الموضوع: ميزانية شهر العسل

السلام عليكم


شلونكم؟ ان شاء الله تمام :24:


لو سمحتوا ممكن تساعدوني :36_1_7:


أنا وخطيبي نفكر نروح أمركيا لشهر العسل :106: (كاليفورنيا، نيويورك، واشنطن دي سي، فلوريدا، فيغاس)
طبعا مو كل المدن اللي ذكرتها بنزورها بس بنختار كم مدينه منهم،،
أبي أعرف كم لازم تكون الميزانيه(التذاكر والسكن والمواصلات والأكل وتذاكر محلات السياحه)
اذا كانت المده من 3 أسابيع إلى شهر وفندق 5 أو 4 نجوم؟


محتاجه مساعدتكم لأن كم مره أدخل تقارير مايكتبون فيها الأسعار،، وخاصة بعد ارتفاعها هالسنه..



الله يوفق كل اللي يردون علي ويساعدوني ولو بجزء بسيط



مشكورين

مواضيع عشوائيه ممكن تكون تعجبك اخترناها لك:

• أهم الاماكن في اورلاندو
• هل هذا الموضوع صحيح أرجو الرد
• استفسر عن مكاتب خدمات في الرياض عشان الفيزا
• شيكاغو
• يا عينــــي على عالم ديزنــــي لمّا من بعيد بعيونــــو غمزنـــــي
• سؤال لبنت الصقور مع التحية والتقدير
• نبراسكا اوماها ۔ الاربعاء القادم ان شا ءالله
• استفسار
• هل يمكن تغيير نوع الفيزا
• مدينة ولايه نيفادا
• السكن في أورلاندوا والمطاعم العربية
• اخذ اللاب توب
• أفضل المناطق للسكن بالطريق بين سان فرانسيسكو ولوس انجلوس
• هل اجرب ولا لأ ؟؟
• حدي حدي متوهقه ساعدوووني ضروري
• موعد للسفارة
• انا عايز ايميل سفاره امريكا علشان اقدر اراسلهم
• تكفووون احد يفيدني
• مكاتب ايجارالسيارات بلس انجلس
• تكلفة التذاكر

وعليكم السلام اختي

اول شيء وقت السفر اذا كان بالصيف اكيد الاسعار بتكون غاليه بعد الصيف كلشي ينزل ...

شهر اكتوبر يعني بعد رمضان الجو بأمريكا راح يكون حلو والاسعار منخفضه بالنسبه للصيف

اولا الطيران حسب شركة الطيران اللي راح تسافرين عليها مثلا القطريه اسعارها ممتازه واليونايتد تطلع من الكويت اسعارها ممتازه و عندج طيران الدلتا يطلع من دبي كلهم يروحون دايرك الى امريكا واسعارهم جدا ممتازه حددي لي المده و من وين الطيران وان شاءالله راح اقول لج بكم....

ثانيا الفنادق بعد تنزل اسعارها بعد الصيف ...

من ضمن الولايات اللي ذكرتيها فلوريدا وتحديدنا اورلاندوا ... ارخص من الباقي ... لكن مو الرخص القبلي لكن بالنسبه لهم ارخص وحده

ذكريلي مدة الرحله وان شاء الله .... راح اوضح لج الاسعار اكثر

هلا والله

نبي نسافر في ال low season يعني قولي شهر اكتوبر أو بداية السنه وبيكون من 3 إلى 4 اسابيع.. ومادري أي طيران،، انتي شنو تنصحين؟ بما انج من البحرين يعني بنت بلادي

وأي ولايات تنصحين نزورها؟

وبالنسبه لأسعار الفنادق يعني أبي مبلغ تقريبي بس عشان يساعدنا نحدد ميزانيه..


وهل الحياه في امريكا غاليه مقارنة بأسعارنا في الاشهر ال low season ؟


مشكووووووووووووووووووره فديتج ماقصرتي

المشاركة الأصلية كتبت بواسطة q8expert
http://www.arabtravelersforum.com/tr...7/#post2172627

أنا من أجمل سفراتي اذا رحت اميركا
بالنسبه لي فأنا أنصح لشهر العسل ماكو أحلى من كلفورنيا ولاس فيقاس ونويورك على الطريج لشلالات لنياقرافوز

المييزه الحلوه في كافورنيا الجو الجميل اللذي لا يتغير طول السنه أي لا ثلج فيه فقط أمطر خفيفه و الجو الربيع فقط يمر الحر في نصف 7 الى نصف 8 وتكون تقريبا 30 س ولكن لو اتلاحظون ولايت كلفورنيا ماخذه شكل طولي يعني الأجواء متغيره من مكان الى آخر داخل الولايه
بمعنا آخر اذا ذهبت الى يوسمتي في وقت الحر ستجيدينها بارد وأمطار أما في سانفرانسسكو الجو العجييب في الصيف وأيضا ايرفاين و نيوبربييج .
النقطه الأجمل أن لاس فيقاس تبعد عن كلفونيا من محافظة أورنج 3 ساعات بالسيارة وأيضا أنه كل أمريكا ستجدونها داخل أجمل ولايه وهي كالفورنيا. من دزني و سيورد و يونفرسال ستوديو و سكسفلاقز وأجمل شواطء العالم أعظم الأشجار و الطبيعه
و فوق هذا أن منطق ارفين تعتبر من أامن مناطق أمريكا و شركة قوقل داخل هذه المنطقه علا شارع جامبري
ولاكن أهم شي اتأجر سياره بدون سياره ماراح تستانسون

وذا اي سوؤال عن كليفورنيا ولاس فيقاس أنا حاضر لأني عشت أحلى أيامي في كليفورنيا أدلها شارع شارع



شكرااااااااااا ماقصرت

اي ان شاء الله بحتاج لمشورتك بس خلنا نقرر المناطق بالضبط..

ماتقصر أخوي

المشاركة الأصلية كتبت بواسطة Impact
http://www.arabtravelersforum.com/tr...6/#post2175096

اختي الكريمة ..

في البداية الله يتمم عليكم بخير ويوفقكم ..

ثاني شي الميزانية صعبة تتحدد قبل ما تحددوا الاماكن بالضبط !!

مثلا السكن في نيويورك غالي واورلاندوا رخيص ولوس انجلس متوسط الى غالي !!

المتوسط للاسبوع تقريباً شامل كل شئ مع التذاكر 4000$

وعليكي الحساب وممكن تزيد وممكن تنقص

بالتوفيق



شكرا أخوي ماقصرت

زين عطيتني مبلغ تقريبي على الأقل نقدر نحدد ميزانيتنا


مشكووووور

المشاركة الأصلية كتبت بواسطة OZYEEE
http://www.arabtravelersforum.com/tr...5/#post2176055

اهلين اختي

مثلا من 6-اكتوبر الى 6-نوفمبر

على القطريه تروح نيويورك دايرك المطار Newark, USA
السعر على Business = 1,220.30 BHD
Economy = 440.30 BHD
للشخص الواحد

على British airways البحرين - لندن - لندن - نيويورك المطار JFK, USA
السعر Business = 2,210.80 BHD
Economy =529.40 BHD
للشخص الواحد

الفنادق :
New York

عموما فنادق نيويورك غاليه راح اذكر لج سعر كم فندق لليله الواحده في 6-اكتوبر :
Sheraton New York Hotel And Towers
السعر = $359

W New York - The Court
السعر = $479

Washington, DC

Tysons Corner Marriott
السعر = 229$

Orlando, FL

Hilton Orlando Resort Lake Buena Vista
السعر= 176$

Embassy Suites Lake Buena Vista Resort
السعر = 160$

Walt Disney World Dolphin
السعر = 218 $

Las Vegas

New York New York Hotel & Casino
السعر = 150$

Caesars Palace
السعر = 220$

Wynn Las Vegas
السعر = 269$

Los angles,Ca

Hollywood Roosevelt
السعر = 279$

الاكل و المواصلات و حدايق و العروض 3000$ الى 4000$

وكل الاسعار اللي كتبتها لج من موقع http://expedia.com
واتمنى اني اكون افدتج



شكرا شكرا شكرااااااا

ماقصرتي أختي

الله يوفقج دنيا وآخره

المشاركة الأصلية كتبت بواسطة أمونه
http://www.arabtravelersforum.com/tr...6/#post2177596

بالنسبه للخطوط انصحك بالسفر على القطريه او الامراتيه مريحه جدا



مشكووووووووره أختي عيل بحاول أدور عليهم