الموضوع: جولتي الاوروبيه المانيا سويسرا النمسا فرنسا ضرووووري

السلام عليكم ورحمة الله وبركاته .. انا باذن الله اخطط لجولة اوروبيه بإجازة العيد ..
حجزت بتاريخ 3-10-1435 هـ ,
محطة الوصول الى ميونخ-المانيا .. مع العلم انه رحلة عائليه مكونه من 8 اشخاص لمدة 24 يوم .. والتنقل راح يكون عن طريق سياره اجار ان شاء الله ..
احترت كثير في تحديد الوجهات قلت اخذ مشوره اللي عنده خبره اكثر مني ..




كان فيه اقتراح لخطة السير ك الآتي :


ميونخ 5 ايام ..
من ميونخ المانيا - زيورخ سويسرا 315 كيلو
السكن في زيورخ يومين ..


من زيورخ - جنيف 361 كيلو
جنيف وانسي الفرنسيه وبحيرة جنيف 4 ايام ..


من جنيف - انترلكن سويسرا 217 كيلو
السكن في انترلكن 5 ايام ..


من انترلكن - زيلامسي النمسا 524 كيلو
السكن في زيلامسي 6 ايام من بينها "يوم" زياره سالزبورغ النمسا 107 كيلو - يوم زياره فيلاخ النمسا 192 كيلو ..


العودة ..
من زيلامسي - ميونخ 167 كيلو ..


رأيكم ؟






طبعا لدي رغبة بزياره باريس لكن العائق بعد المسافه في طريق العوده بين باريس وموينخ حوالي 800 كيلو !
فكرت اخليها بالطائره لكن اجار السياره من ميونخ لازم ترجع لنفس المكان !
ياليت اذا فيه حل للمشكله هذي تفيدونني ..

مواضيع عشوائيه ممكن تكون تعجبك اخترناها لك:

• مدينه
• عنوان شركه سيكست
• استأجرت سيارة من مطار ميونخ ، وبالغلط أخذت الاستمارة ؟ فما العمل
• ياليت من جرب استخراج فيزا من بواسطة احد المكاتب ان يدخل
• حـــايسه
• اتمنى مساعدتكم واقتراحاتكم للجدول اول مره في أوروبا
• استفساري بخصوص الأجواء وحالة الطقس في ألمانيا
• ارجوا المساعدة بتخطيط رحلتي القصيره
• جميع القلاع والقصور بالمانيا
• نصيحة بخصوص السكن في فيوشن
• رحلتي إلى بادن بادن
• اقتراح برنامج
• فنادق في هامبورغ
• النقاب في ألمانيا وسويسرا ؟
• مخططي يوم في اوروبا رأيكم وافتراحاتكم
• ضايع في المانيا
• الرخصه الجديده
• جمعة مباركة سبحان الله وبحمده سبحان الله العظيم
• ممكن مساعده جزاكم الله خير
• رأيكم في اختياراتي للسكن في بادن بادن وفرايبورغ و كونستانس ولوزان

تم نقل الموضوع الى استفسارات المانيا
http://www.arabtravelersforum.com/travelarab170/

ياغالي كثر التنقل ب 8 اشخاص مشكله كبيره
ما انصحك في باريس ابدا خصوصا انك راح تستغني عن السياره فيها بحكم زحمتها
عموما مخططك ممتاز بس يبيله تنقيح وتحديث
وصولك ميونخ ورجوعك ميونخ
من توصل الى ميونخ وفيكم حيل انطلقو الى زيلامسي
و6 ليالي زيلامسي
ثم بريقنز او ماينفيلد ليله واحده
ثم انترلاكن 5 ليالي
ثم ديفون 3 ليالي
ثم رست او فرايبورغ 4 ليالي
4 ليالي ميونخ

وصلى الله وبارك على محمد

مشكور اخوي على اقتراحك جدا جميل ..بالنسبة لكثرة التنقل بـ8 اشخاص اذا قصدك من ناحيه التعب والاطفال بالعكس العائلة متعودين على المسافات الطويله بسبيل انهم يشوفون مكان حلو يناسب رغبتهم ويفتح النفس ..
انا من عشاق باريس وما ادري متى يكتب لي الله سفره ثانيه لاوروبا , عشان كذا حريصه جدا عليها بس احتاج مساعده باعادة ترتيب الخطه !
المسافه من انسي الفرنسيه الى باريس 500 كيلو ولا ؟
المشكلة بطريق العوده من باريس الى ميونخ , مع اني قاعده احاول اغير الحجز بحيث انه تكون محطه الوصول ميونخ ومحطة العوده باريس .. تتوقع كذا ممكن يكون افضل او لا ؟

خل وصولك ميونخ ورجوعك باريس
اذا
تبي باريس

الله ييسر اموركم ويسعدكم

طيب اخوي مادري اذا عندك علم عن الاجواء "عموما" بين تاريخ 30 يوليو الى 23 اغسطس كيف تكون والاماكن السياحيه المشهوره المناسبه للعوائل ..لان اغلب سفراتي ورحلاتي لشرق وجنوب اسيا .. وماعندي اي فكره عن اوروبا ..
تحمل كثرة استفساراتي ولك مني خالص الدعوات ..

الجو ممتاز ,,, لكن احرص في الفنادق اللي بتاخذها في المدن تكون مكيفه
واحرصو على المظلات ,,, شمس اروبا بشكل عام حاره

طيب بالنسبة للفنادق واسعارها ؟ لان الاهل ما يرضون اقل من الفايف ستار .. ما ادري اذا فيه صعوبة بالبحث ابدا من الآن ؟ زي ما تعرف الرحلة ان شاء الله بعد 4 شهور ..

المشاركة الأصلية كتبت بواسطة روز اوركيد
http://www.arabtravelersforum.com/tr...9/#post8219779

الله ييسر اموركم ويسعدكم



آمييين وياك يارب .. الله يجزاك خير على الدعوه الحلوه ..

المشاركة الأصلية كتبت بواسطة cadi19
http://www.arabtravelersforum.com/tr...0/#post8219850

طيب بالنسبة للفنادق واسعارها ؟ لان الاهل ما يرضون اقل من الفايف ستار .. ما ادري اذا فيه صعوبة بالبحث ابدا من الآن ؟ زي ما تعرف الرحلة ان شاء الله بعد 4 شهور ..

المفروض انك خالص من زمان
اغلب اللي يسافرون اروبا وبشهر اغسطس يحجزون فنادقهم قبل سنه
اغسطس فل الفل
كل شي فل
اللحق عمرك

طيب اخوي انا غيرت حجز العوده وصار من باريس .. يعني لازم تكون باريس اخر محطه واللي قبلها جنيف بما انها الاقرب ..ياليت تساعدني بإعادة ترتيب الخطه اذا ما اكلف عليك .. ماعندي الخبره الكافيه بالمسافات

ولايهمك
لكن
في هذي الحاله بنستغني عن يا:
فرايبورغ
او ديفون الفرنسيه

اختار علشان ارتب لك
باريس لها طريقين :
الاول من جنيف مرورا بديقون واوكسير 4 ساعات و 50 دقيقه
والثاني من سترازبورغ الفرنسيه و نانسي 4 ساعات و20 دقيقه

في انتظارك

عرضت على الوالد والاهل خطة السير اللي انت اقترحته لانه اعجبتي كثيير , لكن الاهل مصممين على تخططيهم الاول ومقتنعين فيه ف مالي الا اضبط لهم الحجوزات على المناطق اللي ترضيهم ..طبعا كل يوم يتغير التخطيط وانا الضحيه
اخر شي اليوم استقريت على هالخطه طبعا بدون تحديد الايام , اهتميت بالمسافات وترتيب المدن والدول واخر نقطه توزيع الايام ..
الخطه كالتالي :
ميونخ - زيلامسي - انترلاكن - جنيف - باريس ..
هذي المدن الرئيسيه بدون نقاط التوقف ..
يوم فرحت وخلصت قالوا الاهل يبون يضيفون احد مدن ايطاليا -فينيسيا-روما-فلورانس "بيزا" الاهم ..
ف مادري كيف بتكون الخطه الان ؟
وهل فيه امكانيه لزياره فينا ؟

ونسيت اذكر لك حاجه ..من ناحيه العوده الى الان المجال مفتوح , ما حددت محطه عوده معينه , مادري الافضل باريس او ايطاليا او على حسب الخطه !

بعد اذن صاحب اوضوع
اخوووي قايد عنادك ارسل لك رسالة في رسائل الزوار
الله يسعدك شوفها الله يوفقك محتااااجة مساعدتك بخصوص الشنغن
والله قاعد الاحقك ف المنتدى عجزت اراسلك

الاخت / الاخ كادي

صلو على محمد

س/حددو وجهتكم ؟
س/ كم يوم تبون؟
س/ ميولكم اقصد(طبيعه -مدن)
س/ الميزانية مفتوحه ولا محدوه؟

في انتظارك وكل شي بيجي على ماتحبون

تحياتي

الاخت كادي افضل بالنسبه للوجهه زي ما ذكرت لك ميونخ محطه الوصول ..
والحجز 24 يوم ان شاء الله ..
اما للميزانيه مفتوحة نوعا ما ..
اهم شي بالنسبه للاهل المدن اللي ذكرته لك قبل ^
وعموما ميولهم وسط .. بين المدن وبين الطبيعه ..
وايطاليا اذا عندك فكره عنه ودي ترشح لي الافضل من المدن و"الاقرب" ..
مع العلم ان حجز العوده مفتوح الى الان ما قررت .. برضو ودي تساعدني بهالنقطه ولا عليك امر ..






مشكور ججدا على تفاعلك وسرعه الرد .. اكرر امتناني

طيب
الوصول ميونخ
العودة روما
ميونخ 3 ليالي
زيلامسي 6 ليالي
ماينفيلد ليله
انترلاكن 5 ليالي
منترو 3 ليالي
ميلان 3 ليالي
فينيسيا بالامكان زيارتها من ميلانو وقضاء يوم كامل فيها
فلورنسا 3ليالي
بالامكان زيارة بيزا من فلورنسا
روما 3 ليالي

بالامكان التعديل اذا تبين

صوره للمخطط من قوقل ماب
https://www.google.com/maps?saddr=%D...mra=ls&t=m&z=6

في انتظارك

جمميلل جدا , لكن ميونخ بالبدايه لازم 5 ايام ..وباقي جنيف والاهم باريس ؟ الايام اغلبها لزيلامسي وانترلاكن .. اشوف ان كل وحده 3 ايام او يومين يكفي ولا ؟
وهل بالامكان استبدال ماينفيلد بقريه هايدي ؟
وفينا مافيه امكانيه يكون لها مكان بالجدول ؟
بغيت اسألك لو مشى الجدول على كذا اطول مسافه ممكن اقطعها بالسياره كم تقدر بالساعات تقريبا ؟
وبالنسبه لميلان وروما وفلورانسا كل مدينه يومين بدال ال3 وش رايك ؟تحمل كثرة استفساراتي

وسمعت عن سالزبورغ وفيلاخ بالنمسا ؟ قالوا لي المسافه قريبه بينهن وبين زيلامسي .. تتوقع اقدر اروح اخذ جوله بالمنطقه وارجع لزيلامسي بنفس اليوم ؟ اذا اقدر زودت الايام لزيلامسي ..رايك ؟

باريس بتكركب الجدول اذا حطيتها,,,,, = جدول جديد
ثاني شي في باريس شبه صعب استخدام السياره فيها
ماينفيلد هي قرية هايدي

اطول مسافة هي مابين ماينفيلد وزيلامسي 4 ساعات وحاجه

لو حطيت باريس كيف بتكون الخطه ؟لانها شبه ضروريه
تغيير حجز العوده من ميونخ كان عشان باريس ..
طيب ما يمكن تصير باريس المحطه الاخيره ؟
وتكون العوده منها وتسليم السياره بالمحطه اللي قبلها عشان الزحمه اللي هناك ..
وش رايك ؟

اوك
ميونخ 3 ليالي
منها ليله لزيارة قارمش
بادن 4 ليالي
منها زيارة قرى الغابات السوداء
باريس 5ليالي
ديقون ليله (للراحه)
لوزان السويسريه 3 ليالي
انترلاكن 4 ليالي
ميلان 3 ليالي
منها ليله لزيارة فينيسيا
فلورنسا 3 ليالي
منها ليله لزيارة بيزا
والمحطة الاخيره روما 3 ليالي

29 ليله

السياره خلوها معكم

مخطط الرحله قوقل ماب
https://www.google.com/maps?saddr=%D...mra=ls&t=m&z=6

يعني ما اقدر ازور كل القائمة اللي حاطتها ببالي لازم الغي شيي ؟ اللي هي ( ميونخ-زيلامسي-انترلكن-باريس-جنيف-ميلان-روما-فلورنسا)
والاشياء غير الاساسيه ( فيلاخ - سالزبورغ- فينيسيا- انسي الفرنسيه-فينا )
اعتذر كثرت عليك الاسئله واعادة الترتيب بس هي كذا السفرات العائليه .. كل واحد من افراد العائلة يفضل منطقة معينه

المشكلة في باريس هي اللي حايسه الدنيا

اي كنت متوقعه ..قبل كانت الخطه ميونخ - زيلامسي - قريه هايدي - انترلكن - جنيف - باريس
والخطه اني اسلم السياره في جنيف وبالقطار لباريس والعوده من مطار باريس الى الرياض ..
لكن ايطاليا استوجبت اعادة الخطه ..
كيف بيكون الوضع الان ؟

الوضع يا تستغنون عن باريس او ايطاليا
او بتصيرون تاكسي اروبا
انواع مسك الخطوط (ارهاااااااااق وقلق)

استخيرو ووكلو الله

حتى لو غيرت محطة الوصول ؟الى الان فيه امكانيه بتغيير محطة الوصول والعوده ..
اهم شي اقدر ازور كل المدن اللي ذكرتها لك
ججدا متحمممسه لها ..بالذات باريس و"بيزا" ايطاليا ..

اذا تبون تفرون فره كبيره عظيمه
رقم تسعه بالانجليزي

بسوي لك اللي تبين لكن ماانصح

اوك طيب لو مثلا .. كيف بتكون الخطة ؟ والمسافات ؟

هذا المخطط والقي نظره عليه

المصيبه هي من ايطاليا الى فرنسا
اذا وصلنا سويسرا يا نروح ايطاليا يا نروح فرنسا

https://www.google.com/maps?saddr=%D...mra=ls&t=m&z=6

من ميلان الى باريس كم المسافه ؟طيب مب ضروري تكون محطه الوصول والعوده ميونخ ..
الى الان المجال مفتوح للتغيير ..
يعني لو خليت محطه الوصول روما مثلا ! والعوده ميونخ او باريس ؟
وش رايك ؟

اوك
الوصول روما
3 ليالي
فلورنسا
3 ليالي
ميلان 3 ليالي
انترلاكن5 ليالي
انسي 3 ليالي
ديقون ليله
باريس5 ليالي
ميتز ليله
بادن 4 ليالي
قارمش ليلتين
زيلامسي 5 ليالي
سالزبورغ 3 ليالي
ميونخ 3 ليالي

وصلى الله وبارك على محمد

جمممميل , بس بغيت اسألك عن ..

المسافه بين انسي وديفون ..
وبين ميتز وبادن
وبين بادن وقارمش ؟


وبسألك عن نقاط التوقف اللي حطيتها لي بالذهاب والعوده لباريس , فيها فنادق كويسه واماكن او لا ؟
وسالزبورغ الغيها لضيق الوقت ؟وهل فيه امكانيه الغي بادن او قارمش ؟
واذا ماعليك امر ترسم لي خطه السير على الخريطه : (
لاني تقريبا اعتمدتها

بين انسي وديفون ساعه
بين قارمش وبادن 3 ساعات ونص.
ديقون بتحصلون فيها فنادق كويسه باذن الله

بالنسبة لقارمش وبادن هي طريقكم من باريس الى زيلامسي اللغائها مشكله
سالزبورغ ممكن تلغونها

طيب المسافه بين ميتز وبادن ؟

ولو اخلي بعد باريس ستراسبورغ وش رايك ؟
واذا ما كلف عليك ترسم خطه السير على الخريطه : (
الله يججزاك الف الف خيير ..
ما قصرت معي الله ييسر امورك ..

المسافة بين باريس وميتز مايتعدى 3 ساعات او اقل
وبين باريس وسترازبورغ حوالي ال5 ساعات

وهذا المخطط ياغاليه
https://www.google.com/maps?saddr=%D...mra=ls&t=m&z=6

جمييييل ..الف شكر لك ..
طيب اختصار للوقت وتوفير للايام وش رايك لو يكون التخطيط كذا :




(روما - فلورنسا - ميلان - انترلاكن- جنيف - باريس - بادن - زيلامسي - ميونخ )




اكثر مسافه راح نقطعها 500 كيلو تقريبا ولا ؟



وبغيت اسألك عن ديزني لاند .. كيف يكون وضعها ؟

المشكله ماهي بالمسافة اللي بتقطعونها
انا اعني وعورة الطريق ,,, السائق عندما يكون منهك ويسلك طريق وعر مشكله كبيره
اقرب مثال وانتم متجهين من ميلانو الى انترلاكن
المعروف ان ميلان مقاربه لسطح البحر ,, وتتجهون الى انترلاكن وتقع على ارتفاع يقارب 900 الى 1000 متر فوق سطح البحر معناه ان الطريق بيكون جبلي ويصدف تقلب بالاجواء امطار غيوم ضباب الخ

فالسلامه اولا وقبل كل شي

ايضا في طريقكم من بادن الى زيلامسي طريق وعر وجبلي (اقصد الطريق المار بأنسبروك وغارمش )
هناك طريق اخر من بادن الى زيلامسي لكن ستكونو مجبورين على المرور بميونخ

اذا انتم مصممين توكلو على الله
وتخطيطك ممتاز

طيب ممكن نمسك الطريق والنيه اننا نكمل مثلا واذا كان فيه وعوره او تعب وقفنا بنقاط التوقف اللي ذكرتها لي وكملنا اليوم اللي بعده .. سؤالي , تتوقع فيه فنادق يأجرون بنفس الوقت بدون حجز مسبق ؟لانه معنا اخواني الكبار ممكن يتناوبون بالسواقه ..
وبسألك عن الطريق الثاني من بادن الى زيلامسي مرورا بميونخ , وش ميزته عن اللي يمر بغارمش ؟

طيب وش رايك لو كانت العوده من النمسا .. زيلامسي - فينا ؟لان الان بالخطه هذي بنمر من ميونخ ونروح للنمسا وبنرجع لميونخ مره ثانيه عشان العوده للرياض ..
كذا ممكن يكون اختصار او لا ؟؟

المشاركة الأصلية كتبت بواسطة cadi19
http://www.arabtravelersforum.com/tr...6/#post8225046

طيب ممكن نمسك الطريق والنيه اننا نكمل مثلا واذا كان فيه وعوره او تعب وقفنا بنقاط التوقف اللي ذكرتها لي وكملنا اليوم اللي بعده .. سؤالي , تتوقع فيه فنادق يأجرون بنفس الوقت بدون حجز مسبق ؟لانه معنا اخواني الكبار ممكن يتناوبون بالسواقه ..









المشاركة الأصلية كتبت بواسطة cadi19
http://www.arabtravelersforum.com/tr...6/#post8225046

وبسألك عن الطريق الثاني من بادن الى زيلامسي مرورا بميونخ , وش ميزته عن اللي يمر بغارمش ؟





بالنسبة للسواقه بالتناوب
هذي لازم تكون بأوراق رسميه من مكتب التأجير ,,,, ولا بيسوون لكم البوليس مشكله
الفنادق اذا جيتو بدون حجز بيعطيكم السعر الاعلى ,, استغلال للحاجه

بالنسبة للطريق الاخر لزيلامسي مرورا بميونخ بيكون ممتاز اذا رجوعكم من فينا

يعني من بادن الى ميونخ والمبيت 3 ليالي
بعدين زيلامسي
ثم فينا وترجعون لارض الوطن

يعني وصولكم روما وعودتكم فينا

كذا اوكيه

جميييل .. كذا كل شي مضبووط وتمام ..المسافه ما ادري من ميونخ الى زيلامسي كم ؟
ومن زيلامسي الى فينا ؟

المشاركة الأصلية كتبت بواسطة cadi19
http://www.arabtravelersforum.com/tr...8/#post8225488

جميييل .. كذا كل شي مضبووط وتمام ..المسافه ما ادري من ميونخ الى زيلامسي كم ؟
ومن زيلامسي الى فينا ؟



المسافة من ميونخ لزيلامسى 3 ساعات

اقترح عليك المرور على هذا التقرير فيه جولات سياحية لزيلامسى
http://www.arabtravelersforum.com/travel746163/

ششكرا لك ما قصرتي ..الله يسعدك وييسر امورك ..

طيب على المدن اللي رتبناها مع بعض , تتوقع كم يوم يكفي بحيث ان كل مدينه تاخذ حقها ..


(روما-فلورانسا-ميلانو-انترلاكن-جنيف-باريس-بادن-ميونخ-زيلامسي-فينا)




مشكور ما قصرت ولك خالص دعواتي , ما انسى معروفك ..

المشاركة الأصلية كتبت بواسطة cadi19
http://www.arabtravelersforum.com/tr...8/#post8225888

طيب على المدن اللي رتبناها مع بعض , تتوقع كم يوم يكفي بحيث ان كل مدينه تاخذ حقها ..


(روما-فلورانسا-ميلانو-انترلاكن-جنيف-باريس-بادن-ميونخ-زيلامسي-فينا)

روما 3 ليالي
فلورنسا 3 ليالي وليله منها زيارة بيزا والعوده لفلورنسا
ميلانو 3 ليالي ومنها ليله لزيارة فينيسيا
انترلاكن 5 ليالي ومنها زيارة لوزان ومنترو
بدال جنيف حطي انسي الفرنسيه وتستحق ليلتين
باريس 5 ليالي
بادن 4 ليالي
ميونخ 3 ليالي
زيلامسي 5 ليالي
فينا 3ليالي


مشكور ما قصرت ولك خالص دعواتي , ما انسى معروفك ..

واذا احتجتي شي انا حاضر

كويس ججدا لو كانت اجازتي مفتوحه , لكن الدوامات بتجيبنا بالغصب

ف المده بتكون محصوره 24 يوم واذا كثرت 26 يوم : (
عشان كذا احترت بالتوزيع اكثر ..
وميونخ لازم 5 ايام لظروف عمل الوالد ..
ضيق الوقت عشان كذا طلبت مساعدتك ..
ولا عليك امر طبعا .. : (

4ليالي
اسحبيها من اي منطقه تحبين

فيينا 2زيلامسي 2
ميونخ 5
بادن 2
باريس 4
جنيف 2
انترلاكن 3
ميلان 2
فلورنسا 2
روما 2








وش رايك ؟ : (

والله يا أختي
لو الجدول هذا لي انا ,,,, بنهلّك

متعب مره ياغاليه ,,, دامه جايز لكم ومنحدين عليه ,,,, الشكوى لله

كان ودي الغي وحده من مدن ايطاليا واكتفي بثنتين ..وودي الغي بادن كمان ..
بس المسافات تجبرني ان الخطه تكون بهالشكل .. او لا !


مع العلم اني بسلم السياره في بادن واروح لباريس بالقطار والعوده من باريس الى جنيف بتكون بالقطار بعد ..
واستلم سياره من جنيف ..

تسليم سياره واستلام اخرى مكلف عليكم

شوفو لكم سكن في اطراف باريس يوفر مواقف وحطو السياره فيه

مكلف من ناحية ايش ؟ القيمه ؟

طيب ما جاوبتني اذا اقدر الغي شي من الخطه من دون ما ياثر على المسافات ؟
مثل احد مدن ايطاليا او بادن ؟ : (

المشكله انك تبين باريس في المخطط وهي اساسيه بالنسبة لك
هي النقطة العمياء في المخطط

بالضضبط هذي المشكله ..طيب وش رايك لو الغي النمسا مثلا !
وتبدا الرحله من ميونخ ؟او مثلا نبدا بالنمسا بعده ايطاليا ثم سويسرا .... الخ " اعكس الاتجاه"
او الغي روما وفلورنسا وتنتهي الرحله من ميلان ؟
مع ان زيلامسي وروما حسافه بس الشكوى لله .. اهم شي الترتيب ..

كذا اوكيه
البدايه ميونخ
والنهايه روما

وتزيد الايام في كل مدينه وقريه وتستمتعون اكثر

شاوري اخوانك واذا اتفقتو اعطيك جدول ولا اروع