الموضوع: عندي ابتعاث دبلوم من يساعدني باختيار الجامعهبنت الصقورامباكت ارجو المساعده

اسعد الله اوقاتكم...

عندي ابتعاث من ارامكو دبلوم سنتين ماقبل الجامعه..

تخصص نظم ومعلومات اداريه
(bussines)
managmant information system

بصراااحه تعبت وانا ادور وماالقيت جامعه تدرس الدبلوم مع العلم اني اخذت التوفل 510 زي ماطلبت مني ارامكو فوق 500 والشركه تقول لي ابحث عن الجامعه اللي تناسبك وحنا نسجل لك فيها...

طبعا اكيد ودي نكون بولايه امنه والمعيشه فيها معقوله..
لان موعدي مع السفاره بعد 3 اسابيع:114:
وحتى لو ماحصلت شروطي عاادي اهم شي الاقي الجامعه وتنحل ان شاء الله
ياليت اللي عنده خبره يساعدني مشكووووور:108:

مواضيع عشوائيه ممكن تكون تعجبك اخترناها لك:

• جامعه من يدرس فيها
• دقوا علي السفاره مره ثانية يقولون
• دعوة لكل طلاب الماجستير حاسب الي بالدخول لتبادل الخبرات حول الجامعات الأمريكية
• ترشيح فنادق في لندن ومعاهد
• ارجواااا المساعده
• هنالك أمل للبكالوريوس
• محتارة اي سنة افضل ؟ بلييييزززز الكل يدخل
• ما هي مواصفات العائلة التي اسكن عندها
• عاجل تأجيل البعثات الى اغسطس
• موضوع تفاعلي برنامج خادم الحرمين الشريفين للابتعاث الخارجي
• تأشيرة دراسية للسعوديين
• النقاب والتعليم في ايطاليا
• سان فرانسيسكو لمن لديه العلم والخبرة
• مهم للابتعاث
• رفضوني السفاره ابي مساعده لو سمحتوو
• مصيبة في ولاية فرجينيا
• دراسة في كاليفورنيا بليييز
• كليه الحقووووووووووووووووووق
• خطوات البعثة كاملة من بداية التقديم على الجامعات وحتى ما بعد قرار الابتعاث
• الامبراطور يعود اليكم بعد طول غياب

بالانتظار مشكوريين

ليش تحديدا ً دبلوم ؟؟


على العموم فيه المعاهد التقنية في امريكا هي اللي تعطيك دبلوم حاول تبحث عنها وشكرا

الشركه ابتعاثها لي دبلوم...

المشاركة الأصلية كتبت بواسطة Zeelamsee
http://www.arabtravelersforum.com/tr...1/#post1948631

الشركه ابتعاثها لي دبلوم...



عفوا يعني انت خريج ثانويه عامه ؟ كم صارلك متخرج ؟

ايه تخرج ثانويه عامه ومن زماااان عمري 36
يمكن عام 93

على حسب علمي مافي جامعه في امريكا تعطيك دبلوم ..

اقل مؤهل في الجامعات هو البكالوريوس

بانتظار رد الاخت بنت الصقور مشكووره

يرفع بالانتظار

ايه قول Associate degree ... نعم موجوده في كثير من colleges ... بس حدد الولايه اللي تبيها ... شوف هالرابط ... http://www.usastudyguide.com/uscommunitycolleges.htm

الله لا يهينك عندي كم استفسار اذا وقتك يسمح بالاجابه...

ان شاء الله بكون بامريكا السيمستر الجاي في اوقست ان شاء الله والى الان ماحددت الجامعه بس ودي بافضل الولايات من ناحية الامان والجو المعتدل نسبيا والمعيشه المعقوله يعني مستعد ادفع الى 1000 دولار للسكن شهريا مع العلم ان معي زوجتي وبنتي صغيره الله يحفظهم...
كثير اقترحوا لي كاليفورنيا ابي رأيك ورأيك بعد ب كليفلاند و اوهايو وانديانا وفلوريدا بس متخوف منها يعني مابي زلازل ولا اعاصير ولا فيضانات...
واذا عندك اقتراح غيرهم افيدني...

بالنسبه للرخصه كيف اقدم عليها والسياره وشراءها من وين افكر بايباي؟؟

زوجتي وبنتي مارح اخذهم معي الى ان اضبط وضع السكن والسياره والرخصه وبشوف اقرب اجازه واجي السعوديه اخذهم ودي تقولي عن الاجازات الرسميه واقرب اجازه واذا فيه قبل الكريسماس ومدتها...
بالنسبه لفيزا زوجتي اقدر اقدم لها من امريكا على على الفيزا او من السعوديه لان موعدي مع السفاره خلال الاسبوعين الجايين وزوجتي للان ماحددت متى باخذها عشان كذا مارح اقدم لها من الحين؟؟


جزاك الله خير ووفقك الله

ورايكم ب سياتل

السلام عليكم ورحمه الله وبركاته

في بداء البد اهني المنتدي الاكثر من رائع وصراحه انا كنت ادور على منطقه في بريطانيا في المنتدي وقلت خلني اشوف قسم امريكا كيف صاير في العرب المسافريين لاني من زمان عنه

اخي صاحب السؤال شكلك املك داعيه لك حبيب قلبي يوجد كلية تمنح درجه المشاركه وهي ما يسموه

بالسعوديه دبلوم عالي وهذا الكليه في المستقبل اذا حبيت تكمل بكارييوس اكثر من جامعه تعتمد موادها

وانا اخوك انا ادرس من امريكا من سنتين وعندي دبلوم ولي خبره في وجع راس المعادلات وابشر بسعد

يوجد كليه اسمها Owens Community College وهذي تعطيك دبلوم في

Business and Information Systems

والكليه جدا ممتازه حيث اني ادرس في جامعه The University of Toledo

واذا قفلت عندنا الكورسات لكتفاء الطلاب ولزم انزل الماده يسمحون لنا نخذها في هذي الكليه

والكليه ممتازه من جميع النواحي وبطاقم التدريس

اما بالنسبه لمعيشه فاذا تبي فله يوجد عندنا فلل في توليدا وفي حي جدا راقي من 900- 1250

وهذي الفلل لو تروح شيكاكو او نييورك امكن تاخدذها على 2500-3000 اذا ما كان اكثر

نجي للموقع المدينه اذا انت من الي يحبون التمشيات والمطاعم العربيه

يوجد في مدينه توليدا 3 مطاعم عربيه 2 سبورماكت عربيه

حولنا ديتروت وديربون وتبعد عنا 45 دقيقه وتوجد فيها المكولات الشاميه عند اهل الشام والمندي وخلافه عن اهل اليمن

اما شيكاقكو تبعد عنا 3 ساعات

نيويوك 8 ساعات

واشنطن دي سي 7

كندا 4 ساعات

شلالات نيجر 3 ساعات


والاهم من هذا الجار قبل الدار وانا اخوك عندنا جامع كبير تقيم فيه الصلوات غير كذا اخونا العرب قلوبهم على بعض بفرق عن بعععععععض الولايات الاخر

ايضا بما انك متزوج يوجد من خيره العوائل السعوديه

والنسبه العنصريه لا توجد عنصريه حيث يوجد نساء متحجبات حجاب كامل ولا احد يستنكر عليهم


بالنسبه انك تجي لحالك او مع اهلك جب اهلك معك ونحن نقوم بالواجب ولا تاخذ هم لو تبي تستقبلك بالمطار يسعدنا اناا نخدم ابناء الوطن انت امر وحنا بالخدمه



وانا اخوك هذا الي يحصرني حاليا واي سوال او خدمه نحن بالستعداد ودعواتك لنا التوفيق وفي ظهر الغيب

ملاحضه : اخوي انا ماني راعي منتديات فذا ما رديت عليك ارسالي على الخاص بجيني اميل وشيك

هذا والله أعلم ....