الموضوع: فندق شرايكم

اسلام عليكم ورحمه الله وبركاته

يا اخواني و اخواتي الاعزاء اود ان اخذ رايكم و شوركم بخصوص هذا الفندق Seven Sands Hotel Apartment ( سيفن ساند ) موقعه في البرشا بالقرب من مول الامارات

هل هناك احد في المنتدى سكن فيه او سمع عنه

ارجو مشاركتي باي معلومه لديكم

شكرا و جزاكم الله خير

مواضيع عشوائيه ممكن تكون تعجبك اخترناها لك:

• مينك مارينا للشقق الفندقية
• سينما دبي بسرعه وللاهميه
• استفسارات مهمة رجاءً افيدوني
• تحذير والعلم عند الله ؟
• استفسار اخواني أهل الإمارات الأكارم
• افتتاح منتجع «بارك حياة» في جزيرة السعديات منتصف أكتوبر المقبل
• من راح قريب لدبي
• منتجع قصر السراب من أنانترا في صحراء الليوا
• هذه هي دبي في أرقام مجلة الترا ترافيل
• هل يوجد رسوم لمواقف السيارات في مطار دبي والشارقه ؟؟؟؟؟
• اي من هالفنادق تنصحوني ؟؟
• فيزا تقدّم مكافآت لحاملي البطاقات الذين يزورون دبي على متن طيران الإمارات
• روتانا تعلن افتتاح سنترو الشارقة
• ما هي الاماكن السياحية في دبي
• احتاجكم يااهل الخبره
• خبر عاجل لطيران الامارات
• استفسار عن فنادق قريبة من مولات
• مطلوب أحلى اسبوع عسل فدبي سرييييع
• شوركم و هداية الله
• فندق

بعيد حيل وفي منطفة " بناء " انواع الازعاج ..

انا سكنت فيه اخوي فعلا يعتبر بعيد عن وسط البلد وبعدين الين توصل لوسط البلد حدود ساعه بالطريق رايح وساعه راجع وانا لما سكنت فيه كان الاثاث مقبول لكن مواقف السياره كانت ضيقه وغير مرتبه وتشوف اثاث قديم مرمي فيها وابدا ماتحس انك في فندق مافيه اي خدمه يقدمها لك الفندق المطعم لازم تنزل تحت وتاكل ويقفل من وقت مبكر وعلى فكره الاسعار مبالغ فيها نصيحتي لك دور غيره

هلا أخوي الإستشهادي ...
أنت ليش تدوخ نفسك بكثرة الإسئلة .. و الرد جايك أصلاً من شخص سكن نفس الشقق و ما أرتاح فيها !! على طول عمل شيك أوت !!! و إذا كنت ما شفت رده عليك ستجدها أنا قمت بنسخه ..

اقتباس:
المشاركة الأصلية كتبت بواسطة الاستشهادي http://www.arabtravelersforum.com/tr...7/#post3401883
هلا اخوي و الحمد لله على السلامه

عندي سؤال حول شقق سفن ساند Seven Sands Hotel Apartment

شنو تقيمك لها و شنو الشي الي ما عجبك فيها , هل الشقق نظيفه , هل الحمام (اعزكم الله) نظيف
انا ابحث عن مكان نظيف للنوم ولست ابحث عن الفخامه

هل بها كل الاشياء الازمه مثل الثلاجه التلفزيون و المطبخ

و ارجو سماع الاجابه منك في اقرب فرصه لاني لازم اخلص الحجوزات عما قريب

شكرا





من رد Alhtn
مرحبا بك اخوي وعذرا على التأخير

بالنسبه لSeven Sands Hotel Apartment والله مأدري وش اقولك ,,,طبعاً انا اخذت عرض عليها من موقع بوكنق

شقه /غرفة نوم وصاله ومطبخ وحمامين(اكرمك الله) مع افطار لشخصين ب 239 درهم ,,والشقه تحتوي على

شاشتين lcd واحده في غرفة النوم والاخرى في الصاله ,,

عموماً الشقه نظيفه والحمامات نظيفه ويوجد بها ثلاجه تلفزيون وغسالة ملابس وميكرويف وكهرباء عشان النت مجاني

وملاحظاتنا هي
الاسره لم تكن مريحه وهذا طبعا تقييم شخصي ,, ولاحظنا ايضا وجود رائحه في غرفة النوم كأنها رائحة هنود
وغير كذا انا لم ارتح لمنطقة البرشاء

بشكل عام الشقق ان شاالله بترتاح فيها واتمنى لك رحله موفقه





و هنا رابط المشاركة ... http://www.arabtravelersforum.com/travel330707/......

شكرا يا اخوان على التواصل والمعلومات

بالنسبه للمسافه اعتقد انه قريب من مول الامارات في منطقه البرشاء , وانا حتى اذا لم اسكن في هذا الفندق يمكن اسكن في روز قاردن القريب منه , يعني بالنسبه للمكان مو مشكله منطقه البرشا , بعيد عن زحمه ديره و بر دبي

حى الله الراهي : تسلم اخوي على المشاركه و تعبتك معي .

بخصوص الرد في الموضوع الاول ..... شفت الموضوع قبل ما اسوي هذا الموضوع و ماشفت رد على السؤال ...(لاحظ ان وقت وتاريخ كتابة هذا الموضوع قبل رد اخوي alhtn على سؤالي , بعد عشان اشوف اكثر من راي.


لاني بحثت عن بعض الاراء في مواقع اخري مثل اجودا و بوكنج و ادفانس تب , وشفت ان الناس عطو الفندف علامه 7.5 من عشره ,يعني اوكي وفي اراء كثيره تمدح فيه
فحبيت اشوف راي الاخوان هنا


بيني وبينك حصلت عرض رائع في بوكنج بسعر 239 درهم مع الفطور و الضريبه

شرايك في الموضوع

هلا أخوي الإستشهادي ....
و صدقني و الله ما فيه تعب و لا شئ بالعكس الجميع هنا علشان يفيد و يستفيد
و أنا يوم شفت رد Alhtn قلت في نفسي أكيد ما أقتنع بالرأي و يبغى أراء زيادة ...!!
على العموم أنا بالنسبة لي رأي المجرب يساعدني في إتخاذ قراري بنسبة كبيرة على الرغم من إختلاف الإراء
يعني لو تشوف تقريباً في قسم الإمارات قليل اللى تكلموا عن هالشقق على العكس من شقق روز قاردن الكل أجمع على إنها أفضل خيار من حيث النظافة و السعر و الموقع .. فإن إجتمع في الموقع كل هذا المواصفات فلماذا التردد ؟
بالنسبة لرأيي في العرض لشقق Seven Sands بــ 239 درهم شامل الفطور و الضريبة بصراحة سعر مغري لإن موقع بوكينق دايم عروضهم بدون الــ %20
وشوف الإراء من النزلاء اللى كتبت في موقع بوكينق كلهم عندهم ملاحظات و تركزت على الأكل !! و التكييف و الرائحة !!
يعني الرأي لك أخوي .. و بالتوفيق أخوي و أتمنى لك رحلة سعيدة

موقع الشقق قدام روز قاردن .,
بس بالنسبه لنظافتهـا .! ماعندي علم والله .,

روح وجرب بنفسك ولو ماعجبتك روح روز قاردن

يسعدلي مساك اخوي واسمحلي بالتطفل على موضوعك ..

نسيت اذكر حاجه ,,صوت المكيف في الشقه مزعج الى حد كبير ,,ومروحة الشفط الموجوده في المطبخ تعمل 24 ساعه وصوتها المزعج يجيب الهم ولايمكن اطفاؤها ابداً (هي مصممه هكذا)

تسلم اخوي على التوضيح

خلاص شلت هذا الفندق من بالي ... وعلى قولتهم روح بعيد وتعال سالم

حصلت كم تقرير في المنتدى يمدح في فندق كرانديور وسعره في البوكنج ب 224 درهم بدون الضريبه يعني مع الضريبه بكون 20 تقريبا (الضريبه 20% صح)

او مالنا الا روز قاردن .... انا ابعدت روز قاردن لسبب اني ابحث عن سعر اقل لتخفيض مصاريف الرحله و السبب الثاني اني اتوقعه زحمه و الطلب عليه مولع نار




شكرا