بسم الله الرحمن الرحيم
نمسي على الاعضاء بالخير
طبعا ً كنت مجهر اوراقي وماخذ موعد في يوم 7-7 ودشيت السفاره كان فيها كذا شخص قبلي وقت الوصول الساعه 7 ونص صباحا ً اكيد لانه في المساء يسكرون ( :109: )
المهم اخذت رقم وجلست انتظر بعد حوالي 10 دقايق جا دوري اعطيت الزول الموجود ( وكانت نفسه خاااايسه ) وهو سوداني واسمه عربي بعد ويتكلم احسن مني ما ادري ليش نفسه خايسه بس شكله ما تريق وما شرب شاي لا وبعد شكله مضيع فرشاة اسنانه. ( اللي يقهر جاته وحده لبنانيه محترمه وابو الشباب راح خرخر ماعليه يا زول لو تموت ما تعطيك وجه )
المهم بعد ما اخذ الاوراق وكل شي تمام وبصم بيدي على الجهاز قال امشي اجلس وخل الرقم معاك
وجلست انتظر ما ادري شالسالفه بس عرفت ان هذا الشخص الكاونتر من 3 الين 6 هم اللي يستقبلون الطلبات
وكاونتر 1 و 2 هذولا اللي عندهم المقابله
وننتظر والناس معاي ينتظرون كان قبلي تقريبا ً 5 اشخاص ولمن جات الساعه 8 نادوا اول واحد
المهم وكل واحد يجيه قاعد يسئله وانا قاط اذني اخاف يعني شي ولا شي اكون مبرز روحي للنحشه
من الطريف واحد فلبيني و معه خدامه قصدي فلبينيه يبون يروحون امريكا ما طول وياهم تقريبا ً 3 دقايق
ولمن طلعوا يا حبة عيني كل واحد قاعد يمسح دموع الثاني لاني سمعته يقول لهم سو سوري اي كانت قف يو فيزا بكوز يو ار نت كومباتبل ( طبعا اخر خمس كلمات من عندي :24: ) والله كسرو خاطري وقمت اعزيهم وعزمتهم عندي العزبه على لبن عيران احسن من امريكا كلها (:
بعدهم كان فيه واحد قبلي قعد تقريبا ً 10 دقايق
وجا دووووووووووووووووووووووووووووووووووووووووووووووووو وووووووووووري
يالله البلشه شاسوي ياربي اروح لا ما اروح المهم قعدت احوص مكاني بس ربي سهل وجيته واول ما شافني قال سلام عليكم قلت له وعليكم ( الخبيث شكله يهودي بس لو يموت مارديت السلام عليه المهم سئلني وشعندك قلت رايح مؤتمر قال وينه قلت ولايه مدري شسمها بس تشبه كنتاكي (كونتيكتيت )
قال اوووووه كونتيكتيت حتى انا ما اعرف انطقها (هـــع خلي اعرف انك منت بامريكي اصلي )
قال رح امريكا من قبل قلت اي قال وين قلت كولورادو قال وش عتدك قلت ادرس انجليزي قال اوووو قووود يو سبيك انجليزي (قلت فيري فيري قود بتر ذان يور فيس ) امزح قلت يس اي كان سبيك انجلش
المهم اسئله عاديه وين تشتغل وش تشتغل بعدها قال لي (((((((((((( رحت الحج او عمره بالعربي قالها طبعها لن مالها عندهم ترجمه لنهم ما يروحون للحج ولا للعمره الا المسلمين بس حبيت ازيد هذي المعلومه للي ما يعرف))))))
قلت اي رحت قال مع منو مع العايله قلت له مع ابوي
قال طيب
((السفره كان مفروض امشي يوم 12-7 ))
قعد شوي يطقطق في كمبيوتره قال عندي خبرين واحد حلو والثاني مش حلو
الاول راح نعطيك فيزه لمدة 10 سنوات
والثاني انها راح تتاخر وما راح تقدر تحضر المؤتمر لانه تحتاج اجراءات اضافيه في واشنطن وما راح تجي قبل 15-7
بس تقدر تدش امريكا اي وقت بعدين حتى للسياحه
قلت في نفسي انت ووجهك انا لولا المؤتمر ما رحت امريكا
سكت ورد الجواز علي وقال انتظر لين نتصل لك وانا لين اليوم انتظر 17-7
طبعا المؤتمر راح وخيرها في غيرها
اللي عنده استفسار للي بيقدم من قطر حاضر
اخوكم ولد البدو Albdo بس لظروف تم تغيير الاسم للبدو لنه ماعادني بولد صرت شيبه
وهذا اللي صار من طقطق لسلام عليكو :11ight::11ight:مواضيع عشوائيه ممكن تكون تعجبك اخترناها لك:
- سوال بخصوص الفيزا
- قررت اطلع الجواز الامريكي وعندي بعض الاسئلة
- طباعة الفورم
- ميلواكي ويسكانسون
- محتاج مخطط لرحله سياحيه بامريكا لعائله افراد
- معقول تلفون السفاره مشغووووووول على مدار الساعه
- رحلتي القصيرة نيويورك ونيوجرسي
- ميـــامي والساحل الشــــرقي أخبــار الطقس والعـــواصف بنوفمبــــــر
- بليز مساعده يا اهل الخبرة في الفنادق
- ارجو المساعده
- استفسارات مهمة لاخواني الخبراء
- اهل الكويت على اي طيران تحجزون بالصيف لي
- رحلة سياحة الى أمريكا في صيف
- ما هي احسن بطاقه للاتصال على السعوديه
- يا شباب وين احصل سكن مناسب
- بلليييز ادخلو اريد مساعدة ضرورية
- أستفسار
- ابي رايكم ابي اسافر لم احجز موعد هل الوقت والامكانية موجودة
- ممكن ادرس انجليزي بفيزة الزيارة ؟؟
- الخطوط التركيه ودرجة الراحة
رد مع اقتباس
المشاركة الأصلية كتبت بواسطة qatar3333
المفضلات