الموضوع: رحلتي القصيرة إلى باريس إلى

[center][b][size="3"]بسم الله الرحمن الرحيم

احب اشكر كل العضوات والاعضاء اللي افادوني بمعلوماتهم وتقاريرهم بدون ذكر اسماء لاني اخاف انسى احد واشكر المنتدى على هالمنتدى الروعه

في البدايه ماحبيت انزل موضوع لانه ماكو شي يديد في موضوعي لكن بعد موضوع الاخ طير قررت انزل موضوعي يمكن افيد البعض بالامور اللي احصلتلي هنااك

وقت الرحله
30/5 إلى 6/6/2008

خطوط الطيران



خط الرحلة

الكويت – الدوحه – باريس – الدوحه – الكويت

طبعا ماتتخيلون انا اشكثر بخاطري اروح باريس وكنت اخطط للسفره من اشهر واقرى مواضيع عشان استفيد وكل موضوع اقراه للاعضاء يزيد الشوق والرغبه لي في السفر

طبعا بحكم اني بسنه تخرج كانت السفره هديه من الوالد والوالده الله يطول بعمرهم لكن سفرتي كانت اثناء اختبارات الفاينل يعني تخيلوا انا قدمت 3 اختبارات من باجر سافرت ولما رجعت من السفر قدمت اخر اختبار وطبعا فجأه اصدفت بالوقت هذا لانه اخوي اللي بوديني ماعنده اجازه إلا هالوقت واذا مارحت ماراح اروح نهائيا فقل اهم شي السفره الاختبار مو مهم ههههههههه وتمت السفره

عدد الأشخاص

أنا واخوي 

طبعا حجزنا التذاكر عن طريق موقع القطريه وكانت التذكره رخيصه اعتقد 160 دينار للشخص ومكاتب السفريات كانت ابــ 230 دينار شوفو الفرق ولحسن الحظ انه سفرتي كانت بتاريخ 30 لانه اب 31 الموقع رفع سعر التذكره لي 230 دينار

الفندق



الفندق من فئه 4 نجوم

موقع الفندق

http://www.royal-elysees.com/

رايي بالفندق

من مميزاته : قريب من الشانز تقريبا 3 دقايق مشي وعند الشارل ديقول ومحطات المترو وسعره حلو 60 دينار باليله والفندق دورين ومايوصل 20 غرفه حتى
من عيوبه : الغرفه صغيره والحمام صغبر وانا هذا ماعندي مشكله فيه لكن المشكله انه الاثاث شوي لكم عليه

يعني انا برحلتي الفندق ماكان همني اقعد بفندق كشخه لانه الفندق ماني قاعده فيه بس لوقت النوم واستفيد من فلوسي بشي ثاني
انصح بالفندق للشباب من حيث الموقع واللي تفكيرهم نفس تفكيري
او ممكن يشوفون فندق ابعد شوي لكن اثاثه وايد احسن ونفس السعر مثل

Best Western Premier Elysees Bassano

وراح اجربه المره اليايه ان شاءالله



التاريخ 30/5

يوم الرحله قمنا الصبح وتريقنا وقطنا السايق المطار ودخلنا اغراضنا
وكل شي كان تمام
وتقهوينا بكافيه لحين موعد طيارتنا
كان موعد الطيران اعتقد 9:40
ركبنا الطياره وكانت صغيره وعطونا سنااك وجبه خفيفه
وصلنا الدوحه
والترانزيت كان ساعتين
بعدها ركبنا طياره اكبر وحلوه
والرحله مريحه ولكن عيبها شي واحد
الطياره كلها فرنسيين يمكن بس اثنين 4 خليجين معانا والريحه اصرعتني
والله والله ماني قادره اقعد من الريحه
وهذي كانت مشكلتنا
والريحه تخيلو طول 7 ساعات
لكن بعد ما تشبعنا من الريحه الاحساس صار اقل ;Pp
وطيران القطريه ممتااز وهذي المره الثانيه اللي اسافر على القطريه وممتازه

وصلنا على 8 بتوقيتنا على ما صفطنا ههههه

مواضيع عشوائيه ممكن تكون تعجبك اخترناها لك:

• طلب ترتيب رحلة يوم
• مخططي لباريس أيام رايكم يالخبراء؟
• انا مسافر الى فرنسا و اريد اي معلومات عن كومبين
• يا اهل الخبرة ارجو اجابه وافيه جزاكم الله خير
• ミ☆ミ ミ☆ミ
• النمسا حتى فرنسا
• مساعدة لباريس لمدة 3 ايام
• ترشيحاتكم لـ فندق في باريس
• ابغى مساعد خط سير اوربا
• صور من عدستي باريس
• لخبراء اوروبا وفرنسا بالتحديد استفسار عن ستكر المعاقين للسيارة
• السفر من باريس الى ميلان
• ساعدوني ياخبرا هناك استفسارات والسفره بعد ايام
• كم تكاليف السفر
• المدير وربيع الشام
• ليه اغلب المواضيع مافيها صور
• مساعدتي في ترتيب رحله افضل مكان للسكن
• صور منتقاة لباريس من ابن نجد
• اول مرة اسافر لباريس
• رحله الى باريس

الحمدلله على سلامتج اختي وناطره باقي التقرير

سعره باليورو يعني كم

اعتقد والله اني سكنت فيه زمان (اياااااااام الفرنك)

على فكرة ليه ما اخذتو الميترو

ارخص لكم من التاكسي

لا اختي كبدايه واول مره اروح باريس ماعندي خبره

وبعدين اول مقلب صارلنا كان بالمترو وبتعرفينا ان شاءالله

وسعره باليورو ما ما اذكر بس تقديري 150 يورو

عااااااااشت أدليم ...وأخيرا فيه تقرير جديد

يالله ...بسم الله نبدأ ...عاد هااااه نبي تقرير يكسر الصخر..

بداية جميلة ومرتبة
سعر تذاكركم خطيرررررررررررر رغم اني سألت الإماراتية والقطرية ايام رحلتي عن سعر تذاكرهم لقيتها اغلى من سعر السعودية الي كان في حدود 2100 على ما اذكر كان في حدود 2600 ريال رغم ان رحلاتهم حوسة وترانزيت بالذهاب والعودة لكن سعركم في حدود 1900 ريال تقريبا وهو جدا ممتاز بس حتى لو حصلتة ما اخذه لأني احب الرحلات الدايركت الا اذا كان الفرق يستاهل العنوة ..

منتظرين باقي التفاصيل والمفاجئات وياليت يكون فية شوي صور تسوي اكشن
دمتِ بخير

مالي خلق

لا تحطمني ماعندي تقرير يكسر الصخر ولا اماكن يديده بس اتمنى تفيدكم المواقف اللي صارلتلي



اخوي طير

سعر مكتب القطريه يختلف عن موقعهم احنا اللي تشتغل بالكويت قالت اذا تعرفون تحجزون بالموقف افضلكم وارخص والحمدالله

وعلى الترانزيت كان بخاطري مطار دبي بس مااحصلت وانا اخوي كان هدفي القى سعر حلو عشان استفيد من فلوسي بشي ثاني

وسامحوني مافيه صور لانه اغلب الصور شخصيه لكن اوعدكم بصور من كاميرتي

فعلا اختي دائما الاسعار في النت ارخص الصيف اللي طاف حجزت عالقطريه بالنت الى لندن فقط 170 دينار والله رخص الله يعز القطريه دائما عروضهم حلوه

ماشاء الله...بداية رائعة...

وسوالف ما تنمل الصراحة...

سجليني متابع...

ماشاء الله...بداية رائعة..

السلام عليكم ..

صج ان بعض الامور ما صارت معاكم ابسهالة ، بس اهم شي انج استانستي و ان باريس اعجبتج

حابة اعرف اخت اديم وين فتح مطعم الانتركوت بالضبط بالكويت ؟

ويعطيك العافية

حلوووو ونتريااا الباااقي ^^ يعطيج العااافيه

ماشاء الله من اروع التقارير

ننتظر باقي التقرير

بس حبيت اسألك وش هو لا فيلا فيلاج الأوت ليت ؟

بالبدايه اخواني وخواتي سامحوني على التاخير لاني كنت مسافره دبي

وان شاءالله انزلكم الجزء الثالث قريبا


traveler777
لا اخوي مو بس عرض رخيص لكن حتى طيارهم ممتاز والحين يقولولك فاتحين مطارهم اليديد ويمدحونه وخاص بس لطيران القطريه يعني الخطوط الثانيه على المطار القديم والله اعلم

al-7lwa

مشكوره اختي رفعتي معنوياتي

والله يكتبلج رحله مفاجئه جد لها طعم غير

il bambino

حياك اخوي يسعدني ذلك

ابوكيان999

شكرا اخوي وشكرا على تعقيبك


ام ريوم

وعليكم السلام والرحمه

لا والله اختي كل شي مشى تمام لكن لابد من السوالف الصغيره :24:

والانتركوت فتح بالبدع عند فندق الموفيمبيك اللي بالبدع وعندنا مطعم ثاني نفس طريقة الانتركوت بالفنار تحت زارا بالضبط


أشواق_دبي

يا هلا بأهل دبي توني راجعه من دبي

الله يعافيج ويخليك ويسعدني مرورج


MisS DioOoR

مشكوره اختي والله رفعتوا معنوياتي

الفيلا فيلاج هذي عباره عن مباني صغيره يم بعض كلها ماركات لكن تكون البضايع للموسم اللي فات مو الموسم الجديد ويكون عليها خصم


جوري احمر

مشكوره اختي وان شاءالله التكمله عن قريب

انتظروني ... :24:

يعطيك العافيه

ومتابعين معاك

دمتي بووووووووود

الله يعافيك الدم الاخضر

تقرير جميل

و مبروك التخرج

نترياااااااااااااااااااااااااااااااااااااااااااااا ااااااااااااااااااااااااااااااج

يعطيك العافية اختي.....

ومنتظرين المزيد

بالتوفيق

Selena Gomez

الله يبارك بعمرج .. ومشكوره على تعليقج الحلو

dm3a

وانا بعد أريااااااااااااااااااااااااااااج Pp;

ومشكورره على مرورج

تقريرك ممتع

و متااابع

v-ray - Unpredictable

شكرا على مروركم وتعقيبكم

الصور حلوه ورائعة تسلم أناملك على الكتابه

تقرير ممتع وخفيف دم
الصراحه وسعتي صدورنا

يعطيك الف عافيه

@المسافر662@

مشكور على مروركم وتعقيبك

house wife

تسلمين اختي والله اسعدني كلامج

والله يعافيج وبصراحه الاعضاء ماقصروا ارفعوا معنوياتي

الله مع اني ماكنت مفكره انزله قلت ماراح يفيدهم

متابعين اختي الموضوع رائع والصور أحلى ... وشوقتيني أذوق كريم بوليه ان شاء الله السفره الجايه عليكم بالعافيه

متابعين اختي حلو تقريرك وتسلسلك في عرض الرحله

مبروك التخرج والله يخلي لك امك وابوك ان شاء الله

traveler777

مشكور اخوي على التعقيب وذا تبي كريم بروليه انا اسويلك كريم بورلي كويتي Pp;

aaj789

الله يبارك فيك وشكرا على الدعاء الحلو والله يخليلك اهلك ويطول بعمرهم

وشكرا على التشجيع الحين الواحد يقدر يكمل

الجزء الاخير

3/6

متحف اللوفر

باليوم هذا تأخرنا شوي بالنوم ..
لاني كل يوم لازم اقوم اخوي مبجر مافيه مابي اضيع وقت ..
وبعد جم رحلة كنسلتها مثل ما قتلكم شامونيه وانسى عشان الجو ..
وحتى قصر فورساي مارحتله لانه صراحه مالي خلق اروح اشوف قصر وارجع ..
وخاصه اني رحت متحف اللوفر ..

اكمل معاكم قمنا من النوم وتريقنا وهالمره دلعنا نفسنا ورحنا ستاربكس ..
داخل مبنى لا كلاريج بالشانز ...
وبعدها رحنا متحف اللوفر ..







المتحف كان زحمه وطابور اشطوله ..
لكن ماشاءالله كل شي منظم ومشينا بسرعه ..
طبعا شقولكم عن متحف اللوفر كبييييييييييييييييييير ويضيع ..
ومايمديكم تخلصونه بيوم ..
ولا تنسوون تاخذون خريطه من عندهم وباللغة العربيه ..:24:
ومن نصائح احد الاخوان بالمنتدى ..
بديت من دينون Denon


ومرينا على الرسومات لايطاليه والفرنسية والاسبانية ..
وصراحه شدني القصر ..
للعلم ترى المتحف قصر واقلبوه متحف بعد ما عدلوه ..
لانه احترق ..
وزخارف السقف شي خيال يعني شنو كان عيشه ملوكم قبل قرون ..
واحنا وعليه وعلى شيوخنا بيت طين بس فيه ليوان ماادري مجلس كبيره ..:109:
ههههههههههههههه







يعني جد ملوكم كانوا عايشين بعز ..
والزخارف بكل قطعه من القصر بالباب والدريشه بكل شي ..

ومرينا على الفنون الافريقيه





ومرينا على الفنون المصريه الفرعونيه



وبصراحه تعبت وانا امشي ..
ومليت وقررنا اندور الشي المهم بالمتحف وهي الموناليزا ..
وهذا الطريق للوحه ..



رحنالهم وخذينا صوره والناس زحمه عليها



ماادري شقولكم عن الموناليزا ..
احس ماخذه اكثر من حقها ..
لانه بصراحه في رسومات خياليه بالمتحف ..
بس يمكن بوقتها كانت شي ..

عقب التعب والجوله الطويله وطيحت الريول ..:110:
طلعنا وتغدينا بمطعم بمتحف اللوفر من الخارج ومو داخل المتحف ..
وكان حلو اكله ..
تكرمون حتى الجلابه ياكلون معاهم ولهم ماعون خاص من المطعم ..
ههههههههههه مدلعين ..


عقبها على طول خذينا المترو ورحنا الغاليري لافييت ..
كان باقي ساعتين وكنت ابي اخذ نظره على المجمع ..
وصلنا المجمع..



المجمع زحمه مو طبيعيه ..
طبعا كل طابق متخص بشي ..
طابق حقائب وميك اب ..
طابف احذيه ..
طابق ملابس داخليه ..
طابق ملابس كاجوال وسبورت ..
وطابع بدلات رسمية ..
من كل الماركات ..

يعني الماركه نفسها نفترض Cucci ..
مو كل منتجاتها بمكان واحد له مفرق بكل طابق حسب تخصص كل طابق ..
ويمه لازق مبنى ثاني للمجمع لكن كله رجالي وقسم اطفال لاني لمسحت شي للاطفال ..

شريت عطور واشياء بسيطه ..
وطلعنا منهم وقلت راح ارجع باجر ..
وراح يكون اليوم كله تسوق ..

طبعا احب انبهكم عن شي مهم لا تنسون التاكس فري ..
اللي يروح متحف اللوفر ويشتري ويخلص ينزل اخر دور ..
يلقى اسهم ولافتات تبين له مكان التاكس فري ..
يروح ويصف دور ويعبي بياناته ..
عشان ياخذ التاكس فري ..
ولا تنسووون تاخذون صوره من جوازكم كل مكان تروحوله ..
سواء بتشترون خط او اي شي ..
وحتى ديزني لاند ..
انا ماتوقعت عندهم تاكس فري وطلع عندهم انتبهوا ..
عشان تستفيدون من التاكس فري حرام ..

انتظروني مع تكملة الجزء الأخير ..

تكلمة الجزء الاخير

4/6

Shopping day

قمنا الصبح و تريقنا ورحنا ..
الغاليري لافييت ..
قضيت اليوم كله فيه ..
انا رحت مجمع الحريم واخوي الرجال ..
وطولنا عقب ما شرينا عشان ناخذ التاكس فري ..
وكنت ابي شي بدله سهره بس مالقيت شي دش مزاجي ..
االمهم رجعنا بتاكسي الفندق ..
حطينا اغراضنا ورحنا الشانز تمشينا وتعشينا في الانتركوت للمره الثانيه ..


5/6

كان شوبينق دي بعد ..

رحت حق مجمع PRINTTEMPS
وهم بجانب الغاليري لافييت ..
واللي عجبني بالمجمع انه هاااااادي جدا ..
وتتسوقين ومزاج ..
وفي نفس الماركات بس احلى واهدى يخليج تتسوقين على رواق ..
طبعا دور بالمجمع كله لقيت بدلات اعجبتني ..
لكن مع ذلك مو اللي بخاطري ..
بعد ما خلصت قلت بمر محل امس شفته وانا راجعه بالتاكسي ..
رحنا المحل مشي لانه يم المجمع ..
ولما ييت بدخل والقاه مسكر ويضيق خلقي ..
طقيت الباب ماكو احد ..
قلت حق اخوي حسافه ولا اشوف وحده تطل من فوق ..
ولا االمحل يطلع بمواعيد ..
والباب طلع من نفس يتسكر وما يتبطل إلا من داخل ..
والمحل ما اييب إلا حق مصممين عالمييين ..
دخلت على بالها انا عروس عشان شافوا اخوي ..
ههههههههههه
قتلهم اسم الله علي هذا ريلي ..
هههههههههه
قعدنا انتناجر انا واخوي ههههههههه
بعدها شفت البدلات ولقيت البدله اللي عجبتني وقايستها ..
وخذيييييييييييييييتها ..
واخيييييييييييرا ارتحت ..
طبعا المحل حلو وراح اعطيكم اسمه ..
لانكم تستاهلون ..

PRONOVIAS

المحل حق مصمم اسباني ..
لكن اييب حق مصممين ثانيين ومنهم ايلي صعب ..

رجعنا الفندق ونمنا شوي لانه اخوي كان مريض ..
وبعد ما قمنا تمشينا بالشانز ..
وكنت ابي اركب الباص بس قالت بنروح محطه وحده بس قلت ما يسوى ..
وتمشينا لما قلنا بس ..
لانه اليوم اخر يوم ووداعيه ..
ولما مرينا فيرجن نعبي كرت التلفون ..
ولا زحمه ونقول شاسالفه اشصاير ..
ولا ييابين فرقه موسيقيه من هذول اللي شعورهم اطوال ..
منزلين شريط يديد ..
والناس تاخذ تواقيع وتصور معاهم ..
عاد انا ابيها من الله اقول لاخوي بروح اصور ..
قال اقول قعدي بس هههههههه
تعرفينهم عشان تصورين ههههههههههه





ومرينا على شارل ديقول ..
طبعا يا اخوان جارل ديقول قوس النصر اللي تشوفنه في متحف ..
انا شخصيا ما كنت ادري وعرفت من بروشور خذيته من المطار ..
طبعا رحتله عن طريق انفاق المترو ..
تنزلون الدري وتمشون لي تطلعون من النفق الخاص بالقوس ..
وشفت المقابر ويقال انها لجنود واسماء جنود محفوره على القوس ..
على حسب كلام الاعضاء بالمنتدى ..

وصراحه تكيسلت اني ادخل هالمتحف لانه صغير وحسيته ما يسوى لكن انتوا تقدرون تدخلونه ..





هذا المنظر او الشارع مقابل الشارل ديقول من الجهه الاخرى ..
اي مو من جهه الشانز لا الجهه الثانيه ..
واعتقد هناك المنطقه الحديثه ..



وبعدها رجعت الفندق ..

ضبطت اغراضي وسكرنا جناطنا استعداد حق باجر ..

66

قمنا الصبح وتريقنا ونزلنا جناطنا واستعدينا للروحه للمطار ..
ولله الحمد كل شي تم على اكمل وجه ..
ووصلنا ارض الوطن سالمين ..


وبالنهايه

اشكر اخوي وايد وايد وااااااااااااااايد
لانه ما قصر معاي بالسفر وكانت السفر على كيفي
واستانست معاه الله يونسه بالعافيه

وان شاءالله نكونون استمتعتوا برحلتي واستفدتوا لو شي بسيط

رحله حلوة وهادية الله يوفقك يارب ويرزقك الرجل الصالح الي يسعدك ويسفرك كل شهر

بصراحه تقريرج ولا اروع

واااااااااااااااااايد حلوووو وانا زرت نفس الاماكن في شهر العسل بس ان شاء الله اني ارد ها السنه باريس ..

بس بصراحه الفندق اللي سكنتوا رخيص معقوله شخصين ومع الافطار ب 600 درهم لليله ..

نحن سكنا في الهيلتون ب 254 يورو تقريبا .. بدون افطار .. وللشراع الشانزليزيه مشي تقريبا 10 دقايق ..

بس ليش ما صعدتوا قوس النصر والله والله روووووووووووعه وليش ما صعدتوا برج ايفل اخر طابق ترا غير فوق .. وقوس النصر من فوق يبين لج كيف الشوارع والله حلووو ..

وماركبتوا الباص المكشووووووووف كان وناسه والله ..

يالله ان شاء الله تزورينهن في المره الثانيه

فراشة سويسرا

مرورج وتعليقج هو الاروع

ولا تخليني اتحسف ترى بروحي ضايق خلقي ليش ماركبت الباص

وعلى طاري قوس النصر شنو داخله بالضبط ؟

والفندق اللي سكنته مو مال شهر عسل مال شباب ويعني غرفته مو على مستوى كلش وصغير حيل يعني ما يتقارن بالهلتون عرفتي وبعدين الوفت اللي رحتله مافيه سواح عرب فاعتقد هذا له دور

لا فديتج لا تندمين لان ما ينفع الندم الحين ..

وعن قوس النصر تصعدين دري طويييييييييييل يعني تعب في تعب .. ويوم توصلين فوق تشوفين شوارع باريس وشارع الشانزليزيه كامل وبس ..

خلاص اذا سرنا باريس ها السنه بنسكن نفس فندقكم لان نحن اساسا نطلع الصبح ونرد نص الليل تعباااانين ونرقد .. يعني الفندق حق رقاد بس ومشكووووووره ع ردج واهتمامج

ماشاء الله

ربي يونسكم بالصحة والعافية دايم
ولايفرقكم من بعض
وباريس اكيد تشرفت فيكم

qatar2007

ألله يعافيك ويخليك اخوي شاكره تعقيبك ودعائك الحلو

تقرير رااااااااائع كل الشكر

* رُقِي *

لك كل الشكر على تعقيبك

بالعكس اختي مشاء الله وش فيها مع اخوك وسفرتكم حلوه وتقريرك رووعه
وبالتوفيق وادعيلنا نزور باريس
فامان الله

شكرا اخ سعود على مرورك وان شاءالله تزور باريس باقرب وقت وتستمتع فيها

sereemjio
هلا اختي والله اسعاره من 500 دينار وفوق وافتحوا المحل عندنا بالكويت بصراحه بضاعته ما اعجبتني بالكويت فرق مع انه نفس المصمم

والله مكانه ما اذكره بالضبط بس اهم تقريبا يم غالاري لافييت تقريبا يبعد جم خطوه
بصراحه شفت بالموقع لقيت محلين في باريس هذا موقعهم شوفيه
http://www.pronovias.us/bridal-dresses-points-sale/

باريس.. مدينة العشاق..

فعلا رائعة.. ولكنها غاليه..

شكرا على مشاركتكم*

يعطيك العافيه

مشكــوؤوور ..

و يعطيكـ إلعــإفيــةة !!

حلو تقريرج والأهم من حلاوته ؛
أنه مفــــــيد

في كم نقطة فادتني حق سفرتي


بحفظ الرحمـــــــن

شكرا ع التقرير الرائع

سفرة موفقة انتي واخوك بعد الامتحانااات و باغيس جميلة الجميلات لا شك

جزاك الله خيرا