الموضوع: وش الأفضل باص ولا يوجد صورة بالداخل

السلام عليكم ياجماعه لو تكرمتوا انا أبغى اروح من بينانج إلى الكاميرون بالباص ودخلت موقع .busonlineticket ولقيت كذا نوع من الباصات وماعرفت وش الأفضل والمريح
هذي صورة توضح الأنواع اللي لقيتها ماأدري وش أختار




http://www.gulfup.com/?J5IwMa


الشي الثاني للي راحوا قريب من الكاميرون لكوالا كم سعر التاكسي ومن وين أقدر أحصل أفضل سعر للتاكسي من الكاميرون لكوالا


شكراً مقدمــاً

مواضيع عشوائيه ممكن تكون تعجبك اخترناها لك:

• شاكر لكمف
• تذاكر لنكاوي
• أول رحله الى ماليزيا وابي اقترااااااحاتكم
• رأيكم يآأهل الخبره اول مره اروح لماليزيا 
• اريد الذهاب الى ملاهي sunway lagoon
• برنامج خلاصة ستة أشهر في المنتدى
• استفسار عن ايام رمضان في ماليزيا
• ارجوا المساعده لو سمحتوا
• الان في لانكاوي
• استفسار عن الجدول
• ماليزياء واندنوسيا صيف 2016
• الجزء الثاني من ماليزيا كأس نبيذ الطبيعة للحالمين قريبا
• لماذا الاسعار في البوكينق مرتفعة جدا
• هدايا ماليزيا
• رحلتي اليوم هل استطيع السحب من الصراف الآلى في كوالالمبور
• محتاج مشورتكم
• اكسبوا فيني الاجر جدول صغييير لـ لنكاوي و كوالالمبور ليالي شهر عسل
• برنامج شهر عسل اول مره اساقر ماليزيا
• رأيكم يا أخوان في برنامج شهر العسل للنكاوي
• ليله في احضان زيزا الذيذه

خليك على الباصات والله إنها مررة ممتازة أنا روحت من كوالا على كاميرون ب باص GT
,ومن الكاميرون ل بينانج
Unititi exprees

انا جربتها الاتنين بس كان يفرق تبع يونتيتي فيله شاشه بس جي تي كان انظف واجدد من الموبايل

باهي افضل .. يونتيني ذكر الاخ saad1x امس انه كان سيي ومدهوك وهذا نفس كلام الاعضاء سابقا.وانتبه لمحطة الانطلاق.
عندك كومتار وهي قريبه من الفنادق تقع تقريبا يعني شمال الجزيرة. لكن الباص ينطلق منها وروح للمحطة الرئيسية ويوقف اكثر من ساعة ثم ينطلق.
خذ الانطلاقة من المحطة الرئيسية سونقاي نيوبنق افضل بكثير. يسير تروح لها مباشرة وتركب وينطلق الباص للسفر.


كازامي

يعطيكم العافية جميعاً بس مافهمت نقطة بسيطة يعني الحين عرفت أن جي تي أفضل

طيب ياجماعة أحجز من الموقع ولا مافيه مشكلة من هناك .؟ يعني وش تنصحوني فيه وبشأن السفر من الكاميرون إلى كوالا مو الأفضل أخذ تاكسي .؟


معلش بس تحملوني ويعطيكم العافية

والله ياصحابي. الناس اذواق واساليب.كلها واحد ومافرقت. لكن المحطة الريسية سونقاي نيوبنق بعيده عن شاطي باتوفرينجي.ومشوار وخاص لو به زحمة يضيع عليك اكثر من ساعة ونصف.
لكن ميزة اذا رحت تحجز من هناك تشوف الباص في الواقف .فالنت له ميزته والحجز من هناك له ميزته .
بعض الناس يحب يوصل ماليزيا وكل شي جاهز ويتفرغ للابعاب والتماشي والمتعه والجولات. وبعض الناس وقته وصدره وسيع تلاقي نصف الاغراض
مااانتهت وينهيها هناك على مهلة.
وللانترنت ميزة اخرى وه ان السعر ثابت مثلا الفيري ب60 حتى لو وسط الموسم. ماهو مثل المكاتب توصل يقولك 70. وسلبيته ياخذ اكثر من السعر
حق البنك وحق التحويل وبعض الاحيان يخصمون 10 او20 تقريبا فوق السعر. عارف مخولتك لكن احجزها من النت واطبعها وريييح راسك.


كازامي

مشكور اخوي كازامي والله فعلاً ماعرفت أحجزها من الانترنت ولا من هناك لأني خايف أنه يكون نوعيات افضل من المعروضة هنـا

الله يعين ..
أشكرك مرة أخرى على سعة صدرك ماقصرت وعمرك طويل

والله بسيطة واذا تبي اساعدك فحاضر وراسلني خاص.. كازامي

السلام عليكم

انصحك بالـ GT BHAI ام 3 مقاعد افقية اللي مسراحها على 8 الى 8 ونص صباحا مايفرق .

ذات الانطلاق من محطة سونقاي نيوبنق وليس من كومتار
(لان اللي من كومتار تتجه بعد ذلك للمحطة الرئيسية وبعد ذلك تتجه الى الكاميرون مرورا وتوقفا في آيبوه لمده نصف ساعة)

،،


لا اعلم شيئا عن حجز الانترنت (حاولت احجز قبل السفر لم يستجيب معي موقع الحجز)


حجزي للباصات من بينانج تم كالتالي..
بعد الوصول لمطار بينانج تم قص تذكرة الذهاب الى فندق جولدن ساندس من مكتب التكاسي في المطار ب74 رينجت تقريبا


سلمت التذكرة لمسؤول استلام التذاكر الذي بدوره يحولني على تكسي من التكاسي الواقفه بجانب المطار قلتله ابغا امر محطه السونقاي نيوبنق
وبدوره كلم السائق فوافق السائق


اتجهت مع التاكسي الى محطه السونقاي نيوبنق (القريبة من المطار) بمبلغ 20 رينجت
وصلت المحطه - طلعت الدور الثاني - لقيت مكاتب كثيرة وسألت عن رحلات الكاميرون
فتم حجز رحلة الكاميرون في باص GT BHAI مثلما ذكرت مسبقا
بعد ذلك واصلت المشوار الى حيث فندقي


،،

لما وصلت الى الكاميرون نزلونا في محطه باصات تانا راتا
(وانا دايخ من المناظرالحلوة والخضار اللي شفتها بالطريق)
رحت للمكاتب الموجودة في المحطة (كلها مكتبين)
وقلتلهم ابغا ام ثلاث كراسي افقية (اوسع من باص ابو 4 كراسي)
قالوا ابشر لا ونبي نحطك اول مقعدين

اللي ورى السائق


وصلنا بحفظ الله ورعايته كوالالمبور
وصلنا بالضبط الى محطه الـ كي ال سنترال فلم ينزل أحد!
بعد ذلك اتجه الباص بنا الى محطه بودورايا القريبة من اغلب فنادق العاصمة
فنزلت هناك ، واخذت تاكسي بـ12 رينجت الى الفخم !
نعم انه الفخم فندق التريدرز

،،
وبكذا انتهى الشرح

نقطة نظام ..دام الباص مريح وفر قريشاتك واحجز الروحة والرجعه من والى الكاميرون بالباص
وليس بالتاكسي




لم يتبقى لي الا ان اصور لك وللجميع صورة الباصات اللي ركبتها




هذي صورة باص الذهاب (بينانج - الكاميرون)
اورنج يااورنج

وهذا باص العودة (الكاميرون - كوالالمبور)
بنك يابنك





أتمنى ردي على هذا الموضوع يكون شافي وكافي
لكل شخص يبحث عن معلومة الباص من والى الكاميرون
ولو وضع في موضوع خاص به لكان اجمل واقرب في الوصول الى المعلومة البسيطة الاكيدة

حفظ الله الجميع في الحل والترحال

مرورك عاطر يااستاذنا وشرح وافي وكلامك عسل وتفصيل دقيق.وبالصور اكتمل الجمال .رووعه وتسلم الايادي.
قسم بالله استفدت انا قبل بقية الاعشاء ولاعدمناك.


كازامي

ياسلاااام .. إخواني الأعزاء ماقصرتوا على الردود الشافية والوافية الله يعطيكم ألف عافية وبتوكل على الله غداً ودعواتي الصادقة لي ولكم بالتوفيق

ألف ألف ألف شكر من الموبايل