الموضوع: سؤال بخصوص مواصلات نيويورك؟؟

مســــــــــــــــــاكم الله بكل خيـــــــــــــــــــــــر

السنه هذي قررنا نروح لامريكا في جوله عليها خط الرحلة كالتاليالرياض - نيويورك - اورلاندو - لاس فيقس - سانديغو - لوس انجلس - سان فرانسيسكو) سؤالي:

حنا بالرجعه بنجلس في نيويورك 3 ايام وبنسكن في احد الفادق القريبه من المطار(jfk) في منطقه تسمى جامايكا الموضوع الي ودي استفسر عنه المواصلات:
هل في مترو ولا شاتل باس لان التكاسي غاليه وحنا نبي نروح لمنطقه التايم سكوير والتكاسي غاليه لان المسافه تقريبا 45 تقريبا

مواضيع عشوائيه ممكن تكون تعجبك اخترناها لك:

• امريكا والترانزيت
• شريك الخطوط القطرية؟؟
• سوق أمريكا
• اخواني طلب صغير جدا
• تحديد موعد المقابلة للفيزا الكويت
• أستفسار بسيط ولا تهونون ؟
• مااحصل لي اثناء المقابلة
• ياليت تكون عندكم معلومات تساعدوني
• تهقون ألقى موعد في الإجازه توقع فقط لا اكثر
• من استفسار عن لوس انجلس
• استفسار بشأن دورة لغة في امريكا
• سامعين في المثل الي يقول اذا زرت امريكا ماتفكر اتزور بلد غيرها
• بالنسبه لفيزة ولدي
• عاااااااااااااااااااجل جدا
• سؤال عن الفيزا السياحية تجديد جواز أمريكي
• استفسار هام جداً جداً جداً
• هذا ما حصل معايه اليوم في السفاره الامريكيه ارجو المساعده
• الرجااء من سيادتكم الرد ضروري و شكراا
• مساعده في البحث عن فله للايجار لمدة شهر
• تعليمات الخطوط السعودية بشأن إجراءات السفر الجديدة من وإلى أمريكا

طيب ليش ما تسكنوا في التايم سكوير وتوفروا ثمن التكاسي والمرمطة

بالتوفيق

حنا مشتركين في برنامج ماريوت(التايم شير) والنقاط الي بقيت لنا ما تكفي الى للسكن بالفنادق الي قرب المطار هذا هو السبب بس سؤالي اتمنى الاجابه عليه لان السفر الجمعه الجايه 26 جولاي 2008

كأمان مالكم الا التاكسي ... المشوار 40 او 50 دولار أو اقل يمكن ... لا تجازفون ... المترو في امريكا مخنلف مو مثل اوروبا ...

شكرا اخوي (impact) على سرعة تجاوبك بس بخصوص البطاقات وين القاها في المطار واذا اقدر القاها برى المطار وين الاقيها؟؟

اختي (بنت الصقور) اشكرك على حرصك بس حنا عائله كبيره والتاكسي يبيلنا اثنيين يعني ب 120 دولار الروحه بس انا اقول نخلي الروحه بالمترو الصباح والرجعه نخليها بالتكسي الله يعين

نيويورك فيها شبكه subway ممتازة .. ولكن المشكله ان اغلب فنادق المطار ان ما فيه شي قريب منها تقدر تمشي له .. حتى لو كان فيه بيكون في شوارع سريعه.. و لكن بعض الفنادق تقدم خدمه باص الى محطة السبواي ..

التذاكر تلاقونها عند المحطة نفسها .. تقبل كاش او بطاقات .. الرحله اتجاه واحد تكلم 2 دولار .. ولكن في اسبوعي ب 25 دولار او شهري ب 81 دولار. القطارات موجوده على مدار الساعه ولكن بعد الساعه 11 يكون وقت الانتظار اطول عاده لان يمكن القطار ما يمر الا كل 20 دقيقة او نص ساعه مرات يعتمد على رقم القطار.

بالنسبة للامان .. الحمد لله انا استخدمها من شهر جانيوري وما شفت اي مشكله فيها .. ولكن الي يعيبها ان في نسبة كبيره من الطبقة الوسط او الفقيره .. بس ما يهموني كل واحد بحاله.

ملعومات اكثر عن الاسعار و الخرايط موجوده على موقع الشركه :

http://www.mta.info/index.html

وبنفس الموقع فيه خدمه حلوه اسمها Trip Planner

هذي تحط العنوان الي انت فيه و الوجهه وهو يوضح لك افضل طريق تستخدمه.

وفي موقع ثاني ممتاززززززززز



http://www.hopstop.com/

هذا استخدامه اسهل و تقدر نفس الشي تحط البدايه والنهايه و يطلع لك افضل طريق تقدر تستخدمه. وفيه خدمه يحسب لك كم راح يكلف التاكسي تقريبي طلعا .. لان يعتمد على الزحمه والطريق الي بيستخدمه السواق..

المترو
او الصب واي مره ممتاز وحنا استخدمناه بس يبغالكم تطلعون بسرررعه قبل ينصك باب القطار متعقده

مشكور اخوي (fms) على الرد الشافي ةالكافي وانا الاحظ تميزك بالمواضيع واسلوب الطرح الشامل والكامل اتمنى لك التوفيق

اختي (امومه) شكل باب القطار مسببلك مشكله على العموم حنا راح نحاول نجلس قريب من الباب عشان ما يصير لنا مثل الي صار لك وناخذ موقف من الابواب كلها....