الموضوع: متعة السفر إلى النمسا في الصيف

متعة السفر إلى النمسا في الصيف حيث الجو العليل والهدوء وراحة البال .
ونبدأ من المناطق السياحية و المعروفة:
1. فيينا .:108:
2.سالزبورغ.:109:
3.سان جلجن.:101:
4.زيلمسي.:106:
5.كابرون.:24:
ومدن أخرى كثيرة لكن هذه المدن متعارف عليها كثيراً لدى السائحين.

لأي أستفسارات :

مواضيع عشوائيه ممكن تكون تعجبك اخترناها لك:

• كيف اسوي موعد للاولاد المضافين في نفس جواز الام
• خلااااص تم الحجز بس ساعدوني ف خطة السير
• سؤال مهم مهم بسأل عن الفيزا قبل حجز التذاكر
• تكفون محتاج مساعده باقي على تأكيد الحجز يومين فقط
• استفسار عن سفره عائليه
• ميونخ فيينا
• سااااعدوني محتار جدا ابدأ اخطط لرحلتي والا اشوف لي بلد ثاني
• النمسا وايطاليا وخبرتكم لاول مره اطلع لاوروبا
• رحلتي القصيرة للنمسا في أغسطس م
• أود معرفة المواقف
• فزعتكم يا أهل الخبرة في ترتيب الجدول سويسرا
• سفري بعد بكره ساعدونني
• لو تكرمتو ابي مساعده منكم الله يعطيكم العافيه
• محتاج جدول مميز لشهر العسل من الخبراء
• استفسار بخصوص الفيزا في السفارة الالمانية
• استفسار الله يوفقكم ويسعدكم
• استفسار عاجل عن السكن
• ما هي أفضل وكالات أسفار بسوريا من حيث الجودة و الثمن
• النمسا بإيجابياتها وسلبياتها وحتى الميزانية وبعض الصور
• أرجو المساعدة ولكم مني الدعاء

طيب وبعدين؟؟


ما فهمت شئ !!!

أخوي اذا عندك اي اسأله عن الموضوع أسأل وراح أجاوب أنشاء الله .

مشكور انا عندي اسأله
1- فينا وزيلامسي وسالزبورغ كل وحده كم يكفيها من يوم
ماهو الوقت المناسب للسفر للنمسا

المشاركة الأصلية كتبت بواسطة ام الدلال 26
http://www.arabtravelersforum.com/tr...8/#post2075538

مشكور انا عندي اسأله
1- فينا وزيلامسي وسالزبورغ كل وحده كم يكفيها من يوم
ماهو الوقت المناسب للسفر للنمسا




حياج الله أختي

فيينا 4 أيام - سالزبوغ 3 أيام - زيلمسي 4 أيام ولا تنسون كابرون الهدوء والراحه والجمال والطبيعة 7 أيام

والوقت المناسب للسفر من 25/6 -25/7

مع تمنياتي للجميع بسفر ممتع

ولا تنسون تروحون الزحليقه الصيفيه القريبة من زيلمسي.

السلام عليكم, طيك العافيه على ابداء المساعده

أنا يا خوي ودي بمشورتك, أنا محتار بين النمسا وتايلاند أو ماليزيا

أنا خايف ان النمسا ماتنفع للعوايل

أنت وش رايك؟؟

اخوي بو ناصر اذا تحب البراد والخضرة روح بأمان اللة النمسا واللي قالك ما تصلح للعوايل ما عندة سالفة الا تصلح ونص تقعد مع خلق اللة من الصبح للبراد والتمشي والخليجيين دار ما دارك وعندك اليوم كلة تمشي ووناسة واماكن سياحية وعلي الثمان انت راد فندقك ولا شقتك وبأمان ان شاء اللة اما ماليزيا واللة يمدحونها للعوايل بس اذا تتحمل الرطوبة والخيسة واللة انا عن نفسي ما اتحمل وموفق ان شاء اللة

مشكووووووور حبيبنا على المساعده

بودي انك ترشحلي فنادق في فيينا وزيلامسي وسالاسبورج

وايضا رااااايك بالي ضعيف جدا في اللغه هل تنصحه بالذهاب ام يؤجل لحين اتقانه للغه ام يكتفي بالاشارات والصور والخرائط

تحياتي لك

شقراااوي

المشاركة الأصلية كتبت بواسطة انترناشونال
http://www.arabtravelersforum.com/tr...7/#post2075717

حياج الله أختي

فيينا 4 أيام - سالزبوغ 3 أيام - زيلمسي 4 أيام ولا تنسون كابرون الهدوء والراحه والجمال والطبيعة 7 أيام

والوقت المناسب للسفر من 25/6 -25/7

مع تمنياتي للجميع بسفر ممتع

ولا تنسون تروحون الزحليقه الصيفيه القريبة من زيلمسي.




مشكووووور أخي الكريم

بس يا ليت تفيدنا بالبرنامج اليومي لكل مدينة اذا أمكن .... أو أهم الأماكن التي تنصح بزيارتها ....

...............

.....

وش مميزات سان جلجن وشو اقرب لها من المناطق..؟؟

المشاركة الأصلية كتبت بواسطة ملجلج
http://www.arabtravelersforum.com/tr...1/#post2077891

مشكووووور أخي الكريم

بس يا ليت تفيدنا بالبرنامج اليومي لكل مدينة اذا أمكن .... أو أهم الأماكن التي تنصح بزيارتها ....

...............

.....



بعض الاماكن السياحية في فيينا
قصر الشوبرن
حديقة العاب براتر
ساحة ستيفن شارع المشاة او شارع ماريا هلفر
برج الدانوب والغداء في البرج
حديقة الحيوان
منطقة الجبل
0000000000000000000000000000000000000000000000
بعض الاماكن السياحية في سالزبورغ
رحلة نهرية لنهر السالزاك
حديقة الورود
رحلة الكهف الجليدي
الوادي الجبلي ويبعد الوادي مسافة 60كيلو من سالزبيرغ ومدة الرحلة اربع ساعات
مصنع ومعرض ومتحف شوارزوفكي للكريستال
000000000000000000000000000000000000000000000
زلمسي فيها البحيرة ورحلة القوارب وكافيهات موجودة بالداون تاون(صغير وملموم)
00000000000000000000000000000000000000000000
كابرون انا عشقت هذا المكان من طبيعة وهدوء وهذة بعض الاماكن السياحية
قمة كابرون ( جبل شتاين هورن )
شلالات كريمل
الزحليقة الصيفية والتي تقع بالقرب من قرية سيلفدين

المشاركة الأصلية كتبت بواسطة مس رحله
http://www.arabtravelersforum.com/tr...6/#post2078016

وش مميزات سان جلجن وشو اقرب لها من المناطق..؟؟



سانت جليجن عبارة عن قرية وفيها بحيرة مثل زلمسي بس علي اهدي وفيها مركز فية بعض المحلات والمطاعم وجنب المركز هذا فية مثل ساحة ومسرح مفتوح ويعزفون بعض الموسيقي والتمشي رايق وحتي البحيرة فيا قوارب بالاجار

بما أن كابرون وزيلامسي قريبة جداً من بعض هل تنصحني السكن في كابرون وزيارة زيلامسي من هناك؟
وهل تنصح بالشقق أو الفنادق؟

الله يجزاك خير, وان شاء الله بروح للنمسا والله يوفق

وزي ما قلت طال عمرك ماليزيا جوها رطب وحار, وحنا ندور البراد

بس سؤال أخير لو سمحت لي:

أنا راح أحجز ذهاب وعوده لميونخ ومن خلالها بروح لنمسا, سؤالي وش هي أفضل طريقه أوصل فيها لسالزبورغ أو فينا من ميونخ طبعا؟؟ وأنا أفكر أستأجر سياره طول فترة إقامتي هناك, هل تنصحني فيها؟؟

معليش كثرت عليك أسئله

المشاركة الأصلية كتبت بواسطة انترناشونال
http://www.arabtravelersforum.com/tr...6/#post2075416

أخوي اذا عندك اي اسأله عن الموضوع أسأل وراح أجاوب أنشاء الله .



ياسلام عليك

أسأل الله أن يجزاك الخير كله

ويطرح في رزقك البركة ويوفقك على مجهودك


أما الأسئلة .. راح اطرحها عليك ولكن خلتي انتهي أولا من حجوزاتي لأن أسألتي كلها تتلعق بمناطق في النمسا.


تحياتي

مشكور اخوي انتر ناشونال

انا راح اروح التشيك ومن التشيك للنمسا

يعني ابجلس فيها 8 ايام فقط

وش رايك في تقسيمي 3 ايام سالزبيرغ

3 ايام زيلامسي

يومين فينا

والا اخلي زيلامسي اربعه وسالزبيرغ يومين

مع العلم حدي 8 ايام في النمسا ما اقدر ازيد عنها


والكابرون يكفيها يوم والا شوي عليها ؟؟


ولك مني جزيل الشكر

المشاركة الأصلية كتبت بواسطة الضوء الخافت
http://www.arabtravelersforum.com/tr...8/#post2078228

بما أن كابرون وزيلامسي قريبة جداً من بعض هل تنصحني السكن في كابرون وزيارة زيلامسي من هناك؟
وهل تنصح بالشقق أو الفنادق؟



تري بعد كابرون عن زلمسي بالسيارة يمكن 10 دقايق -يعني حدها قريبة بس ميزتها انها أهدي وأخف ناس وانا اللي اسوية اني اسكن كابرون واروح زلمسي اما بالنسبة للفنادق او الشقق هذا يعتمد علي عددكم الفندق اريح بالخدمة والشقق اريح بالخصوصية واوسع وموفقين ان شاء اللة

المشاركة الأصلية كتبت بواسطة محبكم في الله
http://www.arabtravelersforum.com/tr...4/#post2078234

قواك الله انترناشيونال



اللة يقويك يا مشرفنا الغالي

المشاركة الأصلية كتبت بواسطة محبكم في الله
http://www.arabtravelersforum.com/tr...4/#post2078234

قواك الله انترناشيونال



اللة يقويك يا مشرفنا الغالي

أسأل الله أن يجزاك الخير كله

ويطرح في رزقك البركة ويوفقك على مجهودك


اللة يجزاك عند علي هالدعاء الطيب واجمعين يا الغالي

أما الأسئلة .. راح اطرحها عليك ولكن خلتي انتهي أولا من حجوزاتي لأن أسألتي كلها تتلعق بمناطق في النمسا.

ان شاء اللة تنتهي حجوزاتك علي خير وانا بالشوفة ان شاء اللة

[quote=خزامى الثلج;2080636]



وش رايك في تقسيمي 3 ايام سالزبيرغ

3 ايام زيلامسي يومين فينا

والا اخلي زيلامسي اربعه وسالزبيرغ يومين

مع العلم حدي 8 ايام في النمسا ما اقدر ازيد عنها

والكابرون يكفيها يوم والا شوي عليها ؟؟


واللة نصيحتي انها مادام 8 ايام انك لا تشتت نفسك بفيينا وخلها 5 ايام زلمسي وكابرون(ما من بعد ومنها لا تنسي تورح سالفدين للزحليقة الصيفية) و3 ايام سالزبورغ وضبط جدولك علشان ما تضيع منك الايام بدون فايدة واللة يوفقك ان شاء اللة

[quote=بوناصر282;2080122]الله يجزاك خير, وان شاء الله بروح للنمسا والله يوفق

واللة يجزاك خير


وأنا أفكر أستأجر سياره طول فترة إقامتي هناك, هل تنصحني فيها؟؟


طبعا ما فيها حجي يا الحبيب اصلا ما جنك سافرت اوروبا اذا ما سقت السيارة متعة عجيبة مناظر وطبيعة وخضار شي مو طبيعي وييروح عليك الوقت ما تحس فية لا وودك يطول الطريج واستراحاتهم حلوة توقف تريح وتخلي اهلك ينزلون يتمشون بين هالشجر والخضار واللة يا خوي السنة اللي فاتت اجرت من أيفس سيارة فولفو وأستلمتها من مطار ميونخ بس لا تنسى الليسن الدولي يكون معاك تطلعه من الكي تي وسافرنا أنا وعيالي من الميونخ لى النمسا - إيطاليا - سويسرا - فرنسا - النمسا - والعودة إلى ميونخ رحلة عجيبة ما زالت ذكراها في بالنا ولنا عودة ان شاء اللة

السلام عليكم ورحمة الله وبركاته
مقرر انا والعائلة نسافر الى ميونخ , ابغي اروح سويسرا و النمسا .
وعندى عشرون يوماً ، ومستأجر سيارة و الحمد لله .
ما هو الأفضل لي اطلع الى فينا أولاً أو سويسرا ؟
وشكراً

يعطيك العافيه ..

بما إنك مع عائله ..
أبيك تشور علي بسكن يكفي 10 منهم 3 أطفال ..
في فيننا 4 أيام
سالزبورغ يومين
زيلامسي 6 أيام

وهل صحيح عند التنقل بالقطار من مدينه لمدينه ممكن ياخذون الشنط في الشحن ويوصلونها للمدينه الثانيه ..بدون تسحيب شنط ..
لأننا كثار وبتطلع زحمه

والسياره محد ينصح فيها بفيننا .. بس ممكن آخذها في سالزبورغ من المدينه الألمانيه اللي جنبها .. بس وش السياره اللي بتكفينا ؟؟ بحكم تجربتك
وهل يدققون على كرسي الطفل ولازم نلتزم بعدد محدود بالسياره ؟؟

وشكرا مقدما

الله يجزاك خير

احنا اول مره نروح للنمسا وحاجزين من مطار ميونخ على طول الى كابرون حجزنا الشقة هناك

وعندي سؤال الاحظ كل اللي يسافرون ينتقلون من زيلامسي الى كابرون الى سالزبورغ

ليش ما يستقرون مكان واحد ومنها ينتقلون بالسيارة ويومهم طويل على ما اظن

واحنا سوينا كذا حجزنا اسبوعين في كابرون ومنها نتمشى الى زيلامسي او سالزبورغ بالسيارة

لان صعب كل يوم والثاني نشيل قشنا مدري اش رايك

المشاركة الأصلية كتبت بواسطة emirates_7
http://www.arabtravelersforum.com/tr...5/#post2082325

السلام عليكم ورحمة الله وبركاته
مقرر انا والعائلة نسافر الى ميونخ , ابغي اروح سويسرا و النمسا .
وعندى عشرون يوماً ، ومستأجر سيارة و الحمد لله .
ما هو الأفضل لي اطلع الى فينا أولاً أو سويسرا ؟
وشكراً



واللة اخوي انا انصحك ما دام نازل ميونيخ انك تقضب خطك لزلامسي مو فيينا اقربلك تقريبا ساعتين بالسيارة وتقعدلك جم يوم ومنها لسويسرا وانصحك بانترلاكن صج عجييييبة ومدامك مأجر سيارة لا تنسي توصيهم علي النفجيشن واللة يوفقك ان شاء اللة

المشاركة الأصلية كتبت بواسطة فرفوشه
http://www.arabtravelersforum.com/tr...5/#post2082375

يعطيك العافيه ..

وهل صحيح عند التنقل بالقطار من مدينه لمدينه ممكن ياخذون الشنط في الشحن ويوصلونها للمدينه الثانيه ..بدون تسحيب شنط ..
لأننا كثار وبتطلع زحمه

والسياره محد ينصح فيها بفيننا .. بس ممكن آخذها في سالزبورغ من المدينه الألمانيه اللي جنبها .. بس وش السياره اللي بتكفينا ؟؟ بحكم تجربتك
وهل يدققون على كرسي الطفل ولازم نلتزم بعدد محدود بالسياره ؟؟

وشكرا مقدما



اللة يعافيك بالنسبة للقطار واللة ما اقدر افتي لاني ما استخدمتة وبرنامجكم زين والسيارة لما تحجزون قولولهم علي عددكم وهم يقترحون عليكم وكرسي الاطفال ضروري جدا لما تحجزون تعلمونهم علي عدد الاطفال وتري المخالفة قوية ولا تنسون النفيجيشن بالسيارة ضروري

المشاركة الأصلية كتبت بواسطة ابتسامة مشرقة
http://www.arabtravelersforum.com/tr...3/#post2083173

الله يجزاك خير

احنا اول مره نروح للنمسا وحاجزين من مطار ميونخ على طول الى كابرون حجزنا الشقة هناك

وعندي سؤال الاحظ كل اللي يسافرون ينتقلون من زيلامسي الى كابرون الى سالزبورغ

ليش ما يستقرون مكان واحد ومنها ينتقلون بالسيارة ويومهم طويل على ما اظن

واحنا سوينا كذا حجزنا اسبوعين في كابرون ومنها نتمشى الى زيلامسي او سالزبورغ بالسيارة

لان صعب كل يوم والثاني نشيل قشنا مدري اش رايك



راي من رايك اذا الديرة وحدة يعني بالنمسا ما تسوي تشيل اغراضك ومادام السيارة موجودة وجدول الرحلات مترتب والنفجيشن يقولك تمتع بالمناظر ودع القيادة لنا ليش لأ؟:24:

ربي يجزيك الجنه
......كانى طحت على كنز ..... انا بكون مع العايله في ميونخ ومن ميونخ بنطلع يوم زلمسي ويوم سالزبورج .... اول مره في سالزبورج بس زلمسي رايحين لها مره ... المهم زبده الحديث وين اقدر اروح في سالزبورج .؟؟؟ وكيف احجز عالرحلات لاى مكان سياحي فيها .؟؟
وبالمره زلمسي كيف احجز فيها على زياره الشلالات وقمه الجبل .؟؟ لان المره اللى طافت كان الترتيب كله عن طريق فندق جراند بس هالمره ماراح نقعد في زلمسي راح انكون في ميونخ ...

السلام عليكم

الله يعطيك العافيه اخوي انترناشونال وحبيت اسأل عن الفنادق الحلوه والقريبه وكيفيت التنقل من فينا الي زلامسي وغيره من المناطق واسعار التكاسي والمعيشه......

المشاركة الأصلية كتبت بواسطة بنت العرب1
http://www.arabtravelersforum.com/tr...6/#post2084546

ربي يجزيك الجنه
......كانى طحت على كنز ..... انا بكون مع العايله في ميونخ ومن ميونخ بنطلع يوم زلمسي ويوم سالزبورج .... اول مره في سالزبورج بس زلمسي رايحين لها مره ... المهم زبده الحديث وين اقدر اروح في سالزبورج .؟؟؟ وكيف احجز عالرحلات لاى مكان سياحي فيها .؟؟
وبالمره زلمسي كيف احجز فيها على زياره الشلالات وقمه الجبل .؟؟ لان المره اللى طافت كان الترتيب كله عن طريق فندق جراند بس هالمره ماراح نقعد في زلمسي راح انكون في ميونخ ...



اللة يجزاج انتي الجنة علي هالدعاء الطيب يا اختي واسمحيلي علي التأخير بالنسبة لسالزبورغ ماني عارف بتروحون بالقطار ولا سيارة بس راح اذكرلج بعض الاماكن اللي ما تحتاج حجز مثل:1 - المدينة القديمة
قلعة سالزبورج القديمة في قمة الجبل وانا انصحج تركبين العربة (الصعود متعب)وهي علي ما أذكر ب10 يورو-رحلة المركب في نهرالسالزاك وهو الذي يشق المدينة الني نصفين-حديقة ماربل قاردن-زيارة سوق المشاة والمسماة عندهم ( Getreidegasse )
اما بالنسبة لقمة جبل شتاين هورن( Kitzsteinhorn فرحلة عجيبة لا تطوفينها :24:وفية باصات توديكم وهي عبارة عن رحلة بالتلفريك بثلاث مراحل وانتم تشاهدون الجبل الاخضر يختفي ببطء ويحل اللون الثلجي الابيض (فقرانين ثلج)بس هاللة اللة بالملابس فلقد بدأناها بالملابس الصيفية وما ان وصلنا المرحلة الثانية الا وانا اركض لمحل الملابس اشتري لعيالي الجاكتات والقفازات والمرحلة الاخيره من البرد اهلي ما اطلعو:108: وقعدو مع العيال بالمطعم بس بعدها ب10 ايام عدنا لنفس الجبل بعد مرور موجة حر خفيفة واذا سبحان اللة الثلج راح :surfما بقي الا بالمرحلة الثالثة ولا غيرنا ملابسنا الصيفية
اسمحيلي طولت بس الذكريات هفت علي وانا اخوج

المشاركة الأصلية كتبت بواسطة أبوصقر80
http://www.arabtravelersforum.com/tr...8/#post2086638

السلام عليكم

الله يعطيك العافيه اخوي انترناشونال وحبيت اسأل عن الفنادق الحلوه والقريبه وكيفيت التنقل من فينا الي زلامسي وغيره من المناطق واسعار التكاسي والمعيشه......

اللةيعافيك يا اخوي بس انت ما حددت بأي منطقة انت والتنقل من فيينا لزلمسي فية اكثر من نوع سيارة(انصح فيها بشدة) وقطار(ما جربتة) والاسعار يعني شقولك هذة اوربا وانا اخوك اكيد غالية بس يعتمد علي انت شنو تحب وجم عددكم وطريقة تنقلكم وين بتروحون اشياء كثيرة يبيلها تخطيط :114:
خطط وعلمني:101:

السلام عليكم

ياخوي انا عمري ما سافرت برا وطلع في راسي اروح النمسا ولحدالآن محتاس
تحمل اسالتي ارجوك

قريت الكثير من المواضيع هنا ولازلت في حيرة
ناوي اسافر انا والمدام لمدة 10 ايام للنمسا فقط بحثا عن ( الطبيعة )
في كل استفسار لا تقولي هذا راجع لك ابيك تقولي انت وتعطيني رايك وتصورك

1- نقطة وصولي فيينا كم يوم أقعد فيها ؟ شور علي بفندق يكون زين من حيث الموقع ويكون سعره متوسط.
هذا الفندق Best Western Hotel City Central زين ؟

2- ناوي استأجر سيارة هل اكتفي بزيلامسي دون المرور بسالزبورغ ؟

3- وين ابتدي اول احجز الطيران او الفندق في فيينا ؟ يعني ما أدري متى اوصل بالضبط وماذا لو تأخرت الطائرة او ما حصلت حجز في الفندق. احس اني محتار

4- مهم عندي الأكل ! وين القى مطاعم عرب وأكل ذبح اسلامي؟ في فيينا وزبلامسي اوكابرون ؟ اقصد هل سهل هالشي؟

5- اذا خلصت من زيلامسي ارجع بالسيارة الى فيينا على شان رحلة العودة او يوجد في زيلامسي مطار؟

المشاركة الأصلية كتبت بواسطة انترناشونال
http://www.arabtravelersforum.com/tr...6/#post2086796

اللة يجزاج انتي الجنة علي هالدعاء الطيب يا اختي واسمحيلي علي التأخير بالنسبة لسالزبورغ ماني عارف بتروحون بالقطار ولا سيارة بس راح اذكرلج بعض الاماكن اللي ما تحتاج حجز مثل:1 - المدينة القديمة
قلعة سالزبورج القديمة في قمة الجبل وانا انصحج تركبين العربة (الصعود متعب)وهي علي ما أذكر ب10 يورو-رحلة المركب في نهرالسالزاك وهو الذي يشق المدينة الني نصفين-حديقة ماربل قاردن-زيارة سوق المشاة والمسماة عندهم ( Getreidegasse )
اما بالنسبة لقمة جبل شتاين هورن( Kitzsteinhorn فرحلة عجيبة لا تطوفينها :24:وفية باصات توديكم وهي عبارة عن رحلة بالتلفريك بثلاث مراحل وانتم تشاهدون الجبل الاخضر يختفي ببطء ويحل اللون الثلجي الابيض (فقرانين ثلج)بس هاللة اللة بالملابس فلقد بدأناها بالملابس الصيفية وما ان وصلنا المرحلة الثانية الا وانا اركض لمحل الملابس اشتري لعيالي الجاكتات والقفازات والمرحلة الاخيره من البرد اهلي ما اطلعو:108: وقعدو مع العيال بالمطعم بس بعدها ب10 ايام عدنا لنفس الجبل بعد مرور موجة حر خفيفة واذا سبحان اللة الثلج راح :surfما بقي الا بالمرحلة الثالثة ولا غيرنا ملابسنا الصيفية
اسمحيلي طولت بس الذكريات هفت علي وانا اخوج



تسلم ياخوى تسلم ,,, ربي يعطيك العافيه وايسر عليك امورك من كل صوب .. وردا على سؤالك تنقلنا بيكون فالسياره عايله من 9 اشخاص ومعانا 3 صغار ... خلاص دونت الاماكن والملاحظات

اخويSmile2me
واللة ودي اساعدك بس لازم انت تساعدني اول انت احجز واعرف تاريخ سفرتك وحدد ميزانيتك لأنها اللي بتحدد مستوي سفرتك واذا اكدت الحجز شوف الفندق -الفندق اللي تقول عنة ما اعرفة بس شيكت علية يمدحون موقعة والخدمة فية بس غرفة من الصور عادية (الحين هذا راجع لك فية ناس تحب الفخامة وفية ناس ما تهمها الا النظافة)وتري فنادق اوربا عموما غرفها صغيرة ونرجع لفيينا الحين البرنامج يختلف ناس تحب السوق وناس متاحف وناس تمشي وناس قعدات كافيهات ومناظرة الرايح والجاي
اخوي انت تبي تسافر 10 ايام وقلت تبي طبيعة تبي نصيحتي اقعدلك بفيينا يومين وبعدين هج لزلامسي وانت حتي اليومين هذول بتتحسف عليهم طبيعة خضار براد شي يرد الروح كمل فيهااسبوع بعدين ارجع فيينااليوم العاشر علشان المطار
اما الاكل فراح تلقي مطاعم مو كثيرةوغالية وراح تلقي سوبرماركت تركي بزلمسي وفية مطعم بكابرون كنت انقي السمج اللي ابية ويطبخون لك ذيج الطبخة العجيبة واخذة واصعد انا واهلي وعيالي عند الجبل فوق عند الشلال وابسط واكل براد واكل طبيعي ومناظر شتبي بعد ؟!:24:

اللة يجعلة في ميزان اعمالك ان شاء اللة

أجمعين أنشاء الله

الله يعافيك .. وأشكرك على سعة صدرك وطلوة بالك مع الأخوان

اسألك عن السيارة المستأجرة إذا كنت في زلامسي هل المواقف مكلفة ، وهل تدفع قيمة الموقف طوال اليوم ولا في أوقات محدودة ، وخاصة أن زلامسي المشي فيها على القدمين أكثر فيه من التجول بالسيارة

المشاركة الأصلية كتبت بواسطة غريب 03
http://www.arabtravelersforum.com/tr...1/#post2090811

الله يعافيك .. وأشكرك على سعة صدرك وطلوة بالك مع الأخوان

اسألك عن السيارة المستأجرة إذا كنت في زلامسي هل المواقف مكلفة ، وهل تدفع قيمة الموقف طوال اليوم ولا في أوقات محدودة ، وخاصة أن زلامسي المشي فيها على القدمين أكثر فيه من التجول بالسيارة





هلا أخوي وأنا بالخدمة باللي الله يقدرني عليه .

بالنسبة لمواقف السيارات بزلامسي :
أولا: الفندق أو الشقة راح يوفرون لك موقف لسيارتك هذا في كل أوربا ومتعارف عليه أما إذا بغيت تتمشى في زلامسي فيه موقف بفلوس مثلا(تبي ساعتين تحط بالماكينة الموجودة في نفس الشارع وراح تشوف الساعات تزيد لحد ماتوصل الوقت اللي تبيه وبعدين تدق على دقمه راح تطلع لك فاتورة بالوقت والساعات وبعدين تحط الفاتورة على طبلون السيارة ولا تنسى أنه بالعطل المواقف مجانيه ولا تغلط وتحط فلوس ماراح يرجعون لك شي )
ورحله موفقه إن شاء الله تعالى ...:11ld:

المشاركة الأصلية كتبت بواسطة غيوم
http://www.arabtravelersforum.com/tr...4/#post2093004

جزاك الله خير ... استفدت من قرائتي للموضوع





:101: أتمنى الأفادة للجميع

الف شكر لك مني ومن المدام

وخذ الأسئلة الجديدة

قررنا تكون الرحلة كالتالي :

فيينا ومثل ما قلت يومين بالكثير وبعدين هوا على زيلامسي ونقضي فيها باقي الرحلة بسيارة أجار

و دنا نطلع من مطار ميونخ ولكن السؤال هو التالي :


تسليم السيارة في ميونخ سيكلفنا ضعف السعر حسب ما أفاد أحد الأصدقاء من خلال تجربته

هل يمكننا تسليم السيارة في زيلامسي والذهاب إلى ميونخ بالأندر قراوند ؟

أم ترى ان نرجع بالسيارة إلى فيينا أفضل حيث تكون هي نقطة العودة ؟ المدام تقول ان آخر الأيام بنكون تعبانين ومافينا شدة الطريق ويمكن نتعطل في الطريق أو نضيع :109: حتى وان كان عندنا النفيغيشن



الف شكر لك

المشاركة الأصلية كتبت بواسطة Smile2me
http://www.arabtravelersforum.com/tr...3/#post2093533

الف شكر لك مني ومن المدام

وخذ الأسئلة الجديدة

قررنا تكون الرحلة كالتالي :

فيينا ومثل ما قلت يومين بالكثير وبعدين هوا على زيلامسي ونقضي فيها باقي الرحلة بسيارة أجار

و دنا نطلع من مطار ميونخ ولكن السؤال هو التالي :


تسليم السيارة في ميونخ سيكلفنا ضعف السعر حسب ما أفاد أحد الأصدقاء من خلال تجربته

هل يمكننا تسليم السيارة في زيلامسي والذهاب إلى ميونخ بالأندر قراوند ؟

أم ترى ان نرجع بالسيارة إلى فيينا أفضل حيث تكون هي نقطة العودة ؟ المدام تقول ان آخر الأيام بنكون تعبانين ومافينا شدة الطريق ويمكن نتعطل في الطريق أو نضيع :109: حتى وان كان عندنا النفيغيشن



الف شكر لك




:smile002:

أخي العزيز: طلبت رايي وراح أقولك أن شاء الله بسراحة وحسب أختياري:114:

قلت لك بالبداية أحجز التذاكر علشان نعرف أي مطار تنزل وأنا أفضل مطار (ميونخ في ألمانيا) وهي تقريبا ساعة بالسيارة لزلامسي.

أما إذا كنت بتنزل في مطار فيينا راح تكون زلامسي تقريباً 4 ساعات بالسيارة إذا ما هو أكثر.

وأنا أفضل أنك تاخذ السيارة من المطار وترجعها نفس المطار (لأن أذا أخذت السيارة من مطار ورجعتها في مطار ثاني راح يحسبون عليك تكلفت ترجيع السيارة لمكانها الأصلي).

وأن شاء الله ماتظيعون لأن الطريق سهل وممتع ولا تحس بالتعب ولا الأمراض اللي عندنا نهائياً هناك راح تكون نشيط وودك تطول المسافة :36_15_24:

وتمشى بكل المناطق هناك ولا تخلي مكان ماتروح له أنت مسافر تبي تستانس وتشوف أشياء جديدة .

مع تمنياتي برحله موفقه إن شاء الله

متعة السفر إلى النمسا في الصيف

:36_15_6:

السلام عليكم
ممكن سؤال

نقدر نأجر سيارة من زلامسي لمدة يوم واحد فقط؟؟ نروح فيها ميونيخ ونرجع

رحلتنا بتكون من تاريخ 9/7/2008 ولتاريخ 24/7

فيينايومين
زلامسي اسبوع
سالزبورغ4
فيينا يومين

اخوي انترناشونال

انا ماعندي اسأله وتقريباً كل الاسأله الي كانت تدور في ذهني سألوك الأعضاء وجاوبتهم

وحبيت اشارك في الموضوع با الدعاء لك

الله يوفقك ويعطيك العافيه ويفرجها عليك في حياتك مثل مافرجتها على اخوانك والله يساعدك ويعاونك على فعل الخير ,.

واتمنى من الأخوان الي عندهم خبره يساعدون اخونا في المشاركه في الموضوع والرد على استفسارات الأعضاء

[color="YellowGreen"][size="5"]أخوي انترناشيونال الله يعطيك العافية على تعاونك مع الجميع .. واسال الله ان يجعله في ميزان حسناتك..
اخوي انا رحلتي 22 ابريل 2009 (جدة_فيينا_جدة) في فيينا 3 ليالي .. وفي سالزبيرغ 5 ليالي وفي زيلامسي 6 ليالي ..
بغيت اسالك اول شي عن فيينا ماادري كيف بيكون الجو اكيد بارد بس هل بيكون هناك ثلوج ولا تكون ذابت؟؟
وبالتاريخ الي ذكرته ايش الاماكن السياحيه الي تكون مغلقه؟؟

موضوع ممتاز جدا

تفاعل ممتاز مع باقي الاعضاء الله يعطيك العافية