الأصلية كتبت بواسطة عبدالله73
http://www.arabtravelersforum.com/tr...0/#post2227070

متابعين معاج رحله موفقه



شكرا لك اخوي

المشاركة الأصلية كتبت بواسطة Pink GirL Q8
http://www.arabtravelersforum.com/tr...1/#post2227451

مبين من اوله تقرير مشوق يا اوزي

سجليني من متابعين موضوعج



شكرا على الاطراء ... وخلج دوووووم ويانا :101:

يسلام حلو بس اختي ميامي اذا رحله شبابيه يعني كم يوم تكفي

بصراحه روعه روعه روعه
مع انه غريبه معامله البريتيش ايرويز كانت حلوه نوعا ما
الظاهر اختربوا..

ماعلينا, بصراحه اماكن روعه الي زرتيها, واهنيج على هالأختيارات الرووووعه
من المتابعين اكيد..

سفره موفقه أختي لك وللعائلة حقتك..................


كيف الاوضاع والمطاعم العربيه نبي تقرير عن المطاعم العربيه.......

لأني بصراحه راح اكون في أورلاندو على نهائية الشهر وراح أصوم هناك على شأن الجامعه؟؟

أنا في انتظارك ............

المشاركة الأصلية كتبت بواسطة لاتعاتبني
http://www.arabtravelersforum.com/tr...7/#post2235627

يسلام حلو بس اختي ميامي اذا رحله شبابيه يعني كم يوم تكفي



اذا تبون تشوفون كلشي 5 ايام كفايه ..
للعلم ميامي يا تحبهاااااااااااا وايد يا ماتحبها ابد! ..
يعني مافي احد قال عاديه ههههههههههه :114:

المشاركة الأصلية كتبت بواسطة USA Lover
http://www.arabtravelersforum.com/tr...0/#post2235910

بصراحه روعه روعه روعه
مع انه غريبه معامله البريتيش ايرويز كانت حلوه نوعا ما
الظاهر اختربوا..

ماعلينا, بصراحه اماكن روعه الي زرتيها, واهنيج على هالأختيارات الرووووعه
من المتابعين اكيد..



هذي الفكره اللي كانت عندنا قبل عن البرتش ايرويز ..
لكنهم السنه حطمو الرقم القياسي فالروودنس!

اشكرك على الاطراء اسعدني وايد وتشرفني متابعتك

المشاركة الأصلية كتبت بواسطة كاتالوني
http://www.arabtravelersforum.com/tr...8/#post2237688

سفره موفقه أختي لك وللعائلة حقتك..................


كيف الاوضاع والمطاعم العربيه نبي تقرير عن المطاعم العربيه.......

لأني بصراحه راح اكون في أورلاندو على نهائية الشهر وراح أصوم هناك على شأن الجامعه؟؟

أنا في انتظارك ............



اهلا اخوي .. بصراحه ماسفت غير مطعم واحد فلافل :109:
احنا اذا سافرنا ندور الغريب مانبي اللي عندنا .. لكن ان شاءلله بانتبه لهالنقطه او بقولك ..
لكن الاكل في امريكا ابدا لاتحاتيه .. السوبرماركت كأقل مثال كل الوجبات متوفره عندهم او طبعا مو مثل اللي عندها فيهم نكهه وطعم ... غير المطاعم! ..
فلاتحاتي اللي بيسهل ان شاءلله

اه ه ه ه ه ه ه هه


ذكرتي اختي بالسمة الماضية .. وعلى فكرة هي بنفس حجم الــ Freedom of the seas

لكن سفنتكم خلصة السنة الماضية !!

ذكريات لن انساها في الكروز الله يسهلنا برحلة ثانية على الي اكبر منها لما تنتهي بعد 3 سنوات

أنا مستمتع بالتقرير المفصل
شو بالنبسبة لموضوع الفيزا،،، ولا ما يلزم للجزر هذه
وشكرا