الموضوع: استفسار عن تكاسي دبي

السلام عليكم انا طالع دبي بعد شهر تقريبا

و عددنا 11 شخص , كنا 8 والحين صرنا 11

المشكلة انه ما في إلا انا اللي يقدر يسوق ومتوهق في موضوع التنقلات

لو بستأجر سيارة تشيلنا كلنا يبغالي باص , عشان كذا حاب استفسر عن التكاسي

هل في تكاسي كبيرة يعني تشيل اكثر من 4 , وهل سعرها نفس التكاسي الصغيرة و هل في شركات تكاسي ممكن اتعامل معهم بحيث يهتمون بكل مواصلاتنا
يعني ادق عليهم اتفق معهم على موعد معين يجون يودونا وبعدين اتفق على موعد ثاني يجون ياخذونا او شي زي كذا

وكيف اسعار التكاسي , انا راح اكون ساكن قريب من الممشى في شقق سلوان

فكم ممكن يكلف لو بغيت اروح ( امارات مول او بن بطوطة ) يعني اماكن قريبة , وكم ممكن لو بغيت اروح ( القرية العالمية او السوق الصيني ) يعني اماكن بعيدة


انا ناوي استأجر سيارة صغيرة و تكون تنقالاتنا عن طريق السيارة و تكسي كبير او تكسين صغار

اذا في احد عنده طريقة احسن او حلول لمسألة التنقلات ياليت يفيدني

ويعطيك العافية و إعتذر عن الإطالة

مواضيع عشوائيه ممكن تكون تعجبك اخترناها لك:

• «سياحة دبي» تعلن أسماء الفائزين في مسابقة أفضل موظف استقبال فندقي
• موقع برج خليفة دبي الجديد ابداااااااااع ؟
• طلب من اهل الامارات الاعزاء
• صورمن فندق المنزل بدبي
• فندق سياحي جديد في رأس الخيمة بتكلفة مليون درهم
• عاجل افيدوني أرجوكم
• تحية معطرة لكل من ارفق تقارير للسياحة بالامارات
• سؤال عن دبي في في العيد
• فندق شان قرلا ولا كروان بلازا
• استفسار عن اتحاد الامارات
• اريد شقق فندقية في جيرا بيتش
• «أكور» تفتتح فندقاً في الإمارات بحلول
• ساعدوني برايكم في شقق النورس خايف انها مهب زينة انا بسوي حجز فيها وخايف يرحم والديك
• رسالة لخبراء السفر لدار زايد الكراام
• فساتين السهره يابنات الأمارات
• اختياركم من هذه الخيارات
• أفضل أسواق للملابس
• استفسار
• عيد مبارك وكل عام وانتم بخير
• ماهو رايكم في فندق الشام في دبي

ما شاء الله تبارك الله ... بصراحة في وضعكم بيكون التقل عليكم صعب و مكلف .. في نفس الوقت
لإن من سكنك بالممشى إلى داخل دبي التاكسي ممكن يأخذ عليك حوالي 50 درهم ولو أخذت تاكسيين يعني 100 درهم في المشوار الواحد و نفس الشئ لو صار عندك أكثر من مشوار .... يعني التكلفة اليومية للمشاوير بتكون غالية ناهيك عن الإنتظار للحصول على تاكسيين في بعض الأماكن ...
نصيحتي لك تستأجر لك ميني فان عائلي (تويوتا بريفيا) و أعتقد فيه شركات كثيير في دبي يأجرون مثل هالنوع من السيارات ممكن تطلع عليك اليوم بــ 300 درهم أوفر لك و أريح من حيث التنقل ...

بالتوفيق أخوي

صحيح كلامك

لكن المشكلة الميني فان يشيل 7 ركاب , ويعني بالكثير يشيل 9 ركاب , وحنا عددنا 11 يعني ما في فايدة راح نطر ناخذ تاكسي

التاكسي الواحد من الممشي الي ابن بطوطه حوالي 20 درهم

والي مول الامارات حوالي 30 درهم

والي دبي مول حوالي 60

طبعا تاكسي واحد اخوي

احنا شخصين في دبي صرفنا ع التكاسي حوالي 900 ريال في اربعه ايام بس

بس التاكسي افضل لك من السياره فيه ع العموم الفندق او الشقه هم يتصلون ع الشركه ويجهزون لك سياره

التاكسي غالي ومكلف انا اقول لو تستأجر سيارتين فان او فان وسياره صغيره معها ارخص بكثير من التاكسي

وتمش على كيفك و وقت ماتبي.

مجنون الخبر
يعطيك العافية على ذكر الأسعار , والله 900 ريال في 4 ايام كثيرة حيل

the monster
والله ودي استأجر سيارتين يكون أحسن

لكن المشكلة ان ما في إلا انا اللي يقدر يسوق ,

اخوي يسوق بعد لك المحلات يشترطون 21 سنة وهو أقل من 21

للرفع ,


سمعت ان في بعض محلات الإيجار تأجر سيارة ( هيونداي h1 ) تشيل 11 راكب تقريبا , قيرها اتوماتيك

انا قبل فترة كنت ابحث النت لقيت شركة تأجير تأجر هالسيارة , لكن الحين جالس ادور ماني لاقيها

اذا في احد يعرف محل تأجير يأجر هالسيارة , ياليت يبلغني و له جزيل الشكر



و إذا في احد عنده حلول اخرى , يا ليت يضعها لنا هنا

## وانا مثلك ادور سيارة كبيرة ياريت أحد يفيدنا بوركتم

للرفع مرة اخرى

هذا رقم دبي للمواصلات .. تكلمهم و يرسلون لك تاكسي على طول .. و عندهم فانات تشيل ٦ ... يعني يبيلكم ٢ تاكسي فان ..


٠٤٢٠٨٠٨٠٨

شكرا لك أخي مزوون على المساعدة

العفو عزيزي ..



اختك مزون


بس اللقب حاطينه بالغلط

احنا مره من المرات كنا 6

وكنا نقولهم عددنا واهم اييبون لنا الفان لان يشيل 6 ..

بس راح تعانون مرات لان مو على طول متوفره خصوصا اذا رحت مجمعات مو معروفه وايد يعني مو مثل دبي مول وامارات مول

فكنا نضطر ناخذ سيارتين 3 بتكسي و 3 بتكسي ثاني

وعلى فكره هم الفندق يوفرون لكم سياره على عددكم ..

بس انا اقول اريحلكم اخذو 2 فان اللي يشيل 6 مثل ماقالت مزون .. اريح من التقلقص وتاخذون راحتكم