السلام عليكم ورحمه الله وبركاته ...
في الفتره الحاليه قرب السفر وكثير منا محتار وين يسكن.. و كم اسعار الفنادق بالمنطقة الي يحب يسكن فيها .. علشان كذا انا احبيت اشرح لكم موقع مع المواقع المفضله عندي .. استفدت منه كثير في رحلاتي مع اهلي ولا اخوياي في امريكا ..
الموقع هو
http://www.kayak.com/hotels
يمكن الموقع معروف عن بعض الاعضاء و لكن حبيت افيد الاخوان الي ما قد جروبه وطريقه استخدامه ..
المثال الي راح اسوي هو البحث عن فندق في منطقة التايم سكوير في مدينه نيويورك ..
1
صوره الموقع اول ما تفتحه ..
2
تحدد اسم المدينه و الحلو انه اول ما تكتب اول 3 حروف يطلع لك اسماء المدن حلو للي مهوب متأكد من اسم المدينه ..
3
تاريخ الوصول و تاريخ المغادرة ..
4
عدد الاشخاص الي بيسكنون ..
5
عدد الغرف المطلوبه للحجز ..
6
تقدر تخلي الموقع يفتح لك صفحه جديده و يبحث لك على نفس المعلومات الي انت حاطها في مواقع صديقه له .. مثل اكسبيديا , هوت واير , برايس لاين .. انا احب احط اكسبيديا لان مرات يكون في عروض للفندق ما يطلعها موقع كياك ..
حطيت صح عند اكسبيديا ..
7
اضغط على زر ..
و يبدا عمليه البحث الموقع يبحث في مواقع كثيره و راح تشوفون اسعار مختلفه في بعض الاحيان بين المواقع ..
صوره وهو يبحث ..
8
راح تطلع لك قائمة نتيجة البحث .. طلع لي 511 فندق في منطقة نيويورك ..
9
فلترت القائمة.. على اليسار في قائمة من الخيارات انت تحددها مثل المنقطة و علشان الطلب كثير عن منطقة التايم سكوير اخترتها..
10
تحدد مساحة المنطقه الي تبي تسكن فيها و بعدها عن الماكن الي اخترته. انا اخترت ميل واحد من كل التجاهات .. معناه ان نص قطر الدائره راح يكون 1 ميل.
11
و بنفس قائمة الفلتر تقدر تحدد عدد نجوم الفندق مع انها مرات غير دقيقه وعلى فكره عدد النجوم في الفنادق الامريكيه مرات يختلف من موقع لثاني .. و بعد الفلتره طلع عندنا 134 فندق
و مرتبه على البعد من التايم سكوير ..
و علشان تشوف موقع الفندق على الخريطة اضغط على Map View
12
على الخريطة راح تطلع الفنادق مرقمة و تحت الخريطة في بقائمة الفنادق و سعرها على اليسار .. ولو حبيت تشوف موقع الفندق على الخريطة اضغط على الاسم و راح يطلع لك اسمه على الخريطة ..
13
اعجبكم السعر و اعجبك الموقع وحاب تعرف تفاصيل اكثر عن الفندق على يمين اس الفندق في كلمة details و3 رموز
رمز القلب : يحفظ الفندق الى فنادقك المفضله و راح يميزه بلون مختلف.
الزباله: يحذف الفندق من قائمة البحث و حلو لو فندق مهوب عاجبك تحذفه علشان تقدر تسهل عمليه البحث في الفنادق الباقيه.
الرساله: لو حبيت ترسل معلومات الفندق الى ايميلك او ايميل احد اصحابك.
لو ضغطت على كلمة details راح تفتح لك صفحه جديده وفيها معلومات عن الفندق و سعر الفندق شامل الضرايب و الخدمه .. و اسم الموقع الي يقدم لك السعر مرات تلاقي اكثر من موقع و اسعار تختلف اختر الموقع الي يناسبك ..
انا ضغطت على كلمة details لفندق W times Square
[IMG][/IMG]
ومثل مهوب واضح بالصوره ان الفندق خلال الليلتين الي انا حددتها سعره 847 دولار و السعر موجود في موقعين اوربتز و شيب تيكتس و تقدر تدخل على موقع الفندق و تشوف معلومات اكثر عن الفندق و موقع كياك يقدم بعض الصور ..
14
وبكذا انتهت عمليه البحث و اتمنى ان الموقع و الموضوع يفيدكم بالسفره الجاية .. وانا حطيته لان بعض الاعضاء يطلب فندق و ما يلاقي رد سريع او ما يلاقي الفندق الي يناسبه ويناسب ميزانيته .. و تقدرون تستخدون الموقع في كل المدن الامريكيه مهوب بس نيويورك
مواضيع عشوائيه ممكن تكون تعجبك اخترناها لك:
- فزعتكم يا شباب الله يرحم والديكم بسرعه
- غادرت أمريكا الأسبوع الماضي وهذا ماحصل لي بالمطار
- ظروري بالله
- شيكاغو و انديانابولس
- باقي علي الفيزا ست شهور
- نصيحتكم فندق نظيف مع انترنت وفطور
- هل يتم تفتيش اللاب توب
- شروط غير منطقية أو معقولة من هذه السفارة الأمريكية
- فيديكس
- استفسار بسيط
- استفسارات في تعبئه الابلكشن
- تكففوووووون ساعدوني والله صاكه في الدنيا
- اتمنى الرد من الجميع اممن لديهم الخبره
- بخصوص استئجار السياره بامريكا هام جدا
- بخصوص الضمان البنكي
- ممكن برنامج عائلي لمدة شهر ؟
- استخراج شهادة ميلاد
- رايكم بالاوتيل هذا في منهاتن نيويورك عاجل رحلتي بعد اسبوعين
- معهد كنيدي كريجر مستشفي جون هوبكنز
- مشرفنا الغالي والخبراء
رد مع اقتباس
المشاركة الأصلية كتبت بواسطة fms
المفضلات