المشاركة الأصلية كتبت بواسطة honeyMooner
http://www.arabtravelersforum.com/tr...5/#post2172645

يا هلا اخوي , البيبي شارك لا يستحق الخوف ابدا ابدا و احنا يوم شفناه كنا باول البحر بجانب الشاطيء يعني يوصل شبر و نص تقريبا بس لا تحاتون ما عنده اسنان حسب ما سمعت و خواف جدا جدا ..
لا اتقول حق المدام عن الموضوع عشان ما اتخربون على نفسكم :109:

وضع السباحة مثل ما قال اخونا جامعي كل واحد اب حاله و اغلب الوقت احنا نسبح بروحنا الباجي يطبون 5 دقايق و بعدين يتشمسون , غضوا بصركم عنهم و مالكم شغل فيهم و لا اهم لهم شغل فيكم :24: و خاصة ان احنا رايحين اب لو سيزن فما اتشوف وايد ناس اب وله مكان كل مكان تقريبا خالي و تحس بالخصوصية :101:

باروس طلع افضل من ما تخيلت بكثيييييييير و اذا شفتوا صور جميله ترى المالديف احلى من الصورة.. اتوقع لو رايحة باروس و انا مادري عنها اي شي اكيد اونس لان بتتفاجا بكل شي تشوفه مو حافظ و عارف كل شي بس بالنسبة لي اشوي صعبة يعني اهي روحة وحدة مادري اذا بروح مرة ثانية ولا لأ فلازم اتاكد من كل شي بالجزيرة فراح اعرف الكثير عن الجزيرة

و مشكور اخوي على الاسئلة اللي خليتني اوضح فيها اشياء مهمة و الله يسعدك مع كوبلك



مشكوره اختي على التفاعل السريع مع الاخوان وماشاء الله عليكي اول باول الله يجزاكي خير ويسعدك:24:

هههههههه:109: .. حكاية ان البايبي شارك هذي ان ماعنده اسنان ماني متاكد منها ولا حاب اتأكد واشك فيها بس عنده ولا ماعنده براحته :108:
اهم شي لا تشوفه زوجتي عشان هي ماشاء الله مراا شجاعه:36_6_7:



بالنسبه للخصوصيه في السباحه .. اكيد احنا مو بالجزيره لحالنا بس يعني قصدي فيه الخصوصيه باوقات معينه الي هي تخليها تنزل البحر بملابس سباحه عاديه؟؟ ولا هذي ماتصير الا بالووتر فيلا؟ ولا مرا ماتصير..



عن النقطه الثالثه (باروس ) بارجع اسألك بس بعد مانشوف الجزيره الثانيه ( قلتلك الله يعينك على الاسئله:109: ).. بس انشاءالله ماتكون الحلقة الاخيره:108:
وانشاء الله ماتكون هذي الزياره الاخيره لكي للمالديف ووقتها مالك عذر عاد بتروحو جزيره ماقيد انكتب تقرير عنها وانشاءالله تطلع احلى من باروس:24:


صحيييح... ماذا عن النشاطات الرياضيه؟؟ يعني جيت سكي, الامور هذه؟؟ سمعت في بعض الفنادق فيها براشوت كيف باروس ؟؟

بس يكفي:101:
ومشكوره مقدما...

مواضيع عشوائيه ممكن تكون تعجبك اخترناها لك: