الزحليقة الصيفية زيلامسي
احداثيات زحليقة زيلامسي
N47 25.305 E12 48.838
مرحبا الساع
شحالكم اخواني و خواتي ؟ عساكم بخير :24:
:
:
اليوم بخبركم عن مكان يديد و مميز في النمسا و من اكتشافاتي الصيف الماضي ^_*
كنا طالعين من ميونخ و سايرين زيلامسي و في نص الدرب شفنا منطقة فيها ألعاب يهال و شكلها سياحية و قلت حق ابوي يوقف بنستكشف المكان لوول
و يوم نزلنا شفنا زحليقة صيفية و منطقة ألعاب أطفال و فندق ريفي ..
المنطقة اسمها Durchholzen تقع في اقليم Tirol في النمسا .. تبعد ساعة عن ميونخ و ساعة و نص تقريبا عن زيلامسي يعني على حدود النمسا و ألمانيا
الزحليقة الصيفية رووووعه تجنن حق الصغار و الكبار لا تفوتونها اسمها Sommerrodeln in Durchholzen
و هي عبارة عن مرحلتين ، المرحلة الاولى الزحليقة و المرحلة الثانية فوق عباره عن مطل و كافيه ريفي رهييب يطل على المناظر الطبيعية و البحيرات و الجو خباال و عندهم آيسكريم لذييذ يمي يمي p:
و حتى الفندق الموجود في نفس المكان وايد حلو و نظيف و نظامه ريفي .. انا ما دخلته بس شفته من برع و صورته و يوم دخلت موقعهم على الانترنت الصراحه عيبتني الغرف و رخيييصه وااايد !!
اسم الفندق Brandauerhof و مكانه مجابل الزحليقة بالظبط .. عندهم نوعين من الغرف ، غرفة حق شخصين و غرفة عائلية حق 4 أشخاص :
هذي الغرفة الدبل حق شخصين و سعرها ما بين 31 و 34 يورو حسب التاريخ يعني تقريبا 195 درهم إماراتي ..
هذي الغرفة العائلية تكفي حق 4 أشخاص و نفس السعر تقريباً 195 درهم
هذا المنظر بشكل عام في الصيف ^_^
و هذا موقع الفندق على الإنترنت : http://www.brandauerhof.com/
و الحين بروايكم صور الفندق من برع بتصويري
:
:
الحين بنشوف صور المناظر و المكان بشكل عام بعدستي و اذا شفت تفاعل بكمل عن الزحلاقية و المطل و الكافيه اللي فوق القمة ^_*
/
/
انتظروني في الجزء الثاني ( اذا شفت تفاعل ) ..
* على فكرة انا كتبت الموضوع في منتدى آخر و نقلته لكم بس انا صاحبة الموضوع :24:
و السموحة على القصورمواضيع عشوائيه ممكن تكون تعجبك اخترناها لك:
- المانيا نمسا سويسرا
- طـيـران الاقتصادي وموقع لتأجير السيارات
- مصروف الشخص في زيلامسي وماحولها ؟ جهاز القارمن ؟
- استفسار بسيط
- رأيكم ف الجدول والتكلفه وكم استفسار جزاكم الله خير
- استفسار عن الرخصه الدوليه و بعض الامور
- الرجاء المساعدة في التخطيط لرحلة النمسا وسويسرا وإيطاليا
- الزحليقة الصيفية في سالفالدينتقرير مصور
- بروح النمسا ماعرف شي هناك
- افضل الفنادق والسكن في سالزبورغ
- ليمونة بين طبيعة وبحيرات ميونخ وزيلامسي
- استفسار بخصوص السفر الى نمسا
- شهر العسل في النمسا ارجو المساعده
- اتمنى مساعدتي ببرنامج سياحي للنمسا والمانيا وفرنسا
- فزعتكم في الطريق
- رحلة لشباب ارجو المساعدة عاجلا الرحلة في نهاية مايو
- شهر العسل في اغسطس
- ترتيب خط سير رحلتي لشهر العسل
- مساعده في اجوبة لجدولي السياحي
- استفســـآر
رد مع اقتباس
المشاركة الأصلية كتبت بواسطة ماجد الفهد
المشاركة الأصلية كتبت بواسطة Mr.LG
المفضلات