الموضوع: تفضلوا ولكم مني الدعاء

السلام عليكم ورحمة الله وبركاته

أسعد الله مسائكم بكل خير وعطاء

أحبتي لدي استفسار

ان شاء الله وصولي لميونخ سيكون 9:30 صباحا

هل أواصل الى زيلامسي مباشرة

أو أريح بميونخ ليله

ولو تشيرون علي النوم بميونخ ياليت ترشحون لي سكن

قريب من اهم معالم ميونخ عشان ازورها في ذي الليله

مع العلم ان اسرتي مكونه من شخصين وطفل

الاستفسار الثاني

هل استلم السياره من فرع المطار يوم الوصول

او من بكرا وقت ذهابي لزيلامسي من فرع يكون قريب من السكن الي اسكن فيه

سيارتي من يورب كار

جزاكم الله خير الجزاء
ورزقكم من واسع فضله

مواضيع عشوائيه ممكن تكون تعجبك اخترناها لك:

• مدينة العاب قريبه من فرانكفورت
• أماكن بيع أدوات الرحلات
• رشحولي شقق في ميونخ بليز
• إستفسار عن كيفية التقديم للفيزا الألمانيه بنفسي
• بوصل مطار برلين وش القرى الي حواليه والمؤديه الى زيلامسي ؟؟
• استبدال عملة الريال باليورو وأنا متجه الآن للنمسا
• منطقه محطة القطار في ميونخ
• ماهي أجمل مدن الغرب الألماني
• ابي اخذ رايكم في مسار رحلتي
• ثــــــلوج المانيا من تصويري
• رايكم بترتيب الجدول
• الفنادق التي تم اختيارها عطونا رأيكم
• برنامج سياحي لخمس ايام في فرانكفورت شهر عسل
• السكن بين هيدالبيرق وفرانكفورت
• كلاكيت ثاني مرة استفسار بخصوص السيارة
• يااهل الخبرة محتااجه مساعدتكم
• ما الحل مع فوبيا الطيران
• رجاء مساعدتي عن المواد الغذائيةة
• حان موعد السفر
• الرجاء المساعده افيدوني

نام بالطياره زين ,,, من توصل على طول لزيلامسي

السياره استلمها وسلمها بالمطار

يعطيك العافيه

مشرفنا الغالي

كيف امكانية دخول الادوية المعتادة للاطفال

لو حبيت اخذها معي للطفل

هل الالمان يدققون

مر المستشفى وخذ وصفه مختمه من الدكتور (بختم الدكتور ) ولا عليكم شر

مايجيك الشر

يالغالي ماقصرت

الله يوفقك ويرزقك و والدينك الجنه

وجميع من يقرأ

مشرفنا الغالي ممكن ترشح لنا سكن من باب الاحتياط لو بغيت أنام بميونخ

سكن لشخصين وطفل يكون قريب من معالم ميونخ عشان امشي من بكرا لزيلامسي

دمت بود

بوركت من الموبايل

ما قصر مشرفنا الغالي قايد عنادك واسئل الله تكون في موازين حسناته

بعد اذن اخوي الغالي قايد شوف اخو اذا تبي تسكن في ميونخ وبعدين تروح للنمسا افضل يكون السكن قريب من مكتب الايجار لان السواقه في المدن شوي صعبه
اذا حجزت في محط القطار المركزيه افضل والفنادق القريبه منه فندق لي مرديان و فندق السوفتيل قريب من محطه القطار وقريب من السنتر والاسواق عشر دقايق مشي

الله يجزاك خير اخوي عزام

طيب غالينا

هل الأفضل استلم السيارة وقت وصولي من المطار. او اليوم الثاني

وهل يوجد فرع ليوروب كار بمحطة القطار الي تقول عنها

دمت بود من الموبايل

بالنسبه لي افضل من المطار اذا كان وصولك في النهار وشبعان نوووووم زي ما قال قايد عنادك
اماااذا مرهق ووصولك في الليل افضل من وسط المدنيه


نعم يوجد مكتب لليوورب كار و سكست واغلب مكاتب التاجير


صورة من الموقع
http://www.up-00.com/http://www.up-00.com/

السلام عليكم ورحمة الله وبركاته
انا اشوف انك تستاجر من المطار وتريح راسك وكانه على السواقه والكلام ذا الامور سهالات وسواقتهم مثلنا واحسن ومنظمين بعد
واذا قصدك تستاجر من المدينه عشان الفلوس تراها ما تفرق واجد

واشوف بعد لا تروح زيلامسي على طول اجلس في ميونخ وخذ لك فره فيها تراها حلوه

والسكن دام معك سيارة ما يفرق بعيد ولا قريب

حبايبي عزام و. عبدالله

الله يبارك فيكم وفي أهلكم ومالكم

بالنسب لوصولي صباحا بس عشان اول مره أجي ميونخ وسهرانين قلت أشوفها بالمره فرصة

بالنسبة للسيارة أنا هدفي أني طالما راح اجلس بميونخ وبا ستاجر فندق بوسط المدينة فما احتاجها الليله الاولى

لكن وش الاختيار الي اختاره من يورب كار معليش سامحوني لغتي بسيطه دخلت ولا عرفت اي خيار الي قريب من محطه القطار الي جوار فندق السوفتيل ؟


وبالنسبة للفنادق هل لو صلتهم قبل الساعه 12ظهرا يدخلوني وإلا مره شديدن مع العلم ان يوم وصولي الثلاثاء 25 مارس


تحياتي ودعوا تي لكم بظهر الغيب

دمتم بود من الموبايل

ليت احد يفيدني الان عشان احجز

ومتى دوامهم الصباح مكتب التاجير يورب كار الي بمحطة القطار

حبايبي عزام و. عبدالله
الله يبارك فيكم وفي أهلكم ومالكم
وفيك يارب
بالنسب لوصولي صباحا بس عشان اول مره أجي ميونخ وسهرانين قلت أشوفها بالمره فرصة
100% كلامك
بالنسبة للسيارة أنا هدفي أني طالما راح اجلس بميونخ وبا ستاجر فندق بوسط المدينة فما احتاجها الليله الاولى
كلامك في السمبتيك نفس تخطيطي العالم
لكن وش الاختيار الي اختاره من يورب كار معليش سامحوني لغتي بسيطه دخلت ولا عرفت اي خيار الي قريب من محطه القطار الي جوار فندق السوفتيل ؟
تفضل طال عمرك
Munich Railway Station
بخصوص وقت دوامهم من الساعه 9 الصباح انت راح تكون موجود قبل استلام يبوم روح لهم ترا قريب منك واسئلهم انا العام استلممت السيارة الساعه 9 ونص صباحا
وبالنسبة للفنادق هل لو صلتهم قبل الساعه 12ظهرا يدخلوني وإلا مره شديدن مع العلم ان يوم وصولي الثلاثاء 25 مارس
والله على حسب اخلاق موضف الاستقبال لكن الاكيد ان الدخول والخروج الساعه 3 ظهرا لكن انت خذ كم لفه حول الفندق وخلي الشنط في اللوبي وامرك تمام انشاالله
تحياتي ودعوا تي لكم بظهر الغيب

هلا بك يالغالي

اخوي عزام

ممتاز تم الحجز على نفس الفرع الي كتبته


طيب يالغالي وش رايك في فندق كويس وقريب من المحطة غير

السوفتيل والمريديان تنصحني فيه

شاكر لك سعة خاطرك

والله يا خوي ماجد ماقدر اعطيك اي فندق انا ما أعرفه والا الفنادق القريبه من محطة القطار كثيرة
لكن انا سكنت في فندقين الفندق الاول اللي هو لي مرديان لمن جيت موينخ واستلمت السيارة
والفندق الثاني لمن جيت ابي اسلم السيارة عشان طالع لباريس والفندق الثاني هو مو قريب مره من محطة القطار يعني عشر دقايق مشي تقريبا
وبصراحه ممتاز الفندق لاني جربته

اســـــــــــــــــــــم الفندق
Eurostars Book Hotel


رابط الفندق في بوكنق
http://www.booking.com/hotel/de/euro...ml?aid=1329869



موقع الفندق عن محطة القطار

https://s.yimg.com/qn/up/travel/1/1/...e0a6358587.png

بخصوص خيارت اكثر للفنادق في طريقة انك بعد ما تفتح الرابط حق الفندق في بوكنق راح تلاقي عند اسم الفندق عرض الخريطه
بعد ما تحط التواريخ راح يطلعك الفنادق المتاحه واسعارها وكذا انت لك الحوريه
اقراء تقيم النزلاء ولا تاخذ برايهم كثير اهم شي اقراء السلبيات
واذا جازتلك وما تفرق معك توكل على الله عز وجل

واي استفسار انا حاظر
ورحله سعيدة موفقه يارب

الله يبيض وجهك

يالغالي

ما قصرت وأخذت برأيك برضوا بالسكن وحجزت بمريديان

عاد راح اشيك ع طريقة الوصول له من المطار

بارك الله فيك وفي اهلك ومالك

وجميع من يقرأ

دمتم بود من الموبايل

بالتووفيق ياارب
نسيت اقوولك انتبه التلفزيون اللي بالغرفه بفلوس بحدود 20 او 10 يورو لا تفتحه كلها افلام اجنبيه وفيه قنوات لاني فتحت الافلام على بالي ببلاش ولمن سويت تشك اوت قالو حساب الفلم مع الرغم ما شفته
بس حبيت انبهك عشان الاهل لا يفتحونه وتحمل عليك مبالغ


ورحله موووفقه ياارب
ومشكور على الدعااء

زين قلتلي

شكلي بأغطيه بشرشف ههههههههه


بوركت يالحبيب

ماقصرت جعل والدينك بالجنه ومن يقرأ